Krezicle的個人專頁

平時去日本都會搵下隱世小店尋寶，飲杯酒容入下當地原來香港都有Sake Bar, 鐘意飲清酒唔可以錯過‘夜只’ 樓上舖係中環嘅斜路打卡牆對面，唔難搵！上樓梯左邊果間先係，唔好去錯嘞一拉開趟門好似去左另一空間，舖內日本風裝潢有bar枱可以同店主理Terry研究傾計（佢係酒精活字典， 對Sake/whiskey/Wine等都有深鑽 )；另有二人高枱；單人牆位，仲有最俱特色同受歡迎嘅情侶/閨蜜隱蔽望街景枱除左酒，最重要係環境清淨，配合好心情迎接每一杯酒。$248/位嘅放題超值推介，每款清酒都係Terry精挑細選，好多都係市場罕見，而且舖內數量亦不多，想試飲下唔同款式特別味道嘅話不能錯過，下次黎又唔同晒款架喇！另外仲有單杯選擇，唔想放題淨係上黎chill一chill, me time下又得我地又食又傾又飲，大約試左20款清酒其中特別鐘意‘花風’似飲緊荔枝味嘅啤酒mix Sake 好獨特！ 隨即Terry 拎晒一系列花風同我地介紹，好專業，好似上緊堂咁，學到好多野另外仲有‘試’似飲緊蜂蜜水，好得意好意外嘅味道。 小食佐酒方面，嗌左個肉丸同果仁芝士餅兩者都係水平之上，如空肚飲酒/搵野咬嘅朋友仔可以試試，Terry 親自炮製…查看更多

最近有個生蠔腦，周圍搵邊度有靚蠔食Search到Hysan原來有間專食愛爾蘭蠔呢度嘅蠔唔係用gram或者N來分等級而係用月份，36/45/54/60個月共分4個等級60個月即係5年🤯我地揀左45mths同60mths，兩款明顯大細有分別，味道亦有不同先講45mths大約係N2 size，好甜係已經好甜！ 蠔味唔係特別重，相信大眾都會喜歡，性價比高嘅一款。60mths N1-N0之間啲size, 呢款個後勁非常強，相對地蠔味同海水味都比45mths重！而且甜度更高！係超甜嘅水準！本身愛食生蠔又唔食熟蠔嘅我，對住呢款蠔真係一試愛上。Bar枱望住師傅開蠔，好新鮮真係～講完冷盤就到熟食主菜由於open kitchen，真係睇住師傅接一個order做一個order我哋點咗牛扒同埋龍蝦意粉。都係睇住師傅煎完再rest, 8安士牛扒配紅酒汁只係$189，完全無可挑剔……銅鑼灣地段我唔知講咩我要3成，有；要牛味，有。仲有個紅酒汁提鮮，又係性價比高之作！因為脂肪少，肉質偏實，咁呢個會係唯一可以評論嘅位，但只係$189 lol另外個蒜係好味，好淋！至於另一道$189嘅加拿大龍蝦汁扁意粉，同樣地無失望，首先係有半隻龍蝦吸睛，滿滿嘅醬汁堆住意粉。龍蝦肉爽.鮮.甜,分量合理；意粉掛醬十足，每條意粉都沾滿醬汁，龍蝦汁味道濃郁，出色招牌菜！…查看更多

見到B&B Oyster Steakhouse 有蠔食，即約腳！果然現場每枱都會叫蠔，即刻好有信心，款款都想試！叫滿任何蠔12隻一打仲有紅或白酒1枝，好吸引本身預枝酒會特別出色，點知又有驚喜！我地分別叫左6款蠔，試試佢，menu上無寫size但一般都係N2-N1 size.Pacific Rock ,蠔味重，海水味啖，抵食之選。Irish 爽口，小小甜，肉比較薄St. Vaast口感豐厚，好甜！海水濃郁，層次豐富FDC 海水礦物味都豐富，係性價比高系列Gill蠔中之皇，每次食都讚不絕口，口感豐富，味道濃，平均分全部水平之上！無得輸之選。Coffin bay礦物味重，超爽口鮮甜！酒方面，夠凍易入口果味重！送蠔好配合餐廳周圍都掛滿畫，原來本身係畫廊而家仲會每個月轉一次主題，今轉係哥哥，好有意思！最後埋每人250，餐廳坐得舒服，有服務，食物新鮮，值得大推…查看更多

