fancy16的个人专页

呢間新加坡知名海南雞餐廳，喺香港有不少分店，今日去左位於沙田新城市嘅分店，店舖大而座位闊落，坐得都幾舒服。二人餐有必點既海南雞，主菜有肉骨茶，仲配有小食同雜菜，加埋都唔洗$400，所以我地決定要個二人餐。黃金雞脆骨 用鹹蛋黃炸雞軟骨，炸得剛剛好，皮漿亦唔會太厚，咬落香脆可口，啱晒鍾意食鹹蛋嘅我！餐廳招牌菜海南雞就咁望就以為份量好少，食食下兩個人都覺得好飽，雞肉已去骨，所以啖啖都係肉。雞肉嫩滑多汁，一定要連埋雞皮食，係超級滑！如果單食雞肉味道就偏淡，建議加埋佢嘅秘製醬汁同薑蓉，會好味啲。豬肉肉骨茶另一主菜都係新加坡特色菜—肉骨茶店員會以火爐原個奉上，保持湯嘅溫度湯底胡椒味濃郁，配料豐富，除左有三件大既豬肋條，仲有豬肉丸、豆卜、豬肚。豆漿海南雜菜煲呢個平時真係少食，豆漿煮菜味道偏清淡，食完濃味既肉骨茶，有呢個平衡下啱啱好！不過菜既份量偏少，反而粉絲有好多！幸好配料唔少，仲有雞腎、蝦乾、白玉菇。杏汁木瓜花膠燉雞湯 $69另外我地仲加左個雞湯，雖然個湯碗細咗啲，但材料都好豐富，有三四件木瓜，花膠片都唔少。雞湯一啲都唔油，味道亦唔太濃，因為杏汁既味蓋過左雞湯，當佢糖水咁食都唔錯！…查看更多

一入門口就比個白色主調既噴水池驚艷到，加上法式的裝潢，感覺就好似置身於法國的花園一樣！餐廳佈置啱哂同朋友慶生聚會，打卡一流！依家仲做緊1+1優惠，叫支白酒可以優惠價點半打生蠔$98，可惜當日唔飲得酒無要到！😅手工牛油香煎蟹餅 $138雖然蟹餅既份量偏少，但估唔到前菜既擺盤都咁有心思，加左沙律菜同花、芒果同蕃茄做成的醬，食落酸酸甜甜，非常開胃。蟹餅煎得啱啱好，外皮香口，蟹肉亦唔會鬆散！香蒜白酒鮮大蜆扁意粉 $168意粉軟硬度適中，大蜆鮮甜無沙，可惜香蒜加上紅椒有啲辣，唔食得辣既朋友要留意！埋單時店員話原來係可以走辣/少辣😂檸檬鹽燒原條海鱸魚 $298成餐飯最欣賞就係依條海鱸魚，平時食燒/焗魚都好怕煮得太熟同嚡口，今次鹽燒鱸魚竟然係外香內滑，魚皮燒得香脆，魚肉又剛剛好仲係嫩滑！ 再加上大量檸檬片，清新又唔腥。但係魚肉本身就無咩味，加返啲鹽或者淋上牛油汁更好！整體而言，餐廳環境佈置有特色，食物水準中上，店員服務有禮，但可以主動幫手加水會更好。…查看更多

最近天氣涼又係時候約朋友打邊爐喇！係佐敦莊士倫敦廣場既大鍋口海鮮火鍋店主打雞煲火鍋任食，我地揀左基本套餐，都係300位，已經食到好飽！由於朋友太餓，我地直接打邊爐無食到雞煲。湯底就當然揀鴛鴦鍋，鮮蕃茄薯仔豬軟骨、椰子雞湯，有齊濃淡兩款口味。椰子雞湯相當足料，有大件雞塊煲，好夠味！套餐已經包左大量海鮮、肉類、海鮮、丸類、蔬菜，如果升級海鮮肥牛啤酒任食好似係加多一百蚊。因為第一次食，我地就揀左另外單點一份極品肥牛$148，肥瘦適中，入口軟腍，幾抵食！另外黑豚肉片都唔錯，肉味濃又唔會鞋口特別推介出面少見既手打墨魚丸、雞軟骨丸，爽滑彈牙！爆汁牛筋丸都好食，咬落的確多汁又有咬口，唔係石頭丸😹海鮮方面就淨係叫左海蝦，因為食肉都填飽左個肚了，蝦都新鮮既，不過就無咩味。飲品方面有基本汽水茶類，最吸引我地既係自家製竹蓆茅根水，非常足料，見到每樽都有蘿蔔粟米，入口好清甜又解渴，啱晒打邊爐飲！最後仲有雪糕做甜品添，可以加配料食，又有得自己裝，小朋友啱哂！…查看更多

