Kathliu的个人专页

首先抽風系統做得好差，煎腸粉、煎鯪魚青椒、煎糕嗰檔喺廳面做，所有油煙味供晒出嚟，食到個人成身臭晒。煎鯪魚青椒鯪魚肉全部都係粉嚟嘅，勁難食。煎腸粉就不過不失。蒸鳳爪、蒸排骨啲醬勁咸😑😑鵪鶉蛋燒賣、蝦餃就不過不失但係辣椒油真係令人費解，係辣椒醬加辣椒油，完全唔明點解咁嘅配搭，仲有一浸怪味🤮🤮🤮16蚊1個茶位，都唔係平，叫左鐵觀音，但啲茶後味係苦，唔係回甘🥴🥴都唔明點解啲嘢難食到咁，但係喺平日午市黎講都差唔多爆滿，一定唔會再返嚟食…查看更多

今日下午6點10分黎到，唔洗等位，可以直入😆叫咗個鯛魚湯麵同每日限量20份嘅蠔湯麵。首先，試咗個蠔湯底，蠔嘅味道非常之突出個湯底好出色，但係佢啲蠔就有浸腥味😅我咁鍾意食蠔嘅都唔係接受到🥲另外個魚湯底，一入口已經飲到浸魚腥味😑😑啲魚片就好似酸菜魚嘅口感，我個人就麻麻個魚湯。唯一好評就係啲魚皮夠脆另外，兩個麵都嗌咗軟麵，但係食落都覺得係好硬，食完有啲哽胃☹️總括嚟講我覺得呢間麵舖唔值得再去😮‍💨😮‍💨…查看更多

好耐冇食，心血來潮又想食韓燒就過咗嚟食。一黎到職員就同我講有低消，咁我真係太耐冇食，以前都冇嘅。一係叫套餐，一係單點3樣燒肉。一睇個餐牌又貴左好多，冇晒以前啲set，見個set有鹿兒島和牛就叫左同順便做埋會員，會員平成百幾二百蚊，都係想要人做會員啫😂諗住和牛一定好食啦，睇見好似好靚，都唔少雪花，點知燒落勁乾勁柴，都冇和牛嘅油香味。其他牛就不過不失啦，但都比以前差少少。但佢個窩邊粟米芝士真係差左好多，啲粟米好乾，冇以前咁爆汁。係咪為左節省成本，換款難食啲嘅，等啲客人食少啲？…查看更多

係內地食過覺得好正，費事搭一、兩個鐘返內地食，諗住近近地回味下。叫左半隻雞、腐肉同筍。呢半隻雞真係好細隻，而且冇咩肉🥲🥲係內地食完雞已經開始飽，香港食完好似冇食過咁😩😩二百幾蚊半隻雞連湯底真係好唔值🙁但湯係正嘅，啲腐竹充滿住啲湯汁真係一流，啲筍就冇咩特別。下次都係返內地食好過🙂…查看更多

見到好多宣傳都心郁郁想試吓，係咪得個名，點知喜出望外😄😄店舖個位置有少少難搵，個入口係係條巷仔入面，唔係係啲大街，所以都差少少miss左🤭🤭入到去都見到個環境唔係好大，所以都full晒🫣🫣好彩book左位食，唔係就有排等🤫叫左個2人壽喜燒set，好快就安排上菜，亦都預留左啲時間比客人打卡😏每一盒和牛都有証書🤭張証書仲可以比你拎走留念🤣仲有專人幫你烹調和牛，會問埋你想食生啲定熟啲😆滿足晒唔同人嘅要求👍🏻👍🏻每人分到3大塊和牛🥩啲牛加埋啲蛋汁好嫩好滑😋其實食完啲牛已經飽飽地😆之後再食埋個野菜鍋同烏冬，已經夠晒最後，仲有個甜品 - 雪糕🍦本身我對雪糕都麻麻，但真係好有驚喜😍一吃落去有柚子味，之後有好好濃嘅牛奶味🤤🤤真係值得一試😋😋…查看更多

本人於6月11日中午時分打電話到旺角店預約6月18日下午6點，當時已一再向該接線職員確認，是否於7點半前離座，可享有折扣優惠，當時該職員確認可享有優惠。唯今日結帳時向職員提出時，職員一開始表示要5點半入席才可享用優惠。本人向職員展示貴公司宣傳單張寫明7點半前離座便可以享用優惠，該職員表示未能解釋，需向另一職員救助。唯另一職員表示今天是父親節，所以並沒有此優惠。請問貴公司之優惠，是否只作宣傳用途，企圖蒙騙消費者？…查看更多