最近超人氣餅店Milkfill想試好耐！一向對拿破崙都情有獨鍾 原本只有一家心水 而家Milkfill成為另一家！Milkfill仲不停推新口味，繼菠蘿拿破崙泡芙又新推出雙層鹹蛋黃拿破崙泡芙！靜雞雞話你地知🤫問店員仲神秘menu今次就係將雙層鹹蛋黃upgrade成三層餅店會即場加吉士醬入餅內 非常新鮮拿破崙餅皮香牛油味，好脆口！甜味恰好，出色！鹹蛋黃味更係有驚喜，再加三層更係錦上添花自己試過就知味道！真心好食！食物出色有質素，自食送禮都無失禮。…查看更多

放假鐘意搵間咖啡店hea下坐下好好生活慢慢享受揀左長沙灣土耳其風格嘅渴喝，一推門入去左另一異國空間咁幾乎每一樣用具擺設傢俱都滿載土耳其元素，吊燈，茶杯，墻壁亦言環境好舒適，有像我一樣獨坐；有二人對坐傾正經事；有四人同行閒聊的，都適合！飲料方面各有特式，諗左好耐先揀到“月光寶盒”原因係佢係由椰奶同椰水沖出黎！對飲奶會肚痾嘅人番講，椰奶真係好發明呢杯月光寶盒要輕搖，將濃厚嘅椰奶同稀薄椰水兩者溶合口感獨有，再加檸檬皮提高層次感味道不單調同時帶有咖啡香味不會喧賓奪主，各自發揮而沒有遺和感特有夏天清爽氣息，幾特別有趣新穎！另叫入蛋沙律牛角包，牛角包腔不能錯過牛角包反翻熱後香脆鬆軟，豐富牛油香味，咸度亦適中沙津蛋配蛋黃醬好味！而且係常溫，份量多到滿瀉，呢part攞滿分！…查看更多

上網看到燒肉臻有個超級special menu, $398仲要免加一食到和牛盛宴，兩話不說，早一日預訂先有得食燒肉當然要點一杯啤酒。前菜會上一份番茄漬物，醃製過的蕃茄加入酸汁，先去油膩感生和牛牛柳薄切配wasabia, 每人兩件，卷著入口，陣陣牛味在口內徘徊鹽燒南非鮑魚配肝醬，廚師會在你眼前慢慢燒煮，鮑魚入口爽彈，燒得剛剛好隨後是熱呼呼的鮮蟹肉蟹膏茶碗蒸，雞蛋非常滑身，是日本茶必吃之一一夜乾雞翼，就是將雞翼風乾一天，吃一口雞皮非常脆口，燒得非常出色其後是主角牛肉部分，二款和牛二選一，我選的是日本和牛背峰，和牛背峰油脂非常豐盛，入口滿口牛香其後是四選二的點選了美國牛小排和厚切牛舌芯。燒牛肉部份是由廚師幫助燒烤的，絕對是五星級享受，等吃的時候心情相當興奮吃到這部分已經有飽肚的感覺，最後出場的是和牛牛頸脊壽喜燒配紫菜飯，四片和牛牛頸脊沾上蛋汁，再配上白飯，最後還是把整碗飯吃掉最後奉上雲吞魚清湯解油膩，凍冰冰的水信玄餅作為甜品，$398絕對值得…查看更多

很久沒吃Omakase，看到了$988的tasting menu，當然要去一試前菜三品秋葵蟹肉清湯，入口即溶化，很順滑日本仙人掌，口感像蘆薈，清甜爽口合桃小女子，小魚乾配上合桃刺身四款深海池魚，肉質鮮嫩肥美，脂厚油香螢光魷魚及醋麵豉，每一隻都非常飽滿活赤背，灑上柚子皮，入口鮮甜鰤魚，一件刺身，一件輕輕火灸過，紅肉魚，肉質緊實，油脂豐腴和食南京燒，有獨特的香味，配上香茅作調味料，配上金箔紫菜，清爽帶點泰國風味手握壽司8貫石鯛魚，師傅已經落晒調味，魚肉口感有咬口針魚，魚肉面爽介了幾刀，好爽，彈牙青魚，配上昆布，夾住一起吃，一件很獨特的壽司，細嫩鮮美，清爽香濃北海道帆立貝配柚子皮，帆立貝肉厚鮮甜，令人懷念火灸梭子魚，配上數粒芝麻，好淋野生銀鱈魚BB配醋麵豉，銀鱈魚本身就很肉質嫩滑，油份重中拖羅，色澤鮮紅沒有筋，入口有一種溫暖的感覺北海道馬糞海膽，看著師傅一層一層的把海膽放上，很期待，海膽甘口鮮甜，帶一點海水的咸香，令人忘懷最後是舞茸湯，湯頭十分清，一點油份也沒有，為整頓飯，作為結尾…查看更多

