VickyYiu6383的个人专页

每個人，都曾經諗過無數『夢想』，但，你有努力去實現嗎？店主比人感受到都份熱誠，所有事都親力親為，一絲不苟，雖然攰，但滿足講返正題，屯門區真係好少居酒屋，一個可以提供傾計飲酒嘅地方真係少之又少，依到裝修靚，又寧靜，絕對唔可以同大排檔相提并論。燒海蝦，好鮮甜，肉質彈牙，而且唔會乾日本雞皮，燒到好煙韌，好有咬口車厘茄豬頸肉，一定要攤一陣先食！原粒放入口，一咬，即刻爆汁！酸酸甜甜，好開胃牛油炒花甲，味道剛好，每隻都有肉，無沙最值錢一提係，所有串燒係即燒，店主因應你進食速度面送上，而且抽風性能好，無油煙嘅感覺…查看更多

過到嚟粉嶺，入咗依間餐廳，叫咗個T骨set 午餐，88蚊，點知塊扒得大約2mm左右，個職員仲好意思問我想要幾多成熟，依塊薄過紙嘅牛扒，一落鑊就即刻全熟啦！永無下次，真心覺得係伏，去茶餐廳食個雜扒餐好過啦，😡😡😡仲又意思標榜自問係懷舊牛扒餐廳，連牛扒嘅質素都保持唔到，拎埋牛肉片出嚟就話係T骨排，有無過份d啊？仲有，薯菜係配急凍雜豆，一上碟真係眼都突埋！…查看更多

元朗出名多嘢食！朋友介紹我到依間西餐廳，話會一試難忘，咁我當然要食啦！澳洲100日殻飼肉眼扒，5成熟，肉質鮮嫩，肉味重，而且熟度剛剛好，入口有大量肉汁！芝士白汁焗生蠔！每隻蠔都好肥美，鮮嫩可口，每隻都入口爆汁，好creamy，口感同食生蠔一樣，絕對無腥味松葉蟹肉蟹膏白汁意粉，意粉彈牙，份量十足，而且有大量蟹肉，白汁包裹住每條意粉，香濃可口又唔膩飲品我推介芝士芒果乳酪，好似食緊芒果雪糕咁滑，同芝士好夾，唔會過甜必定要試大廚每日新鮮煮嘅忌廉湯！非常有驚喜！係我人生中飲過最香濃，充滿奶香味嘅忌廉湯！絕對無誇大！配香脆多士一齊食！真係絕配…查看更多

旺角熱巿，見依間餐廳有冷氣，又可以食小炒同點心，當然二話不說就入去！店員推介，冰鎮咕嚕肉，真係無介紹錯！酸甜度適中，由於有冰塊墊底，令糖醋皮變得香脆，咬一啖，真係卜卜聲，而且肉好嫩！必食！小炒王，可以試得出大廚嘅手藝，韮菜花好嫩，無渣。入面有蝦干，魷魚，肉絲，脆香芋條，每一啖都又鮮又香口，配啤酒一流啊！話梅聖女果，小蕃茄已去皮，用話梅汁沈到入曬味，酸酸甜甜，好適合夏天嘅開胃菜，清涼消暑豆豉鯪魚油麥菜，顏色翠綠，唔會太油！…查看更多

自從搬咗嚟元朗之後，一直都四出尋味！屋企附近有間茶居，下午3點，落去食個下午茶先蝦餃，每籠2大粒，外皮晶凝通透，蝦肉鮮味，大粒又爽口咖哩魷魚，好有童年時車仔檔風味，蒸得點好，辣味適中流心西多，非常之邪惡！一切開，入面d蛋黃流沙已經湧出來！麵包炸得香脆！一流！鴛鴦鮮蝦網米腸，直得推介！腸粉軟滑，配上香脆網米，入口非常有層次，而且有生菜同蘿蔔兩款口味海苔鮮蝦腐皮卷，鬆脆可口，點喼汁食，一d都唔油膩最有驚喜係個竹筒黃鱔飯，黃鱔爽口野味，d飯蒸得粒粒分明！必食！…查看更多

