你老公的个人专页

等左大約1小時才能入座，兩個人叫左三百幾壽司食。吞拿魚有少少魚味，主要色省鏡，三款都出色，大吞拿入口有驚喜會溶化，果然係唔同d其他叫了熟蝦正常，期間限定就普普通通。海鰻同想像中無大差距，合理收費，魚質細，肉嫩，醬給得夠，可以再食。店的包裝wasabi 好似改左做鮮山葵咁，連平時唔食既我都開左黎試，因為唔會好辣，味比較真。價格又升左，所以部分食物無再叫。火炙蝦幾新鮮，無食到火炙三文魚了，因為乜都加價。…查看更多

糧尾手緊，俾friend約左去食buffet，唯有慳啲全日唔食ya la之前已黎過，係3年前，價都加左啲。主攻龍蝦細如常，連食半打，感覺已回本，凍海鮮🦞係必食，又食下蟹腳，都甜，不過好曬時間去慢慢夾同拆肉，唔想落手拆咁多😒攰⋯⋯ 所以無意慾係咁狂食。凍肉狂食Parma ham偏咸，生蠔同之前一樣勁細無肉5肥美，zip 下牙輕易又吃到3隻，海水味佢係有既。吞拿刺身幾高質，飲品飲了幾杯柚子蜜解渴。熟食5特別，廢事咁快飽，不嬲好少會係自助餐度食。甜品區向來呢度都完全吸引5到我，貪佢收碟快，坐得都舒適。最後食雪糕，佢d口味無乳酪，全部係務求甜膩塞飽你既朱古力同cream味咁，隨便食少少。酒店都節約成本💰芝士黑松露噴泉變了個小鍋就算。…查看更多

睇完中醫搵食記，呢頭原來有間食刀削麵既店，食飯時間人多到爆炸，等左都耐耐地。終於入到去，叫左湯面，豬軟骨好合心意，肉不存在肉膻腥，好鬆化好鬆化，軟骨已煮淋，食時不是脆爽費勁的，幾入味。刀削有咬勁，一碗都唔係好大，所以另嗌左碟豬腸，勁肥，唔平，只係同面食相差10蚊，所以跟面抵d😅叫中辣，味好夠，有花生芫荽辣椒醬，脆辣，顯然豬腸無咁普通，精華在仲汁。侍應招呼麻麻，輪到我入座時人都5多，同其他枱都唔迫，唔俾我坐路口位，但就算我坐，同後面既台都米幾遠，其他台又無乜客，我台又撘台，想坐遠少少都5俾。。。你有客我先移去同5識既人痴住坐，唔可以？…查看更多

上幾次黎即使轉左QR code 落單都好，都有漏單問題，不過唔趕時間，所以無所謂啦。今次係第一次全部餃子都未售罄，6點幾去到簡直係從未試過咁爆滿客人，大家開始都識了。食住菜莆等朋友，好脆口。第一次咁快食物到，我同朋友都叫茄湯，入面有d薯仔咁，朋友話如果係老火湯就正。芝士雞餃5算好芝，有d干，食第二次，賣相似旦餃，味我俾有3星。羊蔥餃黎咁多次第一次成功叫到，上台已索到好香既味，無膻味，羊肉香，同大蔥好夾。朋友的南瓜雞餃話已食唔出同芝雞餃既分別，下次我會想食牛餃。…查看更多

去附近shopping買芝士食🤭去完唸唔到食咩，又走左去食呢度。價錢5算平，兩個人求其食都講緊最少百幾落樓，要平過佢既都有，只係略有名氣及喜歡佢夠辣，所以常常去。佢最少叫三餸起，面食同大部分餸菜都要另外加錢，唔平但有啲製作。先講冬菇，好厚肉健康，個人大愛。再談酸齋，夠味唔潺，同齋舖幾乎有得揮，所以幾乎次次都會叫。豬紅就梗啦，食車仔面唔係唔嗌嘛？事實上，唔會過實淨，四四方方大小均衡，口感食味都合格。豬腸係愛人叫的，肥肥的，喜歡的人才識得欣賞。豬皮幾厚爽身，貢丸牛丸類係攞貨，無特別志在嚼下。撈面係粗面，幾有咬口，但無我所幻想既蝦子囉，上幾次叫加大辣，撈面係食曬啲辣子，半夜真係會起身菊花台嫁，所以今次叫中辣算，有眼你睇，橙橙地色，反而食到面食餸菜原味道。乜咁得意既，原來寫食評唔可以係30日內同1餐廳寫兩則，否則會被強制delete🙈乜唔俾人成日因為伴侶成日要求我去食而成日去所以又寫嫁咩？好奇怪🤣…查看更多

