mlmlmlmlml的個人專頁

餐廳食物質素頗高，而且好多卡位適合家庭聚會，最抵讚係服務非常周到☺️🦐燒大蝦柚子沙律🥢清沅蒸粉卷拼扎肉🥄越式蝦醬炒飯 🥭香芒椰汁三色糯米飯1) 用餐當天下午打去查詢會員同生日優惠，當時職員表示要到店scan會員QR code先確定可否一齊用，我表示理解。隔咗一分鐘後打去訂位，咨客同我講佢已經問咗經理，可以一齊用! 好欣賞職員嘅主動性，亦都好驚喜有雙重優惠😆2) 侍應好主動添水之餘，添水時摸到我家人杯水暖暖哋，即刻走去放低凍水壺，幫佢添熱水🥰3) 結帳時職員見我張信用卡做緊promotion，主動話我知並幫忙使用現金折扣 💳之前都有光顧同集團其他餐廳，服務一樣非常高質，今次光顧再次體現到餐廳唔會覺得俾咗優惠客人就賺少咗而收收埋埋，反而所有員工都細心、用心對客👍🏻…查看更多

厚福街出名多餐廳，今日放工又同朋友過嚟覓食🤣第一次嚟其匠燒，環境好舒適，枱與枱距離寬闊，而且有一個獨立tatami房，適合朋友聚會👍🏻蟹籽沙律清新又開胃，蟹籽份量多，沙律菜新鮮明太子芝士玉子燒味道香濃，蛋好滑嫩，配埋明太子，口感層次豐富芝士年糕每次去居酒屋必點菜式😆芝士濃郁咸香和牛稻庭烏冬和牛肉質好軟嫩，稻庭烏冬口感彈牙，湯底濃郁原條太陽蛋蒜蓉茄子茄子厚肉，蒜味十足，啱晒鍾意蒜蓉嘅朋友蘆筍豚肉卷蘆筍脆嫩，豬肉調味好食唐揚魷魚圈外脆內嫩，佐酒一流其匠・免治雞肉棒 (汁燒)又係居酒屋必點，醬汁惹味整體嚟講食物選擇好多，而且即叫即燒，性價比高，會再光顧! …查看更多

由上環50年老字號｢尚興｣二代重新經營嘅尚盛，本身對呢餐頗期待，但無論服務定食物質素都不達預期水準🥹訂咗位但去到發現餐廳無安排到枱🤯員工推個波俾老闆娘，老闆娘就只顧住處理鬧情緒嘅女，又推個波俾另一位員工(老闆?)，經過一輪擾攘，加咁啱有另一booking no show，先安排到一張細枱。座位十分迫，食物質素都一般，碟頭好細，不會再光顧。🐮沙嗲牛肉炒河全晚最符合預期嘅一道菜，沙茶醬香濃，牛肉嫩，但好細碟，大約3碗 🪿潮州滷水鵝片鵝片肉質不柴但不算嫩，墊底豆腐入味🦀乾炸雙棗$160/10粒，偏貴，無嘜驚喜👎🏻雙色晶包水晶包好迷你，用碟上並不是蒸籠，而且水晶包表面好濕，蓮蓉餡味道也怪怪的另外點了白飯魚煎蛋及川椒雞球，調味偏鹹。…查看更多