經朋友介紹到觀塘工厦食西餐起初只係打算隨便搵企理食物合格就可以但竟然有驚喜！只睇Menu的話不論食物款式或價格會覺得係正路野，但再細望發現都係偏高價路線嘅產物，款款吸引！兩人各選一個Dinner Set，前菜餐湯主菜甜品都齊，仲附有茶品，甚俱特色～先來一杯…糖漬檸檬薑蜜小小杯內有燒過嘅薑絲加上蜜糖，好飲又開胃首嚐咁特別嘅檸薑蜜，薑味濃，帶小小甜嘅峰蜜味，薄薄葉好fresh，甚具台灣特色，有意思❤️前菜：香煎法式鵝肝.梅酒溏心蛋好吸引嘅擺設，吸睛嘅流心溏心蛋，酒香味濃，而且真係帶小小梅味～另一邊箱係已經出到出油嘅鵝肝，厚身有口感又入口即溶，要閉目細味品嚐！托底除沙律菜亦有海葡萄解膩及子薑解渘芝士元貝釀蟹肉蟹膏野菌忌廉汁芝士野菌忌廉汁埋藏原隻元貝，扇貝肉好軟身，芝士味濃郁，配昆布特別，有一堆蟹肉蟹膏圍邊，混合一齊嘅味道好多層次，味道可口。餐湯 - 干邑龍蝦湯先放蝦仁及露筍，再由店員倒入龍蝦湯，蝦味濃厚，好香蝦油香，蝦仁都好爽口然後中場休息，再上杯台灣有機單品原茶清一清口腔，為主菜做好準備主菜鹿兒島A4和牛西冷配慢煮和牛面頰肉. 配露筍奶油千層薯罕有以日本A4和牛用材，雖然較薄但貴精不貴多，入口即溶嘅口感滿口油脂，真係食得多都會渘 ，好在搭配和牛面頰肉有多重享受，雖厚但肉質超淋易咬，牛味俾前者重～洛杜克黑毛豬鞍配焦糖菠蘿， 炒野菜，千層奶油薯大大件黑毛豬鞍好厚身，小小粉紅嘅肉質好爽口，份量偏多真係食一兩口就食啖菠蘿解解膩，好幫手。另一驚喜竟然發生係炒野菜上面，通常一般都配沙律菜，而呢份炒野菜好有誠意，多款蔬菜又全部切粒粒，最重要唔係白烚又唔係無味菜，邊食邊讚而且食晒！季節限定甜品不同時候廚師會轉季節甜品，今次係蜜柑，蜜柑好甜多汁，餅底都好香口甜度適中！咁有誠意嘅餐廳一定要happy share俾觀塘友❤️…查看更多

凍天成日都想食燒肉，原來葵芳都有平價新選擇！巴士總站旁嘅新葵芳花園新開嘅燒肉一番，套餐選擇多，價錢貼地，環境仲好開揚坐得舒服～我哋兩個勁鐘意食肉的人，見到肉就眼發光，幾乎點齊所有肉類。而且仲有多款小食，見到相片份量都係小份，所以我哋更放膽放肆先點各人一套餐，皆轉玉子飯，跟配麵豉湯及前菜牛肉三食套餐揀選牛小排,牛板腱,牛五花牛小排永不失望必叫之選,油膩香而且有牛味牛板腱肉質較實有口感,三者之中牛味最濃！牛五花燒完後油脂部份縮少而且有部分經燒嘅過程已經將油迫出，淨下只有香口安格斯肉眼套餐一大塊肉眼上，size同燒爐相約！燒過後極香極惹味，由於有一定厚度，我會燒兩邊再剪開再四邊輕燒，目求全件牛入口都夠香夠熱夠水準追加牛舌，份量合理，肉質好爽口👍🏼小食方面推介芝麻雞翼炸得好香脆又多汁芝士年糕市面少有，奶味濃郁，非常出色！差啲漏左玉子飯，滿滿的味料及紫菜碎木魚絲，太誇張太有誠意了！又一個愉快又滿意嘅一餐…查看更多

