life_is_see_food的个人专页

收工收得遲，10點鐘路過諗住幫襯下啦，見佢話收11點。入到去話10點3截單，話10點半到清場，諗住都仲有30分鐘，就比錢照食。結果上菜上得遲，10點3先有，都算。然後食左5分鐘，10點4就開始熄哂d冷氣，比說話你聽，話叫我唔好掛住睇電話食快d。喂你咁趕時間收工一開始就唔好接單啦，一開始話食到搭半，我一路食野一路睇片中間係無停過食。臨尾勁焗勁熱咁食，真係貼錢買難受。我最後都係10點半離開，係無阻佢一開始既收工時間，15分鐘食哂，可想而知我有冇掛住玩電話唔食佢兜野。個湯又無味，d野食一d都唔好食，魚湯無魚味，魚滑勁鞋，個豬肉片質素好差。炸豬扒不過不失，仲要兜野熱然後熄冷氣比說話你聽，絕對好差勁體驗。以後絕不幫襯。都係個句，咁趕收工一開始就唔好接單啦，超級趕客永久blacklist 。…查看更多

仲係疫情肆虐😭聽日又再禁晚市堂食lu。可以想像到好多餐飲業會大受打擊🤯所以幫襯黃店既舉動萬不可停呀😂今次幫襯呢間㗎仔飯，想懲罰佢好耐！但我地上次係土瓜灣番工，想叫佢lunch結果太遠連外賣app 都失敗～今次踩上黎買啦～邪惡炸生蠔咖哩飯 $65呢個係手寫餐牌上面既～先講佢炸生蠔炸得幾脆，個蠔都好食既～不過個外皮🐢覺得厚左少少～配沙律醬就當然好食啦～個飯係珍珠米，好日式既感覺！個咖哩同出邊既偏甜味日式咖哩分別不大，但撈飯幾好食。順帶一讚個紅蘿蔔煮得幾淋幾好味😳粉身碎骨雞拼盤 $68 (雞軟骨、單碌棍雞翼x 6, 南蠻炸彈雞x 6)我好驚訝🐢揀呢個唔揀正餐，佢話唔食澱粉無咁肥啵🤣炸雞啵真咩？anyway 呢個係有意外驚喜，因為全部即炸，所以非常脆同熱辣辣～食落d 調味岩岩好，唔會好鹹！我覺得巧巧食～嘆番杯-抹茶豆奶（熱）+$18店員推薦話覺得走糖既熱抹茶豆奶最好飲。咁店員都有提過個質感會比較"結",好睇個人口味。 個抹茶味係濃既，飲得出唔係渣料。不過我都係唔喜歡個口感（我覺得係我個人口味唔喜啫～）咁等餐大概15分鐘啦～因為係即炸都接受到既～今次又係係車到食，所以其實買走無耐我地就食了～keep 到熱同脆。如果大家買完無咁快食到既話，無咁炸既菜式可能會岩d~外賣自取每個餐再額外減5蚊～…查看更多

話說呢排第四波疫情嚴重，小編都唔太敢堂食😭今次夜裡趁無人排隊，揀左呢間永遠都好多人排隊既「千之味」叫外賣食😳佢有外賣自取優惠，某d 餐比堂食平～20蚊！四色丼 $78 (連1罐汽水）有三文魚，油甘魚，甘蝦各2件；仲有蟹子同墨魚😳～佢既刺身非常新鮮！三文魚同油甘魚都好肥美！個甜蝦亦好鮮甜😚墨魚係低調既角落搵到，但都係好新鮮咬落去有"出汁"既感覺～佢個飯既醋味都夠～份量亦多食到好飽！雙色三文魚丼 $60 (連1罐汽水）有3件刺身三文魚，3件火炙三文魚，仲有蟹子～講三文魚刺身既話我鍾意四色丼入面有坑紋個隻多d 因為油脂味香濃d~ 但都係好新鮮同高質既～而個火炙三文魚外皮輕輕炙過，但內膽仲係生既～外皮火炙過個味濃好多，加埋沙律醬個配搭好完美～今次我地買左張枱仔擺左上私家車上面食😂所以d圖暗同埋無咁好睇（因為真係唔敢堂食）。但如果大家都驚左食野唔幫襯黃店既話，都好擔心一堆黃店挨唔過呢個飲食業寒冬😢大家都不妨考慮下幫助黃店外賣！…查看更多

