lamlamsysy 的个人专页

呢間💮東京街日本料理💮，本身都好多分店，今次經朋友介紹，嚟到位於旺角西洋菜南街228號地舖，地理位置非常方便，雖然地方唔算大，但環境乾淨舒服，佈置亦頗有特色，服務員都非常有禮。 小食💮雞軟骨餃子棒雞軟骨餃子棒炸到金黃香脆，咬落爽口又有肉汁，好啱邊傾計邊食炸芝麻雞翼炸芝麻雞翼就超香，外層有淡淡芝麻味，甜甜地又唔油膩，好好食！ 💮火炙壽司盛B呢個壽司拼盤都好有驚喜，入面有三文魚、黑椒大刺蝦、熟帆立貝、左口魚裙邊同鰻魚，每件都燒得啱啱好。特別係黑椒大刺蝦同左口魚裙邊，食落鮮甜又帶輕輕焦香味，一啖咬落去超滿足😌主食💮滑蛋蒲燒鰻魚丼滑蛋做到好滑溜，鰻魚勁厚身佈滿油香，仲有濃濃嘅蒲燒汁鋪滿鰻魚上面，撈飯一流，份量亦好多，好抵食。💮美國牛板肩壽喜燒有兩種食法：先用牛油煎香塊牛板肩，再倒少少壽喜燒汁，再蘸蛋汁食，啖啖牛香，非常嫩滑；之後用個鑊剩番嘅油香加壽喜燒汁作打邊爐，淥咗啲牛嘅油脂佈滿哂成個湯底，好香甜濃郁，配菜入哂味，超好味👍整體嚟講，呢間餐廳嘅性價比真係高，份量足、味道出色，無論一個人食定同朋友聚會都好啱！💮東京街日本料理 (太子)📍地址: 香港太子西洋菜南街228號地舖…查看更多

💮龍亭💮是主打鐵板燒，位於大埔翠樂街美豐花園附近，我同朋友中午去，門口散發住神秘氣息，走日系格調。餐廳座位不多，屬於較私密的小店，店內有位置對住鐵板燒，用餐時可以近距離欣賞師傅即席烹調，火光映照下特別有氣氛。 這次試既係「極品海膽和牛龍蝦十道菜鐵板燒」，再加上兩小時清酒任飲，非常盡興。 由開胃前菜到主菜，每一道菜都貫徹海膽主題，層次豐富具有特色。💮魚子醬煙燻三文魚沙律卷味道清新開胃，海草醬及黑醋醬為這道菜帶來點綴，酸酸甜甜非常清新。💮墨西哥海膽玉子豆腐豆腐口感軟滑，豆香與海膽的鹹甜味交織。 💮塔斯曼尼亞海膽配法國生蠔皇配上沖繩海鹽泡泡與蝶豆花，視覺與味覺兼具，生蠔爽口鮮甜美味，充滿海水鮮甜鹹香味。💮白松露海膽蘭王溫泉蛋白松露香氣濃郁，配埋蘭王溫泉蛋，入口即溶有驚喜👍💮北海道海膽燒半熟帶子＋紫海膽燒溏心鮑魚+ 秘製海膽醬燒澳洲龍蝦黎到鐵板主菜，廚師係我地面前即燒即製，全部都塗上秘製海膽醬，煮緊嘅時候都香氣撲鼻，食落配合竹炭鹽與炸蒜，形成獨特既炭燒風味。💮澳洲海膽炒A5松本和牛和牛五成熟油香四溢，師傅火候控制恰到好處，牛味好濃郁。💮花膠燉湯用上麵豉湯底，味道厚實帶微甜，既濃郁卻不帶油膩感。花膠炆得軟糯入味。💮加拿大海膽和牛脂炒飯極有驚喜既炒飯！黑松露香氣撲鼻，表面鋪滿蟹子，每一口都好滿足。💮海膽柚子雪葩最後以雪葩作結，鹹中帶酸的味道清新解膩，加入紅豆爆珠增添口感，為整個套餐畫上完美句號。 🔹龍亭 (大埔)地址: 香港大埔翠樂街11號美豐花園地下10號舖…查看更多

