JobieLee的个人专页

經過利東街，又想食下日本嘢，就見到呢間專食宮崎和牛飯同月見豬腩肉飯嘅日本餐廳試吓。..🍴月見豬腩肉丼（$88）使用宮城縣產「一見鍾情」米、米飯🍚粒粒分明唔會一patpat，豚肉用秘傳醬汁燒得好香。..🍴特選宮崎和牛飯（$169）日本好出名嘅「宮崎和牛」 係九州宮崎縣養育出來的宮崎牛，出名霜降均勻，燒完出嚟油脂甘香，呢個價錢食呢個質素其實幾抵。..🍴炙燒蘋果吉列豬扒芝士黑咖喱飯🍛（$98）豬扒肉質好腍，外身脆口，黑咖喱好似墨魚汁咁好黑嘅，第一次食有蘋果肉嘅咖喱飯加埋咖喱一齊食，甜甜地都幾得意。..🍴沖繩四季柑威士忌梳打（$48）睇個名以為好甜，但其實係苦嘅，即係酒精都比較重。..🍴雪葩（$48/1個）去親日式餐廳有生果雪葩嘅話我都一定會叫嚟食，柚子好清新，酸酸地好開胃。香桃🍑就比較清甜，我兩個都鍾意食。🤣…查看更多

夢之丼位於西環舊區，裝修風格簡約、舒適。主打廚師發辦、海鮮丼，食材由日本直送，日本米加赤醋調味，米粒分明，而且酸度適中，清爽飽滿，唔需要外加醬油，可以直接享用。海鮮丼有七款：夢之丼、三文魚丼、什錦魚生丼、炙燒海鮮丼、海膽丼、拖羅丼等，定價$128-368。夢之丼 $328以店名命名的招牌，丼飯附麵豉湯、甜品、前菜。前菜為沙律；麵豉湯用海鮮熬煮，好鮮味！這款丼飯附一杯自家製橙醋，店員介紹，可以先呷一口，然後加少許橙汁，搭配帆立貝，有提鮮作用。丼飯配料豐富，有帆立貝、海膽、牡丹蝦、蝦膏、三文魚籽、三文魚蓉。鵝肝安格斯牛丼 $368香煎鵝肝同埋蒜片炒安格斯牛安格斯牛肉嘅份量都幾多，入面仲係嫩粉紅色牛肉味香濃鵝肝超正外面煎得脆卜卜，入面就好軟，勁甘香！…查看更多

上星期同朋友收咗工之後去食自助餐，見佢依家閒日六折一位$288，所以的就去試試。味道：🌕🌕🌕🌗🌑環境：🌕🌕🌕🌑🌑服務：🌕🌕🌕🌑🌑衛生：🌕🌕🌕🌑🌑抵食：🌕🌕🌕🌑🌑食自助餐好少有越南菜，有d藍色粉絲幾得意，青咖哩雞同蔗蝦係最推薦。呢到仲有魚生、生蠔、蟹腳等。沙律都有好多款，不過我唔太喜歡食越南沙律，但佢呢到都仲有普通西式沙律，咁都ok ，$288有自助餐食都幾好。…查看更多

呢到裝修好靚😍💕，有好多綠色盆栽吊係半空、金色線條嘅餐椅、雲石枱，仲有個落地玻璃露台，透射自然日光入嚟好舒服。（忘記影相！好後悔）.🍴二人餐（$498兩位，中午至晚上同一價錢，夜晚食有咁多野唔算貴👻）呢個餐好多選擇又好大份量，我兩個人食唔哂，我就揀咗以下嘅野食😋：-鹹蛋黃青木瓜沙律-大蝦冬蔭功（細）-泰式大蝦炒金邊粉-斑蘭青咖哩雞-香草蒜蓉包-泰式肥豆兒醬炒白菜🥬苗.特別推介大蝦冬蔭功湯！！佢寫住係「細」，但其實好大！！如裝落食飯細碗到飲可以裝大約10碗！😝😝👏🏻👏🏻👏🏻👏🏻我自己已經飲咗6碗！我好鍾意呢到嘅冬蔭功湯，香料同辣調得剛剛好，又唔會太酸！😍😍😍🥰🥰🥰.斑蘭青咖哩雞偏重羅勒味，蓋咗斑蘭味，但雞肉煎得好香，幾好食。但我本人唔太鍾意咁重羅勒味，下次可能揀其他菜式。.整體水準幾好，份量又多，性價比Ok!!!有下次！😋😋😋❤️👍🏻…查看更多

