2girls的个人专页

在銅鑼灣逛街，經過看到永年大大的招牌心想：原來在這裡也有開永年，而且同伴未食過永年，當然大大力推薦給他！平日晚餐時間，店門都已經有長長的人龍，可見佢人氣之高。永年的麵餸組合跟其他車仔麵舖都很相似，但永年最特別之處除了秘製香辣汁，它的招牌餸是其他地方食不到的味道，我最喜歡的、也是每次必點的豬腸，真的非常好味。今次我點了雞翼、流心蛋、紫菜、仲有我最愛的豬腸，配上幼麵細辣，足料抵食。豬腸大大舊、乾淨、又有口感；流心蛋也不錯，全蛋切開，熟度剛剛好。同伴點了大碗麵，只需$67就可以享受10種餸，適合大胃口人士。同伴看到其他枱的多士，十分吸引，於是也點了煉奶多士，果然食得很滿足。抹茶紅豆冰也很值得一試，紅豆超多的，抹茶味也很濃。…查看更多

每次朋友問我想吃什麼，我一定會說：燒肉！燒肉！燒肉！不過她們不是要減肥就是要介口。而且很難找到價格相宜又好吃的燒肉。幸好同事介紹了這間「本佐日本料理」。當時就拍板：我要去食！最後覺得這個決定十分明智，可以說是十分好。甫坐下沒多久，還沒點餐，店員先送上一碟不同種類的肉類，當下就感得服務挺好的。而且點餐後，上菜也很快，一會兒就擺滿全台，全程也沒讓我們餓著等。多年放題經驗，吃肉肉前，要先吃沙律菜增加酵素...會吃得更多小菜類多選擇，樣樣喜歡的都點了點，不會浪費，因為每樣份量都很少，不夠的再點，反正上菜快。這個炸雙皮奶好好吃呀，不惜放棄肚容量，吃了3條菠蘿不是當造，但燒熱後也夠甜，十分開胃；翠玉瓜多水有口感；燒粟米加少許蒜油更加突出香甜；小菜最好吃是燒元貝，記住，這個一定要加蒜蓉！加蒜蓉！加蒜蓉！好吃的東西要說三次！高潮來啦！燒肉種類挺多的，以下排名推薦必吃：首先是安格斯肉眼粒，燒烤技術差勁都可以燒出嫩嫩多汁的牛肉，容易嘛！很容易呀；其次是，安格斯極上牛仔骨，肥美的膏油燒得滋滋叫，一口一口的盡情享受吧；然後的是地獄醬雞中翼，不要給名字嚇怕，其實不辣，反而很野味好食！最後，燒雞泡魚干，是超級好下啤酒可樂的！最後，記得要預約室外的座台，感覺很有feel!…查看更多

收工經過荃灣那一條美食街，見到林林總總不同的食肆，其中「沐白」之前未見到，上網查了查原來是台灣過江龍奶茶店，十分有名的，雖然小妹之前未聽到，不過卻相當有興趣試試。對香芋情有獨鍾的我，看到「大甲芋頭鮮奶」，已經不用心大心細，就決定好了～你看看下面的圖，香芋與鮮奶的份量簡直是1:1，因為香芋口感及體積是比較密集硬實的，所以第一口會以為吸到成口香芋，但是，在我沒有沖、搖、攪拌之下，仍可以吸到一口甜滑鮮奶混合綿綿的芋頭肉，而且芋頭是那種小小咀嚼的口感，超級好喝！朋友對鮮奶敏感，於是要了「西施柚子茶」我試了幾口，感覺很清新，酸酸甜甜的很解渴，特別不像是用韓國即沖柚子肉沖出來了（很多餐廳的做法）。近期大熱—黑糖珍珠奶茶是必須試一試的，不過店員表示黑糖珍珠已賣完，需要再煮，當時我想我還沒有食過新鮮煮開的珍珠，於是雖然再要等20分鐘，我都決定OK! 反正去旁邊餐廳吃個飯中途回來取也可以呀。結果是新鮮煮的黑糖珍珠跟平時的...喝不出分別，比較喜歡的是沐白的黑糖珍奶不會死甜死甜的，雖然沒有很驚嘆的好喝，不過整杯下肚後，不會感到罪惡感加重，適合天天喊著要減肥但又忍不了口的我...及你！哈！…查看更多