位於荃灣荃新天地2地下一門町市場的⭐️西雅圖屋⭐️，是一間融合港式風味既西餐廳，主打西式鐵板料理。餐廳環境寬敞舒適，氣氛輕鬆，無論是情侶約會還是家庭聚餐都相當合適。 🔶主菜 這次點了⭐️鐵板肉眼牛扒配龍蝦⭐️配上香濃沙嗲汁，味道層次豐富。牛扒七成熟剛剛好，肉質多汁軟嫩，香煎表面微焦帶脆，非常滿足。旁邊既龍蝦彈牙鮮甜，與沙嗲汁意外地融合得不錯，令整道菜有種港式融合風味。另外加$28轉了✨酥皮龍蝦湯✨，酥皮鬆化香脆，湯底濃郁香滑，充滿海鮮鮮味。 另一款🌟法國鵝肝黑松露意粉🌟亦令人驚喜。鵝肝煎得外脆內嫩，配上黑松露香氣，意粉掛汁均勻，味道濃厚但不膩口。跟餐附送的🫕羅宋湯酸甜開胃，好好味😋。 🔶甜品及飲品 甜品選了🥭芒果梳乎厘。 上到黎令人驚喜，甜品外型好靚好吸引，真係岩哂打卡。味道外層輕盈鬆軟，入口即化，芒果香氣鮮明，是完美的結尾。飲品方面點了🍸青檸茶梳打及🥤凍檸樂，兩款都清新解膩，配搭濃味主菜十分合適。 整體而言，⭐️西雅圖屋⭐️的餐點份量足、味道出色，以這個價位來說性價比極高。無論是想吃鐵板牛扒還是意粉，這裡都值得一試。 🩷西雅圖屋地址: 荃灣楊屋道18號荃新天地2 地下一門町市場J9-J12號舖…查看更多

位於尖沙咀ELEMENTS圓方金區⭐️演薈廣場頂樓的 「Luigi’s」，餐廳環境好有格調，裝潢舒適，空間寬敞，氣氛輕鬆柔和，無論係一大班朋友聚餐happy hour、情侶約會，定係家庭親子都啱晒。最令人驚喜係餐廳好歡迎一家大細，亦做緊promotion特別為8歲或以下小朋友提供免費食物，而且kids'menu選擇幾多，真係親子友善之選。餐廳亦提供bb椅，同時主動提供膠碗筷俾小朋友用，細心得嚟又有貼心服務。侍應對小朋友非常友善，笑容又親切，令小朋友食得特別開心，家長都可以安心享受美食。Kids'menu我地揀左Chicken Fingers。Fried Chicken Strips 外層炸得金黃酥脆，沒有過多油膩感。入口香脆之餘，裡面的雞肉仍然保持嫩滑，醃料味道不會太重，適合兒童口味。餐點附上 ketchup，酸甜度剛好。旁邊的 Fries 份量足夠，炸得外脆內軟，沒有因為油炸而過鹹，小朋友食得開心。小食及主菜推介Small Plates我哋揀咗Luigi’s beef Sliders (2 pcs)🍔$158，用上焦糖洋蔥、車打芝士同新鮮番茄，再配上多汁牛肉餡，尺寸迷你卻豐富飽滿，味道層次分明，啖啖都食到多重滋味。Homemade pasta🍝推介Spaghetti & Meatballs（Sharing)$368，自家製tomato sauce酸甜開胃，肉丸口感軟嫩，唔會過鹹，亦同巴馬臣芝士好夾，份量慷慨，非常適合一家人share。甜品🍰甜品揀咗最經典嘅 Tiramisu $85，creamy而唔膩，mascarpone custard幼滑香濃，lady finger餅乾輕輕吸收咖啡酒香，食落層次感好足，作結尾一流。 飲品🥂飲品方面，除咗酒精、cocktail外都有唔少Mocktails選擇，🍸Virgin Mary $79酸酸辣辣，tomato juice配上Lemon同Tabasco，帶點辛香刺激味蕾。🍹Fruit Punch則清新清甜，橙、蔓越莓加菠蘿打出熱帶風味，小朋友都可以安心飲。 總結✨Luigi’s整體氛圍時尚又Chill 又Relax，作為家庭客，最大亮點當然係餐廳親子友善設計，帶小朋友嚟完全無壓力，當晚亦有不少一家大細黎食，成年人又可以放心享受happy hour時光。所以Luigi’s唔止適合朋友聚會，連家庭、情侶都適合，無論大人細路都可以搵到啱心水的美食。服務貼心周到，加上優質食物及舒適環境，絕對值得一試。🩷Luigi’s 📍地址: 香港尖沙咀柯士甸道西1號ELEMENTS圓方金區演薈廣場頂樓R001號舖…查看更多

