kumarajai的个人专页

踩單車經過好幾次呢間近海旁嘅餐廳, 6半黎到天都未黑，食住野chill住睇海旁黃昏景勁正😎油漬黃油雞賓尼蛋：手撕雞帶微辣，個醬勁開胃架，少少中式feel嘅黃油雞拼落西底benedict+toast, 覺得幾特別～慢煮豬肋漢堡配薯條：burger勁厚，豬助好軟腍，個汁又係好特別，係蜜糖啤酒汁呀！明太子忌廉意粉烏魚籽：成碟意粉都好creamy呀，魚籽量又好多蒜香柚子雞翼：有5隻，蒜香+柚子醬幾特別嘅配搭，食完幾想返屋企自己複製下呢個配搭芝麻綠茶批：口感係廷身凍餅果種，批底係一層濃厚綠茶加一層濃香黑芝麻，唔算好甜膩但好好食～…查看更多

太古城最頂層嘅pacific coffee環境都唔錯，同都算幾多位。今日tea time黎快食左個芝士菠菜卷，唔洗$40好抵呀，作為tea又夠飽！不過想提一提間舖可能黎左新職員，個芝士卷烘熱完後可能有啲誤會，就咁放左喺收銀counter一陣先知係我，無放喺取餐區嗌人拎🤔而其實果段時間唔多客人好似唔應該咁混亂🤔…查看更多

九龍灣商業區嘅french lab我覺得入到黎幾有家庭feel架，因為睇落似家庭式經營咁。餐廳裝修唔係grand果d但食法國菜，感覺貼地～menu定價都貼地，我揀左個好特別嘅牛骨髓牛肝菌肉醬配闊條麵（Bone marrow and beef ragu fettuccine with porcini sauce), 第一次食牛骨髓呢樣野，比佢嘅size嚇親，要即刻影低佢！啲朋友都話未見過咁大條牛骨髓架～食落隻味我覺得幾濃，比我預期中多脂肪同埋勁飽肚～個闊條麵好有咬口架，食到新野幾開心…查看更多

發掘到觀塘有間好靚好靚嘅餐廳，講緊係環境佈置帶華麗同食物都好夠精美，比人一種好elegant嘅感覺架。呢日同成班同事lunchtime黎。認真講，啲野食野飲全部都勁適合打卡，超精緻又有晒擺盤。佢係連本身啲碗碟都靚lol大概講下呢日嗌左啲咩，有New Zealand Rib Eye Steak with Sourdough同All day breakfast~兩款味道都好出色，steak幾夠腍身同juicy, sourdough都好脆架！All day breakfast有好多料下，松露抄蛋、燒菠蘿、蕃茄仔、parma ham、toast等等。…查看更多

La Vache嘅中文其實就係簡單一個字「牛」，要喺香港宏宏咁多扒房之中打響名堂一啲都唔易，靠就靠佢多年黎一直堅持賣一款牛😎食客只需選擇熟度就可以坐定定等食啦～上牛扒前首先會有baguette食，作為麵包控，覺得呢款麵包外層好香脆，又唔似啲平價法式包咁會好難咬開。隨後就上沙律，沙律菜都好新鮮，醬汁都幾酸但我又幾鍾意，另外幾欣賞加入左合桃增添堅果口感同香氣。至於主角牛扒，juicy程度絕對唔需要質疑😍牛肉味香濃，油脂香味亦適中。啲薯條係任fill架，非常香脆！…查看更多

嘉多娜嘅布甸包點解可以咁出名每次去都咁多人排隊架呢，原來食過一次之後真係會明，絕對名符其實呀😍😍😍😍買左一盒原味食，蛋香味濃郁，真係無得頂，最鍾意佢嘅prefect流心效果😍痴線架真係好好食！抵佢爆紅嘅！包嘅size比我預期中大架同埋（大過手掌）。啲同事話試過食前放焗爐焗一焗會再好食啲，但呢日我地只係室溫咁食同埋隔左一晚，但一咬都仲好好食😍都期望下次再買到可以即食/焗一焗熱佢食，相信個面會再脆啲同流心再流啲😂…查看更多

越南會館有個晚市二人套餐（$318+service charge)都幾多野食，包括1小食拼盤+1款主菜+1款蔬菜+2drinks~小食拼盤可自選三款，我地揀左燒豬頸肉菠蘿米紙卷，酥炸越南蝦醬雞翼，柚子沙律。三款都係開胃之選呢主菜係色彩繽紛嘅香茅豬扒、香茅雞肉串燒、炸蝦餅撈檬。我地覺得呢款最多料感覺性價比好高呀！最鍾意撈檬面頭大量嘅香料，惹味之餘，味道又冇咁單一，集合甜、酸、辣！幾款嘅炸物同肉串份量都算大，兩個人share非常夠！👍…查看更多

