NicoLam1218的个人专页

慶祝朋友生日，專登揀咗間有現場駐唱嘅餐廳，環境食物格局氣氛一流，邊食邊飲邊傾偈邊聽歌，仲可以現場點歌👍。食物方面，除左日式腐皮蝦天婦羅.野菜之外(腐皮蝦外層太硬，炸得太乾)，其他都極度推薦👍，由其係海膽帶子他他。呢到絕對係同fd 慶祝生日既首選餐廳。…查看更多

Meun 整得好有心思，座位坐得舒服，環境乾淨，裝修同日本既居酒屋亦有得揮，以係金鐘太古廣場黎講，性價比好高。Spider Roll (軟殼蟹卷) $148 🙆‍♂️餐廳有3款卷物可以揀，我地嗌左呢個炸軟殼蟹卷，配埋魚子出奇地好味，最後我地仲encore 左一次Grilled Pork Loin with Miso and Hoba (燒豚肉) $118 🙎‍♂️燒豚肉分量略嫌有啲小，但豚肉香嫩，不過底下既朴葉味噌醬就十分鹹，唔建議一齊食Atka Mackerel (一夜干花魚) $128 🙆‍♂️呢條一夜干我覺得超抵食，魚肉仲係嫩滑，條骨脆到可以食埋落肚，size 亦比想像中大timSquid with Squid Liver Sauce (燒魷魚) $118 🙎‍♂️魷魚比較普通，本身以為佢配既魷魚肝汁會好出色，結果太鹹，有d 失望Thick Japanese Fried Tofu (日式炸豆腐) $68 🙆‍♂️外脆內嫩，十分出色，配合薑蓉蔥木魚絲一齊食仲更加可口Fried Vegetables with Shio Kouji (炒雜菜) $58 🙅‍♂️普通雜菜一碟，純粹因為想食菜而嗌Soba with Karasumi (烏魚子配蕎麥麵) $168 🙎‍♂️未試過呢個配搭，估唔到都幾夾，但乾身左d，烏魚子分量一d 都唔手輕Sukaichi Pork Udon Hot Pot (豚肉烏冬) $148 🙆‍♂️一上枱就旋風式地吸入，唔記得左影相，呢個烏冬有配個流心蛋，篤穿個流心蛋再同啲湯底混合埋一齊，超級正…查看更多

去唔到台灣，所以就同d 朋友去食下鼎王頂下條癮。。依家尖沙咀分店11點至12點半既時段，仲做緊5折，超級抵。湯底: 麻辣鴨血豆腐鍋(小辣)+酸菜白肉鍋手切封門柳🙆‍♂️肉味好濃，幾有o趙口牛舌🙅‍♂️切得好薄，口感唔夠而且無味排骨酥🙅‍♂️本身朋友嗌既時候，以為佢係可以即食，上枱先知原來係急凍，我諗下次都唔會再嗌濃香豆皮🙆‍♂️必嗌，服務員會提你要煮3-5分鐘，豆味好濃。另外其實仲嗌左一口魚腐🙎‍♂️同炸魚皮🙎‍♂️，但同普通火鍋凍肉舖買既就無咩分別lei。不得不讚既係，侍應服務好好，期間不停refill 鴨血同酸菜。…查看更多