最近去左銅鑼灣既黑門水產食宵夜，環境佈置到好日系，加上餐廳主打海鮮浜燒，感覺就好似去左日本一樣🇯🇵 重點係地方夠大，坐低飲酒傾計都好舒服！黑門令蟹味噌甲羅燒 $98今次揀無海膽，有蟹膏蟹肉蟹籽鵪鶉蛋，味道就冇咁濃，但係店員撈埋燒之後加梳打餅食都啱啱好，鍾意濃味嘅朋友就可以加埋蒜一齊食！反而我就比較喜歡本身加咗嘅蔥，令鮮味更突出海膽燒帆立貝 $128平時燒帆立貝多數淨係加牛油，今次揀咗海膽都幾夾，食落有啲酒味，原來店員燒嘅時候落咗清酒，唔怪得味道咁特別！北海道飛魚 $338白身魚味道本身少油份較為清爽，口感柔軟，加啲酸汁更開胃同埋突顯鮮味。食完既時候，店員仲話可以加錢將魚骨煲湯/ 整串燒，但係我地都飽左就無加到了。極上壽司盛盒 $498見到係No.1推介，就試下依款有12件既手握壽司。等候時間需時，如果趕時間既人記得早啲叫定😅 壽司飯加左赤醋，加埋有調味既食材完美融合，食得出既心思 ! 就好似當中既帆立貝，原來師傅加左芝麻係面，令層次更豐富。如果壽司既紫菜可以脆身啲就更加好！…查看更多

最近去咗間旺角抵食火鍋店，和牛火鍋放題$368/位，做緊優惠二人同行一人半價，即係六百蚊左右就有二人任食火鍋套餐。本身餐廳都有四個套餐選擇，唔升級和牛都只不過係300頭。我哋今次就揀咗M5M8和牛set，當然包括有澳洲M5和牛牛肩胛、M8臀腰肉心。其餘就係美國安格斯牛，牛板腱、牛頸脊、牛背峰，牛骨髓，款式都好豐富。湯底方面，我哋揀咗清酒味噌卜卜蜆鍋，蜆肉份量唔係好多，但個湯底都算清甜，淥牛食就啱啱好。首先我地就點左M5和牛、封門柳、牛頸脊，牛頸脊脂肪平均，有濃肉味同咬口。封門柳就較為腍身、肉質柔軟啲。之後再點鹿兒島黑豚肉，肥瘦均勻，手打豬肉滑都幾特別，口感爽滑多汁又有肉味。另外仲有廣島蠔、魚片、虎蝦，即使唔食牛既朋友都有好多選擇。餐廳仲設有自助區，有大量丸類、蔬菜、配菜揀，而且蔬菜都幾新鮮，仲有少見既萵筍添。飲品方面都係汽水果汁，仲有自製嘅桂花烏龍、洛神花茶，味道唔太甜幾好！自助區仲有魚皮、薯格、咖喱魚蛋等等少見嘅自助食物，不過我哋已經太飽，今次無食到。甜品方面就冇咩選擇，有自助形式嘅涼粉，可惜無椰汁同花奶😅 最後每人都有杯雪糕添！…查看更多