星期六番完半日，係附近搵左間同事推薦既「澳門咖喱王新鮮腩」😂作為黄店食家，我都真係好少係公司附近搵黄店食（最多去既係逸東food court），今次終於係佐敦落腳食💛澳門咖哩薯仔招牌牛腩飯 $65個名又有澳門，又有咖喱，又有腩，仲要有埋招牌，應該夠哂招牌菜la! 食落好唔錯既，D牛唔會太un，係黄咖喱黎，個味好香好濃好惹味👍🏻另外一讚佢D薯仔煮到好淋😳我好鍾意！同埋飯既份量都幾多，又夠熱。女仔食可能叫少飯會好D滋補花鵰醉雞泡飯 $55一開始揀佢係因為我好想食湯飯😂老實說我覺得賣相一般。食落個醉雞係真係好夠酒味既，你唔會食完佢醉既😂（起碼我無），但我因為平時無乜飲開酒，就覺得酒味濃左D，鍾意濃D酒味既朋友仔可以試😳個湯好好飲，唔係味精湯，唔會好咸～我達到我既目的食左好好食既泡飯～其實佢外觀同內籠同一間普通既茶餐廳分別不大，服務都正正常常，我覺得都值得黎試吓！尤其係香港唔算多澳門菜食～都有特色！…查看更多

今次幫襯既係位於黃大仙既「嘆杯茶」！呢間其實我幫襯過2次，2次都非常高質！真正平靚正！自選mix and match $32 +2（1款雞蛋仔，1款雪糕，2款配料，1款醬料；抹茶雞蛋仔額外+$2）雞蛋仔揀左抹茶～同埋榴連雪糕（因為平時多數要加錢😳同埋比較特別～）配料揀左朱古力粒同m&m,醬就士多啤梨🍓先讚佢個雞蛋仔係即叫即整～整完即刻有個風扇仔幫佢降溫，所以keep到好脆得黎雪糕唔會溶哂😋個榴連雪糕榴連味好出～好香甜又唔假！同埋個雪糕算溶得慢，唔會去到後期得灘雪水。個配料就正路既，無咩特別～個士多啤梨醬幾好食～唔會太酸！不過要呻下佢有少少掛羊頭賣狗肉😂我望住收銀前既「自選mix and match 雞蛋仔」餐牌好耐，諗住揀開心果雪糕😳點知落單佢叫我睇番「嘆雪糕系列」既雪糕款，無開心果🥺咁我覺得新個menu雪糕款少d既，不過都有相對特別d既榴連揀～都收貨既特濃可可蜂蜜鮮乳 $26超好飲！個可可味好香～佢個奶係用日本3.6牛乳，奶味好出得黎唔會比可可味搶哂風頭😳超夾！同埋隻色勁靚～又唔會太甜！超好飲！最多飲完做運動減肥😂依家佢不準堂食只準外賣～我食個日天氣有點凍，個雞蛋仔雪糕係無溶的^^我覺得呢間平靚正！很推薦～…查看更多

