青瓜仔的個人專頁

Wine n dine 25最尾一天，到魔廚購買叉燒包。因為之前有看過介紹。是一個迷你法包夾着一個慢煮燒烤豬肉，外貌似炭燒過的叉燒。然而昨晚六點多，等了差不多20分鐘，花費了3個tokens, 拿出來看見這個叉燒心包外貌與網上相片已經有很大分別，迷你法包更換了，用長法包切開一段段然後夾着白雪雪水滴滴的一件豬肉，咬落去隨即吐出來，味道難以形容，有一層類似薑味的汁水圍着豬肉，豬肉的顏色看上去令人反胃，根本沒有燒烤處理過，相信是慢煮完後就直接放在包內。並沒有烤過。3tokens 即是$75， 只咬了一口，我是直接掉進後面垃圾桶裡！ 請問魔廚，人流多時，是否就可以把食物亂做一通？亂把食材更改？是否又可以因應時間去更改配方或烹煮方法和時間？一個不專業的處理方法，令人失望！…查看更多

買咗一盒醬油蟹，入邊有鮑魚蝦同埋螺，收到貨嘅時候有三份一嘅醬油都漏咗出嚟，搞到成個盒同個袋都係，我出嚟嘅時候已經聞到一浸浸腥味，因為未完全融雪，所以我等到第二晚先再開嚟食，點知第二晚開嘅時候就係惡夢！攞出嚟，其實已經令我好難受，因為啲味道實在太大，我一向都唔係好怕腥嘅人，都頂唔順，所以我就打算帶個手套先至再去拆啲蟹，點知一開個蓋，嘩嘩嘩！啲蝦個頭黑色㗎，然後有幾隻沉底嘅蝦個頭係甩，我見到咁嘅狀況都有啲驚，然後其中有一隻蟹啲腳係甩咗一半！加埋嗰種味道真係好惡頂，但因為用咗$544買返嚟，所以我就決定試吓可唔可以食到啦。然之後我打算將啲鮑魚掹咗個殼，點知掹完又來一個惡夢，成堆泥咁樣，嚇死！到最後我決定將所有蝦蟹海鮮掉晒佢，因為咁嘅天氣，咁嘅味道，咁嘅賣相，然之後啲蟹肉係霉！我真係唔想搵我條命仔嚟博！幫我校晒啲海鮮之後，我打算洗乾淨個盒唔好嘥啦，起碼仲有個盒，點知發現原來個盒底係爛嘅！以後都唔會再買任何雪藏嘅醬油海鮮！好臭好得人驚…查看更多

2024平安夜，因為有早鳥優惠所以訂了這間店吃聖誕晚餐，一直忘記寫食評，今天經過這間店，突然記起這個不快的用餐體驗，感覺一定要寫食評。當日被安排座位後，已發覺員工有點不正常，因為沒有人給你餐牌或者飲用水，沒有人理會你。起初我以為是因為上一批食客未離開，所以就給一點耐性等他們安排。但一直等，沒有人理會你，直到15分鐘後我叫了其中一位女侍應，問他是否可以下單？他的態度超級惡劣，然後我忍不住說了一句你的態度真的很好！然後我看到他的樣子立刻感到尷尬，而且那個黑口黑面的表情沒有了。可惜他對其他食客一樣態度差。其他食客和我一樣。要等超過15分鐘才會有人給它下單，我隔籬枱更離譜，等超過半小時都沒能可用餐。感覺整間餐廳氣氛十分有問題，員工工作好像很忙，但其實當天的客人並不多，然後他們的樣子每一個都很不友善，就算食物有多好，我相信我不會再來這間店，相比起金鐘的分店，這裏的服務簡直是負100！！！試問會有那位平安夜來吃個晚餐，要被冷待還要看服務員的面色？…查看更多

朋友相約飲下午茶，選了k11這間環境裝修舒服日式餐廳，店舖內員工服務都很好。可惜飲品味道真的十分之差，原本想吃甜品，但因為飲品味道令我們不敢再加單。叫了一杯蜜瓜梳打，味道假，藥水味，甜道太高，難以入口。唯獨飲品頂頭的那小塊忌廉比較可口。朋友叫了一杯strawberry latte. 她飲第一口，說超苦…完全無士多啤梨味。看著兩杯飲品賣相，不能理解為什麼可以難飲到這個地步…可能我們太好運，叫了全店最難飲嘅兩款飲品…真的不敢再光顧。…查看更多

