ballballying的个人专页

對上一次去Foxglove，已經係幾年前，前身仲係食西餐。今次知道轉左做中菜，就約返同一個朋友黎試。裝潢沒有太大改變，但今次發現原來有包廂，好靚，私隱度非常高。我地一人叫左一個前菜，麻辣牛腱 同陳醋燒香菰，我自己就鐘意第二個多d, 陳醋既味道好夠，好入味。見到呢個好吸引，我地就叫左。礦泉水松茸竹笙燉雙連 ，湯料非常充足，仲有未食過的雪蓮子。湯的味道好豐富，好好味，用礦泉水既關係，感覺湯比較清，份量剛剛好，唔夠喉，但要留位比後面主菜。主菜我地叫左花雕粉絲蒸阿拉斯加蟹肉 同酥香惹味豆豉鷄 。粉絲好好味，吸收左蟹肉汁同花雕，而蟹肉的鮮味又無比花雕蓋過，配塔好好。而豆豉雞好特別，平時就食得多，但fusion左，感覺唔同左，好香脆惹味。點都要食d飽肚野，我地就叫左個香蔥和牛炒飯，炒得很乾身，一點也不油膩。一個完美晚餐點少得甜品，精選甜品可以試曬三款，啱曬三心兩意既我。黃金脆奶卷、玫瑰棗皇糕、狀元湯丸。份量剛好，炸湯丸係芝麻餡，仲食得宜家好少人中菜會做既鮮奶卷，好好味。大滿足的捧腹離開。有時食得太多日韓泰其他菜式，想食中菜，又唔想去人多嘈既，可以去Foxglove, 有live band表演，又有bar, 可以同朋友摸下酒杯底談心。…查看更多

讚！一行12個同事去聚餐，為左斧頭扒而黎，剛剛匯豐咭有套餐。我地叫左兩個4至5人餐。套餐好豐富，有沙律，湯，意粉，小食拼盆，當然唔少得outback必食黑糖麥包。斧頭扒無得選幾成熟。上枱其實仲好生呀，約5成熟。但鐵扒仲好熱，想食熟既朋友可以再等陣先食，server會幫手切，因為自己黎真係會有d困難。牛味重，一d都唔'' 騷'' ，好正。主角太出色，其他食物一貫outback水準，無影到相，套餐份量十足，我地都叫唔到甜品。如果一大班人食，真係值得推介。😋…查看更多

路經九龍城，發現一間門面裝修比較新既餐廳，睇下，原來係一間日本菜。三和敘係一間高級鐵板燒餐廳，全棟三層，樓上係包廂。我地就坐左係地下鐵板燒附近，但過程同食完都無油煙味道。Early dinner 未太餓，所以就同朋友叫左個 happy hour set再加散叫。串燒燒得剛好，可以食到材料的原汁原味，因為日本食材夠新鮮，所以唔需要太多的調味。某些新鮮蔬菜食材放左係鐵板枱上。另外選了日本番薯，但因為太好食，我地再散叫，燒得外脆內軟，太吸引趁熱食曬無影相。呢度有日本餐廳的細心服務，會幫客人將串燒拆出黎。另外散叫的茶碗蒸同燒飯團。餐廳食物值得推薦，happy hour除左酒，食物都好重要，除左平時既西式snacks, 可以試下三和叙既日式串燒。…查看更多

相信大家一定認得呢隻紅鶴, 宜家尖沙咀開左分店,而且有10多個座位同枱,可以行完街,tea 一tea. 店內環境一流,打卡影相,又可以同朋友坐低傾計.芒果與奶蓋味道配搭,不會互相蓋過.珍珠有別平時的黑珍珠, boba pearls是店家自家製的.此分店有小食供應, 雪糕雞蛋仔, 小貼士, 要快食,因為雪糕會好快令雞蛋仔變淋. 對雪糕有點失望,味道一般.臨近聖誕節,有禮物籃出售,內有日本水果,茶飲禮劵,小食等,最特別是紅鶴手袋, 399元至999不等. …查看更多

一班朋友好耐無見, 好多傾計,食串燒就啱曬,一路等燒一路食一路傾到飽.暢所欲言,又點少得暢飲,試左呢支夏威夷啤酒,清新不苦,配串燒,解辣之選.川燒的串燒，我們order左少辣，其位朋友不能太吃辣的接受到。燒茄子切件上,再配川味肉碎,惹味,不會太辣。用黎送飯一流。燒豬肋骨,精髓在秘製醬汁, 火侯又剛好,bb豬肉質好嫩，唔加醬汁都已經夠入味。燒海鮮,我地選了蟶子皇同日本廣島蠔.蟶子皇新鮮，但味道差d, 其中一兩隻有沙。驚喜之一，推介燒蠔，好滑。蠔味好出色，encore必選。鹽燒海殼王，好少見呢隻魚。好大條，但肉質鮮美，好考功夫，要燒得剛好唔乾。如果想食，一坐低就要落單，要燒45分鐘。最後，以我喜歡的燒菠蘿作為甜品。…查看更多

經過旺角掃街,比呢間''食字''既炸理滷味吸引左入去.店內裝修走懷舊風,瓷磚牆,木枱.仲播住懷舊金曲,與友人唱住朗朗上口既歌詞, 食左個開心既teatime.         我地先叫左兩杯梳打特飲, 我果杯青檸話梅梳打好正,同炸物,滷味一齊食,可以清爽解膩.炸理五串有五串炸物,和牛粒,黑豚五花腩,多春魚,南瓜,仲有我仲鍾意同推介既墨魚汁香腸.炸漿夠薄, 墨魚汁香腸少見特別,好香口又肉汁豐富. 店面有辣椒粉可加,但我覺得調味已經足夠.之後叫左有手掌咁大的炸雞脾, 真係做到外脆內嫩, 好食.食完炸物,就到滷味.唔好以為得小食,怕唔夠飽,可以試溫泉玉子滷肉飯. 滷肉好入味, 蛋汁加滷水汁,三者一齊食,好濃味.亮點:好親切既廣東話溫馨提示,自己執手尾.食埋滷味大全, 滷大腸,鴨舌,雞腎. 大腸最吸收滷水味,好入味.…查看更多