今日去錦上路親親大自然，睇完夕陽，就要食餐好嘅慰勞下自己！行到高甫村天空之城，比醉辣鮮嘅環境吸引住，有露天雅座，可以帶寵物一齊食，而且正中間位置有幾個大水缸，裝住新鮮生猛嘅海鮮，當然必食啦！龍蝦海鮮餐，可以自己親自去水缸夾海鮮，而家店員洗得好乾淨蟲草花蒸雞，奄得好入味，雞肉嫩滑！龍蝦啖啖肉，蒸8分鐘剛剛好，爽脆彈牙！隻蟹爆曬膏，甘香可口，好實肉！當中仲有蜆，聖子王，蝦，多種海鮮，一次過可以品嘗多種鮮味最後，食個南瓜香芋排粥，吸收曬海鮮精華，每一啖粥都好似食鮮味，真係停唔到口…查看更多

一直都好鐘意食酸辣食物，酸菜魚就不在話下！朋友推介我去『友義氣』，喺葵芳地鐵站行過去，大約十幾分鐘。去到門口，見有人買外賣，好快就安排到入坐。裝修新淨。乾淨企理。酸菜魚，我哋叫咗小辣，一上枱！嘩咗一聲！好大盤啊！d魚肉，滑過豆腐花！真係好嫩！湯底濃郁，浸住大豆芽，粉條，金菇，窩筍。材料豐富鮮果咕嚕肉，新鮮即炸，粉漿不會厚，炸到脆卜卜，再撈埋酸甜醬汁，好有咬口，又有肉汁，菠蘿用火燒過，入口又甜又爆汁！正啊辣子雞，雞肉好嫩，配上大量乾辣椒，花生，一齊炒，好香口，送啤酒一流啊！整體嚟講，真係好有水準！以後食酸菜魚，唔洗再北上喇！…查看更多

早前睇過其他食譜，好多人推介依間小店，地點好方便，地鐵站一上地面已到店舖內，個年青收銀員非常有禮貌，會推介不同配搭嘅三文治我揀咗芫荽炒蛋餐肉三文治，件餐肉差不多一寸厚，煎得香脆可口，配上芫荽炒滑蛋，真係絕配，每啖都充滿香味，值得一提嘅係，啲麵包真係好新鮮好軟熟，而且分量十足食一件就飽！另外仲叫咗一份芫荽培根芝士煎蛋餅，蛋餅香脆，而且材料份量十足，滿滿嘅芝士，可以造成拉絲嘅效果，芫荽清新，真係一啖接一啖！椒鹽燒賣，揸到圓轆轆脆卜卜，入邊嘅魚肉煙煙韌韌。椒鹽份量剛好唔會過咸推介飲熟薏米水，飲落微甜，最啱夏天飲用可以消暑亦都可以去水腫，修身恩物！…查看更多

今日尊登出銅鑼灣，去牧羊少年咖啡館潮聖新開幕無耐，裝修型格，坐位又好舒適，氣氛一流，啱晒坐低慢慢傾下計泰國香椒膏蝦意粉：意粉彈牙有咬口，每條都被醬汁包裹，香濃椰汁，香茅味，非常美味香煎保濕豬鞍：肉色粉嫩，用叉一拮，真係充滿肉汁，食落一d都唔乾，配上蘋果蓉，可以解除油膩感，薯蓉亦做得出色，有牛油香，而且好細滑金沙蛋黃鳳尾蝦：有8隻，而且好大隻，外層由蛋黃包住爽脆嘅蝦肉，真係食唔停口牛油果香芒烤雞沙律：夏日必叫之選，夠曬清涼，蔬菜爽口，芒果略帶酸味，牛油果新鮮軟滑，配上芝麻醬，輕食人士必點！Tiramisu : 香濃咖啡味，芝士中間有餅屑同朱古力粒，層次分明，有一種木糠蛋糕嘅感覺，不會過甜，食多一杯都無負擔！…查看更多

自從疫情蔓延，都好少外出用膳，今日途經香港仔，行過依間大爺燒鵝，喺門外已經聞到陣陣燒鵝味，再望下個廚窗掛住脹卜卜嘅燒鵝，金黃色嘅燒肉，即刻流曬口水！油雞飯，甜甜豉油，鹵到雞皮入曬味，專登叫雞胸，一d都唔鞋，好嫩滑，而且師傅仲起埋骨！薰蹄海蜇飯，海蜇調味得剛好，好香蔴油味，爽脆口感，而且薰蹄塊豬皮好彈牙，補充骨膠原，配上辣椒醋食，一流！燒鵝叉燒食，一試難忘，燒鵝皮甘香可口，一啖咬落去，滿口充滿鵝油！而且鵝肉醃得充滿香料味，半肥瘦叉燒，甜蜜可口！燒肉皮脆肉爽，原來所有燒味都係鋪内即燒，所以夠曬新鮮！另外，值得一提嘅係，店内依個男店員，非常之有禮貌，因為我地想食多款燒味，佢耐心幫我地分配好，以最實惠價錢，食到所有物品，而且佢不停留意店内食客需要，主動提供服務，咁熱衷工作嘅年青一代，真係值得嘉許作鼓勵！…查看更多

