比比比比的个人专页

觀塘協和街唐記包點職員冇禮貌，好晦氣好多時貪方便會幫襯，每一次都買得唔少，一個星期都有三至四日，好多時買晚飯（多數物華街）當日早上大約9時22分，有四個人排隊，我排第二，當時有兩個員工，一個負責收錢落單，一個負責執單，當收銀嗰個員工收完錢後，佢去幫手執單入包畀客人，我已好耐心等待，但我見她攞起大背心袋入其他的外賣，當時我以為他遺漏了我的一份粉果，所以我提出疑問，“仲有我份粉果未出”，跟住另一呢位員工好悔氣回我一句“執緊畀你啦”，我只是問一句還有我一份未出，她就如此悔氣回應我，她仍然繼續講“小姐我做緊嘢啦，入緊畀你㗎喇”，當時我實在覺得委屈，因為他們太冇禮貌，而且佢哋嘅態度俾我感覺到，我查問我份外賣係唔啱嘅係我錯嘅，我亦都唔會知道你哋做嘢嘅程序係點，我只知道收銀嗰個員工入曬晒所有包畀其他客，而冇去處理我呢一份單，所以我先至出聲問，但竟然得到不禮貌對待…查看更多

很久沒有寫食評了，最近經常外出食飯，所以再次執起筆尖寫出舌尖點解標題叫做“遙遠的午餐”， 全因為一個特別嘅原因，一個特別嘅理由 。。。我由順利邨落到去觀塘東廣場食飯，再去牛頭角返工， 真的頗遙遠 。。。呢間小店，地方細小，坐位比較擠迫，原來食物真的不錯，賣相靚，味道佳， 刺身 新鮮，不枉我咁有誠意去食呢一餐飯，仲可以一邊唱歌一邊食飯添。刺生上的透明啫喱味道帶酸，應該係酸醋所做，好特別鰻魚味道濃厚刺身新鮮仲可以唱歌仔…查看更多

好早前已經知道apm會開pizza Hut了，商場本身已經有一間食pizza嘅連鎖店 ，食過兩次認真麻麻，所以一知道會有pizza hut進駐 apm 已經期待中了，終於開張了當然要率先去嘗試啦，我本身都係pizza愛好者， 品嚐過好多間pizza hut，每一間嘅所做嘅都唔同，曾經有一間我已經列入黑名單不會去，apm商場分店嘅經營模式好特別，係用自助式，我都係首次用這種方式去落單，午餐一人套餐就食得多，但晚餐嘅就第一次，我們兩個人，每人叫了一個套餐，一個係迷你千島pizza，另一個係焗海鮮飯 ，兩個餐都係飲雜菜湯，每人還有一杯飲品，我朋友食海鮮飯，佢話尚算ok不太特別，最意想不到就是pizza，我最愛食厚批邊，呢一間焗得好脆口好香，雖然餡料不多，但勝在做得夠香口夠脆口，雜菜湯味道夠濃，唔知係唔係新開張嘅關係，食品做得比較用心，希望遲啲再嚟幫襯嘅時候，食物質素一樣保持咁好…查看更多

其實好少去葵涌嗰邊對我嚟講比較遠 無，一年都冇 一兩次， 不過我今日有特別任務所以我要去到葵涌咁遠，特別任務完成後，看看錶時間差不多到下午茶了，我和朋友就在openrice找到一間酒樓去飲下午茶，可能自己唔識路所以搵了一段時間仲要問商場職員先至搵到，去到剛好叫入座，好彩人不多好快已經安排入座不過無人帶位，比了枱號後自己行入去，，我們兩個人，要經過查問四個侍應先至可以去到我哋所屬嘅枱，坐下後自然好快就叫點心啦，其實點心好快就到，我哋叫了六款點心，味道不差都幾好食，而且份量亦都不少，其實最想講嘅唔係食物，而係服務態度，我哋由叫點心直至到食完整頓下午茶，都只係用了一小時嘅時間，但係到埋單結帳時，我們足足等了25分鐘，不知因何原因埋單會要用咁多時間，但我眼見其實枱數不多，數埋都係只有六七張枱，埋單更只係得我和隔離枱兩枱，點解要用25分鐘時間還要我們兩張枱咗 催又催左問右問，收單用了十分鐘時間，收了錢之後找錢的時候用了15分鐘，還要我們催促不斷，真不知道他們如何服務，當我找續完畢後離開酒樓時經過收銀處，其實收銀好清閒坐咗喺度，點解只係找續兩張單都可以用成半個鐘嘅時間呢？真的不明白安排入座埋單結帳，都係由侍應去負責，但完全做得不好…查看更多

