louleung的个人专页

我哋一行五人，食晚飯，筲箕灣好食嘅潮州打冷唔多，呢間係一個好選擇，我哋食咗以下菜式：蠔餅：金黃鬆脆，新鮮熱辣，好味唔油膩，蠔仔大粒，本店名菜！👍銀魚爆牙肉餅：得獎招牌菜，其他地方食唔到，必食！👍胡椒鹹菜豬肚雞煲：雞肉嫩滑好味，豬肚少咗少少，雖然胡椒唔多、唔辣，但係整體調味正！食完雞煲、飲完湯，可以加蔬菜或其他火鍋配料，繼續打邊爐。今次我哋加咗滑牛肉、白鱔片、唐生菜，食材新鮮，胡椒雞湯底嘅火鍋都好正！👍…查看更多

我哋訂位係8:15pm，等最大枱只有一張，十幾人老少都一齊等位多時，直到8:55pm先至可以入座。因為提早點咗菜，所以大部分餸菜都準時到，但係白飯🍚等好耐好耐。原來白飯唔係電飯煲煮嘅，廚房係需要蒸飯嘅，所以我哋等咗好耐。期間催問多次，侍應都係話冇辦法，仲話自己入去廚房催只會「俾人鬧」。居然最後白飯🍚係9:50pm先至到，餸菜已經食完。其實餸菜味道係ok嘅，但係服務唔掂，整個體驗都好唔掂 🙅🏼‍♂️🙅🏿…查看更多

我哋兩個人食lunch set，原來K11裏面有個叫Natural嘅地方，賣健康食物、lifestyle產品，同埋有間野玩田店。我哋揀咗洋蔥豬扒包、牛油果醬燒雞胸兩個套餐，包括餐湯、咖啡或茶、甜品，自助沙律美食吧，有蔬菜、雞翼、青口、羽衣甘藍、紫薯、甜品等等。其中有香草、迷你菜係呢間店裏面自己種植嘅，有農場嘅新鮮感。喺尖沙咀食飯，百幾蚊一個套餐係抵食，K11地點方便，而唔係太逼人，陽光窗口位坐得舒服，有文青feel。…查看更多