《葵芳》話說去葵芳無理由唔去葵廣，去葵廣買衫講緊係差唔多每個後生女既共同回憶😂葵廣都有好多黃店好好味架～不過個日行街行到攰，真係想坐低chill下慢慢食，就試左呢間「本地薑」～其實佢賣既野同普通冰室/茶餐廳有點似，不過有好多薑既特飲～蜜糖雞扒煎蛋飯拼燒菠蘿 $58本身想叫d再特色d既野，但🐢可能覺得呢d聽落似頹飯既野係男人的浪漫😂我會話佢質素超額完成～蜜糖雞扒好香，蜜糖個種甜好出，煮得好入味，外脆內軟超好味😳個煎蛋流心的，蛋漿++😍個燒菠蘿勁香甜，同平時大X樂個d凍菠蘿係天與地既分別，岩哂我呢個菠蘿控，勁正！家鄉酸菜魚$88 （配例湯/熱飲，我揀左熱奶茶）係好耐無食既一人一鍋😭😭佢既酸菜魚幾好食，個湯好好飲😳～魚既份量多，又滑！酸菜份量都唔少～最讚係佢比左好大兜生菜你，係勁大兜！配埋酸菜湯底你自己淥係勁正勁好味😳你問我同大陸個d太X酸菜魚/探X比，我會話佢的確無咁好味～但我覺得一人一鍋黎講，佢真係收貨有突，起碼真係食得出酸菜味同個湯底好飲！早2年我食過X粥麵既一人一鍋酸菜魚，我會話個間真係好難食～呢間仲要黄店！八両金（薑汁，菠蘿汁，原片菠蘿，梳打水）$28（跟餐半價$14）呢個超特別😍原來薑同菠蘿mix埋都幾夾😳有d薑絲係底好好口感～配埋有汽既梳打水係勁好飲～真係幾推薦佢d特飲～額外一讚佢d服務態度超級好！Overall 好推薦呢間！下次行街行到攰同肚餓，除左葵廣堆證食黄店外，仲可以幫襯呢間本地薑💛…查看更多

介紹一間葵廣黄到金既小店-Freehcake! 呢間店既老板絕對係手足，甚至有官司纏身🥺希望大家可以懲罰下佢！話說我上次8點半去見佢地收緊爐😱我特登黎幫襯佢但佢已經熄左爐火，原來係因為老闆要搞第二日上庭D野🥺所以我隔幾日再去幫襯過～721黑白是良知梳乎厘（Oreo 芝士奶蓋）$38 (2件）好香既芝士奶蓋😳食落亦唔會太濃太甜，加埋d oreo有點點口感，食落味道岩岩好！個梳乎厘都ok鬆軟，當然唔及出面專門食梳乎厘個d餐廳咁有空氣感，但計番個價位黎講性價比高幾截😍個雪糕係蜜瓜味，超好食！如果以38蚊呢個價位配呢個質素，我諗出面都未必搵到有性價比高過佢既餐廳lu個鋪貼滿好多文宣😳d裝飾真係好靚～佢都有好幾位店員，我會話服務態度都ok~Overall黎講都無乜位值得挑剔，歡迎大家黎嚴懲佢！…查看更多

講起荃灣甜品，應該好多人都會諗起路德圍人來人往個幾間糖水舖😂但作為荃灣地膽，我就帶大家試呢間幫襯左好多年既街坊鋪啦😍話說我朋友住大窩口個頭，有次同佢見面後佢介紹我試佢屋企附近既一間糖水舖😳試完我差唔多次次見佢都R佢陪我食😂然後早排竟然睇youtube見到呢間店既專訪，原來呢2年換左個老細，依家係一間真黃店🔥芒果富士山 $50有無人好似小編咁論春夏秋冬都要食雪糕同刨冰😂呢個富士山好高既雲尼拿雪糕柱，下面有芒果刨冰，鮮芒果粒同芒果寒天凍？個雪糕好香，個奶味濃到我食完問店員先 confirm到係雲尼拿味而唔係牛奶味😳～個刨冰好清涼😍芒草汁好味，仲有啖啖果肉同寒天，2個人share正！寶石金時 $36綠茶雪糕+紅豆+綠茶凍！個雪糕既綠茶味幾香，綠茶同紅豆永遠最夾❤️綠色凍澀中帶甘😳份量唔會太多，但足夠過下口癮～其實呢間店既招牌好似係窩夫～但我真係超鍾意佢既雪糕我次次都嗌雪糕🍦下個要試吓招牌菜先得😳…查看更多