同呀媽出街食飯，因為佢食素既緣故，所以就揀左間純素餐廳，結果好味得黎，性價比仲要超高，主菜1款+素湯/小食，只係百幾蚊。其實素食都可以好好味....佢同一間健身會所係係同一層，好多人以為要係會員先可以入去食，但其實個個都入得，想即場登記做餐廳會員(免費)亦都得，儲積分用。雙重素魚柳牛油果他他醬漢堡 配 香脆薯角 + 麻醬沙薑素雞絲粉皮 $128 🙆‍♂️坦白講，如果唔話我知塊魚柳係素，其實唔會食得出，而且牛油果他他醬絕對提升左呢個漢堡既味道，薯角亦真心一絕，唔乾身，唔油膩，仲好香脆。由於我地係share, 佢仲事先幫我地切成4份，非常貼心。素雞絲粉皮同平時非素食既雞絲粉皮無論係味道質感都完全一樣，無械可擊。韓國寺廟五式拌飯 (微辣) + 粉葛湯 $108 🙆‍♂️無平時食開韓式伴飯既過份調味料/醬汁，啖啖都係食材本身所帶出既味道，反而增加左我對呢個素伴飯既好感。香草鮮茄醬野菜素肉丸焗螺絲粉 + 酥脆素魚皮 $128 🙎‍♂️上枱時見到係用外賣錫紙盤，其實感覺唔係太好，似係外賣賣唔曬，所以俾我地堂食既黎食，感覺好似去左大x樂。不過茄醬豐富，裡面亦有3粒size 相當大既素肉丸，overall黎講，不過不失。素魚皮其實係炸紫菜，香脆可口唔咸而且唔油，值得一試。…查看更多

食物: 👍👍👍👍服務: 👍👍👍👍環境: 👍👍👍👍🍽 牛油果蟹肉牛角包 🙆‍♂️牛角包開邊，切開時仲聽到聲，超級鬆脆，夾住牛油果蓉混合洋蔥加蟹肉，份量爆碟，燶邊流心蛋蛋汁亦十分豐富，點包食好夾。🍽 全日早餐🙎‍♂️全日早餐不過不失，正常但無驚喜。☕ 焦糖脆脆鮮奶咖啡🙎‍♂️焦糖拿鐵加左1塊焦糖脆，飲落唔係糖漿既死甜，唔錯。…查看更多

Potluck係一間值得推薦既一間木系文青cafe，食物有質素，餐廳仲有打卡位，而且我地分左4次向同一個侍應落單，都無俾人黑面，值得一讚。 食物: 👍👍👍👍👍服務: 👍👍👍👍👍環境: 👍👍👍👍👍 🍽 牛油果醬蟹肉他他伴脆包粒🙆‍♂️脆麵包配上黑醋橄欖油，蟹肉分量好足，加上牛油果醬仲有蕃茄粒，成個配搭清新開胃，擺盤仲好吸睛。 🍽 芝士蟹肉焗大啡菇🙆‍♂️大啡菇烤得一d 都唔乾，仲係好多汁，釀入蟹肉同芝士，芝士又唔會冚過d 蟹肉味，正。 🍽 脆炸魷魚伴墨魚汁沙律醬🙆‍♂️魷魚其實並唔係炸到好脆，但炸衣就好薄，而且一d都唔油，本身其實都期待佢個墨魚汁沙律醬，可惜墨魚汁味並唔突出，食完亦要因住成排牙變黑🤣。 🍽 西班牙烤乳豬(1/2)🙆‍♂️乳豬皮烤得好脆，骨肉好易分離，肉質唔乾，仲好juicy，亦一d 都唔油， 肥瘦均勻。厚切薯條仲炸得金黃酥脆，啖啖薯仔。 🍽 卡邦尼黑松露片意大利粉🙎‍♂️睇圖我諗都睇得出，呢個意粉既卡邦尼汁唔係好多。而意粉係屬於比較硬身，以至整體口感並唔係好幼滑，而且黑松露味並唔突出，不過煙肉既鹹香味就反而好足。 🍽 日式抹茶紅豆班戟蛋糕🙆‍♂️抹茶同紅豆味好夾，蛋糕甜度仲岩岩好，相信就算唔中2食甜野既人，都會岩食。 另外我地仲嗌左蘋果由子，柚香紅顏，椰子莓莓，夢幻薰衣草。總括黎講，夢幻薰衣草岩用黎打卡，而其餘3款除左打卡，仲好好飲。🙆‍♂️(柚香紅顏👇)…查看更多