去皇室堡行街既時候，路過呢間既時候見到好醒目既招牌~又好耐冇食意大利料理而且環境也非常別緻，所以就試食呢間黎到意粉狂熱，點可以唔食意粉呢，實在有太多款意粉啦!最後因為朋友仔喜歡吃蘑菇，所以係三個裡面我地簡左牛肝菌忌廉野菌千層麵。肉醬茄味濃，而麵也有加芝士，食既時候有拉絲效果。千層麵不會整得又淋又濕，配起肉醬食，簡單又好味。對上一次食芝士火鍋已經係中學時候，大約七年前(暴露左年齡XD)，抱住懷舊既心態，所以我地就試食啦。火鍋也是野菌加芝士(可想而之朋友有幾鍾意食芝士)再加上七款小食。蘑菇味非常香，好吸引。個人最喜歡法包粒同意粉配芝士，法包非常新鮮，因為軟軟綿綿，切粒沈落芝士火鍋，落番上黎，啖啖都係芝士味！而意粉十分推薦食到最後，倒入鍋和芝士混合，一碟芝士意粉出爐啦！朋友反而最鍾意食西蘭花，意料之外西蘭花同芝士竟然咁夾。而魔鬼芥末雞翼亦姐係蜜糖芥末味，再加上辣粉(並不是太辣)，感覺好新鮮，值得一試！最後當然要食個甜品收尾。但好可惜，我地簡既朱古力香蕉披薩果日無哂。仲以為可以試下又甜又咸。唯有下次再黎食啦。…查看更多

香港懷舊茶室愈來愈少，行過經過中環茶記，就覺得一定要幫襯一下，支持香港文化。講到舊時茶室，菠蘿油是其中一個代表，可惜我們太晚到，已經沒有菠蘿油！可惜！下次一定要早點去食。不過賽翁失馬，一定有口福，朋友點的「番茄薯仔牛肉碎通粉，配炒滑蛋多士」必食。通粉酸酸甜甜十分開胃，跟朋友一人一半食光了。「煎澳洲羊仔扒」是我的主菜，羊架食得多，羊仔扒就是第一次食，配上黑椒汁，比羊架嫩滑又多汁！「香煎美國西冷牛扒」是我朋友點的，雖然落單時沒有指明要幾成熟，朋友還有點擔心牛扒太生吃不了，幸好是剛剛好的七成熟，肉表面是深粉紅色，但血汁已收乾，不過我覺得五成熟會更好食更嫩滑。…查看更多

屋企附近開左好附間新鋪頭，經過見到呢間都經常排隊，所以試下！蟲草花杞子雞湯飯，湯和飯是分開上的，想加幾多湯由自己決定，非常貼心。雞湯充滿住獨特既蟲草花味，有少少似藥膳既味道。底部既雞吸收左湯既精華，所以都帶有蟲草花既味道，配飯食，正！朋友叫左鹽酥雞排面，雞排是台灣非常有名既美食，所以我地都抱左好多期待！而今次既雞排都不負眾望，炸得非常好食，香脆可口，但內裡既雞排仲係非常嫩滑！塔香三杯雞，雞比較乾身，但都非常入味。一來到已經聞到濃濃既麻油香。就黎到新年啦，新年當然要食餃子啦。咬開餃子裡面是有肉汁架！煎餃不會好油，料好足。（朋友仔只係食左一隻，有三隻都係我食XDD）仙氣火龍果茶，飲品未黎之前，以為是普通餐廳用玻璃杯盛裝既飲品。無諗到係外帶類既包裝，而且份量超多，飲唔完都唔需要擔心會浪費，可以帶走！值回票價！啖啖都飲到火龍果蓉，非常好飲。黑糖生薑茶，呢排黑糖既飲品非常多，但好多都係凍飲。而我偏好熱飲，所以呢款最岩我啦。薑味重，又甜又辣，冬天飲就最岩。店裡面裝飾好文青，我坐既位附近有一句我好鍾意既句子，比大家欣賞：）…查看更多