當晚點左2個套餐, 有前菜、餐湯、主菜、甜品同飲品 前菜煙三文魚沙 , 沙 菜同煙三文魚好Fresh, 另有粒粒小爆珠, 味道有小小檸檬味!!都幾特別!另附上餐前生果清洗一下味蕾 飲品點了Candy Jelly 及Peppermint 餐湯係雜菜湯，飲落薯蓉味重!好幾好飲! 重點係塊香脆蒜蓉包, 好惹味 叫左一個主菜香煎帶子黑松露牛肝菌燒烤菇意大利飯 ($188) 帶子好鮮甜, 香煎帶子時間剛好, 外脆內軟! 個人好怕意大利飯好硬身, 但廚師烹調得好好, 好Creamy 黑松露牛肝菌燒烤菇份量好多, 每一啖食到唔同菇菌 另一個主菜板燒法國鵝肝伴牛柳配黑松露紅酒忌廉汁($248) 鵝肝表面好香脆, 入口即溶！ 點了7成熟牛柳, 有兩大塊, 而且好厚身同嫩滑!牛味濃!食落好JUICY! 是日甜品係奶凍, 都幾香滑, 不過個人認為有甜了小小。…查看更多

之前去探個朋友，經過杏花新城見到有間好夢幻嘅餐廳。見朋友嘅小朋友好興奮就咁入左cafe paradise食 餐廳裝修好夢幻，有迴轉木馬🎠🎪香辣蜆肉炒意大利粉 （$68） 意大利粉炒得好乾身，而蜆肉份量都唔少，香香辣辣幾惹味Paradise Jumbo ($123) 有西冷牛扒、煙三文魚、茄汁豆、炒菇菌、薯餅、窩夫、腸仔，份量好多，味道尚可，但如果可以熱啲會更佳!美式BBQ豬扒骨，豬扒骨都好大份而且好入味，再點埋旁邊嘅BBQ汁會更加味👍🏻…查看更多

依個價錢同質素都幾抵，介紹返先Omakase 廚師發辦 （$980/位）🍽🍶 鮟鱇魚肝丶眼仁奈丶炸沢蟹🦀鮟鱇魚肝-魚肝不腥，搭著櫻花蝦來食頗有層次叧配鱸魚刺身鰈魚加裙邊冰頭漬（三文魚咀軟骨）冰頭漬~係用咗三文魚頭入面既軟骨!好清新爽口!薄薄眼仁奈刺身，晶瑩通透，鮮美爽滑！蟹仔從缸內活捉現仔，蟹仔雖小原來佢都有唔少肉，入口好甜，好濃蟹味🐚粒貝口感爽脆而且鮮甜，再加小小柚子味酸汁，再提升鮮味！..中拖羅-肥美無筋丶入口即溶丶超正!.🍣金目雕壽司系撚鵰壽司-坊間甚少供應，比味道普遍清淡的鯛魚，味道來得鮮甜，肉質結實有彈性。北海道海贍丶海葡萄壽、赤蝦-好有層次, 但食落又幾夾~ 好有口感又夠哂鮮甜!!魚鮫腩壽司-油脂好重，入口即溶軟骨餃子-餃子煎到好脆身，食落有軟骨脆卜卜的銀杏串燒外皮帶點煙韌、苦苦甘甘的櫻花蝦餅-炸漿薄而不油膩.燒白鱔-魚皮脆卜卜，而鱔肉金黃之時，就是上佳之作。.酒煮蜆🍲 酒味不濃，白蜆鮮嫩彈牙.明太子烏冬-每條烏冬沾上明太子醬汁，加上泡菜有畫龍點睛之效，令整個料理層次更為豐富。.自家蕨餅-美味程度讓人一口接著一口，就是無法抗拒其軟Q的口感…查看更多

好耐無食越南野，所以同朋友搵咗呢間小店試一試。.《蟹膏蕃茄湯檬》($45)九成都會叫呢個招牌菜，份量唔少有蕃茄豬紅札肉等，最吸引緊係果一大塊蟹膏，湯底個蟹味好濃，檬粉都已經好入味.《斑蘭綠豆糕》($13)用上斑蘭葉鮮製，仲要分三次蒸，功序繁復數量有限，上下的班蘭糕淡淡香味有咬口中間就係少少甜既綠豆蓉，非常清新的越南糕點甜品！.《牛油果沙冰》($28)一黎到真係青BB好足料，真係成杯都係沙冰，連攪到攪唔郁，飲落真係落足牛油果.《越式法包》（$40）有腩肉、扎肉、肝醬、青瓜等等，法包烤得外脆內軟不論法包還是材料，都配合得很好.《三色蛋豬扒飯 》（$50)三色蛋味香好有層次感，估唔到咁有驚喜！金香豬扒十分香口惹味，記得將飯同香蔥拌勻後一起食，真係超正。…查看更多

