我係地獄食神的個人專頁

今晚咁凍, 所以就同主子去搵煲仔飯食 , 經過凱逸餐室,比佢出面既煲仔飯陣吸引左入黎, 睇見餐牌, 有好多煲仔系列, 我地叫在窩蛋免牛煲仔飯, 仲有臘腸排骨煲仔飯, 加多20蚊配碟腐乳通菜, 呢個餐平均70蚊左右, 送埋粟米蘿蔔湯, 冬天食暖笠笠。等左20分鐘, 兩煲香噴噴的煲仔飯就上枱, 在枱上焗多1分鐘左右, 我地就正式開餐, 先講下窩蛋牛飯, 免治牛肉唔會太硬, 可能焗得唔夠耐,飯就有少許濕, 不過由於蛋一早就落左, 開蓋時蛋已經差不多熟晒, 除非遲啲落蛋可能會好啲,精髓係個飯焦, 又香又脆, 烚到好處,到另一個飯, 因為焗既時間好夠, 所以飯比較乾身, 排骨肥瘦得宜, 配不太肥既臘腸, 我覺得好好味, 整體呢餐不錯, 係呢度食到煲仔飯 絕對是驚喜!…查看更多

今晚主子話想食得冇咁heavy, 就黎左呢度食粥, 不過食既野都唔算清, 我地叫左窩貴妃雞豬潤粥, 粥底綿就不在話, 而且雞又夠味, 配埋爽彈既豬潤, 呢個粥係凍既天氣食好正, 仲有叫蜆介鯪魚球, 鯪魚球乒乓波咁大粒, 而且好彈牙, 配上蜆介, 唔錯, 脆皮乳鴿都好熱, 皮脆肉嫰, 之後叫左xo醬炒蘿蔔糕, 蘿蔔糕切到大大粒, 配xo醬, 小辣, 都可以接受, 成餐飯冇叫菜, 我地就叫左xo醬手拍青瓜, 青瓜好爽甜而且唔太辣, 咁樣反而我喜歡, 簡單一餐, 但已經大滿足。…查看更多

今晚同主子清清地食齋, 我地叫左羅漢齋炒麵同鮮什菌扒時菜,羅漢齋炒麵係我主子至愛, 貪佢有脆口既麵食, 配料都足, 木耳爽, 如果5半前黎仲可以平十蚊添, 鮮什菌時菜都可以啦…呢餐清清地, 唔太重味, 幾好…查看更多

今早黎左王子飯店飲早茶, 呢度飲茶都屬於中上級, 先講下個前菜, 係蕃石榴, 佢好味地方就係個梅粉, 食落好fresh, 好有水準而又簡單好味既前菜, 我地點左薑蔥牛柏葉, 整得好林, 而且大大碟, 好好味, 排骨陳村粉好正, 陳村粉舖滿成碟, 滲晒排骨既精華, 讚, 和牛烤包就差少少, 裡面得一小塊牛肉, 感覺一般, 春風得意腸, 如果只配醬油, 味道就差些, 加埋xo醬, 就完美, 翡翠帶子餃夠精緻, 食落都唔錯, 最後食埋個黃金煎堆仔, 一口甜品, 外脆內軟, 蓮蓉在中心, 就算食晒啲鹹點先再食都仲有溫度, 完美…查看更多

今晚黎到呢頭食飯, 公園路有間新開茶餐廳, 就黎試下呢度既小炒, 同主子叫左3個小菜, 包括中式牛柳, 馬拉盞炒通菜同埋黑松露韮皇蝦仁炒蛋, 跟餐有足料蘿蔔肉排湯, 湯都足料好味, 凍飲就加3蚊基本, 先講下炒蛋, 蛋滑蝦仁大隻, 黑松露好香, 馬拉盞炒通菜就差啲, 味太重, 莖可以炒耐少少, 茨汁就重手左, 所以見到啲汁漿埋一齊, 中式牛柳夠林, 呢碟餸牛柳多過菠蘿同洋蔥, 真係好少見, 在肉貴過菜的時代仍咁足料, 抵食, 呢餐飯3個餸唔洗200蚊, 算可接受…查看更多

