arhilhilhilhil的个人专页

..樓面好靚嘅高價位早餐🍮招牌CC BENEDICT + LATTE但係…....星期日朝早，等屋企人做完身體檢查去接返佢，係尖東海旁果邊游黎游去，最後把心一橫，碌左入呢間食早餐！（其實果陣已經係十一點鬆啲）..講返佢個BENEDICT啦，其實成個SET都只能夠用不過不失去形容🤦🏻‍♀️BENEDICT EGG 唔算太流心，上面個醬汁得個顏色，食落口發現酸味佢哋都落重手左😵‍💫..價位高，食物份量一般，都算🚬🚬🚬問題係唔夠STAFF! 當日全場爆滿，假日朝早，陰功，得一個男STAFF係真係做野，其他僅有STAFF都係避眼神😵‍💫搞到落單又慢，上菜又慢，咩都慢過人….唯一唔慢嘅係，埋單😵‍💫…查看更多

食材質素一流嘅POKE BOWL輕食健康之選😋..呢一日出去做facial 做完Facial，鬼死咁肚餓😂見到佢哋仲有吧枱位，即刻走咗入去嗌個自選POKE BOWL🤪🤪🤪..我好鐘意佢哋嘅蜜糖芥末醬，好清新，配合埋佢哋新鮮嘅魚生（我今日揀咗八爪魚）真係忍唔住一啖接一啖咁食😋😋..除咗飯之外，你哋都可以揀沙律菜，不過大食如我，就梗係揀壽司飯😆主食揀咗八爪魚，我仲揀咗粟米、溫室青瓜、蟹肉、紫洋蔥😋😋我最欣賞佢哋係最後嗰part嘅配搭調味料可以任選😂我每一次都係全部落晒，只會唔落辣椒碎😏..你睇返我幅相，木魚絲、紫菜、果仁，脆蒜，一啲都唔手軟，佢哋豐富多樣嘅味道，都為呢個POKE BOWL提升咗一個更加深嘅層次。貴就貴啲，但又飽又好食，食材非常新鮮！食佢啲用料都抵啦🥸😏..由於月頭嘅緣故，（出咗糧可以食好啲🤤）我仲加多左杯柚子薄荷沙冰，夏天再飲，一定會透心涼！😆…查看更多

...呢日喺灣仔做嘢，唔熟路，下晝午飯都唔知食咩好，誤打誤撞入咗呢間 - 盈記四季養生麵館..咪睇佢店面平平凡凡，原來主打藥膳雞湯 🤨🤨一睇啲料就覺得好補身 🫣🫣望左一輪，叫咗個藥膳農場雞芫荽養生湯，配米線一齊食🥴🥴..本來一啲期望都冇，食落口，喜出望外😏😏😏😌🫰🏻湯底清甜，食得出用心之作，唔油唔口渴，非常足料❤️..農場雞係三黃雞，冇急凍雞嗰隻雪味，正到呢…呢次唔識野，淨係加咗芫荽😌下次我要加花膠🥸😎值得我再黎！...…查看更多

...早排係返新工之前，入左長洲行個圈，睇下風景😂發現原來星期二係無咩食店開 sosad..游黎游去，好在長洲角酪有開😵‍💫聞名不如見面，老實講我未飲過😂叫左杯芒果角酪試試😏..30幾蚊一杯，有啲芒果，有啲紫米，酸酸地，其實就幾啱夏天飲嘅～仲好飽肚添🤤不過你問我係咪一定要試，我就覺得未必😂 隨心所欲黎到就黎啦..打卡牆讓比大家影就ok😂🫣太多人了🫣🫣..…查看更多

