earthfunEAT的个人专页

去完北角的銀行辦事，就係5月20日這個浪漫的日子去食餐燭光晚餐。早幾年去過大館果間，今次呢間就係電車路再入半條內街，要上少少斜路，外形裝潢比起中環店更氣派，有d似去咗外國的西餐廳😊Menu好多選擇，drink，main，appetizer，snack等等都有，由於太多選擇，結果我地就揀咗dinner set，1個價錢$398包晒有soup, appetizers, main, sides and dessert.生牛肉他他比較少有的頭盤，食過D處理得唔好，入口好腥的他他。這次的他他沒有味，用湯匙拔小小，鋪係面包上一口放進口中。阿根庭檸汁醃蝦要成為合格的前菜，開胃的功能少不了，這碟帶有檸檬汁的原隻大蝦便可以了，小蕃茄、大蝦、紅蔥等配搭得宜。香煎比目魚比目魚新鮮的話，其實不需要太多調味料。That’s why這個菜式全名叫香煎比目魚配羅旺斯雜繪及羅勒葉。廚師煎魚的火喉剛好，魚皮香脆，魚肉微熟，白肉配紅噹噹的雜菜，Good。RIBEYE想試下佢的肉眼，5成 熟，肉質軟腍並且無筋，只有少少肥膏，大蒜松露馬鈴薯泥有驚喜的sides，平時食西餐好似差咁d carbos，呢味薯泥就岩岩，松露味最香，份量都夠1.5個人食香蒜炸薯條Fries夠熱，粗身薯條香脆😜焦糖布丁甜而不膩，食完1個想再叫個雞蛋布丁同另一款布丁比，這個就水準一般，建議叫1款布丁就可…查看更多

交通：搭mtr去到啟德站，再經airside去到mikiki，同一層地產鋪斜對面就係，時間上就大約都係10分鐘路程左右。平日晚上8點左右都有大約一半入座率，可想而知食物及服務態度應該都ok。 入座後，店員會主動溫馨提示是日餐湯，提示可以用qr code落單及倒水，終於有種比人serve的感覺🙂‍↕️精選二人套餐，有前菜，Carbos，Main及甜品，簡單方便😋是日餐湯-蕃茄湯飲落不是茄膏的味道，可以飲到原生唔酸微甜的蕃茄味，開胃👍田園沙律新鮮的沙律菜，配有小蕃茄數粒風乾火腿伴哈蜜瓜沙律重點絕對是包住哈蜜瓜的火腿，火腿如相片所見，唔會有肥膏，朱古力醬、火腿及哈蜜瓜三者加埋的chemistry係幾正😆波士頓龍蝦龍蝦汁意大利飯堅有龍蝦，廚師處理得幾好，仲有埋個夾，食完蝦身食蝦爪都無問題。意大利飯不會過濕，有功架🫡西班牙黑毛豬胺有煎過豬胺都知道好難整熟得黎又唔燶，一口淡清香豬胺一口沙律醬薯蓉，portion也是剛好。開心果白朱古力心太軟配雪糕上次食好似無呢款，所以加少少錢試下而家大熱的開心果味產品。個心太軟即叫即焗，內裡濃濃的綠色開心果白朱古力一切就會流出來，配上已解凍的雪糕，暖暖的與冷冷的口感在口腔內同時體現。自家製麻糬Triamisu 味道綿綿的，不太甜，內有海綿cake和煙韌麻糬…查看更多

鋪頭走傳統泰式風裝修，牆上掛有多幅精緻色彩繽紛的布匹，讓人有置身泰國的感覺🤩 泰式生菜包 大大棵fresh生菜，配上炒香的熱辣辣豬肉碎，調味剛剛好，不會過咸，基本上至少可以分到食10次，2-3人食都無問題。 青咖哩雞肉飯 平時出邊食開的都是港式咖哩，這裡吃的倒有幾分泰式味道，青咖哩入口偏微辣，濃郁的味道配上鮮嫩雞肉，是不錯的主食 蝦豬餅(泰式蝦醬肉碎手抓餅) 睇個名就好吸引，食落果然係有水準。手抓餅蛋漿味充滿味蕾，蝦醬的酸酸甜甜，原來和手抓餅及生菜如此配合，美食貴精不貴多，絕對是好西👍 荔枝乳酸梳打葡萄乳酸梳打飲品價錢好實惠，食香口野走唔甩🤪 卡位位置有個大水缸，內裡的海洋生物都十分生猛，望住佢地食飯，好似睇緊漁樂無窮咁，胃口大開😙…查看更多

