chan bun的个人专页

砵蘭街近旺角道的一段, 有間菠蘿油幾好食的茶餐廳菠蘿皮好鬆化, 麵包軟熟, 舊牛油四分厚, 雖然個包唔熱, 但係味道的配合絕佳, 牛油香, 菠蘿皮甜而脆, 食完一個有再食一個的衝動加杯靚靚絲襪奶茶, 包你話無得頂! 只係坐位較迫, 但樓上一層比較闊, 不過要上樓梯, 無咁方便…查看更多

又係我茶餐廳怪客的食遊記今次見客的地點係太興, 下午茶, 多花款, 有我至愛的奶油包仔, good 煉奶淋落個圓 muffin 上面, 比起用方包既高級, 又更好食! 呢款圓包連麵包皮都好食, 所以我已經火速愛上了凍檸茶都ok, 幾有茶味, 價錢唔貴, 約客傾生意的一個上佳選擇…查看更多

去到元氣, 歎番個tea 因為見三十幾蚊好似好多o野食, 所以要食個set都幾豐富, 有湯烏冬, 炸雞, 炸蝦卷, 熟蝦, 鰻魚, 馬刀貝壽司, 加埋一先至四十零 , 仲用九蚊一件的代價買入一件牡丹蝦壽司, 呢舖真係食得開懷平係平, 不過味道只係一般, 唔好太大期望, 好似烏冬一啲都唔滑, 仲要出力咬先斷壽司都係一般, 壽司飯唔靚, 太甜喇, wasabi 唔夠辣炸雞件幾好食, 不過粉多o左少少, 但係我都照單全收!…查看更多

落開公司在尖咀的office, 到了附近的定食 doraya食, 印象中好似開飯網介紹中我的選擇係鯖魚定食, 兩個字: "好正"定食包括了兩件白蘿蔔的前菜, 煎蛋, 麵豉湯, 一碗飯同鯖魚, 前菜幾好味, 醃汁清清地味道幾好, 煎蛋好軟熟, 唔會好甜, 有雞蛋的香味鯖魚皮夠厚, 燒完只係魚皮燶哂, 但完全唔影響魚肉本身, 魚肉有輕微的腥味, 不過啲肉唔鞋, 幾好夾, 味道又鮮甜, 好正呢一餐, 係小弟近期食得比較"豪"的一餐, 不過都係一百蚊…查看更多

上次食過, 覺得勁好食, 今次再嚟, 係因為想番尋味今次食生牛肉金邊粉, 細碗的, 再加一杯青檸梳打, 今次個湯淡o左, 唔夠味, 唔知係唔係好賣得滯, 煲唔切湯, 雖然唔係水咁淡, 但同上次比較, 差o左截金邊粉太多, 可能都係湯味淡了的原因, 不過都係唔可以原諒希望水準唔好瓢忽, 生意好都唔可以亂來 …查看更多

最近有個客, 係住德福的一名師奶, 經濟好o左, 我生意都好番少少, 約佢去傾保單, 佢就要去starbucks 坐, 都好, 環境舒服啲一坐低, 就話佢請, 呢個客都幾好人, 咁我就唔客氣咁揀左杯綠茶星冰, 這杯思樂冰類的飲品, 味道唔錯, 雖然綠茶的味道唔係好強烈, 但加入了大量的奶類物體做成, 口感有點似奶昔, 但就有食沙冰的效果, 好味不過三十幾蚊杯, 都唔平, 但係個客好好人事, 無介意我叫呢杯, 仲同我簽埋份保單, 係近期比較好的客人…查看更多

作為九龍城街坊, 又點會無去過地茂館, 由昔日六個舖過埋對面馬路到而家得番三個, 我都有長期幫襯夜晚一個人食, 炒碟牛河做晚餐, 中湯係節瓜湯, 老實講, 好味就唔可以講, 只不過就腳先會入嚟, 牛河無咩牛肉, 河粉勁多, 勝在味道唔會太咸, 油不多, 節瓜湯加o左兩粒蜜餞煲, 味道ok如果唔係街坊, 仲要開正我樓下, 又點會成日嚟? 你唔係街坊, 就唔使專登嚟了…查看更多

其實我覺得我都幾有資格講 "我愛茶餐廳" 呢句說話! 因為我真係好多餐都係茶餐廳入面渡過的今次食呢間, 都可以話係一間茶餐廳嚟, 因為佢唔係只係賣魚旦粉, 而係賣埋茶餐廳會賣的所有食物! 見肚餓, 就入去食, 有一個係沙爹牛肉包餐, 有個牛肉包加杯飲品, 個沙爹牛肉包本來都幾好食, 因為個沙爹汁好野味, 牛肉索哂沙爹汁, 好正, 但係最可惡係沙爹牛肉係"凍"的, 令到本來好食的都變成唔好食 點解唔可以坐暖d 牛肉呢, 都唔係好難啫凍檸茶不過不失, 唔算太好飲, ok啦, 但係覺得個包認真d 整會係一個美食, 嘥左..…查看更多

