lubu852的个人专页

朋友揀咗旺角呢間Homeland同我慶祝生日🫶🏻 位於彌敦道726號19樓，可以眺望成個旺角風景，好開陽，環境非常唔錯👍 平日夜晚都好多人book, 好受歡迎👍 而且佢嘅食物由主菜，前菜到甜品都好高質😚🌟韓式玫瑰醬龍蝦QQ捲捲意粉非常驚艶😍😍 面頭半隻大龍蝦勁吸睛🤩 韓式玫瑰醬色澤非常靚，甜甜辣辣，近期大熱嘅QQ捲捲意粉非常掛汁，每一條都吸收到玫瑰醬嘅味道🥰 新鮮嘅龍蝦非常彈牙，火候剛剛好，呢度菜真係又抵食，又好食，仲要咁靚，一定要叫🥰🌟香煎美國Prime西冷配薯菜（5成熟）我選擇咗五成熟，唔係講笑，呢個個西冷牛扒真係煎得非常好，外層焦香，切開係完美嘅粉紅色🤩 肉汁及肉香滿滿，非常軟嫩，喜愛食牛肉嘅我哋真係食得好開心😀 配嘅薯蓉亦都好好食，又香又滑🫶🏻食完非常滿足😬🌟特製開心果巴斯克奶蓋蛋糕 勁開心呀，原來有畫碟嘅服務🤩 畫得勁靚，勁可愛🥰 開心果味非常濃郁，口感細緻綿密，so sweet🥰 作為生日餐，甜品總是備受期待。Homeland的開心果奶蓋巴斯克芝士蛋糕不僅味道令人驚喜，擺盤更是用心。🌟精選紅酒 Pinot Noir呢度嘅酒精飲品選擇都幾多，食牛扒我就一定會配紅酒😬 🌟精選白酒 Chardonnay呢款白酒同龍蝦玫瑰醬意粉好襯😚 🌟生日驚喜：即影即有相片籌辦呢度嘅員工非常friendly, 知我哋慶祝生日，仲主動幫我哋影即影即有相，留低一個好好嘅回憶🥰 好貼心🫶🏻 Homeland 真係旺角區嘅寶藏餐廳，下次一定會再嚟🫶🏻…查看更多

週末最鍾意去中環輕鬆食brunch😬 今日去蘭桂坊加州大廈23樓嘅Fumi Joe，佢哋最近換咗新餐牌，星期六嘅Izakaya Brunch, 有好多好評😎 現代和風設計, 仲有吧枱，用餐氛圍非常輕鬆舒適，落地玻璃窗可以欣賞中環城景，建議大家book窗邊位置🫶🏻🌟SAT IZAKAYA BRUNCH $398 p.p. 🧆前菜：六款Brunch以六款精緻前菜拉開序幕，擺盤精美，每一款都可以獨當一面，非常高質🤩 包括松葉蟹肉湯葉、辣吞拿魚他他、三文魚明太子天婦羅、磯煮鮑魚及菠菜麻醬沙律、煙燻鴨胸👍 職員非常細心介紹我哋由左至右品嚐🫶🏻🍣壽司精選四款可以揀刺身或者壽司，我選擇咗四款壽司包括吞拿魚、油甘魚等精選食材。佢嘅魚生固然係非常新鮮，但係我非常欣賞佢嘅醋飯，溫度、酸度同紮實度恰到好處，師傅嘅握工果然犀利👍🍢串燒四款Fumi Joe嘅串燒真係非常出色，我選擇咗四款串燒：宮崎雞翼、銀鱈魚、A4熊本西冷牛同厚切牛舌。最欣賞嘅係A4熊本西冷牛，厚切而且肉汁非常飽滿，肉質鮮嫩👍👍👍 雖然要加$28，不過非常超值，食過你就知😎 銀鱈魚亦都係必食，以西京燒方式處理，味道帶甜，魚肉軟嫩👏🍚主菜：角切海鮮丼主食我選擇咗角切海鮮丼，唔好睇佢細細碗，裏面質滿咗勁多海鮮😎包括吞拿魚、三文魚、帶子等,全部都係味道鮮美，特製嘅醬汁有麻油嘅香味，每一啖都好滿足🤩 隨丼飯附上嘅味噌湯都唔錯呀😬🌟特上刺身拼盤定食 $498如果想試多啲嘢食，強烈建議叫呢個$498特上刺身拼盤定食, 呢個定食同樣都會跟六款前菜🤩拼盤陣容好豪華，包括鮮甜牡丹蝦、油脂豐富入口即化嘅吞拿魚腩（Toro），仲有中拖羅、鮮甜海膽毫無腥味👏 鮮美彈牙嘅帶子🫶🏻 每樣刺身都有兩件👍 呢個定食會跟一碗白飯同埋麵豉湯🫶🏻 🍦甜品兩份套餐都會包一杯濃郁嘅黑芝麻雪糕，作為一個完美嘅ending🥰 🍶清酒 $$58Brunch當然少不了飲番杯，我哋就每人叫咗杯清酒，相當大杯👏 另外當然有free Flow嘅package可以選擇，鍾意飲番杯嘅記得留意吓🥳Fumi Joe環境開揚，坐bar枱可以睇到師傅即席製作食物，靠窗位置可以飽覽中環靚景🤩 staff全部都好nice，令用餐體驗更加分🤩 如果你週末想搵個舒適又可以享受高質日本料理嘅地方，Fumi Joe絕對值得一試。呢個價錢喺中環嚟講真係冇得輸😎Fumi Joe地址：中環蘭桂坊德己立街30-32號加州大廈23樓…查看更多