一直心心念念既吉列牛終於唔使去日本都食到啦朋友叫左SetC每日限量板腱牛扒，而我當然係簡Set D吉列牛扒。唔講咁多，先比大家睇睇吉列牛扒套餐。吉列牛既外層已經炸到金黃色，但內裡依然係紅色，未熟透。先前食既時候，已經覺得有呢個諗法既人真係好有創意，而厲害之處係又整得咁好食。我自己就鍾意沾海鹽再煎到七八成再食，外層唔會因為再煎而變淋。而呢間既飯都好特別，係飯上面會灑上紫菜碎和調味粉，淨係飯都已經好吸引。中間換左一次爐，期間侍應好細心，提醒我牛油融左先開始煎。朋友點了五成熟既板腱牛扒，我有D擔心會唔會太生難入口，結果係岩岩好既。肉汁鮮甜而且嫩滑，不愧為頂級牛，都好彩我地係點五成，如果唔係就浪費左。套餐包含既沙律同豆腐都好有水準。沙律用既係黑醋，酸酸甜甜最適合飯前食。而麻醬豆腐所用既麻醬味道濃郁，配搭豆腐有種清新既感覺。加配既Shiraz紅酒口味偏甜，就好適合我啦。朋友不好酒，就叫左一杯蘋果汁。總體非常推薦，價錢適中，下次再黎會試埋SetB🤤…查看更多

星期六去尖沙咀海港城行街Shopping，行到攰就去左食個Tea輕鬆下。侍應幫我地安排左可以睇到海景既位🙈分享比大家睇我影到既靚靚海景。有個海係旁邊，心情都唔同哂。Tea set總共有9樣美食，首先由最下層講先啦。香脆蝦餅，呢個我同朋友都讚不絕口，炸得卜卜脆，再點埋佢配搭既醬，一流！泰式比利時炸蝦，我地食果時都對個名好好奇，點解係叫比利時炸蝦呢。泰式春卷依舊炸得卜卜脆😋好味！到中層，最右手邊我同朋友對左餐牌好耐，終於估到係皇家宮廷蒸餃子。果然係宮廷料理，一味蒸餃子都整得咁別緻。味道當然係好食啦，雀仔造型都好可愛，仔細睇仲有整眼仔比佢地。中間係用葉卷起既柚子蟹柳沙律卷，一口就食完～右手邊係馬可，我覺得非常好食！上面有一粒由豬肉碎整成既圓形啡色球體，下面係菠蘿墊底，兩者好配搭😋到最上層既甜品區啦，左手邊係令人聞風喪膽既榴連撻，就咁聞係聞唔出榴連既味道，切開之後既榴連味道十分濃郁，好味。中間係辣朱古力，雖然唔係第一次食，又甜又辣既感覺，依然係好新鮮。而最後一樣係班蘭撻，朋友仔覺得呢個非常好食，班蘭味道好濃烈。再來一張有海景加Tea set既相😋水仙芒果糯米飯沙冰！我一見到就同朋友講要試呢個！黎到果然冇令我失望。我仲諗緊究竟飯點樣變做沙冰呢～原來飯冇打碎，所以你一落食會食到一粒粒既糯米飯，口感好特別。芒果味唔太重，係淡淡既清甜味。沙冰配埋椰汁一齊飲，真係好似食緊芒果糯米飯咁😂另外叫左一杯紅茶☕唔知有冇人食飯會睇餐廳簡介呢？我就會無聊睇下。呢個餐廳原來係食泰國宮廷皇家料理，因為今次簡左Tea set，下次先再黎食過啦！…查看更多

