kenny260的个人专页

同男朋友想食下日本野，就揾到呢間串燒店，食物款式唔算多，味道亦不特別，等既時間比起其他串燒相當奈，其中有啲串燒中間仲要係凍既，但又廢事再等，就價錢都可以接受，唔算太貴。但感覺間舖既廚師冇咩熱誠，服務就中規中矩啦，可以更好銅鑼灣會有比佢更好既串燒店，佢既位置係一棟唐樓入面，成條樓梯都有垃圾，有好多煙頭等等，感覺唔太好，而且好似唔會有牌照既食市…勝在入面既設計幾特別，可以影下相咁樣啦。但下次應該不會再來……查看更多

成個月前都黎過，貪佢係屋企附近，第一次黎服務好好係老闆娘親自serve，今次晏就黎，人地好幾枱都係佢地出黎落單找錢，唯獨係我個枱，屋企人對其中一位四眼中年男侍應 揮手諗住叫佢落單 點知個侍應直接指住部機隔住個玻璃示意我地自己去落單，一粒聲都冇講 甚至冇講。屋企人爸爸媽媽都老啦，唔想佢地周圍走，所以最後我自己去買。其實外面點餐冇問題 問題係態度點解唔可以好少少同埋點解唔可以直接行出嚟講。食物質素就冇野講啦 我同屋企人三個麵一個全日早餐，全日早餐只能講句唔值，佢既咖啡入面沖既人技術係零，用ikea既打泡棒。。。我真係O哂咀。泡沫一啲都唔滑，好失望。入面連最基本倒奶既手法都唔識。。。真係稱唔上為cafe老實講。…查看更多

之前貪佢呢度食雲吞麵夠生淨，裝修又幾好，味道都覺得唔差， 服務都還可以。但今次再去嘅時候 簡直令人失望，一入門口，侍應坐咗喺 卡位 用唔係好友善嘅目光盯住，跟住唔使兩秒櫈都未坐暖，亦未睇食咩。侍應已經行到去我哋前面一路企喺度唔出聲咁畀壓力你令你快啲落單，想點先。。。都算啦，雲吞麵都唔expect有d咩service架啦。。 但成間舖嘅人嘅衛生意識都極差 個侍應就戴cap帽 冇紮頭髮，個阿姨 亦都係披頭散髮。。 兩碗麵好快咁嚟到 一直落去一陣牛蘇味，成件事食到係好冇心機。。湯底亦淡左好多，望一望廚房個廚房佬係到睇緊馬經呢個時候隔離枱冇啦啦好大力咁踩地下，原來有小強。。。。。其實成間舖感覺都畀人好污糟，雖然裝修依然都 算新淨 但係地下極度油，枱面亦都係頗為污糟，仲要有昆蟲添。總括。。冇下次了。…查看更多

今日經開荃灣廣場呢頭，唔知食乜好，見呢間野冇乜人唔洗同人逼就入去試下啦。。。入到去成陣豬臭味飄出黎。。已經令我有d卻步，不過算啦都入左黎，就試下啦。叫左個黑蒜豚骨沾面，一黎到就有個陣豬臭味飄出黎。佢陣味真心怪，見到食評話老闆係日本人，原來唔係，聽到佢操流利普通話同鄉下話，唔怪得個沾面湯底咁，好失望。個面食左幾啖就放棄左，早知去翻大河道個邊食好過，同埋荃灣仲有其他比佢更好既沾面。絕對冇下次，難怪lunchtime得個一枱客…查看更多