話說，去長洲嗰日，好明顯係因為平日嘅緣故，好多餐廳都唔開🤦🏻‍♀️..結果嗰日，係食甜嘢食到個肚爆㗎😂😂..竟然咁啱比我遇到長洲冰室照常開放😋都冇咩食咗落肚，梗係要入去試吓佢哋嘅芋圓啦🤤..叫左個D24榴連三色圓花奶仙草😋仲有上面嗰碗椰香芋泥三色圓豆花😌🤤..佢哋嘅芋圓食落口非常紮實，係真係有芋頭粒喺入邊，煙煙韌韌，非常好咬口😆😆芋泥好香，但偏甜，配埋淡口嘅豆花一齊食啱啱好😋..另外個碗榴槤，簡直出乎我意料之外。非常重榴槤味🤤🤤冇揸流攤，如果你係榴槤粉絲會非常滿意🥸配埋仙草芋圓一齊食，係一個好新鮮，透心涼嘅甜品😋非常之有水準✅✅✅...#有機會會再嚟#實不相瞞入咗咁多次長洲#呢次先係第一次食佢哋…查看更多

..大家都知，其實上環搵餐晏仔食吓都幾難架有陣時。..呢日去咗試呢排聞名不如見面嘅海南雞飯😬對得住價錢！..本身想去科記食豬扒😂😂🤪行到半路覺得好攰，唔想行咁遠，竟然比我見到呢間紅磡好出名嘅海南雞飯！排隊試一試佢先😂..由於我太晏啦，接近兩點，都唔明咁多，因為湯一定鬆晒，所以自動波同姐姐講，我要飲花茶🥰..叫咗個海南雞油飯！佢哋嗰飯粒粒分明，唔算太油膩。最欣賞佢哋嘅地方係會加大量嘅炸蒜😂😂撈埋啲飯一齊食，好香口🥰..佢哋個辣汁同其他地方有啲唔同，食落口蒜味重啲，感覺上冇咁酸同冇咁辣。佢哋嘅雞肉，全部去咗骨，啱晒我呢啲懶人😂😂😎😎但都係嗰句，小心碎骨啊呀下🥸🥸..雞肉味道方面，堪稱雞有雞味越接近雞髀位嘅肉愈嫩。難怪佢哋嘅海南雞可以殺出一條血路。六十零蚊算係咁啦🫠🫠喺嗰頭返工，可以一試～～～…查看更多

...試試一間相信十個位都無嘅小店。我叫左個 「淡麗系豚魚介沾麵」佢哋嘅湯底偏甜、偏清爽，同隔離周月果個湯底簡直係兩個唔同嘅流派～..有好有壞啦，沾麵好多時都係講求湯汁嘅濃稠度～以方便大家連汁帶麵一齊食。..佢哋嘅湯頭雖然同一般嘅唔同流派，但我覺得總會有朋友喜歡佢哋呢一隻，比較清爽嘅湯頭😌😋而我自己就幾鍾意店家呢一種煮法。..縱然價錢平平地（75蚊有找）份量上絕對無揸流攤～湯頭有大量嘅日本蔥、洋蔥同芝麻～麵底方面除左麥粉粒清晰可見，我仲見有啲綠綠地色混和咗入面條，好想知係咪加左菜/紫菜？有機會再去真係要問下😂..配料方面有四塊大叉燒，一隻溏心蛋，兩塊紫菜，同埋海藻、海葵&原條寒天料理出黎嘅漬物～..叉燒屬於薄切款式，肉味非常夠，同清新嘅魚介湯非常配合。質素絕對對得住價錢，仲有好好人嘅姨姨staff 😌😋..會再來的！...#大把機會ot#一定可以再黎食飯#開頭見佢個門面白雪雪以為佢碗麵好貴…查看更多

