Lindzee的个人专页

同阿仔兩個行街經過呢間甜品乳酪奶昔店，小小店面美式快餐風，紅白色調幾醒神，外賣為主，不過出品認真有驚喜。店員好有耐性逐樣介紹配搭，落單到拎齊嘢食等大概十分鐘左右，好有效率。金莎朱古力榛子雪糕奶昔配 Oreo一上手已經聞到濃濃果仁朱古力香，質地偏厚身，入口幼滑，好似將金莎溶喺杯入面咁！上面加上Oreo 碎同雪糕球，增添咗少少脆口同冰凍感，愈飲愈邪惡，甜度控制得幾好，唔會甜到膩，鍾意朱古力同榛子嘅人必試！地捫香蕉窩夫香濃蛋香同淡淡香蕉味，窩夫即叫即整，外層微脆，入面保持到少少鬆軟濕潤，面頭鋪滿切片香蕉，配上朱古力醬，食落去有少少似早餐同甜品嘅混合體。澳洲牛油果乳酪配奇亞籽上面灑滿奇亞籽，入口先係濃稠乳酪嘅酸香，再帶出牛油果嘅奶油感。奇亞籽增加咗啖啖咬口，唔係淨係飲咁單調，自然清新健康。意大利開心果雪糕芭菲綿密細滑，開心果味香濃，杯入面仲加咗朱古力餅乾條、冬甩粒同開心果碎，口感層次好豐富，每一啖都有少少脆口點綴，唔會得個甜字，開心果控基本上好難抗拒。用料實在＋質感豐富，鍾意奶昔、窩夫同堅果甜品都真係非常有驚喜！仲有一樣幾好嘅係佢有免費爆谷可以免費加配，想加嘅自己可以喺枱面攞一包就可以啦！…查看更多

收工同同事聯誼，去咗附近嘅淥鼎記食火鍋放題，晚市120分鐘手切牛肉海鮮火鍋放題，CP值高，非常有驚喜！湯底揀咗花膠雞鍋，整煲金黃色好搶眼，味道好濃郁，花膠好大條，膠質豐富，飲落去好香濃，打邊爐前先飲返碗真係暖胃又滋補，女仔最啱。牛肉選擇多樣，牛肉有雪花牛、吊龍、匙柄、五花趾、牛朴肉，每款都係即叫即切，小圓板上，肉質新鮮，油花靚，有小牌仔介紹牛肉種類，涮幾秒就食得，擺盤靚之餘又可以打卡。海鮮拼盤整盆海鮮上，有蝦、帶子、鮑魚、蜆，蝦好生猛，帶子鮮甜，鮑魚厚身，蜆好大隻無沙，海鮮非常新鮮！自助區有齊醬料、火鍋配料如蔬菜、豆腐、炸魚皮、丸類、麵類等，飲品選擇超多，有汽水、啤酒、特色罐裝飲品、茶類、涼茶，仲有一大jar嘅水果茶或涼茶，樣樣都好想飲好想試。食完仲有Häagen-Dazs雪糕贈送做飯後甜品，四款味道任君選擇，完美收場。餐廳環境乾淨舒適，服務週到，食材新鮮，牛肉質素高，飲品選擇多，有機會下次會再嚟。…查看更多