下午2:40左右去食個late lunch。一入到店舖內，一陣霉味，應該冷氣不足加埋個絨面梳化撞出黎嘅味。叫左兩個set lunch 海南雞飯連糖心蛋…黎到見到個碟飯啲雞好似比人愉左兩件咁，其中有兩件係得塊皮，底下再加隻雞翼尖比你。食完唔知食左咩…雞皮？辣椒醬？好明顯煮房個位都無咩心機！唔好講份量，講反食物嘅味道，雞係無味，靠個辣醬去吊反個味先食得完啲飯，湯係室溫，蛋係無蛋味又得個咸字，好細隻。因為之前有聽聞佢係差，但想食海南雞又係附近就入去試試！ 食物真係差到爆！同水門雞差天共地！服務態度係預料中嘅。都唔好覺得食完會講句多謝或者Byebye咁囉…無咩心機無咩表情唔想撈嘅一班員工。食完9秒9埋單走啦！ 真係留多陣都唔想！…查看更多

佢剛開業時試食過一次，上年有外賣過一次，覺得都唔太差。所以兩點幾入去食個lunch。餐廳都有1/3嘅枱有客，生意都唔錯。見餐牌有下午茶餐就叫左個芝士漢堡， $78包一個飲品。黎到見到感覺唔太有好感，因為個包望落好乾身，兩片芝士硬晒咁係包入面…唔熱嘅唔溶嘅！佢個樣似港式但又想似西式。放啲沙律菜係隔離咁，但都挽救唔到個賣相。個包烤到似奶油豬又脆又硬又乾，入面揸滿牛油沙律醬，但無茄醬無酸瓜…個漢堡扒都okay, 但完全同個包/汁醬唔夾…食左啖，算啦，剩係食個漢堡同芝士。其實我坐低時見隔離枱成碟炸豬排飯只食左1/3就唔要…心諗有無咁差？真心係差左好多，咁嘅價錢去食老麥好過……查看更多

諗住同老人家飲下茶食下新菜式，上到黎先知瀨野…點心紙得一張，蝦餃都無，睇openrice食物相片有點心同埋食評都ok就黎試下。老人家出錯站所以遲左半粒鐘，我地坐左大概大半粒鐘先人齊， 點餐就開始黎料啦…我地見餐牌有半隻豉油雞，咁咪叫，阿姐寸嘴答： 我地呢啲鮮雞無半隻叫，即叫即整，最小45分鐘，你兩個頭先坐係到咁耐又唔叫定，依家先黎叫…其實你餐牌無寫我點知，我第一次黎食野，比你怪責我唔早叫，又要叫半隻…係客人嘅錯？你唔怪你哋唔同客講清楚，餐牌又唔清唔楚，你講咩都得㗎啦！態度寸爆無禮貌！不知所謂！另一阿姐好心幫剪開個豬潤燒賣，碟點心熱爆就放枱邊，攞入啲都懶，最後將熱辣辣嘅汁倒左落屋企人大脾…唔該哂你哋！我問有無其他點心可以order, 另一個阿姐話無，因為唔做，個炸爐壞左…， 我心諗叉燒包關咩炸爐事？ 你話無做咪算…食物唔太差，但阿姐態度令人唔想再黎……查看更多

呢間餐廳要早一小時去攞飛，5:30開門，開門前20分鐘要到達等叫號碼，員工一早知二人枱數目多少，只叫十張就停，之後要等約80分鐘後才有位。但員工沒有告知！浪費時間去攞飛再等待叫號…派飛女員工超級惡，態度極惡劣！ 等待那天和拿飛客人吵架！以後都不會再光顧！…查看更多

星期六12:00，同朋友黎食午餐，OpenRice訂座有優惠。點知…伏到…叫左兩set和牛壽喜燒，以為自己食緊打邊爐…牛肉質素勁差，唔新鮮之餘勁肥，比起我喺街市買嗰啲平價肥牛仲差…侍應俾咗一兜日式湯底比我十下十下…加碗唔熱嘅飯…另order左兩款炸物…真係又乾又硬…都係食壽司郎個炸薯條好過…兩個人食咗四百幾，環境都OK…但食物係差到冇人有，服務都尚可接受，好過茶餐廳咁……查看更多