..聞名不如見面，第一次黎呢間米芝蓮餐廳。..（其實都係咁岩路過）（勁叻😂竟然唔洗排隊）..呢碗船麵嘅定價超進取，進取到我食完有啲肉赤😂😂🥲叫咗個泰式豬肉湯河試一試，佢個湯底好濃、好杰、充斥住強烈嘅香料味，重口味人士啱晒食。利申，有冇朋友可以話到俾我聽，其實泰式船麵個湯底到底應該係咩味㗎呢？..如果要講個麵呢，就比較偏向似粉絲嘅我自己覺得。同個湯底就真係幾夾啦因為基本上可以sok晒啲汁😂😂 連湯帶麵一齊食。..豬肉份量都多，唔會話非常柴皮。反而我都好欣賞佢哋會落好多炸豬皮，香口嘢邊個會唔鍾意😏😏😏..講埋杯泰式奶茶，我會品評為勁貴😂😂😂正宗姐，都唔好四捨五入成$50一杯啊係咪先😂😂😂😂試過就好💤💤💤..總括而言，地方有啲窄，加埋個裝修令你覺得自己真係好似去咗泰國咁。食物質素方面，我會覺得係好食嘅。絕對唔係掛羊頭賣狗肉嘅泰國菜。只不過重點係定價十分進取。銀包乾硬化如我，好難回頭再食囉🥲🥲…查看更多

..呢個美食廣場，我諗大家如果住將軍澳嘅話，都會知㗎啦。對於我呢啲住將軍澳嘅朋友來講，呢度啲野食個價錢簡直係清泉。..話雖如此，我都唔係間間都會推介㗎。將軍令呢間粉麵店，我就覺得真係需要大家多啲支持了🫶🏻..呢日一人開飯，喺佢哋度食咗一個清湯花甲粉。我唔食辣就食清湯姐，但大家食得辣嘅話可以試佢哋嘅喇沙嘅。仲有好多個唔同嘅辣度比大家揀架～～..聽講佢哋嘅湯底係親自熬煮而成，飲落口的確一啲都唔口渴。讚👍！六十蚊左右一碗粉，有三四隻蝦、一對花甲、幾隻魷魚仔、好多豆卜、菜、金菇嗰啲。抵食得黎，算幾有特色🤤如果啲蝦唔好煮咁耐，肉質爽口啲，更好！..呢日得我一個，所以淨係可以食到碗麵😵‍💫😵‍💫但係如果大家黎開佢哋舖頭，可以嗌下佢哋嘅反沙豆卜同埋蝦多士，值得推薦嘅小食嚟🫶🏻🫶🏻🫶🏻…查看更多

...又係一間遠近馳名嘅打卡cafe😌食物質素如何？環境又如何呢😹😹😹？等我帶大家睇下😌😌..環境呢… 大家其實可以成日都見到一堆乾花好靚靚咁。但其實真實去到嘅時候，就唔係真係咁好睇嘅🤫🤫只能說大家嘅攝影技術太好了😌😏..加上呢排勁熱，我果日去到已經大汗疊細汗，真係咩胃口都無晒。佢地仲要無咩冷氣🫠🫠🫠加上，枱與枱之間其實好逼，一啲都唔好坐….所以其實我去到係有啲失望嘅…...環境就麻麻，食物點樣呢😌我地叫左個慢煮安格斯牛板腱、法式蟹肉蝦膏汁扁意粉、朱古力香蕉窩夫。先講牛😛 肉質唔錯、7成熟，味道中上。唯一要挑剔嘅係，份量太少，真係唔會食得飽～..蟹肉意粉就大碟好多喇～醬汁Creamy 仲食到有少少咸蛋黃個感覺😆仲好多好多好多蟹肉👍👍👍👍..窩夫就…真係好普通🤡🤡🤡好似我自拍唔記得開filter咁😺哈哈 講完！..…查看更多

...哈豆聽就聽得多啦，係觀塘工廈一帶好出名嘅一間台灣菜！呢日辦完事自己一個放飯，諗起佢哋，即刻衝上去try try 😂..佢哋比我嘅感覺係，一間好用心準備食物嘅台灣菜小店🥰性價比算唔錯啦都只係食左我六十零七十蚊～～..無期望下揀左個鹽酥雞肉燥湯麵。最最最驚訝係，佢個雞係炸得好香脆、Juicy , 唔柴皮架….肉燥味道少少偏甜😌配搭酸菜一齊食，成件事有畫龍點睛嘅效果🥰...#落單叔叔好好人#小店唔好死…查看更多

