Zackichan的个人专页

見呢間拉麵店，成日都有人排隊，就覺得點都要入去試一次。揀左6pm即刻去，點知已經差不多坐滿人。揀左黑蒜湯底配黃麵，第一啖食覺得可以，但點知係愈食愈好味。雞肉嫩口，不油膩。值得去食。唯一美中不足，店舖一位師傅負責食物，另一位女士係負責店面，店面的招待比較不夠。帶位沒有，交點餐單看不見，客人需要比較主動或等待時間比較長。…查看更多

性格比幾高嘅海南雞飯，油飯做得好食，夠熱。雞肉嫩，份量都多，$5x就可以有，包一碗湯。有個前菜，不過本人怕酸，所以冇食到。另外加$10可以轉套餐，有碟菜同飲品，好抵食。…查看更多

新潮但有香港特色嘅點心店☺️咸水角，入面竟然係魚香茄子，出奇地夾喎。皮做到內脆，外軟。呢個一定要食。如果好似我咩都想食，不如叫個拼盤，樣樣都試下先，個個都好好食☺️。流沙包，真係流沙，又係必食😂個包仲幾鬆軟🤤。口水汁嘅腸粉，個汁不得了，鐘意食辣可以一試我唔記得影大蝦醬鮮魷卷，好好食，香口，味道濃。整體黎講，高評價，如果茶可以多啲特式會更高分，靚茶配靚點心。不過佢嘅點心味道，賣相，已經比好高分，價錢對得住食物。🥰…查看更多

Lunch 定食: 一份肉，再任食出面嘅食物。。飲品機種類好多，不過熱飲機得一部，等人沖幾杯飲品好慢。我覺得食燒肉飲杯熱茶好重要🤣。不過喜歡凍飲的寶寶就有福了，真係好多選擇。不過我只係影咗一張相😂仲有可以mix不同口味嘅汽水機。。雪糕🍦兩邊都有雪糕機，但係兩部雪糕機嘅味道都唔一樣㗎🤩。牛乳好味。仲有雪米糍。不過我最鍾意都係食牛角飯，大量紫菜，大量醬汁。🥰食咗一大碗。所以點解我冇嗌任食肉，因為又要食甜品，就要食牛角飯，真係冇咁多位落隔。。最後肉我嗌左E,F套餐睇吓啲肉同脂肪分布得幾好😍好味另外出面仲有啲熟食啊，沙律啊，咁上下啦。因為趕住食嘢，冇影咁多相啦😂。改善: 因為我自己大鄉里啦，第一次食牛角嘅自助餐。我覺得唯一改善係，門口等位嗰陣呢，其實我都唔知道要揀任食肉，定係一份套餐。最大問題係，當人哋叫到你個號碼，你要即刻做決定，你唔即刻做決定你就好似做阻住出面等嘅客人🤪，搞到好大壓力🥸。我覺得餐廳可以放一啲餐牌出嚟啦，或者放一啲清晰嘅指示比客人睇。唔係個個都食過，知道規矩。就算真係食過，你冇餐牌望吓，其實人哋叫你號碼嗰一刻，你都冇得即刻落到order，都叫咗號碼之後客人再諗吓叫咩餐，嗰度又用咗10分鐘，咁翻枱太慢了😕。…查看更多

好需要講明我唔係餐廳打手，我預備要大力讚！。二人行。玩完解迷恐怖刺激扮演員casting主題嘅故事，就去左餐廳食飯。。最近玩鬼屋會有優惠價加扣近$400/兩人嘅set dinner，四百蚊就可以享受晚餐。本身諗住玩完廢事周圍搵食，就一於一條龍咁食埋飯。入到餐廳，驚喜黎啦！。環境: 本身網上睇，覺得餐廳環境幾有特色，點知係有特色之黎仲好精緻，坐得又舒服，個空間感好寬敞，坐窗邊仲可以望到電車路。我自己都周圍影吓相打下卡✌🏾。。服務: 一流，餐廳服務員儀表整潔👍🏾加分。💁🏽仲有禮貌到不得了，細心留意到客人需要，可能細微到見到你用完張紙巾，佢會自己主動再比紙巾你。亦都會主動介紹餐牌😍，上菜嘅時候留意到可能要share food，會主動問你要唔要碟。你只要起身行去洗手間方向，已經有服務員立刻行過嚟指引你點樣去洗手間 。佢哋會保持一個距離，你完全唔發現原來有人留意緊你嘅需要，但係係你需要嘅時候，佢哋會突然間處理咗你嘅需要。。食物: 好好食(食材好新鮮，配搭嘅汁好合適)，擺盤好靚，器皿配搭傢俬好合適。唯一少少意見，set dinner甜品得一碟，我覺得如果要同朋友分享唔係好方便，就算比兩個碟比客人，我覺得自己要分落去都好麻煩，同埋share food整到個甜品散開左，唔靚。味道係好好食嘅，純粹多咗一啲功夫要做，覺得可以改善埋，就真係比到100分。。小提示，入座後，佢會問你飲咩水，咁你揀咗嘅水，其實係要付費嘅(大概$8x咁啦我嗌左sparkling Water)。。總結，玩完鬼屋，我先優惠價加個大概$400 set dinner/二人，我真係覺得好鬼死抵😂。平民價錢，五星級享受！。…查看更多