星期日朝早，唔算太多人，5分鐘唔洗可入座！今次黎鳳城主要想食反懷舊炸粉果同蝦多士….可惜…味道差價錢貴…伏爆！1） $30一件蝦多士，完全無蝦味！唔好食！2） 炸粉果， 入面嘅料完全同以前食開嘅唔一樣，全部係又實又無味嘅蝦，皮唔夠酥脆，可以講幾難食！浸粉果嘅湯似室溫清水，無味！3）蝦餃- 又係炸粉果嘅概相同料， 50幾蚊4粒，荀都無一粒！又係唔爽又無鮮味！難食！4）咸水角 - 得個樣，黎到係唔熱，咬落成口油！啲餡料都幾難食！5）牛肉腸粉- 勁難食，皮厚，牛肉用炒牛河嘅牛肉片，又咸又唔好食，唔知食緊咩…6） 麻椒魚皮- $70幾蚊，又係是但到送比你都唔想食， 魚皮一塊黏住一塊，又碎濕濕，應該放左一段時間，只係食到麻辣醬味…極度懷疑佢嘅點心係批發反黎，以咁嘅價錢，我食公x點心重好……查看更多

星期五11:30到店，只限一小時用餐。Airside的店比海運的店寬敞，但食物強差人意，不中不韓，點了個黑毛豬飯，豬肉有豬腥味，飯的辣味完全吃不出是韓式味道。只是餐具擺盤吸晴罷了。沒誠意的製作。柚子梳打更加沒無誠意。感覺食物比海運店的相差太遠！完全吃不出韓國味道，但收費絕不成正比，相信80%是吃裝修環境，但座位都比較逼夾，主要是落地玻璃和光線充足令人比較舒服。這個價錢，$198一份lunch在Airside應該能找到吃更好的！…查看更多

見到賣相幾靚，入去買黎試下，竟然得單一死甜味…$21一件嘅假煙囪餅…真係寧願食小店麵包舖7蚊個紙包蛋糕…最後要加埋店員態度愛理不理…問野好似唔想答…趕客！唔會再幫襯！…查看更多

星期六晚上，想來個韓式炸雞加啤酒，來到銅鑼灣這間評分不差的小店，兩人order了一個芝士Pizza, 煙肉年糕串和芝士炸雞，加兩杯飲品。本人覺得香港租金太貴，導致今次晚餐吃到的炸雞只是吃到炸粉的味道，同時吃不到有芝士味，像吃白膠漿炸粉，我覺得吃豪大大的香香雞比較好吃香口，起碼吃得到有雞肉，相對價錢亦差太遠。柚子啤酒，很有創意，但真的很難飲.....芝士pizza尚可，煙肉年糕串好味，但不會再來吃，因為更好吃和相同價錢的多的是。…查看更多

買了會籍，可用特價享用這裡的自助餐，已和朋友來了四次，都是來慶祝生日，每次都吃得盡慶。這裡自助餐質素高，服務態度好，要比十個讚。食物種類多元化，有中式點心，燒烤，印度食品，中西菜熱食，粉麵，沙律，魚生，各類海鮮，生蠔及甜品等。無論午餐或晚餐，質素都平均，最喜歡這裡的自製雪糕和伯爵紅茶乳酪雪糕。但午餐時間比較短，如想慢慢用餐的，還是選擇晚餐比較好。…查看更多

星期六下午5:45來到排隊等位，人不算太多，大概等了30分鐘便有位。首先要讚一下他們的服務，職員都有禮勤快，比我想像中好。今次來用餐，點了兩個主菜，一個side dish, 再加一件士多啤梨芝士蛋糕。吃得很滿足。其中兩個主菜，一個蝦，一個牛，味道都比預其好，牛味濃，肉質嫩又多汁。蝦配飯味道很開胃，不錯。反而side dish炸芝士蟹角本人不推介，多油，沒有蟹味，芝士味道不香濃，配上泰式甜酸醬，有點格格不入。最後來的是全晚最好吃的，士多啤梨芝士蛋糕加上輕身的Fresh Cream,十分配合，蛋糕幼滑軟身，餅底濕潤，絕對不會好像外邊吃的又乾又散，吃得出材料新鮮，絕對值這個價錢。一定會再來。…查看更多