...呢日去左COFFEE SLAVE同朋友食晏，爆晒場，睇到都鄧佢哋開心💛..我係芫荽愛好者，所以喇喎… 見到呢個：鮮芫荽醬煙三文魚三文治 😂又點會唔叫 😆😆😆..對於我黎講，佢唔算係一個好重口味嘅芫荽醬，食落口帶少少檸檬清香，反而係令我覺得成個三文治好醒胃醒神，忍唔住一啖接一啖咁食呢～～～..甘荀湯帶少少薑味，每一啖都有好多甘荀蓉，好足料！加埋杯ICE BLACK, 係一個岩岩好嘅BRUNCH💛💛🥰🥰..#我嘅觀塘飯堂..…查看更多

...呢間餐廳太多好評，作為一個食肉獸，黎之前我就期待左好耐…到底係咪真係咁好食呢？睇埋落去啦～..叫左個150g嘅慢煮黑豚丼。我自己就覺得呢… 真係好一般，我唔會有回頭嘅意欲😂..入面個白飯唔知點解係微暖偏凍嘅飯，呢樣野已經令我覺得好奇怪。最出事係個黑豚…都係微暖架姐。慢煮唔係等於食物唔熱喎…..肉質好彩都夠嫩嘅，但黑豚食入口一啲肉味都無，純粹靠佢嘅胡麻醬同SOURCREAM去比味道個飯。飯同肉嘅份量偏細，男士未必夠飽。..呢間餐廳不論食物嘅味道定服務都麻麻，我叫佢哋比杯水我，叫左三次都無…我最後出門口買野飲算😂..地方窄到不得了，入面嘅枱唔滿，但唔知點解死都要逼晒啲客坐門口嘅高台，奇奇怪怪🤨🤨🤨..總結：打卡用嘅餐廳難怪得你有位啦晚繁時間…...…查看更多

...據說呢間冰室標榜每日用大量新鮮蕃茄去整湯底，作為一個好鐘意食蕃茄嘅人，無可能唔抽啲時間去試試。..呢一朝特登早起，去食個早餐，再行返工😂😂😂😂..叫左個蕃茄餐肉通粉 + 炒蛋 +多士，飲品熱奶茶～埋單44 😬😂..名不虛傳，個茄湯真係好鮮甜好濃郁。食到好多切碎左嘅蕃茄肉係入面。佢話佢無味精嘅～ 我自己食完都信😂因為我例牌食完味精一定會極度口渴，呢度無呢個問題～餐肉微微煎香，吸收茄湯嘅精華😋好好食😋如果有得轉螺絲粉就好啦🥰..炒蛋正常水準，值得一提嘅係佢哋嘅多士同奶茶都「好似」比其他冰室大份😂特別係杯奶茶🤪拎上手重量起碼比平時多三分一杯⋯ 好彩茶底唔錯，我好快就飲清光～食完呢個早餐飽到我下午飯都無食😂😂😂...#蕃茄通關注組..…查看更多

...呢間台灣野處身於小巷入面，區外人要搵佢可能要花一啲時間～餐廳裝修望上去似食西餐 / CAFE, 你又點會估到佢原來主打台灣野呢😆..時為年廿九晏晝三點鐘，過左最多人嘅時間，STAFF姐姐們見我拎住個盤菜鬼死咁LEI HEA , 勁好人安排我坐左半排窗邊位 😂😂 佢哋話隨便擺啦最緊要慢慢食～..笑死，然後我叫左個鹽酥雞滷肉飯～餐飲要凍嘅美祿❤️🥰鹽酥雞十分之脆，份量仲勁多，數過成十粒，SIZE仲要唔細😂😂😂我見到佢個下都「哇」左出聲～調味酥香惹味，五香粉比較多，亦都唔會話肉質鞋口似食擦膠，值得一讚🥰☑️..結果我一個人清晒成碟飯⋯鬼咩，滷肉飯LOAD埋糖心蛋已經超送飯，仲要加埋佢哋炸得香口嘅鹽酥雞⋯熱氣都唔理了🥲🥲🥲...#會再黎食貴妃雞卷的🥲...…查看更多