難得同幾位舊同事聚會，飲茶係最好嘅選擇，可以慢慢食而且又坐得舒服，酒樓落單效率高，上菜速度亦算快。推介午市點心孖寶，可以隨便揀兩款，午市兩個點心$40都唔使，好抵呀！桂林牛肉腸：腸粉皮薄滑嫩黑金流沙包：外皮黑金色澤吸睛，內餡帶鹹蛋黃香濃流心😋 黑金比較特別，平時都係白色傳統流沙包款式知己孖寶套餐，可以揀一款飯或粉麵和兩款點心，套餐比較划算。羅漢齋脆麵：麵底好脆，齋料豐富，份量十足咖喱土魷：咖喱香濃，士魷爽口，比較少酒樓有咖喱土魷蒜香蒸排骨：蒜香撲鼻，排骨腌得入味叫咗兩款優惠套餐，再叫咗其他款式點心大良炸鮮奶：外脆內嫩，奶香濃郁，非常驚喜呢度竟然有得食！鮑魚仔湯餃：湯底清甜，充滿住鮑魚仔和菇菌嘅清香，鮑魚仔提升整體鮮味，有別於其他灌湯餃。蒜蓉蝦春卷：金黃酥脆，蝦肉鮮甜，香口惹味。百花釀魚肚：魚肚厚實，百花餡滑嫩鮮美午市菜式選擇多，有多款午市優惠套餐選擇，性價比高，無論是點心還是小菜都有心思。…查看更多

平時周邊都係日式燒肉韓式燒肉居多，今次試吓比較特別嘅台式燒肉，半自助放題形式，主打高質肉類配自助區，性價比真係唔錯，值得推介！午市半自助放題都有成十個餐選擇，揀選自己鍾意食嘅套餐肉類。今次我就揀咗極尚澳洲M8和牛套餐，套餐包括四款高質精選和牛肉品，每款有三片，肉質出色。極尚澳洲M8和牛套餐：澳洲M8和牛肩胛+炙燒玫瑰鹽味牛舌+澳洲全血牛+安格斯牛頸脊每款肉都可以自己燒，掌握火候好有滿足感。食物種類多，仲可以追加其他食品。除咗定食肉類主食外，自助區仲有超過30款食品和飲品任君選擇，選擇多元化，亦都好有驚喜。食之前梗係要到醬汁區揀選鍾意嘅醬汁，全部都係台式醬汁嚟㗎 ！超多款醬汁自由配搭，仲有好多好特別嘅醬汁選擇，如招牌黃金醬、薑味可樂醬、香水檸檬汁、海鮮五味醬、香辣烤肉辣椒粉、蒜味鹽醬、安平辣椒醬、泰式海鮮醬、椒麻口水醬、柚子醬、鹽蔥醬等等，好多都係第一次聽，尤其是食花枝餅，一定要點台式甜辣醬，呢度真係做到足！自助區有不同嘅燒烤配料配菜、台式滷味、沙律、安平蝦拌飯、湯品、甜品、水果、各式各樣茶類飲品，仲可以點選台式奶茶、果汁等，如果唔飲凍飲，連熱冬瓜茶無糖綠茶都有啊！真係應有盡有，十足十地道台式風味！75分鐘午餐時間唔會太趕，適合午餐快閃或朋友聚餐。午市放題套餐抵食有水準，自助區選擇夠多，醬汁又有特色，午市都食得好滿足！…查看更多

Friend話有晚路過見到校長燒肉推出任食和牛生啤放題，我聽到和牛同生啤任食，即刻約去一齊食！有四款和牛陣容精選，各有千秋！無論係鹿兒島、北海道、美國手切牛，每一口都係高級享受！😋A4黑毛和牛辣椒仔肉質細嫩鹿兒島A4黑毛和牛三角腩油花分佈均勻A4北海道黑毛和牛肉味濃郁，質感紮實美國頂級手切牛肉味厚重生啤放題：無限供應的冰凍生啤，清爽解膩，完美搭配，正好中和和牛的油膩感 （圖左係涼茶，右邊係生啤，真係好有份量）餐廳分有唔同嘅區域刺身區：多款魚生刺身選擇，師傅新鮮即切燒烤區：食材選擇非常豐富，無論是肉類、菜類、菇類都應有盡有！火鍋區：兩款湯底選擇 - 日式豬骨湯和壽喜燒湯，火鍋配料選擇亦相當豐富多元化，想到與想不到的都滿足到你的期望！除此之外，仲有熱食、炸物、壽司、沙律、各式各樣飲品、甜品、雪糕雪條、清酒、梅酒⋯⋯ 食品種類多樣化，性價比高，肉質、價錢、氣氛全到位，一次過滿足你個胃多重需要！…查看更多