之前外賣過1次，感覺ok於是今晚去堂食，男侍應係咁兩次催落單，感覺有少少唔好。之後叫左腩仔飯同燒鵝瀨食，燒鵝高質肉嫩勁有睇頭，質地滑，皮又薄兼唔肥，十分可取。瀨粉淡某某要叫人俾d豉油先食到落去。腩仔比較肥，皮5算係脆，黎呢度都係食返鵝就得。飲左奶茶同華田都對版，不過又係嗰個男職員，人哋未食完已起勢咁收ya, 食得好5暢快舒服，今次同bb都認為5會再去了，價錢又唔係抵食，仲要想食常餐晚上8點就話無。。。…查看更多

環境好，座位寬，最重要是出奇地下午都不用怎等位，所以撲入去食。下午茶時段價位合理好多，流沙包係我食過最突出好吃的，咸旦味濃，賣相又好靚。春卷炸得啱火喉，卜卜脆，食唔厭，入面涵勁。豬肉餃皮夠熟透，入面豬肉不死實，可能食慣湯餃，感覺有啲干。酸辣湯面比較差，因為用我哋唔buy既上海面，酸辣湯味夠酸夠辣，不過都唔可以成功令個面融合，唔欣賞所以食剩不少。黑松露小籠包好吃，味鮮，全個湯汁都好惹味，唯是價錢不友好，貴不是它的錯，窮是我的錯。…查看更多

食過幾十次，當年第一次食係係元朗，感覺辣到有d嗆喉，之後係尖沙咀同銅鑼灣店食最多。價錢唔算好平，如果唔係夠辣，我唔會理解點解咁多人喜歡吃。另一半通常點豬皮，我就喜歡厚肉既冬菇，酸齋夠酸，豬紅唔散，枝竹粒也出色，如果叫撈面還有碗中藥味道的湯，出奇的好飲。佢的飲品全部定好了，不能少冰走冰的，飲品冰唔夠碎，差d…紅豆奶茶d豆幾粉淋，奶茶味不少，不是太大杯，冰都足半杯😂面食被感染發現食油面都幾唔錯，可以索滿辣湯汁，真係講起都又肚餓。…查看更多

另一半成日都話要去試，我食到厭，之前食過狗仔粉，唔及翅好食，今晚吃到太悶，所以試新嘢，叫左下莊鴨脾食，食到成手都係油，最好預備定濕紙巾啦。但真係好爽成個脾拎起扯黎食，皮肥又交俾另一半，我食曬充滿鴨味既脾，好香呀。平時家禽脾位因為活動得多，味會偏淡，呢度唔會，沾左少少鴨絲翅，風味增加。另一半最喜係大辣菜莆，幾乎食左人地5份一樽，咁我都承認，係香辣脆口，食到喊，好刺激。翅加左價，不過佢整返好冷氣了，唔洗再出住汗咁食，舒服返好多，而家仲變左QR code落單好耐了。…查看更多

又同家人食好西，食左大約六千，有翅有燒豬，有飯有糖水，呢度係酒席。芝士焗龍蝦，每次都點，佢用好靚既芝士，好好好好濃郁，超滋味，好夠芝士汁，伊面夠醬撈，肉又勁彈，啖啖肉。家人另外叫多兩隻上湯龍蝦，個味就差好遠了，好似BB蝦咁，同我酒席兩斤半🦞差得遠。乳豬我哋加碼，十人兩台共叫了兩隻，全部食完，燒得好靚，肥羔唔多，皮好鬆化。翡翠蚌仁蝦球，沾上少少蝦醬會太濃，本身味已夠，炒得有鑊氣。翅每人分得一碗仔，侍應仲要不到瀉曬浪費，可能生意太好，做到手震🤣沙巴斑都ok滑，唔會有魚腥，都清左大半條。蠔皇扣南非鮑魚好入味，汁啱啱好，扣到軟糯曬，嫌唔夠食。脆皮燒雞樣燒得唔差，不過已食到勁飽，食兩件已停口。炒飯水餃包我都食唔落了，但糖水真係拍爛手掌，芝麻糊配入面芝麻涵湯圓，俾足誠意。今晚想去食阿拉斯加長腳蟹但因為無預早訂定，賣曬無得食。…查看更多