《勁大隻龍蝦🦞沾麵》之前成日見到傳媒介紹佢嘅龍蝦🦞、海膽、蟹膏沾麵，終於有時間去試吓係咪真係咁好食。本身想叫海膽款，但佢賣哂所以無試。.🍴極上芝士龍蝦🦞沾麵（$196）龍蝦的而且確係大隻，😇肉質算爽口，沾麵湯係龍蝦🦞湯，唔算濃，似罐頭龍蝦湯果隻味，沾麵中等。.🍴極上芝士蟹皇沾麵（$156）🦀芝士湯真係好芝士，似食🧀🧀🧀芝士撈麵嘅汁。係好濃芝士，但無咩烹調技巧，不過身為芝士控嘅我都係會中意。蟹皇係指個蟹蓋連膏，幾鮮甜，差燒唔太肥都ok。.水準一般，但可以試一試。🤭…查看更多

🔎《新派中西 Fusion 菜》.臨近聖誕，特別多飯局要去，今次朋友揀咗呢間位於銅鑼灣利苑三期新開嘅酒吧餐廳一共三層❤️，最頂層係天台戶外酒吧🍸，下兩層係有格調嘅餐廳，✨環境幾靚，裝修以深色調同雲石為主。今次同朋友去咗嘆dinner set，食到勁飽，都幾多野食！（$800/Per one).🍴火焰橙酒法式焦糖燉蛋🍮🔥有火燒，好靚哈哈，都幾好食，有橙酒平衡返焦糖燉蛋嘅甜。👍🏻🔥🔥🔥.🍴燈影紅曲米牛腱🥩朋友叫咗呢個食，佢話牛腱切得算薄容易入口，味道甜甜的，不錯。.🍴竹炭金萡蝦餃🥟餡料混合咗蝦肉、龍蝦肉，有湯汁唔dry，不過皮厚咗少少。.🍴櫻花蝦避風塘茄子 🍆食落外脆內軟，拌櫻花🌸蝦同炸蒜粒、辣椒🌶️粒，好香好夾！好食！.🍴花膠螺頭片波士頓龍蝦湯🦞龍蝦湯入面有花膠、螺頭片，中西合璧又幾得意，推介試吓。😊😝👍🏻.🍴竹笙如意海皇羹呢個比起龍蝦湯較清淡，如果好似我咁鍾意食重口味野，建議揀龍蝦湯。.🍴金莎芥末鴛鴦蝦球越南虎蝦🍤同時可試哂兩款虎蝦球，分別係日本芥末沙律汁（唔會攻鼻幾好食）同金沙鹹蛋黃醬（推介比鍾意食鹹蛋黃嘅你），蝦肉爽口大隻。.🍴脆皮意大利風乾火腿蘿蔔糕配果醬🥓蘿蔔糕用米網紙包住嚟炸到香脆，配以清甜嘅菠蘿果醬一齊食，消減幾分油膩感，幾創新。👍🏻.🍴阿拉斯加蟹肉的金柱蛋白燴飯🥘朋友叫咗，我太飽無試到。.🍴金箔紅酒烏梅山楂糕估唔到紅酒🍷同烏梅做甜點又幾夾，唔係太甜，清清地，味道似紅棗糕d fd。…查看更多

我成日去樂天皇朝食晚飯，有次去尖沙咀加拿芬廣場果間皇朝食飯，見到佢格離有間「樂天經典」，以蟹作招牌菜，超愛蟹嘅我好想試！😝🥳所以今次就嚟呢到食。.環境幾好，粉藍色梳化位加雲石紋枱，好舒服幾靚。.四個人食飯叫咗以下食物：.🍴黑胡椒蟹（$368）🦀黑胡椒汁好惹味，唔會太辣，好香喔！不過朋友話作個整法唔算新加坡果隻做法，但都好味。👍🏻.🍴青芥末蝦球（$138）🦐中意食wasabi可以叫呢個蝦球，唔太辣我都食到，幾得意，唔洗咁悶又食普通中式蝦球。（平時食開譚仔十小辣）😋.🍴櫻花🌸蝦四季豆（$82）無諗到櫻花蝦脆卜卜加埋菜莆粒咁香口好味，加埋走咗油嘅四季豆好夾，幾有新意！😊👍🏻.🍴沙律排骨（$88）🍖呢個係成日都係樂天皇朝果邊食，因為真係好食，送飯一流。夠脆身、肉質又軟熟。.🍴蒜香紅海蜇頭（$75）🌶呢個好正！爽口海蜇浸泡於麻辣蔥蒜豉油之中，少少麻、辣辣地、濃蒜味，真係好好味！❤️👍🏻😋.🍴楊枝甘露（$36）好真實芒果🥭香甜味，溝咗奶好香，有驚喜，因為好食過好多糖水店！.🍴三色桂花班蘭糕（$38）🍡個樣好似好得，但我覺得太淡味，但中意清香嘅朋友就覺得ok。.…查看更多