坊間大部分weekend brunch都係西餐，最近發現喺美麗華開業大約一年嘅泰菜餐廳Mue Mue有泰式weekend brunch，價錢仲好合理! 前菜 - 魚子醬紅磚豆腐有驚喜，外脆內軟，豆腐非常嫩滑🦀湯 - 蟹肉海鮮羹湯羹真材實料，落足蝦、魷魚、青口，每啖湯有口感之餘，鮮味都十足小食放題 - 7款小食無限量供應，全部都係泰國菜必點小食，啱晒有選擇困難症嘅朋友😝：🦐泰式青醬生蝦🐷炭燒豬頸肉沙律: 薄切豬頸肉好稔，配埋酸辣木瓜沙律食，好開胃🍢即烤沙嗲串（牛/雞）🐥香茅雞翼: 即炸但keep到肉汁🌶️馬拉盞炒椰菜: 咸香又惹味🥬金不換肉碎生菜包: 生菜新鮮，加入金不換令味道富層次，成道菜好fresh🍤泰式手打蝦餅: 最愛嘅小食，非常爽口彈牙。平時出面七十幾蚊先得4舊，呢到任食好抵!主菜🐮炭手切牛頸脊: 牛頸脊帶焦香，沙律偏辣🍤泰式咖喱虎蝦球配薄餅: 調味適中，蝦球大隻爽口，如果有得encore就好喇🤣🥥甜品 - 黑糖椰子雪糕好有驚喜，椰子雪糕清新，配上龍眼、椰子條、啫喱多重口感，食完濃味嘢清清口腔一流~ 飲品方面，揀咗椰青，下火又解膩~ 整體嚟講食物熱辣辣，職員好主動換碟加水，亦會主動問要唔要添小食，小食都好大份，性價比高，會再光顧! …查看更多

食物無影相，因為本身覺得無嘜特別值得推薦，但最後覺得餐廳服務好趕客，決定出個post。食物方面，小菜價錢合理，但份量中等偏少。沙嗲肥牛粉絲煲調味適中，個煲好淺😂肉嘅份量可接受蜜豆炒鮮魷鮮魷爽口但比較厚切，欣賞餐廳將蝦醬另上，可隨個人口味添加欖角小肉排超級鹹，超級嚡，又硬又乾柴，好似食緊煲完湯嘅肉🥲食完小肉排最後一舊，餐廳一位資歷深啲嘅男侍應以超快速度收碟，仲同下屬講 “呢張枱嘢食齊晒，你出埋張單俾佢哋”，同一時間另一位職員收埋張枱布!!!!!! 簡直係3個侍應一齊合作趕客，唔會俾你坐多一分鐘😡離開嘅時候見出面只係得兩位客人等緊，就係為咗爭取早幾分鐘翻枱，就咁趕客得失客人，唔會再光顧! …查看更多

人氣手工意粉店開到嚟九龍，即刻訂座試下! 平日中午12點到，見門口已經有個牌寫住”Fully Booked”，甚至有啲枱已經食完，好誇張。Lunch menu選擇比較少，唔想食素食/羊肉/牛肉他他，就只有以下兩個選擇☹️Pistachio Arancini外皮炸咗嘅煙燻芝士意大利飯團，入面有幾粒義式肉腸，但無嘜開心果味Nduja Reginette辣肉腸微辣，波浪麵條掛汁，但以手工意粉專門店嚟講麵條，烹煮時過長，口感有啲稔雖然價錢適中，味道都唔錯，但未驚喜到一定要book位先食到。…查看更多

預約咗6:30pm同朋友慶生，提前到餐廳放低咗生日蛋糕。我同朋友兩人準時到達入座，亦知道用餐時間90分鐘。7:26pm一名高級女紮馬尾職員話last order，問有無嘢加，我哋表未無（因為10分鐘前已經加咗）一分鐘後 7:27pm同一職員攞張單嚟叫我哋埋單，我哋表仲有嘢食未到，佢反駁我哋枱面食物已經清晒，單上嘅item都到齊，就係咁發現漏單😮‍💨7:40pm同一個職員再攞多次張單嚟，放喺壽星女面前，叫我哋埋單。我立即表示不滿：我哋仲未食完，你有無需要不停叫我哋埋單？加上我放咗生日蛋糕喺你哋到，我哋都未食!女職員毫無悔意，表示8pm有下輪客人，仲問：咁宜家即刻上埋蛋糕俾你？！就係咁，生日surprise就俾呢個職員ruin咗😡😡😡客人用餐時間未完，喺完全無解釋情況下提前超過30分鐘要求客人埋單真係好唔尊重客人。另外，餐廳職員一直keep住收吉碟，我哋離開後只係需收返兩隻茶杯同抹一抹枱，根本一分鐘都唔使。如果咁擔心唔夠時間返枱，點解唔安排下一輪客人8:15pm，預留buffer時間俾自己清潔，而係要犧牲前一輪客人用餐時間？！明太子紫蘇豚肉卷自家製雞肉丸配黃金蛋宮崎南蠻炸雞清酒煮蜆(當日推介menu)薩摩家炸魚餅 …查看更多