今早接左主子收工, 同佢落左三聖村飲早茶, 我地9點到, 都好少人, 坐低左就好優閒地嘆下茶叫野食, 叫左菠蘿叉燒盞, 細細粒但熱辣辣, 好香口, 我推介, 之後就仲有鮮蝦菜苗餃, 呢度既餃比出面酒樓大粒, 料好足, 香煎芋頭糕, 好少酒樓煎都咁香脆, 咬落去仲好脆, 真正做到外脆內軟, 讚, 最後就係安蝦咸水角, 個皮好好味, 甜甜地, 脆中有咬口, 配上內裡的餡料, 好滿足, 每樣點心都係3件, 我其實每樣食一件都已經好滿足, 順帶一提, 雖然點心紙唔多大中小點, 但閒日黎飲茶, 大中小點都係小點計, 埋單差不多150蚊, 海景飲茶都算合理…查看更多

今晚同主子行尖沙咀, 行完廣東道蘋果店後, 就過左隔離7樓食小菜, 呢度7點都冇乜人食飯, 我地叫左秘製蜜椒牛腩粒, 土豆沾滿黑椒同蜜糖, 好好味, 牛腩煎到好香口, 好特別, 又脆又甜, 然後叫左個薑蔥魚腩煲, 薑蔥都好入味, 唔太咸,魚腩就稍為多左啲細骨, 要好小心食, 加多個椒絲腐乳通菜, 都炒得夠火侯,正宗既菜肉魚餐,味道還不過不失,不過在食飯途中,發現米奇出沒, 幸好冇跑黎我地呢張枱, 如果唔係真係反枱都趕唔切....而且途中我聞到煙味, 原來有食客在吞雲吐霧,比我感覺更差...…查看更多

今日一家6人去左稻香食海鮮, 第一一定要試就當然係阿拉斯加帝皇蟹, 叫左隻3斤7, 都好大隻, 仲有叫埋隻象拔蚌, 刺身同上湯整, 隻蟹清蒸, 好鮮味, 打開個蓋, 好似蛋白既野好滑, 隻蟹就當然好鮮味啦…象拔蚌刺身都好正, 建議食完晒兩樣野先叫其他小菜, 如果唔係就冇位擺野, 小菜我地叫左炒蜆, 不過啲蜆有沙, 有待改進, 叫左隻燒鴨, 好大隻, 用火熱住, 好味，仲有椒鹽鮑魚仔, 感覺好似清蒸好味啲, 雜菜煲勁大煲, 好抵食, 整體來說, 好滿足, 但有啲菜色有待改進…查看更多

今晚happy friday來元朗既一杯食野, 都一段時間冇黎, 今晚主要食串燒, 包括有京蔥燒肉串, 雞軟骨, 鰻魚, 牛舌, 雞中翼, 配上七味粉, 都幾好味,推介燒鰻魚, 燒到皮脆肉嫰,仲有就係日式薄餅即一杯大板燒, 材料豐富, 有牛肉, 牛根, 菜絲同蛋,加埋6件壽司(有海膽, 蝦, 三文魚, 吞拿魚, 魚等), 壽司都算新鮮,海膽味道唔算太濃, 但魚都有咬口, 加埋杯premium黑啤, 簡約一餐, 但都要500幾蚊, 算係中上價錢的食店…查看更多

今晚在長沙灣食牛扒, 呢間自助式牛扒店一直都想試, 今晚有機會, 就同主子來, 叫左牛肩排同牛柳, 兩樣加埋唔洗200蚊, 牛肉湯, 沙律同紫菜飯自助形式, 一成熟上枱面, 透過石板的熱力加到合格自己的程度, 好方便, 牛柳好滑, 5成熟配自家整燒汁都好正, 但我覺得最簡單的只配佢地提供既喜馬拉雅山鹽, 已經係好完美, 之後就用石板的微溫去整塊牛肩排, 有少少根啦…但都仍不錯, 唔想overcook, 建議一上時就將塊扒裝起, 然後邊切邊燒, 咁就可以有最好的熟度.…查看更多