同男朋友食晚飯，有時食得多Set定咗款式同份量嘅晚餐有d悶，😋今次試吓自由少少嘅Semi buffet! 前菜、甜品可任食，🎉再揀吓個main食咩都幾開心。我地揀咗個焗大啡菇意大利飯，估唔到呢個幾好食好足料👍🏻😊，仲要份量好大，一個人食會好滯，要share! 男朋友就揀咗牛排，由於我唔食牛，佢食完話滿意，煮得唔會過熟，有牛肉嘅甘香味。呀！個湯蔥湯超好飲！個湯好甜，唔會有洋蔥辣味，必飲！😆💗呢到環境唔錯，裝修幾有氣氛。…查看更多

平日我都好中意食日本拉麵🍜🇯🇵，所以一知道有新開拉麵🍜店就會約朋友一齊去試試，睇下滿唔滿足到味蕾。.而且朋友中意食牛肉，所以就去咗試呢間係尖沙咀日本拉麵嘅新選擇啦😂🇯🇵！.😊😊個湯底係用牛骨熬製咗20多個小時, 碗麵上枱時濃烈牛骨味,而主角係來自熊本縣和牛, 仲可以簡慢煮、和牛刺身、火灸選擇!今次簡左火灸,肉質細嫩, 個糖心蛋亦整得好入味, 依個價錢食到咁高質素和牛真係好超值！👍🏻👍🏻👍🏻👍🏻👍🏻…查看更多

一家人去食晚飯，當然揀d 長輩啱食嘅嘢啦，又唔想成日食大集團中菜，咁就試試朋友介紹呢間專食河鮮嘅老字號菜館。.聽朋友講話「宮廷禦用鮮螺頭燉雞湯」個湯好好飲，咁就叫咗比家人飲。真係好足料，聽講燉足4個小時，夠曬火喉，大家都飲完一碗又一碗。.「豉汁蒸魽魚」 - 家人都好中意呢碟，因為夠惹味呀，魽魚都幾新鮮肉滑。.「金牌污糟雞」好嫩滑又好入味，又帶少少沙薑味，我個人推介呢個一定要叫！呢個係得獎之作！.「瓦罉煎焗魚咀」，呢碟我無食，家人就話好香口好惹味，佢地話下次都要食呢個。.「特色籠仔梅菜蒸菜心」菜心勁甜勁新鮮！份量真係好多，同梅菜一齊整好特別，仲帶有荷葉味！.「得奬龍吐珠」用魚肉整成魚球，肉質彈牙又鮮甜！.「蔥蒜煎大蝦」都幾大隻，d汁送飯一流。.「黃金糕」甜品係送的，不錯。.家人平時食飯好多批評，但今次少有地差唔多樣樣都讚，食得好開心。家人未食飽就已經話下次要再尼叫咩菜式食，好推薦大家食！…查看更多

西營盤真係好似個Mini Soho,愈來愈多餐廳，所以同朋友一齊去搵下有哂手特別野食，見到佢外牆畫哂畫咁好得意，所以行左去試試。.味道：🌕🌕🌕🌕🌗環境：🌕🌕🌕🌑🌑服務：🌕🌕🌕🌑🌑衛生：🌕🌕🌕🌑🌑抵食：🌕🌕🌕🌑🌑.🍴Pig’s Burger 🍔 （$90-$140）呢到d Burger 大到要分開兩份上碟，仲超多多多料！呢個Burger 我比滿分💯！第一次食慢煮手撕豬肉加埋🥓Jack Daniel BBQ醬汁，個面有熱融芝士蓋住哂d 豬肉，惹味到爆炸 ，你會食唔停！😝😝😝👍🏻👍🏻👍🏻.🍴藜麥沙律🥗（$68-88）藜麥本身無乜味，好唔好食真係好睇配料同個汁，呢個暫時係我覺得最好食嘅！❤️💯完全唔滯，全靠勁多開胃酸甜嘅汁加石榴粒、洋蔥粒、法國嫩菠菜等等。.🍴Chicken Schnitzel Burger 🍔 （$90-$140）中意健康嘅可以選擇呢款雞胸肉加埋蕃茄莎莎汁加麵包碎，🍅D莎莎汁係佢地自己特製，好fresh，但雞胸肉口感會無禁滑同乾身d，所以我個人都係中意手撕豬肉果個多d。.🍴Chicken Drumsticks 🍗 一盒5件炸雞槌，好酥脆，有三個醬汁比你揀：藍芝士醬、蜜糖芥末醬、Peri Peri酸辣醬。（最中意藍芝士！）🧀餐廳：Flying Pig Deli (西環)地址：西環西營盤正街52-56號地舖…查看更多