位於太子西洋菜南街的COSY，是一家揉合泰式與越式菜式的餐廳。餐廳環境乾淨企理，帶有幾分特色，無論是裝潢還是氛圍，都令人感到舒適自在，好適合三五知己聚餐或情侶輕鬆約會。 這次我們點了二人套餐（$298），再額外加了特色小食。 💮前菜與小食 ✴️扎肉米紙卷：清新爽口，米紙薄而不黏，配合扎肉的鹹香與香草的清新，口感層次分明。 ✴️炭燒豬頸肉：焦香四溢，外層微脆，肉質彈牙且帶油香，蘸上酸甜醬汁更為惹味。 ✴️泰式肉碎生菜包（+$20）：酸辣開胃，肉碎調味剛好，配生菜食感清爽。 ✴️蒜香牛油雞翼（$25/2隻）：份量雖小，但味道驚喜，蒜香與牛油香氣極為突出，外皮微脆，內裡多汁。 💮主菜 ✴️越式綜合牛肉湯粉：湯底鮮甜清香，帶濃郁肉香而不油膩，河粉滑溜，配料豐富，包括牛腩、牛丸及牛肉片，整體非常滿足。 ✴️咖哩脆皮牛腩配飯（+$35）：咖哩香濃帶微辣，牛腩炆得入味，口感嫩滑，配上脆皮增添層次，非常好送飯。 💮飲品 ✴️凍檸檬百花蜂蜜（+11）：酸甜清爽，蜂蜜的天然甜味帶來一份柔和平衡。 ✴️凍香滑奶茶：茶味濃香，奶味順滑，冰凍後更是清涼解膩。 💮整體評價 以二人套餐再加小食及飲品，價錢相宜合理。無論前菜、小食或主菜，水準都不俗，味道地道且富有特色。COSY既能滿足喜歡泰式酸辣口味的客人，又能兼顧到越式清新細緻的一面，是一間值得再訪的餐廳。…查看更多