半島嘅afternoon tea好食到痴線，環境又靚到痴線，加埋五星級嘅服務，不得不讚真係無可挑剔😍價錢方面兩位係$828, 一次半次豪啲唔緊要啦😀開心緊要啲！影左極多相先開始食，真係唔會忍到手係咁影架😚咸甜點各半，第一層放甜點，有chocolate ganche tart, coconut malibu mouss cake, cassis lauer cake, madeleine。中間層就放咸點，有cucumber sandwich, foie gras mousse, smoked salmon tartes, grilled pineapple poppy seed bun。而最底好明顯就係經典嘅scone啦～每款野食嘅賣相我都比足滿分😍間唔中食個英式tea享受下慢活真係weekend必備活動呀！…查看更多

有一晚約左朋友黎食，入到黎有少少驚訝，因為比我想像中嘅文青cafe印象唔同。友人告知原來店間朝早係堅文青cafe黎架,但夜晚搖身一變，成為型格chill bar🤩呢個反差令我好記得呢間店呀！夜晚嘅餐廳燈光有調暗左，多左啲氣氛。呢晚唔算太肚餓，只係嗌左個薄pizza同nacho,食住吹左成晚水～薄批邊好脆，水牛芝士勁好食勁開胃😚😚Nacho比我想像中大碟，非常脆卜卜！由於本身nacho冇落太多調味，所以食完唔會覺得好味精好口渴咁，旁邊有三款醬點黎食，對我黎講三款都好夾😍😍…查看更多

百里川間店其實幾近我，啲店員亦有種親和力。不過米線嘅表現我就覺得比較普通咁。唔加辣嘅湯底係做得幾清嘅，配料份量正正常常（鴨血比預期多👍）。雖則覺得一般，不過街坊店都可以黎食下咁…查看更多

texas burger開左喺德福二期好似幾個月架喇，睇相成日覺得啲野食presentation都幾靚，有晚終於成功約到住附近嘅飯腳，黎試試佢吧～餐廳環境係有種工業風咁，又帶有少少藝術成份咁～賣相都真係唔洗懷疑（求其影都靚😂）因為野食嘅顏色多同埋餐廳個燈影出黎夠靚👍好適合黎打卡！至於味道方面我覺得又未於叫做非常特別/深刻，但呢個價同呢個水平覺得都中規中矩～份量都係正常，所以論性價比都係正正常常～…查看更多

屋子cafe我記得第一次去已經係5-6年前喇，當時係去馬鞍山分店，猶記得係好日式嘅cafe~有日行開大圍，門口經過見到有間店咁日系嘅，行過去望下發現原來就係當年嘅屋子！即刻拉個朋友入去陪我食個tea😚大圍分店內裏裝修都貫切日系，不過果日假日店內都幾多人，冇影到個環境。野食我嗌左個poached pear&lychee waffle~ 份量都唔好預佢好大份喇，輕食tea就剛剛好。上面嘅cream食落都低糖，鍾意佢中間有d果肉咁～杯野飲叫pomela milk, 超好飲wor, 奶味同柚子味好平均，幾推介要試下😍…查看更多

啟德有間burger店叫做bff, 係burger's friend forever😍幾surprise佢menu上有生酮麵包可以揀架，岩晒唔同需要嘅人～我啲同事個個就嗌最經典亦都係最熱賣嘅beef burger~~而我果個就特別少少，嗌左個邪邪地惡嘅天婦羅牛burger+流心蛋🤓其實都幾厚架，性格比覺得都唔錯，不過我個口"mak"唔到咁大，分開左上下一半咁食😆炸牛都幾出色，我又唔覺佢炸到好油咁，應該係臨上菜前有吸乾左表面啲油先👍同事嘅薯格comment都唔錯，下次應該都會再黎食…查看更多

有日啲朋友介紹左呢間萬發，原來開左好多年架喇又一直好出名（但我一直唔知😂）。仲記得果晚黎都依然咁多人，仲要係星期中果啲時間黎噃～最記得個黑椒牛柳粒炒薯仔，朋友一坐低就即嗌左，我本身以為有咩咁巴閉呀都係牛柳薯粒啫～點知一食落口即刻明果種特別！係勁香架同完全係食到不能形容嘅鑊氣！呢碟簡簡單單但極推介要嗌！另一樣餸都深刻嘅係蒜香開邊蝦，雖然啲蝦係細細隻，但肉質quality絕對唔差，只係真係有啲唔夠喉🤪…查看更多

今日mother pearl做promotion,我地成功排到隊用$1就買到杯抺茶蓋紅豆🍵😍我鍾意呢度嘅純素concept, 用植物奶好健康，杯野飲even有奶蓋都唔會好甜，同埋植物奶又冇咁滯，啲紅豆同珍珠量都幾多～…查看更多