近期發現廣福道有間東記上海麵午市店外特別人多，一直都諗會唔會係大埔墟熟食中心無人不識嘅東記？終於有一晚入去堂食晚餐試下！果然係食炸豬扒同炸雞翼配上海麵。一問之下，原來係東記太子爺開嘅分店！廣福道店嘅環境當然比熟食中心企理又坐得舒服改良同時都保留左木色摺枱及富有香港原味道嘅裝潢親切感滿分💯除左招牌炸豬扒同炸雞翼外仲增添左好多款餸及配料可選擇搭配不再單調但煩惱絲增加，因為樣樣都想食首先炸豬扒同炸雞翼依舊出色，多汁又香脆好多大埔人都一份咁買番屋企加料另一重點係…好大碗好大份餸好抵食特別係炸豬扒，厚肉大件有口感此外初嘗麻辣牛筋，雖則係小食，但都好大碗麻辣味適中唔會過咸過辣，牛筋靭度可以，個人鐘意再淋少少每碗都附上靚菜一兩條～有誠意仲有仲有唔好錯過枱上調味架嘅辣醬，食過你就知味道勁好味～～～ 好香好惹味！！ 我加完一羹又一羹！以前係熟食中心東記無食過…走左好多年寶…查看更多

同事介紹銅鑼灣新開嘅Sushi N，適逢朋友生日當然要去食好西啦！環境好舒適座位闊落，感覺舒服。我哋都揀咗$1880/head set，另外加配清酒。由於兩位女士，店員都主動為我地推介左枝有果香又唔dry嘅千秋龍脈，真係好易入口，又會不時幫忙斟酒，服務滿分～第一道三式前菜有赤身,粟米同埋秋葵，擺設得精美，首先食赤身肉質軟糯配山芋，口感好滑身；然後清甜粟米，非常多汁；最後一小杯嘅秋葵，味道清新，甜甜酸酸非常開胃。隨即上第一道刺身，八間魚配無花果，加配黑松露油，魚肉厚身幾遠又香，松露味未有搶去魚肉鮮味，先出松露味後再有無花果最後出魚味，多層感受！全晚最爽口北海道粒貝，配柚子皮同埋醬油，口感好爽好鮮味，而且份量一啲都唔少再來一道精美料理，沖鰺又叫瓜子魚，配岩鹽蘿蔔蓉，火炙後將魚油逼出，肉質較爽，魚味出眾~隨後大大隻北海道仙鳳趾生蠔，肉身肥厚，質感滑而不漏，帶子為清甜，好想再食多隻～市面罕有池魚他他，啖啖肉配三星蔥蔥粒，好感輕身又容易入口，增加甜度亦添口感超級厚切油甘，魚師傅預先調教好醬油，魚味特別出眾，咁厚切口感當然滿分啦！經師傅精心製作，今晚最具特色俱有頂級視覺與嗅覺效果嘅梭子魚，魚肉質軟嫩，好香嘅魚油同好香煙熏味。唯一的熱食燒春魚，配上酸汁調味，肉質較實但肉與肉之間滲出魚油，魚皮亦非常香口 用神秘果同埋龍珠果清一清味蕾，做中場休息為下一輪做好準備接下來係壽司喇yeah牛鰍魚肉質好實非常有口感，師傅已經調製好醬油同埋Wasabi，可以放心成舊放入口目江魚，師傅細心去除幼骨然後炙燒，入口即溶，好香魚油味，味道細膩，好出色幾多道壽司，一試難忘！北寄貝肉質超級爽口又鮮甜，超愛石垣鯛，魚肉本身味啖，配竹炭鹽後，帶出味道；魚肉質感煙靭，幾清新北海道白海膽，望住師傅製作已經心心眼，好creamy 入口即溶鮑魚漢堡包（我改嘅），兩邊鮑魚夾住中間一層薄薄嘅飯，好新穎，鮑魚肉質唔會過韌啱啱好，加上盆景，真係要比滿分煙燻中拖羅，用紫菜包住提鮮，幾有手卷又有刺身嘅感覺，多層享受；中拖羅煙燻後係另一種層次，特別回味！一碗暖呼呼嘅鱲魚湯，鮮味濃郁，飲後好舒服。最後一道最有誠意嘅甜品，自製日式炭燒咖啡奶凍配青森蘋果大大杯奶凍毫不吝嗇，與濃郁日式咖啡粉味道互相配合，簡直天作之合清甜爽口嘅清心蘋果就不時清香口腔，怕甜怕奶嘅我都清！非常滿意嘅一餐，感謝師傅用心之作…查看更多