今次傾保單去左翠華傾, 又係同平時一樣, 食埋野!凍檸茶, 魚蛋米, 奶油朱, 午餐都幾夠了, 三樣都係平時成日食的, 不過, 水準就唔係好似一般茶餐廳了, 而係... 好食!魚蛋米好食之處係湯底好正, 沙魚骨的湯底, 有濃濃胡椒粉, 蔥的味道, 米粉又好食, 魚蛋質感一流, 咬落彈口, 好食, 魚片一樣掂! 奶油朱包皮好脆, 但麵包肉就軟熟, 一句: 好食! 檸茶ok貨!翠華會比普通茶餐廳貴, 但水準就好得多!…查看更多

車仔麵一嬲都係我至愛食物, 但係車仔麵店通常都好難容許我同客人傾好耐, 所以只有自己一人的時候會食今次去左一間都幾"貴"的車仔麵食, 貴, 係因為七蚊一個餸, 相比起普遍五至六蚊, 係幾"乸脷".. 不過以銅鑼灣租金係天文數字而言, 我都明白的最低消費係廿八蚊, 所以最少要三個餸了, 但三個好似太少, 結果要左腸仔, 魚肉, 菜同咖哩魚旦, 因為門口的咖哩魚旦車好似好野味味道原來除左咖哩魚旦, 其他都不過不失, 魚旦幾實淨, 咖哩味道好辣, 辣到係呢個表情--->埋單要三十五, 感覺係貴, 味道ok啦…查看更多

今日食晏落左旺角, 入左一間茶餐廳食, 我一星期廿一餐有十二三餐都係茶餐廳渡過入去食原因係喺門口見到入面好多人, 相信都唔會難食, 好多時揀茶餐廳都會用呢個方法, 有少少羊羣心理最貴的飯係什扒飯, 叫阿姐落左一碟俾我, 要茄汁的, 什扒包括炸雞翼, 香腸, 煙肉, 雞扒, 豬扒, 火腿, 真係咩都有... 碟頭都夠, 仲有紹菜伴碟, 一碟飯已經可以食到好飽!凍飲加兩蚊, 唔要凍飲就可以要例湯, 不過我都係想飲凍檸茶多d…查看更多

九龍城都算係我的福地, 幾次生意都傾得成, 簽約儀式係於陳興發魚蛋粉下午茶餐有個沙爹牛肉包食, 味道唔錯, 所以促成今次為呢間茶餐廳介紹介紹!個包好味, 最主要原因係個沙爹汁實在野味, 炒香左的牛肉片, 同大量的沙爹汁, 一齊塞入個甜包入面, 一啖咬落去, d汁必哂出嚟, 真係滋味!間茶餐廳下午茶時間唔多人, 啱哂我同客仔傾生意…查看更多

今次個客約左九龍城見面, 地點就約左五星茶餐廳同往時一樣, 我都係先到三十分鐘, 食埋飯先傾保單, 五星的選擇很多, 但係菜遠牛肉飯比較啱我!個獻汁好淡, 所以碟飯味道比較清, 我覺得幾適合我, 因為成日在外面食飯, 味精都食左唔少, 雖然碟飯淡, 但係有住家feel, 而且碗節瓜湯都幾有豬骨味, 就算有味精, 我估都唔會好多!份量好夠, 我食得好飽, 飽...先有精神傾生意…查看更多

熱愛蒲茶餐廳o既我, 今日又約左客見面, 地點當然又係茶餐廳不過今次都算大手筆, 食o左碟五十幾蚊班腩河, 加杯熱華田, 成六十幾, 點解咁捨得? 有時越貴就越想試吓, 反正都係幾十蚊, 班腩河炒得幾好食, 班腩似係鮮魚, 唔似普通雪藏o野, 肉係鮮美的, 成碟炒河大約八件左右, 炒河幾有鑊氣!碟河粉係不普通, 所以想介紹大家嚟試…查看更多

又係約左客等餐飽0既一個下晝, 做保險都幾辛苦架, 而家仲難搵食 所以有時越簡單越平就越啱我 好似下午茶去到財記食個tea set, 廿蚊有一碗沙爹牛肉米, 加一杯飲品, 其實碗米粉唔算好得, 想讚係杯凍檸茶, 好夠茶味, 好夠"0夾" (音gip), 有時唔想食咁多煙, 都會0係度整杯0黎提提神!食到一半, 個客到左, 哈! 又做成一單生意, 呢度都幾旺我0架…查看更多