第一次來到尖沙咀的 「天澗壽喜屋」用餐，環境相當雅致、整潔及闊落。店員細心推介了他們最新推出的期間限定和牛套餐與特色壽司，整體體驗令人十分滿足，無論食材、食法還是服務都很用心，加上多項優惠，性價比更高。 😋😋必試限定 🐻熊本A4黑毛和牛肩胛套餐 $278（130g）（數量有限，賣完即止） 套餐包括熊本A4黑毛和牛肩胛（130g）、漬物前菜、蔬菜盛盒、日本蛋和烏冬。最大亮點，是員工會細心講解兩種食法，還提供餐牌作說明： 1. 先煎和牛 —— 只需輕輕在鐵板上煎香，再加少許壽喜燒汁，肉質鮮嫩，入口脂香滿滿。 2. 之後用壽喜燒食法 —— 留返一半牛肉放入壽喜燒鍋涮煮，蘸上日本蛋，口感更滑更香，最後再用烏冬吸收醬汁與牛油香，完美收尾。 這樣分兩段式的食法，讓人既能享受純粹的和牛肉質，也能感受壽喜燒的濃郁風味。 🍣壽司及刺身 1️⃣拖羅蓉軍艦（2件 $38）：魚脂細滑，和飯粒融合得剛好。 2️⃣帝皇蟹棒壽司（2件 $24）：鮮甜有彈性，滿滿沙律醬亦非常夾。3️⃣火炙鰻魚壽司（2件 $38）：微炙後更添香氣，甜醬平衡油脂。 4️⃣三文魚腩刺身（3件 $58，限量供應）：油脂豐厚，入口即化，是刺身迷不能錯過的驚喜。 🍹飲品推介 💮香茅鴨屎香檸檬茶 ($48)：茶香濃厚，加上香茅的清新氣息，配壽喜燒剛好解膩。 💮小青檸 soda ($36，期間限定)：酸甜清爽，特別適合夏日。 9️⃣月優惠 全日免加一15:00後入座，19:00前離座：全單九折優惠。 夜鳥優惠（9月15日至30日限定）：20:30後入座，只要惠顧壽喜燒套餐，每位客人即送美國豚肩肉60g。 整體來說，天澗壽喜屋不單止食材上乘，更將和牛體驗分成兩種食法，令客人一次過享受到不同風味，壽司水準穩定，飲品清新解膩。加上貼心服務和多重優惠，是尖沙咀區值得一試的日式壽喜燒餐廳。 🩷餐廳資料 🩷天澗壽喜屋地址：香港尖沙咀堪富利士道6-6A號爵寓1樓 …查看更多

位於沙田白鶴汀街帝都酒店內既中菜廳「國穗軒」，一向以粵菜和點心見稱。這次午市精選套餐試了幾款招牌推介，整體感覺頗有驚喜。 💟脆皮腩仔上枱時香氣四溢，皮脆得來不會過硬，入口帶點焦香，肉質則保持嫩滑，油脂分布平均，肥而不膩。配上黃芥辣醬更帶出層次感，屬於非常出色的一道前菜。 💟海皇窩伊麵麵底吸收了海鮮的鮮味，口感煙韌，乾身不會糊爛。配料用上蝦仁、帶子、鮮菌等，鮮味十足，口味比較清爽，份量亦非常多，適合3至4人分享。 💟金銀蛋浸莧菜清新的莧菜混合皮蛋、咸蛋同煮，湯底清澈帶甘香，不會過鹹，蔬菜保持嫩綠，算是平衡油膩既好選擇。 ✡️點心推介💮蟹籽燒賣王：外型飽滿大粒，肉質紮實，啖啖肉，蟹籽增添口感，咬下去帶點爽脆。 💮蔥花雞蛋炸兩腸：炸兩外層香脆，腸粉煙韌，雞蛋和蔥花的味道令層次更豐富，好有創意既做法，令人有驚喜。💮和風長春卷：炸得金黃不油膩，入口酥香，餡料清新，帶有wasabi 味，完全刺激我味蕾，與傳統春卷相比更為輕盈。 整體來講，國穗軒的午市精選水準好高，既有傳統粵菜的細緻，也融合了一些創意，令人喜出望外。而且，環境寬敞雅致，乾淨衛生，服務亦非常到位，招呼周到，適合家庭聚餐或商務宴客。 …查看更多

中午同朋友係沙田一田裡面搵食，入面都新開左好幾間食店，當中見到有間食店招牌寫住「松露玉子燒」，望一望餐牌，見到啲丼飯同小食真係好吸引我地，二話不說決定試一試。而且一田裡面設有堂食位置，完全吾洗擔心無位坐。小食🔹鳥藤雞軟骨雞軟骨薄粉酥炸至金黃，口感脆爽不油膩。雞軟骨非常有咬口，調味以椒鹽為主，鹹度適中，不會蓋過雞軟骨本身既鮮味。🔹鳥藤炸雞炸雞酥脆可口，一咬啲雞汁爆哂出嚟，肉質鮮嫩多汁，再配埋個醬料帶點酸甜，與炸雞非常夾，不顯油膩。丼飯🔶蒜片和牛玉子丼呢碗丼飯相當有驚喜，無論在食材品質或調味上都相當出色。首先，和牛非常嫩滑，油脂同醬汁滲入米飯到，仲有酥脆既炸蒜片加埋落去，兩者結合得恰到好處。旁邊個玉子燒，味道甜得黎帶點層次感，濃郁既蛋味令人不禁回味。🔶親子丼雞腿肉嫩滑無比，外皮煎得好香脆，而且蛋花半熟流心，醬汁亦甜鹹適中，整體非常不錯👍 總體而言，店員親切有禮，食物價錢都好相宜，而且食物質素都令人滿意，都是一個不錯既體驗👍📌築地松露 📍沙田沙田正街2-8號新城市廣場三期1樓A118號舖…查看更多