每次去親觀塘搵朋友食lunch，喺呢區返工嘅朋友一定有好多推介，靚女朋友介紹咗一間主打健康蒸煮料理嘅午市蒸飯套餐，誠意十足，味道與營養兼備。喺地鐵站站行過去大概三四分鐘，地點非常方便易搵。門口細小，不過非常光猛亦都有好大個牌寫住私房菜餐廳名。我哋12點去到時間尚早，叫咗每人一set午市蒸飯燉湯套餐，女仔都鍾意飲湯，可以午餐都有靚燉湯飲，感覺都特別溫暖！蒜蓉蒸卜卜蜆陳村粉蜆肉鮮甜，滑溜溜的陳村粉吸收了蜆的鮮味與蒜香，口感層次豐富，味道突出。豆卜蒸滑雞紅米飯蒸雞嫩滑入味，豆卜吸收哂雞汁非常之香，紅米飯粒粒分明有咬口，健康之餘亦有飽肚感。蘿蔔牛肋條菜底牛肋條炆得好腍，蘿蔔甜美多汁，底下鋪了大量娃娃心，健康之選。雪梨乾瑤柱燉湯湯水清甜，材料十足，雪梨乾與瑤柱香味融合，燉得好入味亦好夠火喉，入口回甘，非常養生滋潤。午市蒸飯套餐食材新鮮，味道出色，蒸煮方式保留了食物原味又健康，價錢唔貴又抵食，係一間適合午市好好享受一餐好飯的好地方。…查看更多

生日月不停食食食，今次朋友帶咗我嚟新體驗，重慶火鍋放題，竟然可以海鮮任撈，即撈即煮，真係大開眼界！地點近地鐵站，門口喺大廈入面，都要搵一搵。門口好似古代宮廷，金碧輝煌古色古香，令人未開餐已率先感受到儀式感。入座之後，會有個桶仔俾你出去自行撈海鮮，雖然桶仔細小，但係每一次都撈到好多，撈完可以再撈。有五款湯底選擇：花膠雞、菌菇、蕃茄湯、大骨湯和麻辣湯底。我哋揀咗花膠雞湯底，湯底濃郁，花膠滑嫩，養生之選。海鮮即撈，鮮味直送火鍋！餐廳內有大型水缸，可以即撈活海鮮，有鮑魚、大頭蝦、蟹和蜆，好似去咗街市現場咁，海鮮好新鮮亦都好生猛！啲蝦跳嚟跳去有啲難捕捉😂其餘可以掃QR code落單，仲有其他海鮮，鮑魚、生蠔、肥牛、安格斯牛、豚肉、雞肉、蔬菜等等，出邊仲有自助吧可以任意拎火鍋配料，譬如丸類、菇類、腸仔等。另外仲有熟食區，有炸物、燒生蠔、串燒、炒飯炒麵等等，選擇非常豐富。飲品都係任飲，好多選擇，有汽水、椰子水、樽裝茶飲、涼茶，連無糖健康養生茶都有 - 桂花龍井、茉莉綠茶等，啤酒都係任飲！最特別係有小朋友果汁飲品！另外一邊有水果和雪糕雪條，真係應有盡有！海鮮新鮮、湯底出色、配料多元化，環境又有格調，有得玩又有得食，性價比爆燈！…查看更多