去完Airside，行入新蒲崗覓食，發現有間裝修好似唔錯的pizza 店。雖然係平日晚上，但都有d外賣員等緊拎單，似乎係當地居民所愛。坐低打開Menu睇，簡簡單單有pizza意粉焗飯飲品。正想下單之際，原來係用qr code落單😂 掃完發覺原來有隱藏menu，有抵食套餐，餐湯主食飲品，1個set就有，岩晒懶人又抵又方便。問店員推介，佢仲話你下次多人又飲酒，可以叫包埋酒的set，我立刻screencap咗比兄弟，期待下次有酒說故事! 是日餐湯:羅宋湯 飲落幾足料，應該要有的料都厚，一定唔係罐頭湯，茄糕，水及配料的比例剛好 魔幻桃園(中厚批) 材料包括粟米、菠蘿、磨菇、蜜桃、金菇，全部都係筆者最愛，用料充足，批邊勁脆，有番咁上下實力👍 中批都可以分到6件，3個人食都無問題。 海鮮焗闊條面出街食飯質素好，環境細節都好重要，熱辣辣焗面配上靚靚兜兜，絕對增加食慾。蟹柳、蜆仔、蝦仁都唔會比少你，個芝士汁唔會過濃搶咗其他食材的味道。 美式炸薯條即叫即炸，厚身薯條令人食不停口，基本上都唔洗點點茄汁，本身已經炸得剛剛好，餐前小食必點😚 無糖生可樂第1次飲，以為coke zeo tim哈哈，就是可樂囉，健康d嗎🤣🤣🤣... 心太軟配綠茶雪糕落單時揀咗後上，食到尾叫店員準備，仲問我綠茶雪糕o5ok。水準係中規中舉，食咗咁多咸，食返d甜點中和下是必需的！…查看更多

去南昌個商場，見到呢間Thai式餐廳，咁耐無食Thai國野，一於入去試試。餐牌都幾多選擇，由於唔想諗，所以就叫咗個寫住免加一的二人餐，簡單直接方便。單骨雞翼: 拆咗半邊骨，方便入口，即叫即炸，夠香脆!酸辣鳳爪沙律: 都幾大份，仲以貵佢只會係一隻正方形碗仔份量的鳳爪only，有誠意肉碎煎蛋飯: 味道正正常常豬頸肉船湯河: 湯底香濃，豬頸肉大大份，餐廳招牌真係招牌😜椰汁糕拼千層糕： 最驚鋪頭雪到硬一硬就拎出來，食落微凍，口感剛好，椰子甜品🥥泰式奶茶：滑溜奶味重…查看更多

係粉嶺食過呢間，去大圍油站果邊問朋友拎完野。朋友話樓下冬菇亭間燒肉都幾好，地方夠大，裝修粉紅色系，少女心大爆發...個人都後生d去燒肉家，食燒肉就一定架喇，點咗2個一人套餐，燒牛舌同澳洲燒肉盛合定食，full set有齊前菜，主食同甜品，大滿足。前菜有沙律/泡菜主食有飯/冷麵，冷麵同熱辣辣燒肉，一冷一熱更衝擊味蕾😆燒牛舌: 每片都切得厚薄適中，燒熟後入口煙韌☺️燒肉set: 每款肉都有幾件，食肉獸最愛除咗燒肉，由於當日天氣轉涼，經店員推介下，叫咗半隻雞的胡椒豬肚雞鍋，有雞食有湯飲。上菜後，店員附咗主動幫忙落雞件，更加建議最佳烹飪時間及點食更好味等，充滿滿滿的人情味😍 後記: 原來中午有學生set，睇黎lunchTime都係坐滿學生...聽到個staff叫個清潔清埋張d卡位，話中午有堆學生坐過果個位🤣…查看更多