係觀塘工廠區個邊嘅駿業熟食中心，其實有好多隱世平民餐廳。今日周圍行，想食個下午茶，就搵到呢間餐廳啦。。叫一個餐，送湯+蒜蓉包，仲有個焦糖燉蛋甜品，仲有飲品。餐嘅份量係大份，但質素絕對對得住比嘅價錢。我影左食物相，修圖，隨心影。應該都睇到出餐廳誠意。。舖頭裝修或周圍環境一定係冇得比高分，因為熟食中心係冇華麗嘅裝修嘅，餐廳內部枱櫈都正常平民百姓用，但係餐廳努力將衛生做到最好，例如所有餐具都有用膠袋套好。其實先$4x-$5x/餐，咁樣嘅小細心，已經有驚喜。下午茶再減$5😂，平到你唔信。。唔使下下去地舖餐廳食嘅，試吓行入熟食中心搵吓好嘢啦。🤗️咁嘅價錢，咁嘅食物質素，對得住天地良心。…查看更多

其實成日食架啦，不過次次一黎都即刻食，唔記得影相😂因為真係太好味啦。所以今次又係食到一半先記得影🥲i am sorry.。前菜 6-8碟，正宗韓國味道，泡菜都有兩款，發酵左同未發酵晒嘅都有，我最愛食薯仔/芽菜都好正宗味道。次次一黎我就食晒，食完前菜，剛好就到正餐啦出現係枱面啦😍。。燒肉啲肉好味，我就唔多講啦。但燒豬皮，燒豬腸一定要介紹。燒豬皮好彈牙，骨膠原嘅感覺呀😂。燒豬腸辣嘅，個隻辣味同豬腸二合為一，真係必食之選。。石頭鍋飯，推介！泡菜煎餅，推介！。價錢合理，服務好，同朋友聚會都成日去食☺️。…查看更多

$30外賣單拼或雙拼燒味飯，抵到爛。仲要好足料，我已經叫左少飯，都好大盒💓。新開嘅燒味店為呢區嘅人帶黎好多方便。晚上六點幾左右，買外賣，見到有7-8個人係度等緊，我仲怕有排企都未到我。點知只係等左5分鐘左右到拎到手，最鐘意呢種速度。我冇係堂食過，但望落整個環境都光猛，衛生，再強調$30一個飯，邊度搵先😂。我叫左個叉燒，切雞飯。叉燒半肥瘦，口感好好，正宗港式燒味。切雞又幾滑啵，唔係”鞋口”嘅老雞。晚餐諗唔到食乜嘅不妨try try喎😉。…查看更多

2021年3月29日早上9點幾，已經過左繁忙時間的早上。。係門口叫服務員等帶位，接待門口嘅姐姐話入去自己搵位，仲正，自己揀位。。咁就入去隨便搵位坐啦，點知比一個服務員姐姐A好無耐性咁阻止我入去佢企個區，叫我去第二邊，我唔知係咪佢自己唔想做多野，趕走人。。咁我行去第二邊，全部枱未執，企係度嘅服務姐姐B就唔執我個張枱，咁我話落單先啦，佢又話未執枱唔幫我落單。咁佢又唔執我張枱，又唔比我落單，我重覆叫左幾次，大家同佢糾纏左10分鐘🙄，人都癲。。我覺得係呢間公司啲員工分區分工分化得太嚴重，其他員工得閒嘅，唔會去隔一條路幫手，會為左自己唔忙就掉啲客去另一區，由其他同事忙死，由客慢慢等。。我諗好多人食茶餐廳要求就係，快。而呢度好明顯做唔到，只係附近冇咩好食，冇得揀。😑食物其實不錯的但清潔度，衛生好令人擔心…查看更多