今日去左食屹立係灣仔區好多年既老牌港式扒房，相信呢間餐廳係唔少人童年既鋸扒回憶。 上鐵板燒時，侍應會提你拎起餐巾紙，然後先將d淋汁上塊扒到，咁d汁就唔會彈到你成身都係，非常貼心。精選肉眼扒鐵板套餐🙆‍♂️我地一行3人都覺得肉眼扒係3個鐵板餐裡面無論牛扒厚度定係咬感都係最好，只係筋位有d 多。魚柳牛柳鐵板套餐🙎‍♂️魚柳肉質比較實，牛柳質素都okay，薄過肉眼，但厚過塊T骨，完全無筋位👍。T骨牛扒鐵板套餐🙅‍♂️塊扒仲大過個鐵板，但其實好薄，完全無食牛扒既感覺，實在可一不可再。香辣雞翼🙅‍♂️普通炸雞翼，香脆熱辣辣，但無辣味。…查看更多

人手即叫即制既Pizza，餡料有番茄，水牛芝士，辣肉腸，辣香腸，豬肉丸，墨西哥辣椒。。。岩曬中2食辣既食肉獸，足料又辣辣地好惹味，pizza 批邊咬落口感煙韌，仲可以dip佢附送既蒜蓉香草醬，絕對係絕配。…查看更多

提早左大約半個月訂，要左個cookies味+生日牌先$268，絕對係平價版Lady M，眼睇大約有20層左右，皮同cream既比例岩岩好，食到皮既口感又唔會覺得d cream 好膩，只係佢暫時得1間分店，要專登去到旺角拎會有d 唔方便。…查看更多

🥄雙芋仙草奶凍我好中2食仙草果種滑捋捋， 芋圓、珍珠嗰種煙煙靭靭既口感，所以☝️呢個簡直係不二之選。佢個糖水底其實並唔係好甜，但撈埋紅豆一齊食，甜度就會岩岩好。至於芋泥，佢係半個球狀既份量，芋頭味就略嫌唔夠突出勒。🥄五色豆花( 芋泥、芋圓、小丸子、珍珠、芝麻湯圓)五色豆花可以係10個配料裡面任揀5款，本身朋友想要雙份芝麻湯圓，但可惜原來選項係唔可以重覆既😳.....豆花算係比較滑身，但因為無左偏甜既紅豆，變相佢個糖水底味道就有d 不足，而芝麻湯圓就正正常常。呢個冬天，佢仲有薑湯系列可以俾人暖身，天氣凍凍地，去食番碗就不失為一個好選擇。。…查看更多

冬至食既盆菜依家先黎寫...原諒我咁懶😳。。lol...今年係第2年冬至食呢間Chumplus 既盆菜，"金裝鮑如意盆菜"，平時其實係會嗌佢既餸包，或者雞煲係屋企食，質素有保證，足料，味道又好，亦準時送貨，所以都無理由唔繼續幫襯。…查看更多

3人聚會揀左間中式小炒菜館黎試下.......實情我係衝住佢既乳鴿黎，聽聞好味。不過，下次真係聽就算勒。🍽 紅燒乳鴿肉質係好嫩滑，肉汁亦好多，餐館好貼心咁會俾手套你戴住食，包你唔會整污糟自己對手，但可惜層皮唔脆，唔點淮鹽或醬汁既話唔夠味，可能期望過大，所以失望左。🍽 招牌冰梅骨😂😂真係舊舊都係骨，想搵多啖肉黎咬下都無，味道亦偏淡，無論酸定甜味都唔突出。🍽 豉汁百花釀豆腐醬汁濃郁，用鐵板上菜，黎到枱面時仍然係熱辣辣，好惹味。🍽 蝦乾芥蘭芥蘭爽脆，蝦醬味重， 蝦乾分量一啲都唔輕手😋。🍽 黃金蝦炒飯用鹹蛋黃嚟炒飯，口感沙沙地，幾特別，但鹹蛋黃唔香，令到個飯失色左好多。呢間中菜館，上菜速度好快，唔會要你等太耐，但係就唔岩同老人家去，因為要爬一層樓梯。…查看更多