葵芳新都會廣場最近開咗間日本過江龍漢堡排專門店「肉肉大米」，成日見到人排長龍，今次趁未到食飯時間唔使排隊，去試佢個「三件漢堡排套餐」😎一次過試勻原味、芝士、同期間限定青咖喱，$140可以試齊三款口味，仲有白飯、西蘭花、蕃茄麵豉湯任飲任食👍🌟三件漢堡排（自選口味）$140🍚日本「虹煌米」白飯任裝🥚日本生食雞蛋一隻🥦西蘭花任添🍲番茄菜蜆肉麵豉湯任飲🌟原味漢堡排一咬落去肉汁爆發出嚟😍 肉質好鬆化，唔會乾爭爭👍 建議第一啖咩都唔點，就咁食，配埋日本米飯一齊食，超級滿足🥰🧀芝士漢堡排店員會即場刨芝士，滿滿嘅芝士視覺效果滿分💯芝士熱溶後超級拉絲，芝士嘅鹹香同漢堡扒都好夾，重口味之選🫶🏻🌟期間限定：南洋青咖喱（微辣）辣度比較溫和，我諗小朋友都食到👍 除咗漢堡扒仲有菠蘿同紅椒配料，蘸上青咖喱汁味道好有層次，好開胃，真係幾特別👍 🌟枱面有8款醬料，燒肉醬、蒜香辣椒醬、芥末鹽麴等，啱晒咩都想試吓嘅我🤣呢度嘅服務好好，職員非常熱情，時不時主動加西蘭花，又會主動問需唔需要添飯添湯👍 餐廳不時會推出期間限定口味，今次青咖喱口味好有驚喜，唔知下次又有咩新口味呢？😬…查看更多