好耐都無食過香港既法國菜，今日難得同朋友黎沙田食呢間餐廳「Odelice! 」。入面環境好大好闊落，環境舒適優美，充滿田園氣息。枱面位置一啲都吾迫，坐得好舒服。侍應亦細心介紹菜式，非常有禮招待👍更要一讚既係，在場所有侍應都無比細心，例如主動收拾桌子、主動斟水等細節位都做得非常妥當，正正符合了法國菜既精緻、優雅、慢活。🔶BISTROT SET 晚市2人套餐$538Soups餐湯 配 餐包Petit Plats小碟🔹Starter頭盤➿Canapés Platter 法式點心拼盤（+$35）（炸辣蟹肉球，煙三文魚，迷你蛋批，香草芝士撻，雅枝竹羅醬）從酥脆鹹香辣蟹球到細膩精緻芝士撻，鹹甜點過渡自然，擺盤亦非常吸引，完全展現了法式料理既層次與奢華。🔹Mains主菜➿Seared Foie Gras &Confit Duck Leg Spaghetti 煎鴨肝，油封鴨腿意粉 （+$30）煎鴨肝油份十足，外脆然後入口即溶既感覺令人非常滿足。油封鴨腿低溫慢煮後煎香，充滿鹹香味，配搭埋忌廉意粉，令人回味無窮。➿Argentinian Angus Ribeye 阿根廷安格斯肉眼牛扒 （+$50）（配薯條，巴黎牛油汁）侍應推薦Medium （五成熟），外層焦脆，切開後呈玫瑰紅色，肉汁飽滿。食落肉質鮮嫩多汁，油脂感濃郁，搭配經典法式醬汁，平衡番牛排既油脂感。炸薯條非常香脆不油膩👍🔹DESSERT 甜品➿French Apple Tart法式蘋果撻呢款法式蘋果撻完美展現了法國甜點既精髓。蘋果片排列如花瓣，視覺與口感兼備。酥脆既塔皮到焦糖化既蘋果片，配埋正在溶化既雪糕，每一口都係完美結合。食落不算太甜，襯托出蘋果既自然風味。 🔹MOCKTAILS 無酒精雞尾酒➿Strawberry Cucumber Cooler（+$65）（士多啤梨果茸，青瓜，檸檬，蘇打水）充滿夏日清新感覺，飲落帶有滿滿果香、完美既配搭，係一杯好解暑同涼透心嘅飲品🥤➿Honey Ginger Punch（+$65）（蜜糖，生薑，芒果果茸，蘇打水）初入口有啖啖芒果既熱帶甜味，慢慢有薑辣感從喉嚨間滲出，整個味道好滋潤、健康。Odelice! (沙田)📍地址: 香港沙田沙田正街18-19號新城市廣場一期6樓628號舖…查看更多