喺尖沙咀發現一間充滿愛和意義的咖啡店，唔單只賣咖啡，原來係一間非牟利社企咖啡店，支持不同能力和國籍的員工，特別係幫助有學習障礙的成人發展潛能融入社會。路過同阿仔入去食個簡單lunch幫襯支持下，仲可以捐錢買手工曲奇餅。Coffee Shop環境簡約，座位不多但舒適，窗邊位置可望街景，適合靜靜享受一個人的咖啡時光。食物選擇多元又親民：- 鬆餅（朱古力／藍莓）外脆內軟，牛油香撲鼻- 墨西哥卷有素食選擇，有牛油果、羽衣甘藍、健康又有層次- 比高包可選煩三文魚或鷹嘴豆泥大啡菇，或者配忌廉芝士簡簡單單都好正- 三文治、蛋糕款式多樣，甜度剛剛好- 咖啡選擇齊全，latte奶泡綿密- 有特別嘅比利時朱古力飲品- 茶類亦都非常之多選擇，亦有一啲特色嘅茶飲店員親切有禮，落單細心，服務貼心，有本地職員和外地職員，講中文或者英文都冇問題。支持社企，既溫暖又具社會意義。除咗堂食仲外賣咗兩件鬆餅俾屋企人，返到屋企叮一叮又香又軟！…查看更多

觀塘廣場新開咗一間主打雲南風味小鍋米線小店，牛肉的處理與湯底的搭配好有誠意，點選咗兩款生燙牛肉粉各自有鮮明特色，牛肉粉組合各有千秋。牛舌拼牛丸雙拼紅薯扭扭粉（牛骨湯底）牛舌切片厚薄適中，口感柔韌。牛丸係手打，彈牙有勁，牛味濃郁，絕非一般冷凍製品。紅薯扭扭粉造型別緻，每一口都飽滿。牛骨湯底湯色清澈但味道濃厚，喝得出長時間熬煮的深度，偏向溫潤醇厚，雙重口感交錯，適合喜歡原味牛肉香氣的人。吊龍拼牛白肉雙拼米線（雲南酸辣湯底）吊龍肉切片精緻，肉質細嫩，口感近似涮牛肉但更有層次。牛白肉好特別，肥瘦相間，入口滑順，脂香與酸辣湯底相得益彰。而米線就滑順不糊，彈性十足。雲南酸辣湯底酸度明亮，辣度適中（點了小辣），層次豐富，花椒的微麻令人胃口大開。這款湯底風味奔放，適合喜歡刺激口感的人，吃完令人回味無窮。好$7仲有飲品，譬如冷熱檸檬茶、檸水、汽水、豆漿，都有好多選擇。「雲理牛肉小鍋米線」的生燙牛肉粉系列不僅在食材選擇上用心，湯底的調配也展現出雲南風味的精髓。無論是偏好醇厚牛骨湯的溫潤派，還是熱愛酸辣刺激的重口味派，都能在這裡找到屬於自己的那一碗。…查看更多

下午同朋友傾嘢，去咗呢間有少少隱蔽但風味十足而且惹味嘅串燒店，要搵到好食嘅串燒店真係唔容易！餐廳位於女人街入面，餐廳不大，整潔整齊，餐廳內有幾盞霓虹燈，經典港式串燒。燒脆香雞皮：非常酥脆，不會太油燒蒙古羊肉串：羊肉不羶啖啖肉燒雞泡魚乾：到串燒店必食，重點係沙律醬燒日本一口和牛粒：肉質厚實，一口爆汁厚燒午餐肉：外脆內軟，鹹香濃郁，非常懷舊燒台灣腸：甜甜的醬香與脆香，想起台灣家鄉法式鵝肝多士：多士外酥內嫩，鵝肝香濃，第一次見咁大件嘅鵝肝炸鵪鶉蛋串：金黃外皮香脆，鵪鶉蛋香濃郁燒脆香燒賣：本來是港式點心，燒後增添焦脆口感，有意外驚喜蒜蓉燒大大茄子：軟糯茄肉吸滿蒜香醬汁，厚實鮮香燒四季豆：爽脆不失水分，太多肉要食返啲蔬菜，清新解膩燒翠肉瓜：翠肉瓜本身清甜，微焦表面，好juicy燒冬菇：菇香濃郁食串燒點少得飲品！蜂蜜綠茶和Zero可樂，清涼解渴經濟消暑之選！🧊🥤串串驚喜和厚實，性價比CP值高，價錢平民。…查看更多