新蒲崗平時就去得多啦，但係果頭食野都係第一次。行過見到店名又幾有趣，三分俗氣，咁唔知七分又係咩呢？於是我們就簡左呢間食上海菜既小店。我地二個人就簡左個二人套餐再加一籠小籠包，二人套餐有二個小食，一個小菜同埋一個主菜，非常抵食。三絲粉皮，粉皮不嬲都係我至愛，雞絲火腿絲青瓜絲再加埋麻醬。粉皮同出面食到既有少少分別，唔知係咪小店自己整。雞絲粉皮配埋味道濃郁既麻醬，忍唔住清左半碟。另一個小食係手拍青瓜。份量非常多，青瓜好入味，滿滿既蒜味，爽口。粟米魚肚羹。粟米羮唔係假甜，魚肚滑溜溜，非常好飲。最怕粟米羮甜到好似粟米羮薯片咁。宮保雞丁，一開始見到紅卜卜咁，擔心會好辣，但只係小辣。雞丁加左豆瓣醬黎煮，同平時既味道有少少分別。食完一輪，主菜上海粗炒終於到啦！熱辣辣岩岩炒好。睇落份量好多，但係實質唔算太多。非常鍾意作唔會炒到好油，比較乾身。話明食上海野，點可以唔試下呢到既小籠包呢！小籠包皮唔厚，所以要好小心唔好整穿。汁好鮮甜，一啖就食完啦。最驚喜是甜品高力豆沙，各位一定唔好錯過！外表有少少似油炸，以為係煎堆既質感入面再加豆沙。但錯啦，係沙翁再加紅豆沙，口感好有趣。係其他餐廳都好少見到呢種甜品！單叫兩杯竹遮水。…查看更多

平時最鍾意同朋友周圍去搵好野食，今次食到去大角咀，食我最鍾意既泰國野。呢個餐廳特別之處係星期一至日都有一款唔同既1蚊菜式。岩岩好星期五就係我最鍾意既通菜—飛天通菜！平時食開通菜多數都係中式既腐乳炒通菜，未試過泰式炒通菜，出乎我意料係辣辣地。泰式拼盤裡面有一個一直都好想試既小食，香葉包雞！形狀我覺得好似糯米雞，只係餡換左係雞，係一個好特別既泰式小食。朋友覺得春卷好好味，一定要點埋泰式辣醬一齊食！海南雞！份量好多，而呢到只係半份雞，如果全雞應該更多。雞好嫩，朋友食不停口，仲話自己都可以搞掂半隻😂。(左邊紅色既醬好好味)泰式蝦球炒金邊粉。蝦球好大粒，金邊粉都好大份！撈埋旁邊既碎碎一齊食就更好味！最後飲埋椰青呢一餐就完美啦！題外話，朋友個椰子比較老，所以水會比較有椰子味😋而我果個就生少少，水就會比較清甜。每次飲椰青就好似一場賭博咁。…查看更多

今日到灣仔行街，大老遠就見到光鮮亮麗綠油油的T4招牌，實在太吸引啦，而且之前聽朋友介紹過呢個台灣品牌的茶好好飲，所以聞名不如見面，見面就不如試下味！（古典玫瑰奶+大細珍珠+布丁）呢個好似係佢地招牌之一，見玫瑰味既珍珠奶茶出面少有，就抱著試一試心態啦，不過又真係幾好飲，奶茶又香又滑，而且，同玫瑰味道好夾，我係叫微糖，覺得甜度剛剛好，如果想更健康，可以叫無糖，相信你更能夠飲到玫瑰奶茶既茶。另外，大小珍珠溝埋係口中既感覺好得意，唔知先咬大定先咬細珍珠好，絕對可以自得其樂。（水蜜桃清茶）大大力推薦，呢杯係朋友order的，我飲左幾口就無得飲，因為朋友飲曬。水蜜桃清茶雖然唔係好甜，但無味精溝出黎既味，飲得出係水果茶戈種清甜中帶有既茶味，真係好飲，對於好多對奶茶無感又對奶類敏感既人係好消息，因為呢款可以取替奶茶，平時行街唔使淨睇住人地飲。…查看更多