Chatterbox Café 係新加坡有名過江龍，主打星馬菜，黎左香港都開左好幾間分店，今次第一次同朋友黎大圍分店試一試😝環境光猛闊落，乾淨衛生。侍應殷勤接待，感覺不錯。侍應主動介紹期間限定食品：有特色咸蛋魚皮及參巴辣椒炒通菜，呢幾款都係精選推介👍因為我同朋友見到二人套餐 （$348）真係非常抵食，忍唔住叫左😆下次黎真係必食呢度既推介精選🤭🔆小食Snack 黑醬油炒蘿蔔糕醬油香濃、鑊氣十足，炒蘿蔔糕外層微焦脆，內裡保留蘿蔔絲的軟嫩，不會過粉或太爛。搭配黑醬油（甜醬油）和鹹香，非常惹味！🔆主菜Mains 星洲海南炸豬扒配香米飯厚切豬扒炸得鬆化，食落酥脆多汁，一啲都吾不油膩。配搭埋甜甜酸酸特色醬汁，好開胃惹味。香米飯係油飯黎，整體豐富又飽足。星洲海鮮炒貴刁上到黎熱辣辣，鑊氣十足，帶點微微焦香，炒得乾身不油膩，醬汁均勻包裹每條粿條，海鮮亦非常新鮮，爽口彈牙。份量亦大大碟。🔆蔬菜Vegetable醬油生菜🔆飲品Drinks凍檸茶 凍奶茶剛剛侍應亦派左單張介紹Cuisine Rewards 全新會員計劃，免費登記之餘，仲有超過$400迎新優惠添，當中吾少得$25優惠券同埋免費特色咸蛋雞翼優惠券呢，真係超級抵！嚟食真係唔好錯過拎埋呢啲優惠落袋👍📍地址: 香港大圍車公廟路18號圍方3樓304號舖戈…查看更多

朋友介紹左一間大圍隱世美食，位於大圍田心村，大圍地鐵站出左一上行人天橋，過對面就到，路程都只係5分鐘，非常方便。餐廳主打招牌雞煲烤魚、燒烤同香水檸檬茶，第一次黎到，當然要試呢到招牌菜。飲品🥤：🍹招牌鴨屎香檸檬茶 $38呢個係餐廳主打飲品🍸上到黎真係勁大杯，岩哂夏日炎炎天氣。鴨屎香檸檬茶真係近年熱潮，既有檸檬既酸度，又有茶既甘味，可以解膩之餘，飲落又冰涼透心。味道既獨特又清新，🍹提子檸檬茶 $34結合左提子既甜味同檸檬既清爽，味道酸酸甜甜的，亦平衡了茶既甘香，再配埋椰果既Q彈增加口感，味道更加有層次。前菜：川味皮蛋 $48一上菜就能聞到濃郁既蒜醋香氣，瞬間開胃🤤皮蛋晶瑩剔透，配埋香菜蒜末同醬汁，嫩滑又帶點微Q彈😋主菜：雞煲半隻（麻辣味）$188我哋揀左小辣，湯底麻香非常夠味，濃稠度亦剛好，吾會過鹹。辣度溫和，適合怕辣人士呢。雞肉吸收晒湯底嘅精華，嫩滑入味。仲有有滿滿既洋蔥同香菜，真係超正🤩食到咁上下，又可以加湯打邊爐，必食一定係寬粉，勁吸湯汁又彈牙煙韌😆串燒🍡：串燒烤魷魚鬚（10串） $28炭烤香味超香，再加埋辣椒粉同孜然粉，食落非常惹味，魷魚鬚烤到有點焦香，好爽口彈牙👍 燒雞軟骨2串 $22每顆軟骨都香脆無比，咬落去"咔哧"聲在齒間炸開，雞油汁亦瞬間爆開，超正👍燒羊肉一串 x2 $36呢個係老闆極力推薦，果然食完都真係無介紹錯，燒羊肉串肥瘦相間，食落超嫩滑，一咬落就爆汁，又一啲都吾羶，黎呢度食真係必點！烤原隻茄子🍆1條 $38茄子鋪滿蒜蓉、香蔥、芝麻、調味粉，一條條咁撕出嚟食，非常惹味😋燒翠玉瓜一串 $16翠玉瓜燒得剛剛好，配埋調味，食落爽脆清甜。整體而言，餐廳都係自家經營小店，老闆、侍應態度都係非常親切，同殷勤招待，食物質素不錯，性價比幾高，有機會再黎試一試呢度既烤魚先😝📌尋味 (大圍)📍大圍田心村199號地舖…查看更多