已經9:30了，apm丼丼屋仍然咁多人，要排六張枱，呢度唔係第一次幫襯，上次食過刺身好新鮮，所以今次再嚟食，今次叫了三色海鮮刺身丼定食， 天婦羅烏冬先講三色海鮮刺身丼定食，海鮮仍然係咁鮮甜，飯做得好好，酸醋落得好適中，不錯天婦羅烏冬，我朋友話烏冬好煙韌，但係天婦羅睇樣睇外貌已經覺做得不好，炸得不夠靚，好油膩嘅感覺，食落口更加成口油，做得好差整體嚟講，丼丼屋食刺身真的不錯，但天婦羅 。。。。算了，以後都不會再選擇…查看更多

今日被特遣派出尖沙咀做嘢，中午一個人食飯，又怕尖沙咀難搵位，在公司樓下見到一間餐廳，又見到裏面有位，就咁已經入去坐低了，此餐廳都係一般嘅食物冇乜特別 ，睇完餐牌後我點了一個餐，特餐A，蕃茄濃湯牛肉螺絲粉，火腿炒滑蛋， 牛油豬仔，熱奶茶，其實我對螺絲粉麻麻地，怕佢又粗又實， 又唔可以轉通粉，所以算數照食， 不過呢間餐廳螺絲粉煮得夠淋都不錯，番茄濃湯真的好濃，蛋炒得好滑，牛油猪仔包好脆口好好味，奶茶夠香， 好快食完個中午飯，快靚正，繼續開工…查看更多

跟同事在藍田工作完午飯搵食，大家唔係太想食飯，所以最後共同決定去食呢間“漢堡BB”，我叫了一份全日早餐，我同事叫了牛肉芝蛋漢堡先講全日早餐好豐富，好大份，蛋炒得好滑，腸有兩條咁多（我以為佢得一條）但係嗰個牛肉就比較差少少，唔夠實用叉一吉落去就已經散曬，多士烘得唔夠脆口另外我同事嘅牛肉芝士蛋漢堡上枱時芝士好靚仔好軟咁流出，但係同樣牛肉都係好鬆，咁大個漢堡食得比較辛苦，薯條就剛炸好夠脆口，不錯，飲品冇其他特別都係飲汽水，咁就完成一餐…查看更多

好耐冇嚟呢間食上海菜，本身對食上海菜冇咩特別嘢想食，來來去去都係嗰幾樣， 不外乎小籠包，煎鍋貼，酸辣湯，上海粗炒，今次就叫多咗一個蟹粉豆苗小籠包，普通鍋貼，不錯酸辣湯一人份量上海粗炒，尚可以，不太油基本上同普通嘅上海菜舖頭冇分別，但最值得一讚嘅就係個蟹粉豆苗呢個蟹粉豆苗真係貴，過百蚊一碟（忘記了係$1××），其實都覺得好貴唔想叫，但係朋友話好想試下，咁就試一試啦，點知原來好正豆苗真係用上等嘅豆苗，條條都咁幼嫩清甜，好有菜味，而且味道做得唔錯，物超所值…查看更多

今日中午又在麗港城搵食 ，今次選擇食上海嘢，其實呢一間已經幫襯過好多次，佢嘅午巿套餐都多選擇，今次我點了上海粗炒，前菜有涼拌粉皮，套餐本身有飲品，但我加了8蚊飲一支汽水， 涼拌粉皮係我必點的，因為我好鍾意食，但係上海粗炒，今次係第一次食，味道麻麻佢用嘅豉油汁比較甜，唔係太喜歡，其實以價錢黎計唔算太抵食，不過今次我想講嘅，係餐廳侍應嘅服務態度喺食嘢嘅途中有一個滿頭白髮嘅婆婆入嚟，可能佢已經係常客，因為餐廳經理好明白佢想要啲乜嘢 ，可能婆婆年紀大了，唔太記得點樣點餐，我估計經理應該每一次都會解釋畀婆婆聽，而今次畀我見到佢好耐心去解釋，而且婆婆進食途中，經理還過去問婆婆，啱唔啱食味道如何，俾我見到人間溫暖的一幕， 值得畀十個讚…查看更多

佐敦道恆豐酒店“紅煙窗餐廳”自助餐已經經常去， 但每一次都保持水準，基本上同一般嘅自助餐分別不大，都係有長腳蟹，生蠔，海蝦，同埋刺身，海鮮同刺身都好新鮮，我每一次都會有少許不同嘅特色，對上一次更有我喜歡食的梳乎厘，今次就有鮮果班戟，每人仲有半邊波士頓龍蝦仔，雪糕同埋甜品有好多選擇，唔同其他嘅酒店自助餐得一種雪糕選擇，或者得兩三樣甜品，佢甜品嘅品種大約都過十款，雪糕有兩隻唔同牌子 movenpick同Dryers，Dryers提供幾種新味道選擇，總括嚟講， 紅煙窗嘅自助餐保持水準，值得一去再去…查看更多