原本諗住食隔離果間拉麵店，點知過咗開門時間成10分鐘都仲未開門，太肚餓了，見呢間有位就入咗去坐。鋪頭都full，坐埋最後一張空枱。一開個餐牌，冇諗過原來物價貴左咁多，成一百蚊一個拉麵，二百蚊一個飯🙈望下隔離枱叫咩嘢食諗住參考下，點知附近啲枱啲嘢食都未到，最後叫咗個Jumbo拉麵同炸紫菜包飯。人太多，啲單都做唔切，坐咗成十幾、二十分鐘都冇杯水，最後叫咗待應比杯水，先至有水飲。🙃🙃但啲水成“浸”水喉水味🤮🤮🤮1點10分入坐，比盡佢我睇左10分鐘menu先叫啦，1點50分我個拉麵先到🙂🙂仲要加漏咗芝士（因為menu張圖上面係有芝士）🙄🙄之後同個待應講，佢第一個反應都好奇怪，比我感覺正常係冇芝士咁，之後都拎左個glass breaker裝返啲芝士比我。雖然係叫Jumbo拉麵，個份量都係好普通😂😂同埋佢講到個湯係廚師用3個鐘去整，但又比得勁少湯😂我就試唔出同普通調味粉嘅湯底有咩大分別。等左成半個鐘先上到個拉麵已經燥燥地，點知俾我見到有枱坐左個KOL（應該係，但我唔識佢），坐咗10分鐘就又有芝士熔岩飯同紫菜包飯，我見其他枱都起碼要等半個鐘頭先有嘢食。😑😑😑之後又要影相就角度，都好影響佢附近嗰幾枱食客，見到啲人都露出面露不悅嘅表情。最後個炸紫菜包飯成14點05分先到，個賣相係幾好，但個味道真係好普通，唔會值得要我等成45分鐘先有得食囉😒😒完全唔推介🙄🙄🙄仲要話係網紅餐廳，淨係着重宣傳，對真係食客就可以怠慢，味道就真係好普通，環境又冇咩特色🙃啲位同位之間又好窄，坐得唔舒服😒唯一好處係冷氣夠大。…查看更多

首先，個touch screen已經shot shot地，禁左幾次都冇反應🙂🙂落單叫左個大份燒肉餐，冇幾耐就上左菜，明明叫左枝豆，變咗泡菜，店員都好快同我換返，但個份量勁少😨😨一黎到望到啲肉既顏色已經唔係好開胃，勁深色，都唔知已經放左幾耐🤢🤢🤢放啲肉上鐵網燒，啲肉勁痴網，要fing幾下先翻到面啲肉既厚度係比燒肉like厚既，不過完全咬唔開，勁un，叫左隻生雞蛋，點肉食，完全冇蛋香😑😑啲肉係冇任何味道，提供既燒肉汁好似係豉油汁，唔係日式燒肉汁附送果個湯都係冇味🥴🥴真係唔會再食🤮🤮🤮…查看更多

見星期六放假，就入去長洲行吓。到夜晚食夜，成條街都好多人，行到最尾先有位，都諗住間間都差唔多既啫，點知就中咗伏😞😞😞首先落咗單超過15分鐘，叫咗2罐可樂都冇人送到黎。我知假日多人係要等，但可樂要由可樂廠出貨？要再叫待應比2罐可樂先有😒分明落單果個唔記得咗啦！😔等咗差唔多30分鐘先有第一碟海鮮送到，豉椒炒蟶子，一食落口，成口都係沙，即刻吐返出嚟😩😩😩咁食過第二件啦，勁大腥臭味🤮🤮🤮🤮🤮之後就冇再食過碟野🤢蒜蓉粉絲蒸蝦，啲蝦好細隻，冇咩肉，一啲都唔新鮮😵‍💫蒜蓉粉絲蒸扇貝，我手指公都大過隻扇貝🙄🙄啲海鮮咁差，好意思叫自己做海鮮酒家😮‍💨後記：食完之後個胃唔係好舒服，返到屋企就開始又屙又嘔😐…查看更多