平時講起長沙灣都係去Cafe，今次去咗間食鐵板燒嘅餐廳，估唔到都有性價比高既鐵板燒！位於昌華街嘅鳥海山，餐廳面積唔係好大，入面環境乾淨，設計好似日式嘅居酒屋一樣。餐牌選擇唔多，上網睇介紹都係食套餐為主。我哋兩個人都叫左一個龍蝦套餐 $948—有刺身、沙律、龍蝦、比目魚、牛肉薄燒、野菜、炒飯、味噌湯。刺身有四款，會提供當日新鮮魚生。店員會逐一介紹，由淡的粒貝食到濃味的吞拿魚。活龍蝦係原隻上，再用膏煮熟，所以每啖都係好濃的蝦膏香，非常惹味，肉質彈牙唔靭比目魚就相對一般，可能係啱啱食完龍蝦太吸引😹不過比目魚都有兩大塊，兩個人食都啱啱好。之後就係牛肉薄燒，有四塊牛肉捲住大量蔥蒜，都非常香口。最後就係炒椰菜、炒飯、味噌湯炒飯乾身，而且有加左蝦乾，調味啱啱好。如果套餐加埋有甜品就更加滿足！…查看更多

早前約左朋友去觀塘食飯係地鐵站隔離既裕民坊INN -I’m Not Nothing餐廳環境設計充滿法式浪漫氛圍，奶白色主調感覺柔和舒服。門口仲有個户外花園打卡位，大量植物花卉、雕像裝飾，好啱同朋友影相、慶祝。食品選擇都以法式西餐為主，晚餐定價由$128-368，加$38有餐湯飲品。我地叫左兩個主菜、一份前菜加甜品，都係六百蚊左右。牛油香煎蟹餅檸檬蛋黃醬 蟹餅份量唔多，但係煎得香脆可口，蟹肉同粉漿比例正常，食落唔會得一口粉，加埋蛋黃醬更好味。蜜糖芥末籽西班牙黑毛豬鞍架豬鞍煮得有點過熟，幸好豬本身係肥瘦均勻，而且份量都足夠兩個人分享。法式牛肝菌忌廉汁燉雞肉配扁意粉意粉軟硬適中有口感，最驚喜係雞肉大件又唔乾唔鞋，忌廉汁香滑，如果少點油會更好。藍莓紅豆抹茶忌廉班戟黎到主打既法式甜品，我哋揀咗個crepe紅豆蓉唔會太甜，加埋香濃既抹茶班戟好夾，不過記得趁熱食，腍左就唔脆身。…查看更多

大角咀一向都多特色小店，最近去左食間泰國菜——泰嘟嘟 🇹🇭餐廳唔大，但擺設都好地道，乾淨企理。店員仲好好，見有位建議我哋調去卡位坐添，服務好細心二人餐都係三百蚊左右，可以揀兩個主食/ 飯。泰式經典明爐烏頭 $138用料十足，湯汁酸辣開胃，魚肉新鮮結實。最驚喜係底下有好多粉絲，吸滿湯汁既精華海南雞半隻 $98雖然雞味一般，但雞肉嫩滑多肉唔洗點醬汁都夠味！越南生牛肉湯河 $68平時最怕見到未食都已經熟哂既牛肉，依到既生牛肉河做到仍然粉嫩紅色，入口軟腍又香加上湯底濃郁，值得一試！…查看更多

平時去中上環都係cafe多，最近同左朋友去上環孖沙街居酒屋—無敵家因為我地早到，入到去唔算多人，地方好闊落，同班朋友食飯飲酒都幾舒服。清酒煮蜆 $108酒煮蜆個湯清甜，有酒香但又唔會好濃，小朋友都啱食。蜆肉夠大隻，重點係冇沙夠乾淨。厚切牛舌 $58豚肉荔枝卷 $38燒牛舌，夠腍又無筋，加少少黑椒鹽就好香，食落外脆內軟。荔枝豚肉卷，荔枝甜唔會酸，唔似係罐頭荔枝個種。咬落好 juicy而且豚肉燒得香脆，正！燒西京味噌銀鱈魚 $218銀雪魚醃料唔會太甜，魚肉都幾嫩滑自家製紅燒豬軟骨 $78最後我地加左一份豬軟骨同免治雞肉軟骨棒。兩樣都幾好味，豬軟骨夠哂淋身又入味。醬油味突出，但唔會太鹹。自家製免治雞肉軟骨棒 $58 雞肉串份量十足，入面都熟透，加埋日本蛋嘅醬油，咬落爽脆又多汁，成個配搭都好好。雖然依個雞肉棒等得比較耐，但都值得。呢間餐廳主打都係熟食串燒，都幾啱鍾意食日本菜又唔食生野嘅朋友。居酒屋最緊要既係串燒、酒，依間既串燒做得幾好，值得一試…查看更多