放假前夕，特意收工出來約朋友chill 一番..經朋友介意下，黎到呢間位於旺角既西餐廳-Dark Leaf Cafe & Lounge 🥂餐廳環境非常有情調、有氣氛，仲要提供各種酒類飲品🍸，如果女士們吾飲酒，亦都有Mocktails 選擇，真係岩哂情侶或閨蜜黎聊聊天談談心😙餐廳主食Menu 亦非常吸引🤩，選擇種類繁多，我地都叫左以下款式：小食我地叫左🍟黑松露薯條 （$78）及🐙爆漿魷魚 （$88）黑松露薯條係新鮮炸起，口感外脆內軟，油份亦剛好，配搭埋松露醬香味濃郁，味道好夾。魷魚內裡鮮嫩多汁，非常爽口彈牙，個醬汁同魷魚融為一體，濃濃嘅醬汁滲晒落個魷魚度，非常惹味食吾停口😋主食我地叫左🥩厚切西班牙黑毛豬柳配蘋果汁($238), 呢個係即叫即做，所以製作需時20分鐘呢。呢個上到黎真係好驚喜，真係要等都係十分值得。豬柳切開呈現粉紅，能做到medium呢👍實在surprise 😆西班牙黑毛豬肉質柔嫩帶油脂香，厚切能保留肉汁，廚師好聰明地配了蘋果汁，蘋果汁既酸甜能平衡油膩感，又能帶到清新感覺，真係非常推介。飲品我哋點了2杯Mocktails🍸Peach Chamomile 蜜桃洋甘菊($78) 蜜桃帶點果甜味再配上洋甘菊既溫和草本味道，微微既甜味又有茶香，令人飲得好舒服，感覺清新柔和。🍹Mango Shiso 香芒紫蘇葉 （$98）芒果既熱帶甜香再配上紫蘇葉香草味，呢個配搭雖然真係好特別，但飲落解膩又開胃，異常地夾，又帶點異國風情味呢😋🥩Dark Leaf Cafe & Lounge 📍旺角彌敦道726號8樓…查看更多

呢間小店（🥟洪記糖水雲呑餃子 ）最近風頭一時無兩，專賣小食同糖水，雖然只做外賣，但一開門就已經有人龍排隊，真係要試一試😆小食有必食嘅餃子同粢飯推介。甜品有中式甜品好似綠豆沙、芝麻糊之外，亦有多款特色甜品好似香芒系列、養顏桃膠、煙靭芋圓。真係應有盡有。小食方面，我揀左粢飯（$25）和粟米煎餃子（$40）。🥢粢飯係即叫即做，糯米煮得軟糯Q彈，米粒之間黏而不膩，咬下去時能感受到暖暖的口感。裡面包著油條酥脆可口，增添了豐富既層次感，而肉鬆同榨菜帶出淡淡的鹹味，剛剛好中和了糯米的甜香。粢飯壓得好實淨，份量好多，又抵食又好味。 🥢粟米煎餃子，外皮煎得金黃酥脆，一咬下去粟米既清甜同肉汁爆開，口感豐富又不單調。鍾意嘅可以點埋醋或辣醬食，令個味道更加突出，非常推介👍甜品方面，我揀左多芒楊枝甘露（$38）綜合芋圓燒仙草（$42）。🧋多芒楊枝甘露，芒果大大粒，而且份量非常多，芒果🥭既濃郁香甜瞬間充滿口腔，果肉細膩又多汁，搭配埋奶香十足既椰奶和Q彈西米，裡面還加入了新鮮柚子粒，既清新得黎又帶點酸甜，平衡了整體既甜膩感，食完讓人非常滿足。🧋芋圓燒仙草，燒仙草質地滑嫩，帶著淡淡既草本清香。搭配上手工芋圓，Q彈有勁，甜而不膩，讓人回味無窮。還有紅豆軟糯香甜，仲有Q彈西米及煙煙韌韌嘅珍珠，整體口感豐富又夾。仲有濃濃椰奶香呢。甜度恰到好處，令人一試難忘。🥟洪記糖水雲呑餃子 📍大埔寶鄉街47號地下D2號舖 …查看更多