打正名號話係傳承德昌，見新開就去試吓☺️☺️🤗話明德昌，緊係食個招牌魚皮頭河粉，加左5蚊要埋個墨魚丸雙拼😳47蚊，仲要唔包野飲😔😔想叫埋個樽仔奶茶，但一早已經冇得賣(朝早11點幾)🥲🥲🥲落單既待應，唔係好識得聽廣東話，差啲幫我落左2個河粉😂😂黎到即刻試一試啖湯先，試完就好失望，話晒德昌十幾年前係土瓜灣都開左好耐，由細食到大，但啖湯完全唔係小時候既味道😞😞試埋個辣椒油，一啲都唔香，辣中帶少少甜味，但真係同以前唔同😞😞無幾耐之前係北角間德昌食過，係同小時候既味道一模一樣🥰所以如果有人專登黎食“德昌”呢個招牌既，恐怕就要失望啦😞😞味道黎講不過不失啦，普通一個魚皮頭河粉😅不過鋪頭有啲細，土瓜灣太多人住，坐少少人已經要等位，同埋預咗要搭枱…查看更多

早2個星期(5月19日)同朋友食完，食過返尋味，今晚決定同朋友再試但今晚個大廚係咪換咗？完全失晒水準辣子軟殼蟹勁咸☹️原味焗蜆普普通通🙂辣酒煮花螺d味怪怪地😣蒸魚頭勁多魚鱗😫高力豆沙超多油，d油多到浸埋d糖粉到底發生咩事🥺🥺🥺🥺今晚勁失望希望有所改善…查看更多

上星期試左灣仔分店，覺得好好食，今晚同同事食飯，旺角會方便d，就揀咗黎旺角食雖然灣仔服務都唔算好，但都好過旺角唔知係咪旺角唔夠人，加水、落單、上菜都慢過灣仔既好多魚春煲係佢哋其中一個招牌菜，但食落有d腥田雞煲同辣子軟殼蟹都食落有怪味，失色過灣仔既好多同埋想食個高力豆沙，佢竟然話7至11點唔會做😒😒好失望🥺🥺上次係灣仔9點半落單都仲有得食今次食完真係好失望😞😞完全唔想再食第二次😣😣😣建議大家去灣仔分店今…查看更多

今晚母親節，好彩預早兩個星期book左位小店，全間鋪頭得6張枱叫左2個set dinner，再加左個煮蜆，同燒春雞飯整體來講賣相唔錯，但係味道偏重，好多香料味，對於重口味嘅人來講應該接受到，但係我覺得有啲掩蓋左食材本身嘅味道因為太鹹，所以係咁飲水😩😩😩有2個店員，今晚得4張枱有人，但都冇人留意需唔需要加水，要叫過嚟先加😣🙁牛舌好“林”，易咬，唔錯，個上面有d醬，食落好鹹，食完都唔知咩醬，本身牛舌都好夠味，唔習慣重口味嘅朋友可以唔要d醬個龍蝦他他冇咩特別，味道係最可以接受既一樣菜燒牛好重香草味（rosemary ？），完全食唔到牛味，好似食左成堆香料落口叉燒幾“淋”，但佢配薑蔥醬，好似去咗燒味舖，味道都係偏濃清酒煮蜆，都係好鹹，仲好似有d味噌既味道，同出面煮既好唔同，fusion？但個味可以淡返d鵝肝漢堡唔錯，但跟餐得1小個，散叫可以有2個燒雞同牛都一款味☹️都係勁重香草味d飯係意大利飯？偏硬😣本身食開軟飯😆😆雪糕味道冇咩特別，最特別既係個碗係冰既個環境係舒服既，但因為開咗窗（多一張枱），咁熱既天氣，冷氣唔夠，如果再熱d，真係一路食，一路出汗…查看更多

份量偏少，食嘢外貌靚，環境舒服。叫左個意粉，d蜆好大隻，但個意粉調味好鹹，好似食咗成口鹽咁，希望個廚師試下味先上菜。另外再叫左碟茶漬燒魚，魚好滑，偏甜，但個茶同成份野個味唔夾，可能我唔識欣賞啦。我以為係飯，點知係米通，好驚喜呀，但真係個味唔夾，仲有一大舊白蘿蔔，我expect個蘿蔔用高湯煮過，應該入晒味，但so sorry，白烚白蘿蔔😐😐😐😐仲係爽口既仲有pair男女侍應係門口拖晒手，卿卿我我咁，完全沉醉於佢哋既二人世界🤗🤗🤗…查看更多

book左9點半，食98蚊任食，去到仲好大聲話任食2個鐘。食左半個鐘，諗住想加蜆已經話食埋呢碟（加蜆）冇得再加，因為已經冇晒🙄🙄又話任食？叫左個黃金魚皮，大部分都好硬/lam晒，咬唔開，想叫象拔蚌仔又話冇…查看更多