成日話鍾意食大牌檔，打冷個d，但好多都藍🥺今次推薦一間位於旺角既黃店—鴻發餐廳小廚～佢有好多潮州打冷野既～放寬左限聚令6人，呢餐我地5個人食～叫左7個餸😎潮州蠔餅 $80好脆好好味，都幾多蠔～幾香大窩蠔仔粥（走青）$150其實好好味🥺但因為走哂青個賣相影出黎麻麻，好多蠔，d蠔味都出韭菜豬紅 $55煮得幾入味～鹹度岩岩好！鹵水鵝片 $110份量都多，食到尾我地食唔哂，底下仲有好多花生～個鹵水做得幾出色～金牌炒大蜆 $80呢個炒得好香好好味，份量又多，好推薦～粉絲雜菜煲 $70佢菜既份量就真係好多～不過我諗揀得雜菜煲都係想清淡食下菜，但我略嫌淡味左d大眼雞魚 時價（唔記得幾錢，～100鬆D)我個人唔太偏好食魚（偏食🥺），所以試左唔多～但佢個魚唔腥，其實味道都ok，順帶一提佢係涼菜～Overall 黎講係一間好味既潮州打冷😳仲要係黃店～下次約埋班朋友想食打冷唔好再話無黃店揀啦🤪…查看更多

🐢對台灣菜情有獨鍾！今次又係經同事介紹（到底我身邊既同事有幾鍾意食黃店）去幫襯呢間位於長沙灣既台灣野😳香醋排骨酥 $75 （配是日飲品，2款小前菜，白飯）有6大塊香酥排骨！炸得好鬆脆，勁好食，唔會太咸，有種「好熱氣會唔會喉嚨痛😳！」既邪惡感🤤我抽中2舊都比較瘦，肉比較少；🐢就拎到哂d厚肉既😡！糖醋鳳梨斑腩塊 $78 （配是日飲品，2款小前菜，+$10轉魯肉飯）有少少似中式咕嚕肉，我會話無乜特別特色，味道係正路既咕嚕肉味不過換左魚（由於我食過好難食既咕嚕肉，係樓下茶記食lunch，所以呢個我已經好知足地話美美美食😂）。鳳梨同魚魚都好多塊😳同埋佢用砂煲仔上我覺得好有誠意！魯肉飯唔是肉碎，好多半肥瘦豬肉，啖啖香，撈飯超正，建議加10蚊轉佢小前菜分別係炒雜菌同醃蘿蔔。炒雜菌好好味因為我好鍾意食菇，個調味好開胃～醃蘿蔔無乜特別，酸度岩岩好順帶一提是日飲品係芒果綠茶，個芒果味少少人造，但我都接受到因為唔算太假～亦唔會太甜，overall 都好飲既總括嚟講呢間餐廳都好推薦，坐得都舒服，有得自己倒檸檬水飲～…查看更多