今年新年同朋友黎到呢間位於大圍圍方新開過江龍，新浙菜「綠茶餐廳」朝聖一番。新店環境優美，是以「西湖盛宴」做主題，仿照西湖景色，猶如置身杭州風情之中，十分古色古香。而且餐廳都是由米芝蓮名廚主理，真係不得不試。新年期間，餐廳提供一個特別嘅新春Menu，都係新年限定。另外，更有一些新菜式都只係限圍方新店先有，真係要試吓😋🔸九曲紅梅 $12/位一坐低，侍應就上茶，九曲紅梅之前未試過，黎到一飲就愛上😍味道香醇，回甘味長，真係飲不停🔸鮮果鵝肝塔殼 $148呢個菜式係香港限定，上網見好多人推薦，咁真係要試一試。夾雜了中西fusion 特色，芒果粒酸酸甜甜、鵝肝濃郁可口、塔殼鬆香酥脆，一齊食口感豐富，亦平衡左油膩感，感覺既新穎又特別。🔸黑松露牛肉炒飯 $108一上到黎已被濃濃的黑松露香味吸引🤩炒飯粒粒分明，油份佈滿每一粒飯，食落香口，味道濃郁，非常推薦👍🔸砂鍋西施豆腐 $98裡面有豆腐粒、芋頭粒、蝦仁、豬肉碎味道好夾好好味，岩哂拎黎送飯。🔸高湯蝦乾小青菜🥬 $68白菜仔新鮮爽口，非常入味，每一啖都有濃湯既味道，仲有蝦乾嘅鹹香味帶出，既清新又鮮甜。🔸江南綠茶餅 $38呢個甜點一直都想試，外皮滿滿芝麻，非常香，裡面有軟糯的芋頭蓉，食落會有香濃嘅綠茶味，味道不錯👍🌿綠茶餐廳 (圍方)📍地址: 大圍車公廟路18號圍方3樓321A號舖…查看更多

葵芳出名多嘢食，放工特意同朋友嚟到葵芳新都會廣場搵食😋😋同朋友揀左呢間西餐廳「The Pantry Cafe」，佢個menu 真係好吸引我地，有吾同類型既主食，如burger、意粉、燴飯、pizza等等，小食、甜品、飲品亦應有盡有，睇到眼花撩亂😋樣樣都好想試👍👍入面環境都好大好闊落，枱面位置一啲都吾迫，坐得好舒服。臨近聖誕，餐廳亦有好多聖誕佈置，非常有氣氛🎄🎄最後揀左以下款式：🔆安格斯牛肉肉醬闊麵&溫泉蛋 $132-黎到滿滿既肉醬鋪滿成個意粉😋將中間流心溫泉蛋撈埋成個肉醬闊條麵黎食，味道真係超濃郁，用安格斯牛肉整成既肉醬真係好好味。麵條帶點煙靭，有口感👍🔅黑松露鵝肝牛柳伴紅酒燒汁 $268-上到嚟擺盤真係好靚，鵝肝外部煎得好香，油脂感滿滿，入口即溶，非常好味😋一試愛上。而牛柳切開肉質粉嫩嫩滑，點埋個紅酒燒汁，成個味道真係升華哂。仲有配菜，有薯蓉喺底、烤蘆筍、車厘茄等，同樣好味🤤🔆The Pantry's Pancake $108呢個皇牌甜品真係必試👍有厚班戟、焦糖牛油、楓葉糖漿同水果。梳乎厘有濃濃蛋香，味道好鬆軟，入口即溶😝跟埋楓糖漿牛油一齊食，真係無得輸。食過咁多間黎講，呢間都算係top1👍🥤紅肉石榴梳打$35上到黎粉紅色真係好令😝味道酸酸甜甜的，都幾好飲⚛️The Pantry Cafe (葵芳)📍葵芳興芳路223號新都會廣場5樓531-540號舖…查看更多