以前印度公司工作, 經常都會接觸到中宗印度食品, 週年飯亦會在印度包埸。經舊同事介紹位於尖沙咀嘅CARAT Fine Indian and Mediterranean Cuisine, buffet lunch!以前以為印度菜都係咖哩啦, 但其實’咖哩’都有好多變化同食法~餐廳空間寬闊, 全間都充滿印度色彩, 有不少印度人一個family一枱聚餐自身感覺好似去左印度當地咁, 一個lunch time走一轉印度餐廳亦有分outside同inside, 可以book枱時預早安排。buffet set 可取全部所有食物之外, 亦包一杯飲品, 包括特式飲品, 我地揀左mango lassi同埋lime soda~第一時間當然係行一個圈睇下有咩食先, 經過店員有向我簡略介紹過之後 發現,次序大概係由右至左數過去, 首先係小食, 煮意粉及包子, 之後係主菜, 再到米飯, 最後係甜品。由於菜名都係寫上印度字, 所以我都係以目測估計同真實試味先知係咩, 不過當有疑問嘅時候, 亦可以隨時問身邊嘅職員。由小食開始, 一個小脆杯放入似係穀物早餐的粒粒或片狀, 再加上醬汁, 感覺輕型又清新之後會係大鑊包子, 個人幾喜歡印度包子配上各式香料汁醬，細細件不會太飽肚；旁邊亦有近港人口味嘅煮通粉！當然都以香料及茄肉嘅味道為主，個人對鮮茄肉一般，但此通粉即叫即煮又不錯啊。下一步就到印式沙律，色彩斑斕，有生果，蔬菜及穀物合適素食者，同時亦有多款汁醬配搭，配出自己喜歡嘅口味。中打後嘅都係煮食，例如咖哩角，薯仔粒，炒菜，炸雞炸魚等等，同時亦有幾盤係較稀嘅汁，就似我哋口中嘅咖哩，有辣有唔辣，有一款係青椒味辣汁，個人唔食青椒都覺得既特別又出色！最後係buffet較少人食嘅飯…長型嘅印度米幾有咬口，個人就特別鐘意，又可以加其他汁醬，實在太多配搭想試了！食到最後一定要試試印度甜品，說實話印度甜品係好甜好甜，略試一下就可以～但都有推介啊！就係好似麵包布甸的一款，好似再加入煉奶般，我食左兩粒😅…查看更多

早排食肆放寬，晚市第一時間去一鍋堂打邊爐，鍾意佢有多個湯底有多配料選擇，食物質素又有保證。我哋揀咗養生藥膳湯底，補氣健脾暖胃，湯底藥膳味非常濃郁，感覺真材實料，也不會搶走配料原味，小小襯托吊味。再加埋竹笙同埋冬蟲草，簡直係為湯底加持！好吸湯！！除左電話落單仲可以出去拎野食，大量丸菜涼伴任拎。首先揀三款牛，我喜歡肉嫩嘅安格斯同埋肉味濃嘅封門柳，亦唔少得潮汕手打牛丸，油脂重又多肉汁，食十粒八粒都已經回本！除咗牛肉海鮮都非常吸引而且鮮甜，叫什蜆同埋鮮蝦，每次鮮蝦都係大大隻肉爽鮮甜。另外會有手工餃都用料上乘，食飽都想試！每次都大滿足，仲可以狂隊可樂同雪糕…查看更多

經過荃灣商埸/食肆林立, 真想搵間靜少少無咁人,走到荃新天地二期, 位於樓上近角位,居然有發現 !札幌拉麵...枱距闊, 坐得舒適兩人分別叫左拉麵同埋凍凍地食就一流嘅壽喜燒招牌牛油拉麵貌似簡簡單單, 只有一粒牛油及兩片叉燒, 但味道反而突出, 豚骨湯味濃加上牛油嘅香味為全碗麵都生色不少,  而叉燒偏瘦, 本身怕肥怕膩的就可以大啖入口, 麵質彈牙~而壽喜燒就大陣仗得多, 本來的鍋已經放得滿滿, 本人習慣先將鍋內的蔬菜先拎番出黎, 否則完全無位食肉本身跟有豚肉, 另外加配牛肉, 牛肉偏瘦, 油脂較少; 而豚肉較優勝, 既爽口又帶甜。另有追加配雞蛋(浸牛肉令其更滑嫩)及泡菜為主菜增加味道層次感~ 少少一鍋有大量配料已經值回票價! 還不缺的烏冬同日本啤酒,  滿意…查看更多