今日同朋友去左朗豪坊行街，見到有間Drink Bar好特別有一排用試管裝住既野飲，發現原來係一間新開既韓式燒肉店，一於試試佢。店既設計好特別，燒烤既地方唔同以前既燒烤店係圓型，是細長既方型，好得意。我和朋友各叫左2個Set，推薦大家食Set，有齊哂我同朋友想食既肉同埋海鮮。果日係閒日，但都幾多人黎食。不過上菜一D都唔慢，好快成台都係野食啦！如果大家好鍾意食韓式小食既話，一定會好鍾意泡菜金字塔。而我最鍾意係底既蘿蔔，好重口味，非常岩我。生韓牛伴雪梨牛油果，朋友仔極力推薦呢個。我以為牛油果滑嘟嘟既質感同生牛肉會唔夾，點知唔會，反而更好食。牛油果混合左生牛肉既味道，口感好奇特！到左燒肉啦，當日有侍應姐姐幫我地燒2份特級薄切和牛肉眼，手勢好純熟，好快我地2份牛就食得啦。再點埋特制既醬食，好味。而其他肉都非常好食，不過大家要留意一下燒既時間，因為都好薄。而海鮮，因為我地2個都唔係好識燒，搵左場外朋友幫手XD。海鮮都非常鮮甜，由其是係帶子，好新鮮。最後試埋我地係Drink Bar見到既試管野飲，好特別！我同朋友一邊飲，一邊估入面係咩水果，哈哈，大部分都估岩既。最喜歡紅色中間果支，西瓜味好濃，又唔會太甜。(送上的燒菠蘿）…查看更多

一年四季都係打邊爐好季節，而冬天就最岩麻辣雞煲啦！可惜今日喉嚨少少痛，未能挑戰大辣，不過食下微辣過下喉癮都唔錯！一開始的調味盤，擺正你面前，唔使行出去調味，好方便。芥末牛柳粒。太肚餓的關係，先上熟食醫醫肚，覺得有加沙律醬的原因，芥未沒有太攻鼻，亦唔係淨係得芥未味，反而都食到牛味，同埋牛柳粒小小一口，好岩做前盤小食，或者餸啤酒一流。主角—麻辣雞煲出場，一開始辣味未出，就覺得醬油味略重，到食左2-3件雞後，辣味出來就岩岩好味啦！而且雞件大大塊，量又多，唔似半隻雞的份量，兩個女仔淨食雞已夠飽。牛肉拼盤。牛肉丸真係好彈牙、好爽絕對唔係街邊10蚊一串牛肉丸可比。打邊爐最好食一定係蔬菜類，萵筍更係最近至愛必點的，其次就係蓮藕片，呢兩樣都係又爽又吸汁的蔬菜。（餐廳送的海產小盤）…查看更多

朋友係嗜辣妹，曾飛去成都就係為左食辣，有次見到「爆汗串串」的介紹，睇名就知係辣辣辣，就十分有興趣一定要去試。首先，未點菜前就見到店主好細心地準備一次性圍裙。建議著白色衫的可以用一用。之後，很快就上「瀑汗肥腸面」，肥腸食落乾淨，而且好入味，麻辣麻辣的。不是太好辣的你，可以嘗試小辣，絕對比平時的鹵水肥腸好味好多！重頭戲來啦！叫了共10款30串，一串串放係又香又辣又紅的湯汁里，未食已經被辣到身心愉悅。其中最喜歡牛肉、魷魚、萵筍，入味到不得了，真係食得好爽快！棒棒雞點菜時不知道是什麼，以為都是麻辣一族，後來發現是不辣的就有點失望，不過勝在雞滑，加上無敵麻醬，值得一試。「成都老冰粉」是最後的甜品，食落係酒釀+冰糖的味道，清清甜甜的，令到原本興辣辣的我，即刻被潤喉解辣，極之有趣。…查看更多

今天為左陪朋友子黎買野，專登入左去屯門。買完野已經好晏啦，當然要順便醫醫肚啦。好耐冇食過泰國野，見到都幾多人，一於就試試佢。泰國金柚子蝦沙律，聽個名以為係普通沙律再加少少柚子，點知係好多柚子!!!!!大家可以睇圖。滿滿既柚子，實在太好味啦！到左期待萬分既海南雞飯啦，雞肉非常嫩滑，冇令我失望。不過醬汁只有一種，大家要留意番☺泰式香矛魚餅，非常有心思的一道小食。魚餅是用香矛串住，所以散發住陣陣香矛味，好吸引！點都要叫個菜食既，而芥蘭係我既至愛☺最後黎到甜品芒果糯米飯啦！糯米飯係柴黃色相隔，好花巧而且好食。芒果清甜，完全勾起哂我係泰國玩既回憶。…查看更多