同細佬兩個人去咗奧斯卡影后餐廳朝聖食個lunch，餐廳係舊時大押改建，餐廳正正就喺大押裡面，保留了原有大押原有特色和外型，入面佈置充滿着奧斯卡影后意大利女星Sophia Loren的影子，外貌和內在環境都有好大對比。餐廳以意大利風格和佈置，一入門口係長形吧枱位置，到處都見到Sophia Loren靚樣，連酒杯都印有Sophia Loren個名！最深刻印象係Sophia Loren的珠子垂廉，好優雅同時好有氣派！侍應有講廣東話、英文和國語，唔使驚唔識講英文。麵包籃 - 麵包好鬆軟香口，配上香濃蕃茄醬，好開胃！Starter 前菜 Tomato & cucumber salad in oregano dressing 蕃茄青瓜沙律 - 一道好健康嘅前菜，青瓜和蕃茄好爽，少少酸咪咪好開胃Fritto Misto 意式海鮮炸籃酥脆又不油膩，入面係不同的海鮮茸Charcoal Pizza竹炭Pizza我揀咗呢兩隻口味1. Tomato, mozzarella, Parma ham & rocket 2. Gran Mama Tomato, Meatball, parmesan cream餐廳嘅signature pizza，原來好大個！黑麻麻的薄餅底，pizza邊超厚大，可以揀兩款口味做雙併味道，上菜時有專人幫你剪開，大到好豐富，熱辣辣， pizza邊好軟熟。甜品Tiramisu水杯嘅size，份量啱啱好，唔會好甜好腬…查看更多

提早了收工同朋友一齊食個早飯，原本諗住飲杯嘢先，行吓行吓見到呢間門面好靚嘅日式居酒屋，見環境舒適闊落，又有啤酒飲，就揀咗呢間特色餐廳試吓。餐廳門面已經好日本，掛住好多黃色燈籠，好eye catching，日式居酒屋料理，氣氛好地道，裝潢走昭和風，坐低就有種置身日本嘅感覺。三點刺身盛 - 三款刺身都好新鮮，厚薄適中，入口滑溜，配芥末同醬油一齊食好正😋串燒 - 雞皮、豬五花、雞肉棒、日本大葱同冬菇。雞皮燒得香脆，豬五花肥瘦適中，雞肉棒夠juicy，大葱燒出甜味，冬菇好大粒，整體水準良好。自家制雞肉餃子 - 金黃香脆餡料足，雞肉混合蔬菜，味道鮮甜燒赤魚-原條赤魚，魚皮微焦，魚肉嫩滑，鹽燒突顯魚鮮味，簡單好味，仲可以搭配蘿蔔蓉。豚肉可樂餅外脆內綿，豚肉香濃。炸竹輪卷酥脆，係唔錯嘅小食選擇。明太子高湯茶漬飯 - 明太子鹹香突出，高湯清甜，米飯吸晒湯汁，暖笠笠好舒服。Orion沖繩啤酒清爽易入口，配炸物一流；香檸梳打酸甜平衡，唔飲酒都有好選擇。整體環境氣氛好、食物有水準👍🏻 食啲串燒、飲杯啤酒，輕鬆又滿足！…查看更多