同朋友約尖沙咀食飯，商場餐廳食到冇乜選擇，所以去openrice人氣西餐試下!呢到環境頗有格調，適合同朋友聚會，門口仲有打卡位影相！凱撒沙律配蝦羅馬生菜新鮮脆爽，表現正常，反而烤蝦有驚喜，爽口且調味出色鮮蝦、布袋芝士意大利雲吞伴龍蝦忌廉汁意大利雲吞煙韌有咬口，龍蝦汁鮮甜香濃，用附送嘅bread platter沾上龍蝦忌廉汁食，成碟清晒🤣加拿大海膽伴蟹肉炒滑蛋法式多士海膽新鮮飽滿，入口即溶。蟹肉份量充足，配上軟滑炒蛋，口感層次豐富。旁邊配有黑醋沙律菜，絕對係清新之選…查看更多

同朋友兩個都係火鍋控，即使天氣開始熱，都要打返個邊爐🤪今次就嚟到佐敦大鍋口海鮮火鍋店覓食！餐廳位於莊士倫敦廣場，地點方便。座位闊落，而且有好多圓枱，啱晒一班朋友嚟聚會。一入座，枱上已經擺咗大大個醬料架，完全唔洗行出去攞，好貼心~ 呢到嘅火鍋係先食雞煲，再打邊爐。麻辣雞煲味道偏麻惹味，雞件都啖啖肉。覺得辣嘅可以喺雪櫃任揀飲品，仲有竹蔗茅根飲品清熱！火鍋方面，鯊魚骨猴頭菇湯底足料清甜，滋補養顏。點咗一份極品肥牛，油花分佈均勻，肉質鮮嫩，仲有超過80款配料任點任食！尤其推介爆汁牛筋丸，好juicy！餐廳亦設有雪糕機，食完熱嘢嘆返杯雪糕，好滿足。…查看更多

餐廳門口以純白色凱旋門同藍色花海營造夢幻氣氛，用膳期間都見好多食客打卡。加上餐廳樓底高，有多盞精緻嘅水晶燈，好啱同朋友嚟把酒談心，難怪平日晚上都full house! 辣炒西班牙八爪魚八爪魚新鮮彈牙, 橄欖、洋蔥、辣椒仔及西班牙香腸粒配料份量多，微辣惹味，風味十足又開胃香脆豬面頰肉意大利松露小雲吞風乾豬面頰肉帶鹹香，小雲吞啖啖都係濃郁松露香，配埋營養豐富嘅嫩菠菜，食唔停口! 法式大蒜蘑菇忌廉烤雞雞肉嫩滑，煮到差不多骨肉分離，所以食起嚟好方便。忌廉汁超香濃，如果有埋法包蘸就perfect! …查看更多

近年食過最高質嘅中菜, 每道菜擺盤精緻, 食得又睇得~ 環境闊落, 座位私隱度十足👍🏻桔柚黑鱈魚全晚最有驚喜嘅一道菜! 煎鱈魚肉質非常嫩, 配上清新微酸嘅柚子汁泡沫醬汁, 好開胃! 嵐月西班牙黑豚叉燒半肥瘦, 肉質鬆軟, 油脂入口即化, 燶邊, 有光澤, 完全係無懈可擊, 連本身好瘦叉嘅我都不能抗拒🤣 質素比米芝蓮中菜廳出品更出色!法邊豆素羊肚拌油雞樅菌微辣惹味, 三種食材各有不同口感仙翁米雞湯浸菜苗有中國魚子醬之稱嘅仙翁米比較少見, 雞湯濃郁, 絕對係健康之選柚子腐竹慕絲慕絲順滑微甜, 入面粒粒西米…查看更多