呢間「曾三仙米線」以川渝風味米線聞名，太子分店環境好闊落👍入門口已經聞到陣陣泡椒香氣，期待🤩🌟泡椒三仙米線 ($56) 店員推薦我哋試呢個招牌湯底，佢話辣度係中辣，一上枱試啖湯先，泡椒酸爽帶辣勁，好香😍 配料非常足，有薄切豬潤，非常爽口👍 豬肉絲口感爽滑，而且好入味👍 仲有午餐肉、金針菜、蕃茄，連鵪鶉蛋都有😆 雖然食到流鼻水，但夠爽😆 米線煮到剛剛好，又滑又有口感，唔會煮到腍晒👍 🌟雞湯米線加蝦滑 ($55) 如果唔食得辣，呢個雞湯底就啱晒😎 店員話係堅雞湯，難怪金黃色，飲落咁鮮甜🥰 有好多舊鮮嫩雞肉，加$5蚊嘅蝦滑絕對係正，係手打㗎，非常彈牙🫶🏻 鮮味同雞湯好夾，唔食辣都有好選擇😎🌟重慶現炸小酥肉 ($27)即叫即炸，熱辣辣又脆卜卜，啲肉仲keep 到juicy👍 點唔點辣粉都好食🫶🏻🌟糍粑油條 ($18)呢個配搭我都係第一次食，軟糯嘅糍粑包住脆油條，仲有黑糖，口感層次豐富，甜度啱啱好👍 鍾意食糍粑嘅朋友記得要食😬🌟牛肉餡餅 ($20)都係新鮮熱辣，包住牛肉餡，夠晒酥脆，唔錯👍🌟三仙冰粉涼蝦 （配餐半價$13） 🌟酒釀豆花 （配餐半價$9）甜品半價好抵食😍 碗冰粉好多料，食完辣嘢一啖冰粉，即刻解辣👍 酒釀豆花好滑，酒釀香好特別，甜度適中🫶🏻「曾三仙」嘅湯底夠味，配料夠多，小食有驚喜👍甜品性價比高🫶🏻 今次叫咁多都係百零蚊，抵！…查看更多

台式火鍋坊間有唔少選擇，但我都係情有獨鍾＜湊湊火鍋＞，分店又多🫶🏻 k11 Musea分店環境好靚，可以對住個靚景😌 餐廳轉咗中秋節主題裝飾，真係好用心，佈置得好靚好有氣氛😃 而且仲有新推出嘅中秋節套餐（ 月兔雙人套餐），多咗好多中秋海鮮新品，大家可以留意下！🥘金㜢醉月秋蟹煨魚鍋拼招牌麻辣鍋呢個雙拼鍋好特別， 白湯非常好飲，而且仲配咗兩個蟹粉醬， 蟹粉醬配豆腐或者海鮮真係回味無窮😃 招牌麻辣鍋裏面嘅豆腐同鴨血好入味， 個辣味我好鍾意👍🌟鱻味鮮薈必點🫶🏻 三種唔同嘅魚，包括有脆鯇， 龍躉同鱔片， 三樣都好新鮮又厚切，正😍🌟大紅袍奶茶我都鍾意飲珍奶，估唔到火鍋店都做得幾好味喎！🌟茉莉綠茶茶味清香，打邊爐食飲真係解曬辣！🌟企鵝賞月好搞鬼嘅造型， 企鵝係由墨醬漿造成， 有海鮮味又彈牙， 最過癮係個月亮，好大個蟹子魚滑， 小朋友見到實好鍾意😎🌟頂級美國牛板腱份量真係好多切成薄片 都好有肉味，入口好滑！🌟萵筍切成粗條嘅萵筍無論喺麻辣鍋或者魚鍋都好好味！ 爽脆鮮甜！🌟甜品吧呢個超有驚喜，自製绵綿冰， 配料有花生，豆腐布丁，芋圓仙草等等， 配上煉奶或者黑糖，真係超好食！ 呢個DIY甜品區 真係不容錯過！＜湊湊火鍋＞ 質素不嬲都有保證，而且cp值高🫶🏻 全新 [新台式定食] 午市套餐, 幾款新菜品$78起😎 台灣夜市下午茶‧宵夜自助任飲任食$128起😍 …查看更多

