z0007721的个人专页

呢間新開嘅泰國餐廳，晚上八點幾都有人繼續排隊，厲害。我們兩位，點了牛肉炒寬河粉，河粉有驚喜，EE硬硬，有鍋氣，牛肉也醃製過，有特別的味道。值得推介。👍🏻👍🏻。可以改善的是，等候時間較耐，但因為新開，情有可原吧。我們點的另一個主食牛肉船麵。碗麵入面除了有牛肉、牛腩、牛筋、牛丸，還有炸豬皮。真係意想不到的豐富。它的湯底也很特別，有淡淡的椰奶清香。味道一流。敗筆之處係唔夠熱。芒果沙冰算正常，芒果味濃郁，飲得出係新鮮芒果整的。最後我們點了個炭燒魷魚，雖然我們等了差不多半小時，但出到黎嘅效果都覺得值得。魷魚燒到啱啱好，不會太硬，又有少少汁係面，配搭秘制的串燒汁，一流。魷魚太吸引，直接食，忘記影相了。😅…查看更多

好運中心新開的越南餐，裝修新穎忍唔住入去一試，兩位竟然有卡位，開心。中午時段有午市套餐，大概70-80一個餐，包野飲。我點左個生牛肉河，出到黎賣相幾好，最緊要個湯夠熱，抵讚。試左一啖湯，味道不過不失，但牛肉有驚喜，份量夠多之餘，口感都算滑。另外朋友點了順化牛肉湯檬，食到讚不絕口。牛丸雖然細粒，但咬落爆汁，一粒小小牛丸入面，牛肉、牛丸、牛油嘅香味混合一體。牛展有滷過，入味，有誠意。扎肉都算正宗。湯底小辣，成碗野出到黎都算出色。讚。套餐包嘅基本飲品，凍熱都係唔洗加錢架。我地都係點香茅蜜，杯野清甜得黎，有淡淡嘅香茅味，都算特別。整體而言，出餐速度都算快，食物夠熱夠新鮮，味道也不錯，值得推介。…查看更多

一聽到阿翁，就唸起佢嘅肥牛，正啊。記得要揀脊位，$328，大大碟，抵啊。每片都係手切，夠厚，淥完入口即溶。除左肥牛，佢D海鮮都好得。👍🏻仲有佢D水餃，真材實料大大粒。👍🏻粉腸鵝腸亦都洗得好乾淨。👍🏻…查看更多

這間新開的泰式火鍋，之前經過被它的裝修吸引住，今天終於決定一試，估唔到惡夢終於來了。係門口那個有紋身的女仔，全程黑口黑面，由於坐近門口位，可以清晰聽到紋身的那位女仔同其他Staff係背後鬧客人。至於食物方面，點了一份牛小排，出黎效果幾吸引，但一淥就出事了，縮到手指尾咁細，好似大陸D注水牛。所謂的招牌冬陰功湯底，味道都還好，但係入面D蝦梅嘅，都唔知死左幾耐，仲比客人食。新開的餐廳，服務同食物都咁差，難怪現在D香港人咁鍾意北上消費。…查看更多

一星期內兩次光顧，點心真的很出色，名副其實的點心堂。最欣賞它的腸粉，腸粉皮晶瑩剔透得黎又好有咬口，配上它的自家製甜豉油，一流。另外它的牛肉球其貌不揚，但食落有驚喜。鬆軟得黎又彈牙，牛肉同芫荽的配搭啱啱好，既有牛肉的鮮味，又有芫荽的香味，讚。最後要讚的是它家的生煎包。第一次試用鐵板上的生煎包，熱辣辣的鐵板，配上洋蔥係底，一個字，香。生煎包外脆內軟，一口咬開還有鮮甜肉汁流出，再加上炒熟的甜洋蔥，正啊。我覺得呢間餐廳唯一不足之處係，位置坐得有點逼。如果想坐得舒服D，建議下午時段（2點半後）去，咁就可以兩位都坐卡位啦。…查看更多

