旭日初升的个人专页

話說今日晏晝自己一條友去咗旺角呢間餐廳，諗住同廿幾年前既花園餐廳咁既質素咁上下啦。好啦，坐低叫咗個午餐「鐵板牛仔扒」，好快有得食，一食就知落左好多鬆肉粉，完全唔係一塊牛扒，非常難食。比起花園餐廳真係衰十倍，山竹牛肉好食過佢。埋單仲要收加一服務費，真係笑咗。呢間嘢嘅服務態度好差，眼見幾pair 客入黎想坐低都唔俾佢地㨂位。有個老伯侍應係咁同兩個大媽呀姐大聲吹水，埋單時個收銀黑口黑面多謝都冇句，好似麻煩到佢要佢收錢咁。總之成餐就係伏👎👎👎…查看更多

早餐時段去食個腿通煎蛋，點知隻蛋燶到咁。 不過個經理都肯換過隻俾我，不過等左5分鐘先有。 跟住隻蛋俾左我，其實都係差唔多燶。但落左單十分鐘既咖啡都仲未上，又要催多次。服務幾好，食物就麻麻。…查看更多

星期五中午1:55分入座，一個人。 落單時同個疏all back 頭中年男人（帶白色錶）客氣咁落單講要個海南燒雞雙併飯轉髀，講完佢全無反應，眼唔望人，多謝冇句，面口好似想講「你做乜入黎食嘢呀，搞到我呀」。服務衰過大家樂一百倍。一間午餐人均150既餐廳有啲咁既趕客員工真係多得佢唔少。食物質素就係唔差既，雞好嫩滑，夠入味，只係個湯一早上定凍哂啦。糖心蛋就麻麻地，唔好食。有個茶壺放定熱茶又抵讚既。不過個落單侍應就影響哂成餐既心情。幾好味都冇用啦。…查看更多

閒話少說入正題下午茶海南雞飯58圓，唔包飲品。 （問左侍應午餐同下午茶份量一樣）雞整得算滑同冇雪味，而且夠入味，係中上之作。但份量非常少，都係啲頭頭尾尾放埋一齊。（應該想博客人叫多碟小食）男士一定唔夠飽，女士可能夠。同埋呢間店冇得加錢轉雞脾，其實咁樣係醒既，佢可以用盡啲雞既下欄位。飯就好好味，有好香既班蘭葉味。湯就唔夠熱，冇煙既，真係「唔湯唔水」總結：一定冇翻頭，份量太少了， 食飽係卑微打工仔最基本既要求。…查看更多

特然想食拉面又唔想行去豚王咁遠，就諗住係度食住先。 點知中哂伏。首先有兩個職員，女既五十歲左右，男既廿幾歲，叫Edison. 女既好hae. 點解咁講，話說隔離枱倒瀉水，即刻叫個女職員幫手攞塊布黎，佢好冷淡咁講一句「等等」就走左去收錢，但係個男職員當時係冇野做，個女職員又唔同個男既講，由得啲水係咁滴。 因為隔離枱係中學生，佢地都唔敢出聲再叫職員。 我見到個男仔條褲都濕晒， 於是我幫佢地再叫個男職員黎幫手，我話同左你呀姐講架，個女職員聽到即時話我收緊錢呀，我話咁你可以叫其他人做架。食物方面其實係食緊大家樂質數，但收緊雙倍價錢，湯唔濃，麵唔彈牙唔掛湯，叉燒硬，紫菜都冇塊，要加錢先有。 係個餃子似樣，炸雞都係硬。唔怪得之沙田火車站上蓋可以即時入得仲要大把位。…查看更多

因工作經過，又想食燒鵝，見到隔離有間祺哥燒鵝，心大心細唔知入邊間，見佢叫自己做鵝皇館，好似自認整鵝好好食咁，便入黎幫襯。叫左個鵝瀨，一上枱好似幾靚，點知一咬啖鵝，犀利喇，全部硬過煲湯瘦肉，全部唔入得口，咁既環境下，叫過碟又唔係，唯有食唒啲皮就算。 個瀨粉連湯就算幾好，仲搭左條菜，係細份左啲。杯檸茶就沖得唔錯，而且個杯夠厚夠保温，食完野飲都仲夠熱。唔怪得間鋪做埋兩餸飯，只賣燒味佢應該做唔住。大家樂個鴨飯一定好過佢十條街。…查看更多

星期六下晝行過銅鑼灣，2:30都未食嘢， 經過呢間餐廳入邊冇乜人，就求其入咗去。叫咗個下午茶餐叉燒飯，加十蚊跟碟火腿煎蛋。碗叉燒飯上枱時都仲靚靚仔仔，但估唔到啲叉燒全部都勁硬勁鞋口，好在下午茶餐有一碟火腿煎蛋，就唯有靠兩塊火腿一隻煎蛋送¼碗飯。阿姐收我碟嘅時候，我指住我碟上面有五夠咬過嘅叉燒（圖一），我問：「你平時會唔會食呢度啲叉燒，佢話：「我地唔俾食叉燒。」，從語氣聽出佢似乎聽慣啲客投訴呢度啲叉燒唔好食。如果你唔信我講嘅嘢就歡迎嚟試吓🙂…查看更多

星期一諗住食好啲啦，於是㩒下網上外賣平台 睇下有咩食就揀左南小館，話哂叫做大集團質素有保証。落單點左個上海粗炒，點知送到黎一打開，個醬顏色又黑又結又反哂光，一睇就知落師傅太重手，食左一啖，咸到爭啲吐返出黎。攞筷子再搵搵下，肉絲量經少。呢盒肯定係我做三十幾年人以黎最難以入口既上海粗炒。我最後決定成盒揼左。初初諗住唔想郁先叫網上外賣平台，跌左100蚊（粗炒$78+運費$20）又仲要出去再買過其他野食…查看更多