今晚去淘大食飯，朋友話係巴士總站隔離泳池對面，有間泰菜都坐得幾舒服，又有貓貓，仲有d卡位仲整到係勁大嘅騰籃，勁岩打卡😆糖醋魚：擺盤精緻，味道酸甜洽到好處。魚身食落嫩身，沒有死雪藏味，唔知係咪泰大廚有獨門秘坊呢🦧 菠蘿食完一粒再夾一粒，夾極都有...🍍沙嗲串燒：豬牛雞都有，價錢超值，即叫即整，入口熱辣辣，趁熱食就perfect生菜肉碎包肉碎份量好多多多，鍾意生菜包的，可以包完1個又1個，唔似出邊得少少肉碎。口感就少少辣，唔係好受得辣的都可以試下!珍多冰本身諗住飲1條條的珍多冰，點知黎到竟然係用粒狀。。。大開眼界，別有一番體會，飲條條款的，有時會係條管到塞住，粒狀就no problem啦。 椰汁個比例岩岩好，唔會話好甜，搶晒浸味，食泰菜唔飲返杯點得😊除咗室內，仲有室內，岩d人食煙傾計吹水，仲有antman等superhero陪伴…查看更多

黃竹坑站上蓋新商場The Southside終於正常開幕了！ 今次去探朋友新居入伙，一齊行下新商場，食過靚晚，最後揀咗呢間裝修得優雅大方的Table祭五臟府😋係餐廳出邊排咗幾張枱，就到我地入座，鋪頭採用QR code落單形式，想食咩禁2禁就清清楚楚睇晒，不過我為咗想睇下d食物個賣相，就問咗waiter拎咗份有相的menu參考下。其實menu都幾多選擇，主要有鐵板餐(西冷 牛柳 雜扒 豬扒 雞扒)、北海道直送咖哩滑蛋蓋飯、石鍋烏冬 (安格斯牛，黑毛豬，廣島蠔，鹿兒島叉燒) 同埋最多人點的港式六道菜料理定食🤔定食: 燉湯+茶碗蒸+雞中翼+脆蝦球+腐乳葱油撈飯+養生茶雞翼正常操作，不會過咸。蝦球有酒樓水準，有成5-6件，香脆得來沒有雪藏蝦味，食材處理真係好緊要。腐乳真係大大粒Cube Size咁比你，DIY將腐肉同葱油撈埋白飯，將成個白飯層次提升了一級！定食: 燉湯+茶碗蒸+燒粟米+壽喜燒牛肉+韓式泡菜飯+養生茶燒粟米切成小片，方便入口。壽喜燒牛肉份量有點多，送飯一流，牛肉不會有過多肥膏泡菜飯有點兒令人哭笑不得，可能食返普通白飯/腐乳葱油較好燉湯幾足料，而家講求健康，飲完都唔會口渴，仲有湯渣食😊 茶碗蒸有齊香菇、雞肉及竹輪，大人細跌都岩食。養生茶就甜甜的，飯後清喉嚨岩晒。鐵板牛柳連羅宋湯用杯仔來裝湯，更方便飲用鐵板除咗牛柳，仲有脆玉瓜，椰菜，蕃茄及薯條。蔬菜正常，入口不會乾憎憎。牛柳入口就非常腍身，切落去唔會大量血汁漏出，係火喉同味道中拎到個平衡👍。飲品紅豆冰： 紅豆份量巨多，甜度適中話梅柚子梳打：2粒話梅浸得愈耐，味道愈出，留返最後食飽飽先飲，就岩岩好…查看更多

星期六諗住去科學館行，去尖東噴水池果邊睇下有冇咩好食，去咗呢間裝修都大方高端的酒樓食午餐。睇個名京滬川菜，睇黎佢的菜式除左一般酒樓店心外，仲有d特色菜，發覺佢有幾個午市set都幾高性價比，1個價錢包你幾個餸🤔半隻樟茶鴨，必食酸菜魚及蜜桃柚子骨，$298連加一，好似幾吸引咁!樟茶鴨雖然係半隻，但係圍埋數都至少有十幾件，仲要件件都係無肥肉，貨真價實👍 煙燻過的鴨肉帶有微微的樹葉及茶葉味，比平時的燒鴨少一份油膩多一份脫俗😁酸菜魚大大煲，魚肉肉身軟腍，湯底微辣，適合不吃辣的人士，雲耳大白菜芝麻碎及魚肉混埋一起，鋪頭加過必食之名落去，確實有理😛蜜桃柚子骨和平時的咕嚕肉不同，柚子的清香及桃肉的鮮甜(初頭以為係罐頭果隻，但食落唔似，莫非係即叫即切的蜜桃肉？無從考究，但味道足夠🫡）令我一路食一路好想加碗白飯，太吸引了～環境舒適，冷氣充足，枱與枱之間距離足夠，埋單時仲見到原來有舞廳及供麻雀耍樂的包廂🎶🎙…查看更多