喺荔枝角呢個工貿區搵食，總有驚喜😃 今日同朋友book咗呢間The Pizza Pig，一睇嗰啲名都知佢嘅Pizza係招牌菜，不過原來除咗Pizza其他食物都好高分🥰 餐廳空間感好大，樓底高感覺特別舒適👍 職員服務亦都好好🥰 🌟蒜蓉辣椒牛油大蝦虎蝦非常大隻，吸盡牛油同蒜蓉辣椒精華，蝦肉彈牙得嚟帶微微辣勁，撈埋勁香牛油汁，用香脆面包嚟「索」盡每一滴😚 記得要趁熱食😬🌟羽衣甘藍藜麥雜菜沙律羽衣甘藍唔會「嚡口」，配蜂蜜芥末醬非常match, 紅菜頭甜軟、鷹嘴豆粉糯，仲有脆口南瓜籽同鹹香巴馬臣芝士碎，口感同味道層次好豐富👏食完牛扒後平衡返罪惡感😆🌟特級安格斯肉眼扒12oz (Medium rare) 牛扒切開粉嫩🫶🏻 肉眼特有嘅油香好正👍 外層烤到微焦脆，內裡肉汁鎖滿，簡單用海鹽同黑椒調味已經足夠突顯安格斯濃郁牛味。12oz份量啱啱好滿足肉慾😚 薯條非常厚切，好香脆，超級邪惡😆呢度酒類嘅選擇都好多，啤酒🍻紅酒🍷白酒🥂Cocktail🍸等等一應俱全, 啱晒一班朋友share食同暢談暢飲😚…查看更多

今日試咗一間超高質嘅日式餐廳YUYU SUSHI， 位於長沙灣喜薈商場，裝修好高雅，同區嚟講絕對係數一數二靚👍 原來老闆係設計師嚟㗎， 果然有心機，餐廳經理李生服務好好，而且對餐廳嘅食材同埋出品都瞭如指掌，整餐飯食得非常愉快🥰 🌟鱈魚西京燒定食 $148我最鍾意出去食呢個因為屋企整好麻煩🤭 甜麵豉醬醃製嘅銀鱈魚，燒完嘅皮特別香脆，魚肉帶有味噌甘甜，口感相當軟嫩😍 有兩大片，份量好足夠，定食會配一個沙律、湯同一個飯或者烏冬， 加少少錢可以轉蕎麥麵，不過我覺得銀鱈魚襯白飯最好食，因為魚油嘅油脂好香😌 🌟安格斯牛肉壽喜鍋定食 $98估唔到啲牛肉咁靚，絕對唔係質素麻麻嘅火鍋肥牛片🤭 而且生熟程度好好，壽喜鍋裏面有豆腐，大蔥冬菇同埋粉絲等等， 連埋個蛋黃一齊食好好味， 壽喜燒汁味道調配得好好，我覺得呢個配烏冬會好正👍🌟壽司四客（有八折）$138壽司包羅萬有， 質素勁靚😎 壽司飯都做得好出色！ 而且仲有折，冇理由唔點嘅！🌟帆立貝壽司帆立貝新鮮，視覺都睇得出🤩🌟油甘魚腩壽司好美味，油甘魚有光澤🫶🏻🌟火炙三文魚壽司火炙完逼曬啲魚油出嚟好香🫶🏻🌟甜蝦壽司呢隻甜蝦係我最鍾意食，鮮甜美味，食得出係靚嘢，size 好大，兩隻已經遮蓋咗舊壽司飯😎🌟大蝦天婦羅五隻 $95炸粉嘅厚度啱啱好， 熱辣辣脆卜卜非常好味，絕對係高級日式餐廳嘅味道🤩 下次我會叫餐廳畀少少鹽我，因為天婦羅點鹽食係幾好食！🌟特濃咖啡配日本鮮奶雪糕AFFOGATO嘅做法， 特濃咖啡令到牛奶雪糕更香濃，李生仲教咗我一樣嘢，原來特濃咖啡上面個泡先係好味嘅關鍵， 果然令到個雪糕更加滑🤩 🌟原漿啤酒 （980ml) $88好少餐廳有提供，咁梗係要試吓啦😎 呢隻品牌仲係第一隻香港出嘅原漿啤酒，麥味好香，呢個價錢絕對超值😎 非常值得二訪cp值極高嘅日式餐廳，YUYU SUSHI 雖然位於長沙灣，但佢哋嘅服務質素同埋食物質素絕對值得過嚟試下， 真心推介👍👍👍…查看更多