樂華邨屋邨商場進行改革 ，以前酒樓嘅位置現在分成好多細鋪，剛剛開咗一間“薄餅博士”當然要試一試啦， 之前曾經叫過外賣，幾好食都不錯，現在門市堂食應該會畀外賣更好，order咗一個千島夏威夷普通批一個蜜糖雞翼小食一杯珍珠奶茶仲要加珍珠另外再叫一個套餐白汁海皇飯套餐有個粟米湯仲有汽水係罐裝總數接近$190蚊四個人都細食嘅，剛剛好了，第一時間當然要是先試pizza啦，嘩！太令我失望了pizza好似無焗過，完全唔脆就像麵包一樣， 味道唔好食，再試飯 。。。同樣冇味，雞翼又乾，珍珠奶茶已經叫咗加珍珠但都係比得好少，而且冇奶味冇茶味，都唔知飲緊啲乜嘢，咁多樣唯獨是個粟米湯同埋汽水可以接受，但又好難會接受唔到嘅，罐頭湯罐裝氣水，十歲都可以整到黎食總結一句差不會有下次…查看更多

因工作關係，一個星期總有三日在麗港城，所以又在麗港城搵食了，一個細小屋苑商場，有好多選擇，今次去了食日本定食“西佑定食屋”，每次行過見到客不多，所以繁忙時間都有位，安排入座後，叫了一個午巿套餐“三色刺身寿司飯”，餐牌寫明“日本產米使用”餐送到時，刺身普通跟大型超巿所賣的質素差不多，米真係日本米，不過米質唔靚，煮得比較爛，仲有一個湯及一杯氣水，最後還有雪糕，雪糕就有小許驚喜，好香雲尼那味今餐不過不失啦，不過咁嘅價錢其實可以搵到啲更好…查看更多

星期日想同家人外出飲茶 真的有點困難，等位要等好耐，所以每次我哋一家人都會走遠啲啲，走去megabox，每次都係去御苑， 其實飲茶都係點心~點心同埋點心，但今次坐低後見到有一個套餐，非常之抵食“週日午市套餐”八位用都只係608蚊，我哋九個人剛剛好，套餐有一個湯，三個餸，六個點心及兩碟炒粉麵我哋差不多1:00先到，所以老火湯沽清，轉飲粟米羹但係都好飲食物上枱，原來份量不小，而且味道不錯，認真超值低食3另外一提，跟茶位嗰碟小食酸菜都好好味…查看更多

今晚晚餐選擇鋸扒，龍城冰室唔係第一次幫襯了，之前食一個餐可以加18蚊換鮑魚雞煲，今次到來此優惠已經完了今次叫了板燒黑椒牛仔骨，還有一個板燒和風嫩牛柳，我本身唔食辣嘢，但呢間龍城嘅扒餐佢啲黑椒汁好香口好好味又不會太辣，所以我食得到，通常牛仔骨都會比較厚，但呢度嘅牛仔骨切得好薄，但分量不會少，所以食起上嚟都夠飽，牛仔骨入口唔會太韌而且好入味板燒和風嫩牛柳，和風醬汁我就不太大興趣，不過牛柳好嫩好滑，用平價可以食到此種牛柳，物超所值另外餐飲加五蚊配鹹檸七，咸檸檬原個上七喜用罐裝而不是汽水機，所以加五蚊轉飲非常低每次在此進餐都可以滿足你回家…查看更多

天氣開始凍了，梗係要食蛇羹補下身啦，觀塘宜安街有多間蛇舖，但我每年都係去蛇王龐蛇王龐都係一般蛇鋪嘅環境，都係冇裝修比較簡陋，呢度當然都一樣啦，我叫了一個大蛇羹餐，餐當然有一碗大蛇羹啦，份量應該有三個飯碗八分滿嘅份量，另外還有一碗糯米飯， 糯米飯會有少量臘味， 本身臘味飯夠味道 ，飯上面再加上花生同蔥，好正 ，當享用完蛇羹後還會有蛇湯贈送，點解每年都係幫襯佢，因佢味道好不會太多味精，蛇料足夠，每一匙每一匙都有好多蛇肉，不像其他的蛇檔，雞肉多過蛇肉，真材實料…查看更多