呢間人氣Cafe裝潢簡約清新, 又有少少植物, 放工去鬆一鬆, 真係壓力都少啲🤪整體食物質素頗高, 而且有位男職員主動換碟, 又主動提供餐紙, 係近年少有嘅環境、食物及服務水平都唔錯嘅cafe😊加拿大豬鞍架配日式味增醬烹煮時間控制得好好, 肉汁豐富啖啖肉辣蒜伏特加鮮蜆意大利粉擺盤有心思, 味道惹味, 鮮蜆份量唔吝嗇法芙娜朱古力牛角酥窩夫Valrhona朱古力一直係朱古力界嘅Hermes, 可可味超香濃, croffle外脆內軟, 值得一試!…查看更多

雖然天氣好熱, 但都無阻我同朋友打邊爐嘅興致, 就去咗牛摩試最近推出嘅美國安格斯牛頸脊海鮮90分鐘放題! 用餐當日時間尚早, 所以唔洗等候。餐廳多卡位又闊落, 出入都方便!主菜方面, 牛頸脊嘅油脂分布平均, 肉質鮮嫩, 入口仲有濃厚嘅牛香味, 啱晒鍾意食牛嘅朋友! 而我就鍾意帆立貝, 大隻鮮甜。套餐另有牛肩胛、牛板腱、黑豚、雞、羊、青口、魷魚仔嘅選擇。淨係食肉類海鮮都回本! 自助放題區方面, 前菜、沙律、丸、菜至甜品, 款式多, refill快。尤其鍾意花枝丸彈牙高質! 呢個套餐仲有另一賣點, 就係有多款炸物小食可以揀。即使個鍋未滾, 都可以食住等啦! …查看更多

黃埔享膳坊翻新後多咗幾間餐廳, 今日就同家人嚟用膳!室內環境裝潢簡約, 超寬闊, 適合一家大細聚會, 室外位置則寵物友善, 絕對係假日好去處! 紐奥良炸雞翅配明太子蛋黃醬雞翼即叫即炸, 而明太子醬將平凡嘅雞翼昇華, 大人細佬都食唔停口豬肉丸配牛肉汁薯蓉份量多, 豬肉丸肉質較結實, 薯蓉軟綿, 同牛肉汁好match經典卡邦尼意粉意粉al dente, 面頭灑滿芝士御翠烏龍茶絲質茶包, 茶香醇厚帶回甘, 飲一啖解一解膩, 清一清味覺, 再準備食甜品香印提子拿破崙青檸芭菲 上層嘅拿破崙鬆脆, 青檸雪葩清新; 下層用料豐富, 有脆米、香印提子同麻糬多重口感, 整體感覺唔甜膩…查看更多

朋友掛住新加坡嘅海南雞, 就嚟咗呢間過江龍食晚飯。餐廳佔地頗大, 座位寬闊, 仲有cushion挨住, 坐得好舒服😌天天海南雞 (中份)雞皮薄, 肉質嫩而厚, 幾乎係零脂肪。配埋微暖嘅秘製雞汁, 佐飯一流。當中三色醬中嘅辣椒汁帶後勁, 令味道昇華有層次, 不愧係米芝蓮推介👍🏻黑松露墨魚蝦多士有驚喜, 黑松露香氣逼人! 炸得香脆已經係基本, 墨魚膠口感彈牙, 配埋沙律菜同芝麻醬一齊食, 完成無油膩感😍雞油飯 (1-2人)份量超多, 粒粒分明, 吸收晒雞嘅精華, 帶鹹香味海南雜菜煲以瓦煲奉上, 保持温度, 健康之選…查看更多