《紅磡點心放題》先聲明呢間唔算係黃店，但海雲天係 under 九龍海逸君綽酒店，which is 誠哥旗下，我諗誠明點都唔算藍啦！上網見到有人推薦呢間點心放題，佢一黎又五星級酒店，兼且有得望住個靚海景食嘢，又有好多「奢華」d既點心😂所以我都book左～我地閒日去既，因為上網預訂平左10蚊，每人$158（午餐同下午茶同價，我地個日食下午茶），茶位每人$23，再要加一，埋單 total $398，差唔多每人$200。食物方面，佢最抵讚係佢份量真係少，例如燒賣蝦餃你可以一粒粒咁點😂一籠籠4粒咁上應該好大獲😂even叫沙律呀，豬肚湯個d既份量都好mini，你會夠 quota試到大部分既點心～點心方面有蝦餃燒賣粉果叉燒包腸粉鳳爪個d大路野😀老實講我會話正常水準，食唔出係五星級既質素。但特別一讚佢個黑金流沙包真係好靚😳仲要流蛋黃熱辣辣～煎炸美點有南瓜餅鹹水角鮮蝦沙律卷，我覺得係炸起無耐既脆卜卜熱辣辣～健康蔬菜有幾款，有XO醬炒亦有上湯浸，最特別係有紅腰豆雜果沙律，都幾開胃風味小食有好多，例如蘿蔔魚蛋，海苔茄子，炒腸粉，椒鹽豆腐，香茅雞翼，鹹菜豬肚，拍青瓜，口水雞...😂都好多揀，我地試左好幾款，都幾好味，正常水準～主食有伊麵炒飯粥蒸飯個d😳不過太飽我地無叫到～甜品有葡撻湯圓黑糖糕紅豆沙蜜糖脆脆馬豆糕等等，正常水準咁另帶一提佢每枱會按人頭送椰皇燕窩燉鮮奶，富貴鮑魚撻同黑金燕窩蝦餃😳個燉奶幾特別但味道偏淡，係幾矜貴～順帶一題其實間野服務認真麻麻，d伶侍應接近掉d點心上你枱😂不過佢地好忙都體諒既！overall黎講正常水平，未必好高你樓下茶樓個d，係任食同靚景咁解，200蚊抵唔抵見仁見智。…查看更多

《101肉燥飯專門店》話說呢間連鎖店係我同事好鍾意lunchtime幫大家叫外賣既一間黄店😂佢每次叫101外賣，都揀「三杯雞飯，士多啤梨奶」，風雨不改。所以帶飯番工既我都被佢既堅持打動，試過呢個組合，係真係幾好食，尤其個士多啤梨奶幾高汁😍然後有次同鍾意台灣菜既🐢經過尖沙咀，就決定堂食呢間幫襯過好幾次外賣既黄店！難得叫堂食，緊係叫d平時外賣叫唔到既野！我地揀左Deluxe set $208~（set for 2)前菜有凱撒沙律+香草芝士玉子豆腐。先講沙律，佢係非常大碟，岩哂我地2個鍾意食菜既人～上面淋既芝麻醬份量岩岩好，夠遮草青味之餘保留到fresh既感覺～香草芝士玉子豆腐係極度驚豔，係我成餐最鍾意既一道菜😍佢既豆腐外皮層粉好薄，但炸得好香脆～一咬落去入面既豆腐熱辣辣，配埋好香既芝士醬（佢係淡味既芝士，唔會好濃好重口），係好 match好好味😍大推薦小食有得8選1，我地揀左鹽酥雞塊（大）。無確實數有幾多舊，但份量足夠2人過足口癮😳d雞炸得好脆，個粉皮都唔會好厚，咬到啖啖雞肉。外層灑既孜然粉好襯個味，呢個都出色同推薦。主菜有得6選2，我地其中一個揀左香茅豬扒熱石鐵板燒（配芝士撈日本稻亭烏冬）。個豬扒係大塊既，都幾鬆軟同好味～我幾欣賞佢有ok多配菜（有椰菜，紅蘿蔔同粟米），可以中和下d汁既咸味，因為我對佢既印象係個汁比較咸，頭幾啖係幾好味，但可能鐵板上後尾仲「jar jar」緊蒸發哂d水😂臨尾係真係咸左D~另外佢既薯角都ok, 不過唔會話好脆。個芝士烏冬既芝士醬係頭先豆腐個種醬料😳食落唔會好heavy，其實幾好食（而我尤其喜歡個彈牙烏冬）～另外一款我地揀左無骨香辣三杯雞熱石鐵板燒（配肉燥芝士燥瘋薯）。同樣問題啦都係個汁太咸（雖然呢個無豬扒個款咁咸）。個三杯雞同平時食既外賣味道係一樣既，不過d汁令佢熱d同咸d~我覺得呢個都接受到～配菜同上面一樣，不過多左好多有肉燥既薯角（瘋薯）。雖然佢既薯角係好味，肉燥都好味，但撈埋一齊再配個比較咸既汁，令到件事好咸😂建議大家叫鍾板餐唔好揀瘋薯。飲品方面，我地一杯揀左跟餐配既愛文芒果汁。個芒果汁味好濃，但有少少假，我覺得一般（士多啤梨奶正d啫～）。另外一杯我地+10蚊叫個盆裁特濃朱古力珍珠～要加錢果然唔同d, 賣相好靚，朱古力好香濃，珍珠都幾彈牙，呢個都大推薦～Overall 黎講，我覺得呢間餐廳既前菜同小食係非常出色！真係好值得叫黎食，佢d飲品我都好鍾意😳我會再食呢間餐廳但唔會再叫Deluxe set因為個鐵板餐真係比較咸，叫番經典肉燥飯一樣好味咁話～…查看更多