唔知大家最近有冇去銅鑼灣百德新街美食街呢？呢一年都有新餐廳進駐，今日我去嘅呢間Gyojasang韓式餐廳喺呢條街度持續人氣高企，佢嘅食物質素高同埋飲品選擇好多，氣氛好好👍餐廳環境有情調，有室外同室內我哋今日選擇室內環境非常舒適👏 今次見到有新嘅秋季Menu，由韓國當地大廚主理研發菜式，用上濟州新鮮食材，一定要試吓🫶🏻🌟海膽紫菜包飯呢個絕對係signature，差唔多每一張枱都會點，生牛肉加上海膽同埋黑魚子，賣相係勁靚，勁吸引，味道鮮甜，絕對值得一試🌟🌟 45天熟成肉眼配水芹菜賣相好似扒房嘅出品🤩燒得極出色，外脆內粉嫩，肉味濃郁，熟成果然係好出色，配海膽醬及芥辣食，夠晒特別👍🌟烤1++韓牛1++係寒流最高等級，代表佢嘅肉質品質極佳，未燒之前會先俾我哋打卡，見到韓牛包住蔥已經非常吸引，燒完上枱香噴噴，配少少鹽醬一齊食，非常出色👏 🌟秋菌鵝肝石頭鍋飯呢個飯超乎預期相當好食，職員會即場為我哋拌飯，聽到芝芝聲已經流晒口水，非常多唔同種類嘅菇菌仲有鵝肝，菌類同鵝肝不嬲都好夾，菇菌又可以中和咗鵝肝嘅油膩感，最正係底部有飯焦，脆卜卜增添口感🫶🏻🌟醬油蟹我哋叫咗一隻試吓，蟹膏鮮黃色，而且非常多，食落更加鮮甜無比，醬油汁偏濃味，不過都冇蓋過蟹膏同蟹肉嘅鮮，仲可以配搭飯同紫菜食，非常滿足👏🌟The night begins/ Snowing night 我哋每人叫咗一杯Cocktail ，兩杯都係水果味，菠蘿及柚子味非常清新，啱晒我哋🫶🏻 呢間餐廳真係非常適合情侶或者朋友聚會，無論係環境服務同埋食物質素都高，真心推介大家試吓🫶🏻…查看更多

中環佢不嬲俾人嘅印象係啲嘢食比較貴，呢間滿滿食堂直程係中環打工仔恩物，全部好食夾大件😎 座位都好舒適闊落👍🌟厚切牛柳（200g）$98一定係呢度嘅招牌菜，用石板上，聽到滋滋聲已經流晒口水😂 石板夠晒熱，可以燒到外皮焦脆，內裡係呀，好吸引嘅粉紅色🤩 外脆內軟質感，肉汁滿滿，肉味都好濃🤤 以中環標準而言，$98品嚐到如此水準牛柳，真係難得😍🌟蟹皇飯 +$6套餐包咗白飯，加$6就可以換蟹皇飯，蟹香濃郁又唔腥，$6值得一試👏🌟匈牙利鴨肝 +$35追加鴨肝真係明智之舉😎用石燒可以自己控制燒幾耐，表面煎得焦香，內裡卻保持柔滑。🌟煙三文魚沙律 $22有好多片煙三文魚，$22真係好佛心🫶🏻 中和牛柳同鴨肝嘅油膩感，一定要叫呀😆🌟滑蛋包飯配咖喱吉列豬扒 $56滑蛋包飯又係好出色喎😎 半熟炒蛋包裹米飯，賣相好靚🫶🏻 咖喱吉列豬扒外皮酥脆，豬肉保持嫩滑，日式咖喱非常溫和，又香又甜，真係Comfort food🥰食咗咁多嘢，都係二百零蚊，性價比極高👍 特別推薦佢嘅石燒牛柳，非常高質👏 食飯時間記得早啲嚟攞位😎…查看更多