今日同主子朝早黎呢度飲茶, 裝修完第一次幫襯, 由以前做宴會酒席到現在變成飲茶小菜, 一入去感覺好光猛, 由於閒日唔太多人, 所以可以有卡位坐, 為左精簡人手, 現在好多野都自動化, 自己煲水加水已經一大進步, 保證水滾茶靚, 用包裝茶, 方便企理, 落單用wechat(如果冇都幾煩), 我地叫左一個金銀蒜龍躉球飯, 金錢肚同埋順德煎魚餅. 呢度閒日11點前落單, 12點前走, 點心就可以半價.金錢肚下面係陳村粉, 金錢肚味道唔太濃, 不過陳村粉有晒精華味道, 好好味, 煎魚餅感覺都不錯, 有咬口之餘仲好入味, 更特別就係裡面加入紫薑, 食落都幾夾, 最後上既係龍躉飯, 炒飯底, 好香蛋味, 魚汁滲入飯中, 好正,魚就一般, 冇特別, 星期一至五黎食, 半價都抵食. 整體來講, 可以裝修完新開, 比起之前旺場好多 …查看更多

今日同主子行完山, 就黎呢度食泰國菜, 今晚叫左金柚鮮蝦沙律, 鮮蝦冬蔭公湯, 青咖喱雞同埋蒜香包, 飲野就叫左芒果沙冰同埋珍多椰汁冰。先講下個湯, 足料大蝦, 個湯好有鮮味同層次, 唔係只係得辣, 我每次黎都一定叫, 好少地方飲既冬蔭公咁正, 美中不足就係個湯匙同個窩唔係好夾, 要裝湯要花啲心機,食唔到辣都可以一試, 沙律, 柚子真係好足, 配上脆脆同醬料, 好味, 蒜蓉包鬆脆, 配咖喱汁, 垥到好處, 青咖喱雞好香椰汁味, 唔太辣, 味道好, 而且雞好嫰, 值得讚.沙冰打到好幼, 入口都感覺好滑, 珍多冰椰汁味濃,現在50蚊兩杯, 絕對抵.…查看更多

星期日同主子去萬芳冰室食晏, 我地叫左紅豆冰, 呢度紅豆冰用刨冰做, 在香港已經唔多了, 我就叫左菠蘿冰, 賣點當然都係刨冰啦,可以飲晒成杯冰而唔洗將啲冰整返出黎, 香港已經少有冰室做到 仲叫左出名沙丹豬扒飯, 有菠蘿, 太陽蛋, 火腿厚切,仲有半隻碟大既豬扒, 豉油油底, 豬扒都好有肉汁, 配菠蘿好fresh,蛋汁配豉油同飯真係好夾 仲叫左鳳尾蝦星州炒米, 用鳳尾炒係佢既賣點, 條條米粉都有咖哩味道, 辣味十足, 不過份量就冇豬扒飯咁多, 細食既就岩岩好…查看更多

星期六做完野同主子到尖沙咀high tea, 我既high tea就係打邊爐, 維港景色盡收眼簾, 淨係呢個view已經令我地變得好輕鬆, 我地叫左個湯底係大骨, 一邊小辣一邊清湯, 雖然係小辣, 但足以噴🔥, 所以都係清湯岩我, 我地叫左安格斯牛肉, 稻田毛肚, 桂花珊瑚蚌雙拼, 脆鯇魚片, 冰豆腐, 生蠔, 淮山條,仲有蔬菜籃, 非常豐富, 牛肉只要15秒就已經好嫰, 魚片都好新鮮, 有咬口, 鮮淮正只要唔好淥咁耐就好爽口,蠔就勁大隻, 半份有兩隻都好滿足, 其他材料都好新鮮, 值得一試, 不過如果晚上黎就要訂枱先有海景view了, 食下午茶黎呢度都係另一種選擇, 10月底午市湯底仲免費添, 兩人埋單都600幾蚊, 同high tea差不多。…查看更多

今日同同事黎呢度食咖喱飯, 我叫左咖喱雞飯, 先講配料, 除左薯仔係放在咖哩裡一齊整, 其餘既配料好似蕃茄, 青瓜同洋蔥都係後加, 所以就沒有太多咖哩味, 咖哩味係好味, 椰香同埋唔太辣, 送飯一流, 但雞就一般, 一碟飯兩件雞, 肉就唔太嫰口, 比起另外兩間大型快餐店的雞, 的確係有啲遜色, 整體來講感覺只係合格…查看更多