呢間新開的義大利餐廳裝修都幾新穎、幾靚。經過見到午餐168，被吸引住行左入去。168包頭盤同主食，義大利餐黎講，真係超級抵。頭盤我地揀左兩個沙律，份量都幾足，味道也可以。主食佢地侍應推薦了燒雞，另外牛魔王的我選擇了牛扒（+$98）。燒雞出到黎賣相一般，但食落真係好味，雞肉嫩滑、皮脆，又有香料的味道，值得推薦。牛扒賣相就好吸引，食落還有炭燒的味道，物超所值。整體而言，呢間餐廳有機會的話我會再去，亦會推薦給朋友去。…查看更多

這間放題餐廳不但食物種類少，而且食物質素勁差。中午叫了最貴個餐，250蚊一個頭，話就話有90分鐘食，但係等個湯底上台已經等了15分鐘，仲要等5分鐘個湯先滾。最後30分鐘就話Last Order、催埋單、借D2話得返20分鐘，我地睇返張單嘅時間，12:55入座、13:55催埋單，然後問佢時間點計？唔係食90分鐘咩？佢就扮睇錯時間，係Wor，仲有30分鐘Wor。D牛肉仲嚇人，全部結曬霜係面，雪到死曬，全部癡在一齊分唔開，要成碟淥。最後都食唔到90分鐘，因為未食完已經肚痛，趕住埋單去廁所。永遠黑名單，不會再去的餐廳，拜。…查看更多

今次係第三次幫襯，前兩次都覺得食物有水準、服務也不錯，還推薦了不少朋友去幫襯，點知今次去到，真係令我大跌眼鏡。所謂的世一海鮮蛋包飯，包到D飯跌曬出黎都算啦，打開個蛋，入面只有數粒魷魚碎的茄汁飯。然後問個員工，你地D世一海鮮飯淨係得魷魚碎嘖？個員工竟然答：我咩都唔知架！然後就行開左。另外我還點了杯凍杏霜，點知杯野出到黎，係凍飲杯裝住嘅暖杏霜。一粒冰都無架，仲要淡茂茂。最後唯有問個員工拿多杯冰，自己變凍飲。…查看更多

呢間新開的冰室，朋友、鄰居都極力推介它的海南雞飯，今天放假，決定同朋友去試下。可能我們去的時候比較遲了（下午三點左右），點了海南雞飯，沒有想像中出色，也沒有湯，但也可以接受。反而朋友點的雞比沙律另我們眼前一亮，雞比即炸的，很有誠意，出面很脆，內裡很Juicy，服務員上台時也有溫馨提示：小心熱，啱啱炸起個。（茶餐廳有咁嘅服務，真係值得一讚）整體而言，食物質素OK，服務OK，價錢OK，值得再回頭的餐廳。…查看更多

今晚一家人到該餐廳食兩個鐘放題，頭兩轉order都算正常，第三轉order開始自動cut單，點知32分鐘前個侍應突然擺低張單，問要咩雪糕 朱古力 綠茶？我們問係唔係last order?如果係我們可否落埋最後一次order？同埋雪糕現在落單，可否遲少少先上？侍應話ok 。我們一行4人，最後一張單叫左8片牛舌，8片牛肋肉，一杯汽水（每人包兩杯，我們之前只order左7杯，理應還有1杯）。點知個雪糕一分鐘都唔洗個呀姐就送上台。我們講，個雪糕我們叫起的，仲有d肉未到。個呀姐就好大聲咁講，咩叫起啊？依家落單咪依家起咯！我們再強調，我們仲有肉未到，係你們侍應叫我們揀左先，話可以遲d先起。個呀姐先收回個雪糕。1分鐘都未到，又到個白色衫過黎叫我們埋左張單先。（當時離交台足足還有半個鐘）ok 我們照埋單。一埋單個雪糕又自動上台了。過了10幾分鍾最後張單order終於上了，自動幫我們cut剩2片牛舌，4片牛肉。汽水催了又催，到最後離座都未見蹤影。最後揾了經理，那位催我們埋單的白色衫、掛住trainee 牌ge行過來 自稱係經理，給我們的解釋係 人手不足，大部分都係part time，sorry，我依家補返杯汽水你們啦！對於咁守時ge餐廳，當然我們不敢擔誤多一秒還台，亦未練到一秒內可以飲曬一杯汽水，所以我們都係無要到杯汽水。但係我一定不會再去呢間餐廳！！！…查看更多