對上一次食壽喜燒已經係去名古居嘅事, 真係想係香港搵間正宗啲嘅回味下經朋友介紹銅鑼灣嘅壽兵衛, 格局與日本當時餐廳類近,亦播日本音樂, 整個環境可以讓食客放鬆心情, 享受當下一刻由於疫情關係, 我地食晏少少避開午市, 明顯坐得輕動好多襯有20%off~我地揀左Deluxe Wagyu set, 比平時平好多啊!!首先由前菜三點揭開序幕味道由輕至重:先- 柚子帶子酸maymay好開胃而少少胡椒味，帶子質感嫩滑, 係一道好唔錯嘅前菜中- 磯煮 鮑魚亦係前菜心頭好之一, 味帶少少甜味，入味彈牙爽口, 唔會過靭後- 鵝肝味濃好滑,基乎一夾就散開,  兩片份量岩岩好, 真係小食多滋味, 多食之後都食唔落然後海之幸刺身三點, 係港人最愛嘅最高人氣嘅三款刺身, 同樣地味道由淡至濃:帆立貝肉厚配柚子鹽鮮味突出; 牡丹蝦大大隻既爽口又彈牙新甜; 中拖羅魚油溢出接下來嘅蒸物都比較新奇特別~ 墨魚汁茶碗蒸受黑蚊蚊墨魚汁影響, 賣相確實係不討好, 但味道取回所有分數茶碗蒸嘅蛋好滑好滑, 墨汁嘅鮮甜味勁出, 好出色嘅配搭, 仲有兩隻原隻原汁原味嘅小墨魚!講到全set最豐富又複雜又出色嘅係海膽魚子醬和牛他他將海膽及魚子醬分別混入和牛一齊食, 味道好有層次感和牛他他 質量好嫩口好滑, 說實食完呢度菜係有啲膩, 份量太多喇!我開始擔心往後嘅菜式, 因為主角先準備出埸食緊和牛他他嘅時候, 師傅已經默默係眼前為我地準備季節野菜盛盒+四款牛 ( 2款日本和牛/ 1款澳洲和牛/ 1款美國牛)每一道牛都配上不同野菜, 每款都好極緻1. 日本和牛西冷, 簡簡單單將和牛卷上大蔥, 特配轉用日本赤丸雞蛋,     牛肉味突出又帶有蛋黃香同滑身，夾入葱令味道同口感都倍增, 好rich!!!2. 澳洲和牛牛舌, 非常厚切, 師傅千叮萬囑要一口及配及所有配菜享用, 才食到最佳味道      配菜有日本洋蔥/辣蘿蔔蓉/ 炸蒜片/蔥花..要一口真係有難度,但點確好出色!!      牛舌多肉汁, 再加上酸汁及一堆配菜，七層口感滋味一擁而上衝擊味蕾, 味道好複雜但獨特。3. 最吸睛之一嘅日本和牛肉眼, 燒鍋只係剛好放得下, 經師傅輕輕一燒已經可以上碟     只配一件南瓜以及雞蛋加飯, 無需花巧已經好滿足, 入口滿滿油脂, 牛味輕但油脂重4. 最後一道之前, 有冬菇津白洋蔥, 三者都盡吸醬汁及肉汁5. 日本和牛西冷油花比剛剛嘅肉眼少一啲, 但同樣均勻, 口感會比較實在,     配菜有豆腐及香菜6. 最後再來一道野菜, 有金菇, 芋絲, 自家醃製赤蒟蒻同埋解膩青蘋果, 再清一清味蕾接下來就係gimmick事食: 滿溢筋子釜飯, 即係任加三文魚籽!!有可能力的人可以全碗いくら食晒!!呢個釜飯係由另一位師傅主理, 釜飯可加入蟹肉, 蜜豆, 黑松露及蔥花, 如果有唔鍾意配料要及早提出, 因為師傅會將所有配料都加入飯之中,而黑松露嘅濃度係可以因應食客口味而調配, 最後就係自己いくら自己落啦~~いくら色澤鮮明, 粒粒飽滿, 好鮮!!!食到呢度真係已經好full, 再飲埋個麵豉湯同真係最後嘅甜品, 真係好滿足~甜品係略甜嘅菠蘿雪糕餅同水信玄餅, 以一份清新感來完結用餐另外值得加分嘅係店員不停為食客加熱茶, 原有的都不要, 每次都重新斟過小動作顯專業…查看更多