和屋企人去吃生日飯，埋單連貼士接近一萬，大家都好盡興。黎呢度緊係食海鮮，呢間對正馬路 今次唔洗行咁入去搵食喇～率先黎左石頭魚冬瓜盅，湯幾甜，但瓜有草青，材料仲有菇同好易食到有骨既魚，一人夠分到一碗。再黎兩隻西澳龍蝦🦞隻碟好巨型，大啖又彈牙，不過芝士汁奶味多，家人話係用大6芝士，伊面無特別，志在醫下肚。蒜蓉粉絲蒸象拔蚌幾鮮味既，調味少少已顯鮮味。員工強推既貴妃蚌蒸水旦幾滑，不過本身普通食水旦，所以無話好特別欣賞。阿拉斯加長腳蟹幾貴下，仲要事先去訂好先有得食，清蒸已好清甜鮮味，我哋一人分到兩隻腳咁上下。蟶子皇用豉汁整就好好，又大又無細殼，入味肉彈，汁濃厚又唔過咸。龍躉多肉，一魚兩食，份量幾勁，整得幾靚，食剩打包最多係呢樣。奄仔蟹勁多膏之餘仲有肉食下，呢碟都接近一千，突燈揀大隻啲既黎整，可能因為家人期待最耐，所以話特別好食。…查看更多

一心去食班尼迪蛋而幫襯呢間餐廳，點知真係好失望，雖然啲職員態度幾好又有禮貌，環境都幾舒服😌不過個gel頭大廚堅係特別，當我真係接受唔到我個雞蛋係咁嘅時候，廚房嘅回覆係：佢哋嘅班尼迪蛋同出邊唔同係咁嘅😳感覺真係好神奇。多士無問題，擺盤亦幾好，但咁唔得囉，水波蛋咁既樣，靚溏心蛋嗎？係幾流心，橙得黎靚，但接受唔到唔係我預期嘅賣相~_~;煙三文魚味道正常菠菜都正常，不過失望呀對個蛋。。。。。。。。。。。。。。。呢個全日早餐嘅沙律同腸仔都正常，價錢都合理嘅。咖啡就係普通出品，預期中既事，千祈唔好諗到有幾好飲。環境幾好嘅呢度，不過我就冇下次。…查看更多

呢個店係我成日幫襯成日食既乳酪雪糕店，佢雪糕打卡幾好，因為靚，個個星期帶老婆去。不過因為旺角店晚晚因疫情關係八點就關，近來九點關，去到0850pm已話last order左，無得買又摸左門釘，好失望。可能因為咁，老婆愈難食就愈想食，好啦，今晚去到希慎。又係要乜無乜，叫一杯the garden 兩個料又話賣曬，店員聲稱最多其他料再俾返多d我啦，所以老婆有期待左。味道依舊，杏仁片好脆，雪糕🍦易溶又好稀，最勁係中央一如既往唧到好大個窿，我買雪糕唔係空氣，說好的大杯啲呢？由於不好意思再要返多少少而默不出聲，被迫硬受。繼續食，荔汁幾甜下，底層脆脆主要係糖餅味，不太食得出其實係乜果味，幾搶走左原味乳酪既酸，變得無咁解渴解膩，幾失望下。雖然48蚊一杯已好平，但近期咪好推嗰條咩咩咩商品說明條例既，你同相片不符喎，入面真空，如果唔係慰妻，大男人一定5會倒錢😂…查看更多

忘記了這杯叫啥名字，飯後甜品平時的首選，每次經過都上前吃杯，邊走邊食是從前。今日疫情肆虐，零售業水靜鵝飛，我都係乖乖地，打開口罩，坐番低係舖頭入面品嚐。無因為人客變少，雪糕變大左。價錢唔算好經濟，一杯都要一個碟頭飯咁上下$之前食過呢個味啦，今晚食到唔算過飽，有胃食佢剛剛好。Wild Summer 如果無記錯既話。。。。雪糕唧到中間真空心，無花無假。好彩梅汁好開胃下，荔枝肉眼見有一兩粒，但如果雪下佢，變d冰渣狀，味會出色好多既。面頭菠蘿干插着，有樣又有食力，甜酸都有既dried fruit～入面有dd芒果肉，唔多量，加上餅碎多左重口感，都可以，有層次。雪糕甜酸算ok，如果酸d會更加ok既，如果大杯1d 或整d vip卡儲分，我應該會食得更密，會更加吸引到食客。…查看更多

新張期間，店員有點不熟操作，店內有寫要多多包涵，所以不會計較了，老闆同伙記態度可以。湯底店方稱鮮雞豬骨椰子海帶濃湯，老細在門前宣傳也說：新鮮包的！他看上去有點怕羞。外賣大約等了30分鐘～ 我先過後一個叫外賣的人，但都未到我😓出菜次序果然幾有問題下。湯香菇鮮肉餃10隻45 外賣加1不大不小的餃型，湯味幾出，香椰子味，好有冬菇肉餅嘅感覺，食到d冬菇一粒粒。湯芝士粟米鮮肉餃10隻45 外賣加1芝士餃拉到芝，又唔錯。煎椰菜鮮肉餃 10隻40 加2 外賣加1煎得5靚，味夠火喉，椰菜幾爽口。芫茜鮮肉餃10隻45 外賣加1芫茜幾特別，感到清新，餃皮幾滑。…查看更多