想食小籠包嘅時候，我通常都會揀去樂天王朝， 特別係東涌呢間分店， 呢間分店保留咗少數開放式廚房嘅格局， 食客可以睇到廚師預備菜式及廚房衛生程度，令我覺得份外有信心👍🌟原味小籠包樂天皇朝主打唔同味道嘅小籠包，但我覺得原味其實做得唔錯， 夠熱，皮薄，湯汁足夠， 配搭新鮮嘅彊絲同醋食，非常好食👏🌟芝麻醬油麥菜第一次食嘅涼菜，非常有驚喜， 油麥菜好爽脆， 配合香濃嘅麻醬，口感有啲似沙律， 呢個配搭非常出色🫶🏻🌟蒜香排骨豬骨湯拉麵個湯好好飲，麵質相當唔錯，兩塊蒜香排骨份量十足， 蒜香味好濃， 我鍾意呢個配搭多過上海排骨😬🌟宮廷驢打滾超好味嘅必點甜品，驢打滾係源自中國清朝宮廷嘅傳統點心，以糯米為皮，內捲紅豆餡，再裹上炒熟嘅黃豆粉，因其外觀神似毛驢係地上打滾後沾滿塵土而得名，故又稱「豆麵糕」！ 口感煙韌但係唔會黏口，紅豆餡比例啱啱好，冇遮蓋到黃豆粉嘅香味， 仲要夠凍👍 呢個甜品一定要試，食咗幾次都保持到水準👏東涌東薈城最近都多咗好多遊客同埋市民食嘢同埋購物， 樂天皇朝都係商場裏面數一數二嘅排長龍店， 絕對有佢嘅原因，大家嚟幫襯嘅話記住早啲攞飛！ 真心推介👍…查看更多

平時放假好鍾意去中環荷李活道附近行吓，轉過擺滿古董藝廊嘅街角，發現呢度新開咗一間裝修好有特色嘅泰國餐廳——耀華力。牆上掛咗好多充滿泰國風情嘅畫框及海報，睇得出店家精心營造泰式風情👏 店員都熱情有禮，感覺唔錯😎午市套餐幾抵，$118起包一份主菜及餐湯，喺中環地段，坐得舒服，食物水準同服務又好，呢個價錢都算係咁👍 🌟青木瓜沙律清爽又開胃，木瓜絲夠爽脆，辣度剛剛好，作為開胃前菜合格👍🌟泰北咖喱雞金麵隻雞髀係超級巨型😍 而且煮到好入味，啲肉又夠滑👏 咖喱汁做得夠滑又夠香濃👍 椰奶好香又唔會太搶，整體口味偏甜。金麵有部份炸到脆卜卜，撈埋一齊食雙重口感🫶🏻 🌟泰式香草炒牛肉飯非常有鑊氣，牛肉表面微微焦香，keep到juicy唔會太乾，味道平衡得幾好👍 煎蛋流心效果完美，撈飯食真係好正😎🌟椰汁馬蹄雪葩 呢個甜品非常特別，香港比較少泰國餐廳會提供😍 配料有馬蹄、大樹菠蘿及海底椰肉，食之前記得撈勻，coconut cream香甜又帶點鹹香，好好食👏 食完好滿足，仲可以行去PMQ同大館散下步，消化下，完美😌…查看更多