尤記得讀書時期，次次朋友飯聚完，硬係會覺得意猶未盡去食糖水，亦硬係有幾個永遠好忙既join糖水friend。從何時開始，食完飯既活動變左「飲番杯」，一杯酒落肚，飲落喉嚨甜甜地，火辣辣，就好似將番工既辛苦同委屈蒸發哂咁。我本身唔多飲酒，亦唔太識品酒，係一個極偶爾既social drinker，同同事揀酒吧既唯一要求就係要黃店。今次揀既就係貼左好多文宣既- Here is a Pub.呢間係好正經既pub, 唔會有好大聲嘈到耳仔痛既音樂，唔會有人忘我跳舞，有好大個電視screen播下球賽，氣氛幾好咁～Overall 環境都乾淨，d櫈幾好坐，燈光唔會話好暗，幾岩朋友圍埋傾下計咁。講番d飲品，我見佢menu都好多選擇，啤酒 cocktail 等等分哂類好多頁，實揀到岩你心水。同事第一次介紹我飲酒精濃度低既「sex on the beach」，我覺得甜甜地幾易入口，酒味唔會太重，幾好飲！第二次再去幫襯我就飲左Daiquiri (strawberry)～好似沙冰咁好好飲～其他幾杯同事幫襯既都係唔同既酒，有margarita, gin fizz, bloody mary等等，仲有一杯特調飲品，係bartender 特調既荔枝酒😂價錢都好合理，happy hour起計一杯價錢6x起跳，算好平民！額外推薦唔記得影相既炸魚薯條$128，勁大份！薯條好厚熱辣辣，炸魚好脆又唔會太咸～大家下次去飲番杯真心可以考慮呢間野，見到d文宣飲野都飲得歡暢D!…查看更多

有無人好鍾意食餃子🙋🏿‍♀️話說小編作為荃灣友之前成日幫襯被稱為荃灣必食既餃X屋！但比人標左做藍店之後又沒得幫襯了。不過唔怕既，好食既餃子何其多😳今次介紹既就係荔枝角黃店-甜記餃子💛雙拼煎餃-香芹芫荽豬肉餃 拼 栗米芝士雞肉餃 $46 10pcs先講香芹芫荽！🐢係芫荽控，次次同佢食野，如果有芫荽揀佢都必揀！而我就無乜感覺（好彩唔憎）～佢 comment呢隻無咩特別唔算特別好食，中規中矩，而我本身唔太喜芹菜所以唔岩口味，不過唔伏粟米芝士雞肉餃係必叫必叫必叫😍😍超好食😳D芝士半流心熱辣辣溶緊，配埋香甜粟米，又好夾雞肉，真係超好食，去到要同🐢爭最後一舊既地步😂雙拼湯餃-京蔥羊肉餃 拼 西洋菜豬肉餃 （配蕃茄薯仔魚湯） $42 10pcs京蔥羊肉餃幾好食，羊肉味出得黎唔會好腥😳個京蔥唔會話太搶味（利申：不太喜京蔥），我覺得可接受幾好味～西洋菜豬肉餃幾好味，西洋菜好味🤤另外一提佢個湯好「自家媽咪湯feel」💛有種住家感覺～幾好飲真材實料！話說佢離（荔枝角）地鐵站大約10分鐘路程，🐢落堂去左拎飛後行去地鐵站接路痴本人再行去餐廳岩岩好有得食！所以even好多人排隊，實際上唔洗等好耐既～…查看更多