昨晚同朋友到『逸之燒』食晚飯，店鋪細少，裝修精緻，相當有氣氛赤貝刺身爽甜，好新鮮，賣相靚雜錦刺身沙律，份量好少，但勝在刺身夠凍，蔬菜清爽烤牛舌好薄，無咩質感咬口鱈魚西京燒，好細件，味道中規中矩清酒煮蜆，一上枱只見到殻，好多蜆肉都唔見咗，份量少最好味係鵝肚多士，多士香脆，鵝肝入口即溶 最失望嘅係個壽喜燒，$138蚊，蔬菜份量奇少！同店員反映，話要加58蚊送上一碟菜，而且牛肉切到紙咁薄，肉紋好奇怪依餐2位女士，食咗900幾蚊，一d都唔飽，未必會再光顧…查看更多

屯門巿廣場3樓一向都係食巿集中地，今晚行見到新開業嘅『老媽拌麵』，裝修新頴又開揚，而且坐位喺落地玻璃旁邊，視野較廣闊，可以睇下夜景講反食物先，我點咗蔥油嫩雞拌麵，一定要襯熱拌好，蔥油包裹著每一條彈牙有咬口嘅麵條，配上毛豆，豆芽，真係清爽嘅絕配麻辣老窩麵，有鴨血，響玲，墨汁丸，牛肉，一次過滿足食肉獸嘅胃口啊！而且湯底微辣，有藥材味，刀削麵好有咬口甜不辣食落好有台灣風味，QQ，煙韌可口，醮甜辣醬一流鹵水牛筋好淋好入味，入口即化！…查看更多

又到忙裡偷閒嘅時間，去開沙田返工，緊係要喺新城巿發掘d未食過嘅餐廳試下豬手炆得好淋好入味，顏色均勻，而且每件都好完整！每一啖食落口都充滿骨膠原！女士便宜嘅補品！最重要嘅係清潔得好乾淨，無怪味，無豬毛！我食麻辣牛肉麵，半筋半肉，牛肉牛筋香軟，入口有油香，湯底濃郁，唔會過咸，麻辣味剛好。而且麵質偏硬，最鐘意d味有咬口！一流，真係想連湯都飲埋。必定推介嘅係鐵觀音Latte，出奇地奇，飲落仲有陣陣茶香依間店舖，我一定會再食！…查看更多

早前生日，朋友請我去海港城嘅『映水芙蓉』慶生，一入店内，環境裝修得好靚，店員好親切有禮咁帶我地就坐，一坐低就比依個無敵景觀別引合桃番茄，一定要品嚐！冰凍，清甜可口，內裡釀咗合桃同一d調配過嘅醬料，一啖一粒，好適合夏天品嚐！龍蝦，川式炮製，但以西式上碟，中西合璧，龍蝦肉彈牙，保留到鮮味水煮牛肉，一上枱，比面前紅噹噹嘅辣油嚇一嚇，擔心會好辣，點知一試，牛頸脊肉好嫩，辣度可以接受，香料味濃，頂呱呱酥肉由大量辣椒乾包裹住，微辣，肉本身應該有炆煮過，再炸香，入口即化另外仲點咗甜品，店員好比心機畫圖案，今晚好高興亦都好滿足…查看更多

喺屯門區，真係無咩出色又好味嘅拉麵館每次想食拉麵，我都會第一時間諗到『味千拉麵』，因為佢價錢大眾化，而且食物上準有保證掃描QR code點餐，既方便又環保我叫咗全盛拉麵，湯底濃厚，麵質彈牙，最正係竹輪卷入面有芝士，天婦羅蝦浸上湯底，又鮮又提升味道另外麻辣牛肉拉麵，辣度剛好，牛肉分量充足，而且配上爽口荀乾，正啊！日式炒雜菜同蒜片牛柳拉好大碟，蒜片香脆，牛肉粒有肉汁，如果食得膩咗，就可以食啖炒雜菜，一樣爽口清甜！芝士薯餅炸得好香另外仲有2杯飲品，食到捧住個肚走，都不用300元，真係抵食…查看更多