今日放假，同朋友揀左間健康嘅rice bowl 🥗餐廳面積唔大，當日去到都唔多人，但叫外賣既單就比較多。細細間啡白色裝飾，有種小清新既感覺🌼我地坐低之後，就掃QR code落單。種類都有唔同選擇，有deluxe/ light / 自選配搭。主菜有雞扒/三文魚/吞拿魚/蝦或者菇類，再揀配飯/沙律，最後就揀配料同醬汁，方便大家食唔同嘅口味，岩哂附近返工既朋友，每日都有新意🙂我同朋友都係第一次食，就直接揀左三文魚牛油果同泰式雞扒配沙律菜。即使係預設款式，選擇都好個人化，例如：可以叫多／少飯 ，多／少汁，加唔加配菜等等，所以成件事真係好customised。天氣熱仲可以揀壽司飯，自制一個三文魚丼都ok。🙈餐廳上菜都好快，等左大概5分鐘到就有得食，返工趕時間都唔怕😂Salmon the classic $108三文魚牛油果飯就好足料，有半個牛油果，同大半碗嘅厚切三文魚刺身粒。三文魚鮮甜，個汁就係配左自家製醬油，朋友叫少飯份量，不過突然又想撈汁食，staff都好好咁另外再比醬汁。Thai good day $88泰式雞扒沙律菜飯，驚喜位係雞扒食落有肉汁絕對唔會乾爭爭，鮮蝦都有五六隻。醬汁就酸甜少辣，有少少似peri peri...沙律菜都好足料，仲加左中華沙律同菠蘿係入面，鍾意食菜既人一定會好滿足。餐廳價錢合理，又可以自由配搭。夏天熱辣辣食都幾啱，沙律又清新，唔會太heavy🥗…查看更多

之前有去過尖沙咀的六両三，發現最近係港島區天后水星街開左分店，座位較寬敞，環境都係尖沙咀的木系式裝潢設計，比人感覺自然舒服。滷肉燙青菜 $28青菜有滷肉汁係面，仲可以揀走醬。鹹酥雞 $38 有配炸九層塔，影完相都好夠熱，唔會腍左，入口香脆，雞件係雞髀肉所以炸完都唔會太鞋口。半筋半肉麵 $90黎到當然要食主打嘅牛肉麵，由於叫左半筋半肉，牛筋同牛腱份量平均，每樣都有三四件左右。牛肉滷得幾入味，肉質軟腍易咬。湯底有紅燒/ 麻辣口味，朋友揀左紅燒湯頭，味道唔濃，醬油香反而突出啲。麵條亦可以揀粗幼，配搭自由選擇。滷肉飯&滷肉便當 $32 / 65個人認為坊間食台菜份量偏少，六両三比足夠份量，便當既飯應該有兩碗左右，男士絕對食得飽有餘😅滷肉較為大粒，肥瘦均勻，每一啖都係油脂香，肉汁都足夠撈勻碗飯食👍🏻整體來講，餐廳上菜都好快，份量足夠，特別係我中意食既滷肉飯。…查看更多

大角咀一間設計好有特色的餐廳—［成都老碼頭火鍋］，從遠處都見到外形獨特、古色古香的建築風格，確實係吸引路人的目光~見到做緊優惠，7:30pm前離座/ 9:30pm入座都有68折，其餘時間都有88折，岩哂我地放工之後過來打邊爐！火鍋配料都好多不同種類，除左基本豬牛羊海鮮之外，仲有不少特色小食添，紅糖糍耙、涼拌魚皮等等。我地揀左豬骨湯底，不會太濃味。澳洲一口牛柳粒 $82我地兩個人點左半份牛柳粒，份量都好足夠，脂肪比例均勻，入口軟腍西班牙黑毛豬腩肉 $86切片薄薄的，方便淥一陣就食得～皇帝雞件 $88因為我地兩個都係食肉獸，不停點肉類叫左全份的雞件，望落都好抵食，件件都有半隻手掌大，最重要係淥耐左個肉都仲好嫩滑，一點都唔嚡口非常飽肚～桂花蚌 $78菠菜墨魚滑 $68好特別的火鍋料，加左菠菜所以成舊都綠色，但不是色素啊～ 墨魚滑爽口彈牙馬蹄竹蔗茅根水 $68打邊爐當然要點竹蔗水，清熱又解毒！不過份量不多，兩個人就剛剛好。…查看更多