早兩日見到新開張，外面睇間餐廳幾靚，本來當日就想入去試下，不過見到包左場，冇得去食。。今日行過就記得要試食，見到有下午茶，飽都入去試下啦😂。不過忘記影餐牌。。點左一個$68下午茶迷你雞拉麵，唔記得原名係乜。。$68一個迷你豚肉拉麵，類似咁嘅名。。下午茶送汽水/玄米茶，最驚喜係，兩個拉麵湯底係唔同。平時啲拉麵店都係湯底一樣，舊肉唔同。呢度唔係專賣拉麵，但竟然都咁細心，值得一讚。雞嗰個湯底清啲，豚肉就濃味啲(本人愛吃濃味，比較推薦)。。迷你下午茶，其實又唔算好迷你，幾啱細食嘅人。有興趣可以試下，$68食個拉麵確係爽。。店舖外我冇影相，但店內影左張。店不是大間，但裝修，擺設都幾精緻嘅❤️。…查看更多

今日食weekend brunch，兩個人去食。環境，舒適，靚，空間感夠大。我坐的位置係窗邊，望到海的。不過冇影到相😂。。食物好味😋，精緻，靚。睇落去細細件，但食完成個餐原來係好飽。。坐低食個包先，鬆軟，好香，外脆內軟。。頭盤，生蠔。第二道菜:鴨肝，醬汁好味。第二道菜:和牛牛扒，入口即化。。主菜:西冷牛扒。主菜:龍蝦天婦羅，醬汁特別，好味。甜品車揀自己食咩，服務員會夾上一碟比你。我都食左幾多下😂😂😂所以真係好飽。總結，好食，好環境，好服務。兩個人食左$1xxx。放慢生活，食好西，慶祝，推薦。❤️…查看更多

Lunch hour周圍都勁多人，但咁啱又勁肚餓，見到呢間冰室唔洗等位，即刻入去坐。💔沒有系統的安排。由於一行三人，第三位朋友之後先到，期間一直有員工安排其他客人坐我地枱隔離，5分鐘內講左3次有朋友黎緊。最後佢就咁叫其他客人坐落黎。我亦叫我第三位朋友不用黎了。如果人齊先可以入座，我覺得可以直接講。而入座後我們亦立即點餐，冇拖時間。雖然係茶記，都唔洗咁港式服務嘅😪。💔食物唔好食海南雞飯正常，一般正常味道。濕炒牛河，牛肉雪藏味勁到咁樣炒出黎都遮蓋唔到。然後當日我食完係肚痛，肚痾左兩次嘅，不過痾完就冇事，我諗純粹唔新鮮。凍飲係正常港式味道嘅，用鐵杯保溫。不過，再食不了。…查看更多

環境大，空間感充足。食物也不錯，價錢每人120左右食燒肉套餐，加15蚊有個蛋牛肉飯，正🥰泡菜好好食，係辣同甜。本人比較怕食酸泡菜😖所以呢度嘅泡菜啱晒我胃口。爐旁邊嘅泡菜蛋免費，如果要芝士粟米加$18，建議加錢食，好味。套餐入面加$15嘅牛肉蛋飯好食😋唯一美中不足，可能限聚令，六點之後冇堂食，4點左右入座，但食到5:15pm左右，全店嘅職員已經喺度預備關店，一路食嘢，一路聞到消毒拖地嘅味道，夠晒衞生😂😂😂。…查看更多

環境設計好有心思，很有氣質嘅設計。餐廳中間嘅花花樹好靚，不過好難過去影相留念，因為樹旁邊有其他客人用膳，也不好意思打擾到別人，只能遠觀。。藝術性很高嘅甜品，樹枝係朱古力餅，蝴蝶同花都食得嘅，不過冇乜味，口感好似紙咁😂幾得意。底層綠色嘅係綠茶蛋糕。。甜點層。中層鹹點全部食物都很有設計，精緻，靚。影相，打卡一流。賣相滿分，味道可以改善，味道唔夠鮮明突出，我食完全部食物，如果有一件係令我有特別深刻印象，好食到要懷念嘅話就更好了。。因為普遍去食tea set，都會有一兩件小點心，會覺得超好味，好食到要encore嘅感覺。希望下次黎可以感受到🥰。…查看更多

古色古香嘅餐廳，。早餐揀個主食，之後可以選擇配多士類或煎腸蛋/腿蛋。又平，加埋凍飲先$36，仲有細個嘅味道(好難形容，就係新式餐廳冇嘅味😂)。晚餐特別要講，小炒，煲仔菜，先$6x幾蚊一個，抵到爆。仲要好好鑊氣，大排檔嘅味道呀😍😍😍，但平民價錢，我真係好鐘意食。。我常吃嘅，$6x一個餸仲跟兩碗白飯，魚香茄子(煲仔上，食完都仲熱嘅)，中式牛柳(味道一流)，豆腐魚腩(魚勁多)，沙嗲金菇肥牛(煲仔上)。帶朋友黎食次次都話平靚正😂。。有時唔想食中式，我會食扒餐，你估佢唔到有鐵板架，鐵板扒餐呀😂，先$78蚊。自己試下🥳。…查看更多