南豐新邨斜路底終於開番間飲品店勒....唔駛行到去鰂魚涌地鐵站果邊or康怡廣場先買到。。🥤 芝士四季春芝士味濃，比較杰身，鹹香味亦足，茶底清新，2者一齊飲，啱啱好相輔相成，唔會好膩。🥤 琥珀珍珠奶綠試左2啖，茶味偏淡，奶亦唔濃，但飲落口好順滑，珍珠偏向硬身，唔係煙煙韌韌，無咩頭，小朋友飲全甜，話唔覺得甜，岩岩好，但身為大人既我，如果下次飲，就會叫少甜lei。順帶一提....奶綠同奶茶價錢係一樣ga~…查看更多

晚餐黎到呢間俾人感覺舒適清新既cafe，成間cafe 既枱櫈都係木造，行簡約木系風，枱與枱之間有足夠既距離感，傾密偈都唔怕隔離枱會聽到曬.....晚餐時段有套餐俾你揀，性價比超高，有湯有野飲，最貴先至$198(未加一)，唔夠仲可以加錢要小食。🍽脆皮德國咸豬手配薯條咸豬手既外皮超級脆口，食左幾舊咬落都有油脂感亦有肉汁流出，唔會太乾，全隻豬手都只係零零舍舍有一嚿肉特別瘦，硬左d，整體都係香脆可口，呢個價錢簡直無得頂，有機會都會想再黎食。至於配菜方面既薯條都係熱辣辣新鮮炸出黎ga，絕對唔係馬馬虎虎炸定先。🍽烤大蝦冬陰功意大利飯醬汁惹味有少許辣，用蕃茄仔帶酸酸甜甜黎中和番個辣道係唔錯既配搭，飯既乾濕度岩岩好，蝦亦唔會太老，蝦頭仲有少許蝦膏流出。🍽水牛城雞槌坦白講，一放上枱係有d 失望，可能期望過高，佢只係將醬汁淋上一隻隻炸好左既雞搥到，縱使雞搥炸得好，醬汁味道其實亦唔錯，但總覺得滿足感唔夠，因為同以前係加拿大食，全隻雞翼都俾醬汁淹沒既唔同，辣得唔夠過癮。脷申: 純粹個人觀感......…查看更多

平時好少會踏入土瓜灣呢區，尋日去接個朋友放工，就順便係附近餐廳食野，而原來佢係其他地區都有分店，以後想再食都方便d。🥢極濃雞白湯拉麵試左朋友一啖湯底，真係好濃郁既雞湯，肉既份量仲好多，有兩塊雞胸肉，兩塊叉燒，全部大大塊。炸牛蒡亦卜卜脆，就算浸咗入湯裏面果部份都唔淋。🥢金鶴雞白湯沾麵湯底比起拉麵嘅湯底更濃厚，一d 都唔油膩，湯好掛麵，而且仲有唔少雞肉粒。至於麵方面，佢係粗身既，且份量多，絕對夠飽肚，不過d 麵係無湯既情況底下，就有d 難夾，會黐埋左。慢煮雞胸肉唔會鞋颯颯，口感嫩滑; 叉燒唔油膩，脂肪分布好靚，不過如果炙燒過應該會香口好多; 溫泉蛋屬於正常水準。食完麵之後，叫左侍應加湯，熱辣辣，稀左既雞白湯雖然唔再濃郁，但係凍冰冰既夜晚飲左之後好舒服。成碗湯飲曬，之後都唔會口乾，真材實料，一定無味精。🍽 炸唐揚雞由色澤方面睇到明顯炸得過咗龍，但食落居然又好juicy，唔會又乾又柴咁，不過層皮就唔脆，爭d。…查看更多