大角咀附近有好幾間泰式餐廳，早前去左奧海城三期的［泰爸爸］食下午茶☕️餐廳環境不算大，但坐落舒服亦有設戶外座位，仲有因應疫情關係而加設隔板，令食客更安心下午茶套餐定價不貴，平均四十蚊就包粉麵/飯連餐飲，非常抵食～再望望主餐牌，發現海鮮類定價都不高，可以點多幾款試試海南雞飯 $40下午茶份量都沒有減少份量，我地轉左要白飯，一樣咁大碗飯呢雞肉嫩滑鮮味、不油膩生牛肉湯粉 $40大約有五、六片牛肉，有少量脂肪，口感軟腍入味酸辣檸檬汁蒸鱸魚 $138之前試過去別的餐廳，一條魚平均都要價$200左右，今次見到百幾蚊就即刻點左條鱸魚食調味一樣足料，酸辣汁非常惹味又開胃魚肉夠嫩滑，加上唔多骨，值得一試！另外，我地都加左個椰青 清甜又消暑…查看更多

銅鑼灣金百利食肆立林，早前便相約友人於七樓新開的日本餐飯聚一下。店名［富士山］，門面設計充滿日本風味～餐廳除左有壽司刺身、魚生飯，仲有不少燒物、小食、鍋物等等。原來午市套餐都只係$80左右，仲跟麵豉湯、飲品添！蟹肉蟹膏甲羅燒 $98我地首先點了個甲羅燒，配上三塊多士，店員細心講解食法蟹肉一梳梳，份量足夠，待滾起泡泡便可拌勻，再加上多士同吃。喜歡即刻燒熱的鮮甜味火灸蛋黃醬三文魚 $14平時好少食三文魚配蛋黃醬，原來味道都幾夾。蟹子軍艦$12蟹膏軍艦$18三文魚子軍艦$28友人表示三文魚子夠新鮮、冇腥味。紫菜亦脆口，質素還好。豬骨湯豚肉鍋燒稻庭烏冬 $68最後點了份烏冬作結，豬骨湯不算太濃，是淡淡的味道，不油不膩食完都唔怕口渴呢！如果豚肉份量多點比較好～…查看更多

早前相約朋友去沙田閒逛，新城市廣場是必經之路，我地揀左間餐廳醫肚。［香港永年車仔麵茶冰廳］係廣場L1，平日下午時間都依然有人等位。門口擺放不少包點、蛋撻，而且設計有懷舊的風味呢～較後的位置仲望到公園景，景觀開揚感覺舒服。餐廳主打車仔麵，下午茶時段亦提供多款飯麵套餐、多士、菠蘿包等等，價錢大約$30-70。女神麵 $88顧名思義，女神麵就是讓大家吃完都變女神的麵🙈🙈哈哈～其實女神麵既餡料豐富，有鮑汁炆花膠、豬手、枝竹球、冬菇、紫菜、蘿蔔、時菜。材料都係含有豐富蛋白質、骨膠原，非常養顏保健花膠份量都幾大方，有兩大塊，口感軟腍入味另外仲可以加配料添，我揀左豬頸肉（+18）、雞翼（+$9）。湯底有清湯/ 蕃茄湯， 我就揀左清湯米粉配依碗咁足料既養顏麵，食落都唔怕會膩香脆蔥油雞扒煎蛋三文治$48煎蛋🍳整得好靚好吸睛 友人都忍唔住影張相先食～ 雞扒厚身，份量足夠。花生脆脆流心西多士 $48加上花生脆粒增加左口感，多士炸得剛剛好，外面脆口，裡面餡料豐富，好邪惡😂😂🙈永年自家製奶茶，樽裝設計方便拎走…查看更多