🍴FreshFresh 簡品堂 (旺角)📍旺角港鐵旺角東站MKK 1號舖(旺角東站B2出口)———————————————經過旺角東站都會見到有間專賣麻糬波波嘅麵包店大排長龍😲‼️仲有售賣各類曲奇🍪+麵包🥯小編今次一於試下好吸引人眼目嘅麻糬QQ球😍有分特級口味&普通口味⭐️特級口味價錢👇🏻$9 一粒$48 六粒🙌🏻普通口味價錢👇🏻$7 一粒$36 六粒今次買左以下五款特級口味嘅麻糬波波👇🏻👇🏻🟠紫菜肉鬆QQ上邊有啲紫菜肉鬆裏面係空心味道係鹹甜交集🟤朱古力Oreo QQ朱古力fans必食‼️朱古力真係唔會伏上層有Oreo碎碎口感豐富 甜度適中🟢開心果QQ打卡No.1️⃣‼️上面有開心果仁碎 & 開心果Jam口感十足😍食落有少少甜嘅開心果味🟣脆皮紫薯QQ有好香嘅紫薯味入邊個隻色餡超級靚食落係甜甜的紫薯味道⚫️脆皮黑芝麻QQ黑芝麻香味濃郁係滿滿嘅芝麻味～小編個人pick味道排行榜👇🏻🟤朱古力Oreo > 🟢開心果 > 🟣紫薯 > ⚫️黑芝麻 > 🟠肉鬆———————————————(5個🌍為滿分)味道:🌍🌍🌍🌍服務:🌍🌍🌍🌍CP值:🌍🌍🌍🌍———————————————…查看更多

朋友話有間韓國野幾好食，但要人多分享先食到，就約咗3月頭的weekday晚上去食。係啟德站隔離的airside商場高層，建議搭lift上去較快。蜜糖BBQ 芝加哥薄餅2024年食過最好味的pizza之一，滿滿的蜜糖充斥住每件pizza，內裡配搭住超濃郁的芝士，建議至少3個人去攻略，不然沒肚子食其他美食！果味醬油蒜香烤雞可以揀有骨定無骨，當然係無骨，大口大口咬最Juicy啦😋 留意返，鋪頭係做烤雞，不是炸雞，所以雞肉靚唔靚真係食得出，熱辣辣得黎又嫩滑，必點之選👍平日都9成Full，除左商場新，我諗味道、價錢和質素在合理水平，都係原因之一…查看更多

餐廳係消防局附近，對住公園，太和站行過去大約10分鐘左右。軟殼蟹火山包$168 有齊不同種類的海鮮，包括軟殼蟹、青口、大蝦、蜆肉，及農夫包及面包糠，CP值超高，配上秘製醬汁，絕對會令人食不停口。藍蝶花椰漿飯 (三餸)有二餸/三餸揀，價錢相距不多，當然叫三餸啦，餸材款式唔馬虎，有南乳雞翼、去殼蝦、豬頸肉、香茅豬扒、咖喱牛腩…………太多了，總之就係雞牛豬全部都有，實有款岩🤣唔計要揀的餸，已經有蝦片、滷蛋、江魚仔、花生及青瓜，超級豐富😍椰漿飯除咗份量多外，椰香味超超超重，每啖入口都感受到個飯落足料，暫時係筆者係香港食過最香口的椰漿飯👍👍👍馬拉盞炒通菜沒有用上太多辣椒，適合唔食辣的筆者，通菜葉多過枝，worth it.串燒拼盤雞牛豬+豬頸肉，食完呢個就會好飽，建議一齊分享。 豬頸肉都有成差不多10片，仲要唔係薄切🤭 另外3款串燒就正正常常咁～餐廳內座位主要係卡位，裝修簡約，牆上掛有數幅東南亞風情壁畫，增添不少東南亞風味😆🏝🏞🏖🏝🏞🏖…查看更多