《越南菜》話說🐢最鍾意食東西亞美食，尤其係越南野，所以我都有突登留意下有無好食既黄越南餐廳～有次又係同同事傾起（我發現我好多幫襯既餐廳都係由同事提供😂），佢話有間越南鋪頭比大x報批評佢雙十黄金週都係拍烏蠅（可惜我搵唔到篇新聞），我就即刻決定去「裝修」下佢😂我地叫左2個3 course dinner, 所以試哂4個前菜, 2個主菜 😳先講左前菜先，佢d前菜係超級好味，連我呢d對越南野無咩特別喜愛既都食到停唔到口，有種「原來越南野咁好味」既感覺！前菜系列：椒鹽脆蛋魚柳佢都比左4舊大魚柳😳每舊都炸得好香脆得黎係薄皮，唔會成口粉！同埋係岩岩炸起熱辣辣😍～我覺得味道少少偏咸但接受範圍內，而佢亦有好多香料，又有好多脆脆係上面，口感一流～無骨鳳爪沙律呢個酸酸甜甜超開胃！呢個既味唔會太重口（之前食過d好酸既😖），少少微辣，個鳳爪都幾彈牙，份量都多，超鍾意呢個😍牙車快沙律呢個同上面既無骨鳳爪沙律個沙律個味一樣，所以佢原先係安排2揀1。都係酸酸甜甜好開胃好好味。佢既份量再多好多，無左鳳爪但多左柚子同雞絲😳呢個食落再light D~呢2個沙律各有優點，因為小朋友才選擇，我全都要😍手撕雞檬紙卷呢個係好正路既檬粉卷，有三大個，都好足料有檬，手撕雞同好多香料～可能我本身鍾意d酸酸甜甜既野，我覺得無上面既吸引，但🐢就覺得好好味！正餐系列：越南仔蔥油三味配黄薑飯 （豬頸肉+豬扒+燒扎肉）$89 （再配2個 starters）佢既豬頸肉燒得好香，同埋口感幾厚！豬扒好大塊，煎得好香好越式香茅感覺😳扎肉係好正路，一如既往既好食！個黄薑飯都好香，不過美中不足係當扒開個飯時，會發現內部有少少壓扁同濕，可能煮起無耐又想壓個靚靚小飯山所以壓扁左入面。不過好少事，overall都正皮！牛+豬 Pho (生牛肉+烤牛肉+豬頸肉+豬扒 配紅蕃茄湯檬粉）$109 （再配2個starters)又係好大碗！因為我無食牛，🐢評價話生牛肉好滑同有牛味，而炸牛肉落左醃料烤得好香咁話！個豬頸肉同豬扒同蔥油三味既味有d唔同（應該因為係配湯上，個香料味無咁重），配湯食恰到好處～順帶一提佢個蕃茄湯好濃😳唔會話好酸但偏重口，我自己就好鍾意！個黄薑飯係配一碗湯既，我地+$5配左椰汁酸湯～有淡淡椰汁香味滲出黎，個酸湯係真係幾酸，我覺得都特別～Overall 呢間餐廳係好高質好高質！！埋單都係200蚊，飽到上心口要散步半個鐘，仲要咁多款式咁好味！我覺得抵到爛！佢係阿木台灣麵隔離，阿木排大長龍但呢間唔洗排🥺我未食過阿木（有諗住下次去排😂），但我覺得呢間都值得更高既人氣！…查看更多