上年開始， 港島南區嘅市民除咗有港鐵搭之外，仲有個大商場 Southside， 除咗滿足到日常生活需要外， 仲有好多特色餐廳進駐，就好似今日我去食嘅＜山洞食堂＞， 隨時食到好味嘅燒肉，真係唔錯😎 餐廳裝修都有特色 以木系裝修再加特色牆嘅設計，空間感都幾好👍🌟前菜餐廳提供咗五款前菜， 款式都足夠，味道唔錯，加錢仲可以無限添加👏🌟日本和牛肩肉盛$268.0一上枱就見到啲肉嘅雪花好靚， 呢種質素嘅和牛最緊要就係控制火候，唔可以燒得太熟， 點少少鹽已經好好食🤤🌟烤鵝肝多士$195.0鵝肝同菇放係錫紙盤裡面， 原盤放喺燒烤爐上面， 呢種食法都係第一次，有驚喜，鵝肝都會有少少煎香嘅效果， 另外，鵝油都會令到啲菇好香， 麵包要小心處理，好易烘燶， 每面十秒就可以😬 多士加上鵝肝同埋無花果醬， 味道一絕😍🌟蔥燒厚切牛舌$178.0厚切牛舌裡面裝滿咗鹽蔥醬， 兩邊煎香之後， 已經好吸引，但我建議一開二，口感會更好， 真係幾好味🤤🌟醬油蝦 $188.0一碟有四隻大蝦，性價比都唔錯， 佢嘅醬油俾一般餐廳嘅濃少少， 但係都食到蝦嘅鮮味同埋彈牙嘅口感， 唔錯唔錯👍🌟嚴選牛骨髓石頭鍋飯 $225.0牛骨髓嘅香味同油脂同飯混合，諗都諗到好好食🤤🌟韓式泡菜煎餅$132.0份量好大，做到外皮脆嘅口感， 個醬都唔錯，其實幾好食😋🌟西柚乳酸梳打$42.0🌟青瓜青檸梳打$42.0味道清新，配烤肉好夾！…查看更多

呢間位於銅鑼灣百樂中心嘅Milu Thai我成日嚟㗎😚 好鍾意佢嘅火山排骨，真係好好味，如果大家未試過一定要嚟試吓😬 今次見到有新菜式一於試吓啦🤩 🌟海鮮媽媽面 (冬陰功湯底)餐廳新推出嘅海鮮媽媽面，我哋揀咗冬陰功湯底🫶🏻 之前飲過呢度嘅冬陰功湯，覺得好高質，酸爽開胃，而且唔會太辣幾溫和👍 估唔到配咗媽媽面，一樣咁好味🤩 首先個湯底層次豐富，媽媽面吸收咗湯嘅精華，好夠味，而且麵質彈牙👍配料亦相當豐富，有蝦、墨魚仔、滑魚片以及泰式醃制豬腩肉，豬腩肉好腍滑，相當滿足🤩🌟飛天通菜鑊氣十足，新鮮通菜口感爽脆，我揀飛天通菜係因為好鍾意馬拉盞嘅獨特鹹香，真係好惹味🫶🏻🌟鹽燒則魚一上枱已經俾佢個size嚇親，好大條啊🤩 鹽燒做法將魚皮烤到香脆。裏面魚肉保持鮮嫩，點埋特製酸辣醬汁，又鮮又清新🫶🏻 🌟泰式串燒 (半打：2雞2牛2豬)串燒火候恰到好處，三款肉類都保持到嫩滑多汁，我自己特別鍾意豬肉串，配搭佢嘅沙嗲醬，真係好夾🫶🏻🌟青檸梳打 次次食泰國嘢，我都鍾意揀青檸梳打，非常清新，同惹味嘅泰國菜好夾👍Milu Thai 每次都冇令我失望，抵食又好食，仲不定期有新菜式，咁就唔使食到悶😚 不過大家記得訂位啊，連平日都好受歡迎㗎🥰…查看更多

中環「燒烤堂」每日晚市時段人氣非常旺，冇book位基本上係食唔到😆 呢度串燒不僅款式多，而且好有創意，係坊間數一數二嘅人氣串燒店😎中環分店環境好正，超好氣氛，仲有卡位👍 侍應非常醒目，上菜速度頗快，及時換碟，服務相當到位。我哋每次都叫好多款，揀幾款同大家介紹🤩🌟鹽燒白鱔、日式白鱔魚皮燒得好香脆，白鱔厚肉，而且肉質彈牙，非常高質🫶🏻🌟厚切牛舌拖羅叫得拖羅果然係油脂豐富，非常厚切😀 牛尾香濃，口感非常滿足👍🌟雞皮墨魚滑我好鍾意呢個創意組合。雞皮焦脆，加上墨魚滑，非常彈牙，呢個質感好特別👏🌟芫茜豬肉卷五花肉卷住芫荽，香氣互相平衡，終於識芫荽嘅朋友唔好錯過😎🌟和牛棒配松露一口飯和牛棒肉香濃郁，而且有非常香松露味，和牛同松露真係一對好朋友，撈埋蛋液一齊食，好滿足😎🌟蒜香牛油酒煮蜆蒜香牛油檸檬汁真係超好食，蜆肉新鮮脹卜卜冇沙，個汁仲可以點配搭嘅蒜蓉包食，非常推介👍實在叫咗太多嘢不能盡錄，每一款我哋都好滿意，生啤買一送一更加係亮點🤩 喺呢度食嘢飲酒吹水真係可以非常盡興👏…查看更多