信和中心隔離的商業大廈，都有幾多食肆，食得多大商場，試下呢d樓上店當探下險😎餐廳不是太大，走日式家庭風裝潢，有3張卡位及幾張大枱，見同場都有d疑似大學生十個咁開開心心坐係中間大枱開緊餐！不意外，用手機scan QR code落單，種類都幾多，有滋味一人鍋、刺身、壽司拼盤、小食、沙律、軍艦、串燒、卷物，飲品有酒精無酒精清酒都有，都真係幾岩一大班人黎Gathering👨‍👩‍👧‍👧👨‍👩‍👦‍👦👨‍👩‍👧‍👦明太子玉子燒玉子味鮮甜，頂層配上一大層明太子醬，濃濃的，十分Juicy 💦厚燒鰻魚壽司經過香煎的鰻魚，入口甘香，肉身厚度十足三文魚脆脆卷三文魚卷食得多，呢款卷物就加入了天婦羅沾粉，少許沙律醬及蟹籽，一次過呈現三種口感，紫菜，脆口三文魚及壽司飯，同一時間滿足三個願望✅️牛舌串燒師傅推介，都係筆者喜愛之物，火喉剛好，牛味出👍牛肉壽喜燒鍋材料多多的sabusabu，牛肉片都有至少4-5塊，鍋內有齊雞蛋、大白菜、金菇、草菇及冬菇，必食之選！芝士蛋糕賣相好靚仔，食落味道都一致，芝士香而不膩，價錢都係實惠($4x)…查看更多

中午來到尖沙咀食午餐，lunch set都幾抵食，$100左右咁上下價位，有埋前菜及咖啡茶(可以另+$18轉其他飲品)，基本上呢個價錢都已經抵過好多餐廳。蟹肉忌廉湯真材實料煲出黎，有d蟹肉碎食下飲下，醒胃！波士頓龍蝦甘筍汁意大利飯龍蝦超大隻原隻上碟，甘筍汁唔會太過濃搶左平時意大利飯個種味道，適合分甘同味🤪烤春雞配薯菜雞肉不會太老及「鞋」，Size大約手掌咁大小食-三文魚牛油果莎莎大量三文魚粒及脆卜卜的薄餅，可以將三文魚及牛油果蓉塞入中間食又得，就咁放係面都得小食-蜜糖芥末雞翼留意返係單骨雞翼，正常發揮飲品-宇治抹茶澀澀地其實飲落唔會話好澀，入口抹茶味香，杯碟什有藝術風飲品-嗜甜之選豆腐Oreo沙冰通常呢個組合，都會甜到漏，但係今次飲落口反而有種淡淡的豆腐味，水吧師傅功力夠HandMade Cake - 紫薯芝士蛋糕第一次食咁大舊紫薯芋泥的Cake，一啖芋泥，一淡芝士，不得了!由於佢D Cake 頗出色，影低比大家有咩款，下次可以去食XD環境玩味十足，有不同的場景配搭，包括HarryPotter、美少女戰士及不同的著名港漫，入到餐廳會有種去咗個輕鬆地方的感覺。部份MENU:…查看更多

晚上去完佐敦交文件，諗住試下D新菜式，最後去呢間係TST的餐廳飲返杯食墨西哥菜😆Pork Al Pastor Tacos豬肉粟米餅賣相100分，送酒開胃之選。配料多多，一啖入邊有齊豬肉洋蔥百里香菠蘿辣椒，多個願望一啖fullfill到。經驗來講，建議用手拎住黎食過癮同岩feel d。因為如果用刀切開食，D材料唔小心瀉咗出來，唔係太方便🤣Ceviche Tuna吞拿魚伴厄瓜多爾醬沙律都有好多種，呢款經典檸汁醃魚生，真係要呢D地方先有，食凱撒沙律食到悶啊!除咗吞拿魚，可以揀三文魚or蝦。除左個水晶球好精美打之外，吞拿魚的數量也十分多，至少有1X粒...👍👍👍Seafood Mexican Paella 西班牙海鮮飯即叫即炒，上菜時仲出晒煙注意! 一定一定要小心碟邊，非常辣手🔥！基本上係海鮮多過飯，炒飯夠乾身，有齊青口大蝦魷魚。份量正常，黎BAR傾計食少少碳水，就無咁易飲🍹🥂醉了😎Avocados Smoothie牛油果沙冰Creamy得來，牛油果味都好重，奶和牛油果的比例剛剛好，用來解辣/🥑愛好者必點🥰當晚雖然係平日，但係都坐到7成滿。附近有外國人有local，中英文都有，環境唔會話好嘈 (可能坐接近路邊，音樂聲較小?)加埋枱上燭光，這個晚餐我比90分，TST來講都係一個新嘗試🤗…查看更多