香港越嚟越多海南雞飯店， 但做到色香味俱全嘅其實唔係好多，今日試咗一間喺食肆林立嘅登龍街地舖海南雞飯專門店＜文東記＞。我最鍾意幫襯一啲有故事嘅餐廳，呢間餐廳原來喺新加坡好出名， 食之前上網搵咗少少資料😎創立於1979年嘅＜文東記＞，最初只係牛車水嘅一個小攤檔，只供應雞飯、魚頭同炸豆腐，因其招牌白切雞皮爽肉嫩深受好評，慢慢打響名堂，1983年開設第一間餐廳，及後愈來愈多食客慕名而至，分店數目亦愈開愈多，更獲得《米芝蓮指南新加坡 2019》米芝蓮餐盤推介🤩 其招牌白切雞，雞肉被浸入沸水中六次，飽滿多汁😃 餐廳非常寬敞， 非常乾淨企理。我同朋友都每人叫咗一個 ［一人雞飯套餐］， 套餐可以加好多小食， 我同朋友都比較肚餓，所以加咗好多嘢🤣🌟一人雞飯套餐 海南雞裝滿曬成隻碟，大約有十多件😍 雖然佢冇坊間嗰啲海南雞顏色咁黃，但係由於佢係用浸雞嘅模式煮，雞肉好嫩滑， 而且好有雞味，非常經典嘅味道🤩 最鍾意係佢跟嘅汁，隻黑醬油好好味，最好味係個辣汁，呢個醬汁配搭海南雞真係好好食🤤🌟油飯淡淡嘅香味，雖然冇出面嘅海南雞飯咁油香， 正正係咁樣，雞嘅鮮味同埋咁出色嘅醬油就更加可以品嚐到， 飯粒又好分明，絕對唔差👏🌟雞湯湯裏面有少少冬瓜粒同埋，好清甜而且夠曬熱辣辣！🌟五香蝦棗好好食嘅蝦棗😍 蝦肉好多👍 配咗少少甜醬， 真係好好味，必點🫶🏻🌟白灼時蔬我哋今次係芥蘭菜， 份量都唔少，性價比高！🌟蝦多士店員推薦，果然唔錯，佢話即叫即炸， 真係非常好食， 冇乜油膩感， 絕對出色嘅蝦多士！🌟咕嚕肉叫咗個豬肉菜式試下，估唔到有驚喜， 新鮮👍 咕嚕肉個皮脆脆地， 呢個小食已經好過出面好多酒樓整嘅咕嚕肉啦😆🌟精選燉湯今次係蟲草花燉湯， 畀我嘅感覺係好足料同好夠味道， 雖然跟餐嘅雞湯都唔錯，但呢個燉湯都值得推介！另外套餐都會跟一碟涼菜， 凍凍地酸酸地好開胃！🌟冷泡桂花烏龍茶＆ 自家製薏米水兩款嘢飲都係用樽裝， 兩個都好好味，飲唔曬仲可以帶走添！順帶一提， 打卡仲有小食送，而且外賣仲有85折， 非常吸引👏一碟美味的海南雞飯，雞肉、雞油飯、醬料，以及配湯各個部分都發揮關鍵作用，相互搭配才稱得上是一份完美海南雞飯。 < 文東記＞ 絕對做得到，真心推介🫶🏻…查看更多