難得星期日跟朋友簡單午餐聚會，搵咗一間特色上海菜茶居，主打老上海風味，環境雅緻開陽，新開張仲有開業優惠，可以優惠價點選指定食物，就算星期六日公眾假期，都係全日供應。除咗套餐，仲有點心、涼菜、小炒和飯麵，選擇好豐富。我們點了雙人午市套餐，菜式豐富。四喜烤麩：滷得入味，口感層次豐富，冷盤開胃。招牌小籠包：一籠兩隻，皮薄湯多，咬下瞬間爆汁。貢布胡椒酸辣湯／竹笙松茸燉響螺湯（加$28升級）：酸辣湯香辣醒胃，響螺湯則清潤滋補，兩款湯料都材料十足，很有水準。百靈菇炒牛肉：牛肉嫩滑，菇香濃郁，鹹淡適中。上海粗炒：鑊氣十足，麵條彈牙，醬香濃郁。另加點爆汁牛肉煎餅：一碟三件，外皮香脆，牛肉餡料飽滿，咬落去即刻爆汁！蟹粉小籠包：新開業優惠，一籠只需要$8.8，有四隻，蟹粉香氣濃郁，湯汁鮮美，一籠四隻，性價比高，非常之抵呀！開茶點咗菊花茶，配有餐前小食，茶香清雅，小食開胃，配搭得宜。菜式有誠意，味道地道，環境舒適。午市套餐選擇多樣，份量足夠，性價比高。特別推薦蟹粉小籠包和爆汁牛肉煎餅。…查看更多

喺啟德體育園 Food Gala無意中發現呢間主打豆乳甜品嘅「Jollibean 石磨樂豆」，本身我都好鍾意食豆腐花，飲品就比較少試，試完真係有驚喜！餐牌有好多選擇，有飲品、甜品，仲有特色小食。重點推介呢個特色面煎糕串，原來佢係新加坡傳統懷舊國民小食，店員都有推介今次crossover港式口味，介紹而家有啲期間限定嘅飲品和甜品，有好多款啊，大家都可以試吓。【拉絲麻糬面煎糕串 + 茶記菠蘿脆】煎糕串外脆內糯，有麻糬拉絲效果，口感煙韌，加埋茶記風味嘅菠蘿脆，好有層次。新鮮滾熱辣，即叫即整，要等幾分鐘，整好趁熱食正呀！【三色芋圓豆腐花 （左）和 香芒小宇宙 （右）】豆腐花非常滑，豆味天然，三色芋圓唔單止賣相吸引，仲好有咬口，甜度啱啱好，食完有種幸福感。芒果新鮮香甜，小丸子煙韌彈牙，西米露滑溜清爽，整體口感豐富，甜度適中，啱晒夏天消暑！【燒仙草豆乳茉莉花茶（左） 和 微甜濃豆乳（右）】燒仙草豆乳混合茉莉花茶，香氣層層疊疊，飲落有豆香味有茶香味，清新又解膩，好特別！微甜濃豆乳，豆香濃郁但唔會過甜，飲落順喉又有飽足感。餐廳喺food court入面，外賣拎返屋企一齊share，有保溫袋裝住好好呀！主打豆乳甜品，創意和水準十足，甜品選擇多元化，味道天然，啱晒鍾意豆香、煙韌口感嘅朋友。而且地點方便，睇完波或散步後嘅甜品好去處！…查看更多

餐廳位於上環鬧市，距離地鐵站只需要1分鐘，是一間樓上特色bar及餐廳，結合美食、娛樂與社交空間。無論是午餐、晚餐或深夜聚會都非常合適。餐廳門口內外都是特色燈飾牆身，好適合打卡。店內設有Beer Pong及飛鏢區，氣氛輕鬆，適合朋友聚會或下班放鬆。餐廳更設有開揚天台，可供包場舉辦活動，無論是戶內或戶外都空間感十足。即使是午市套餐也非常豐富和大碟，餐廳主打King Size份量，價錢和份量性價比都非常高。午市套餐均附沙律及咖啡或果汁，份量十足，性價比高！而且lunch set第二位半價，經濟化算。1. 香草煎羊架配扁意粉三支骨的羊架煎得外脆內嫩，香草香氣濃郁，Q彈肉汁扁意粉，味道層次豐富。2. 紐西蘭壹級肉眼扒配粗薯條（10oz）肉眼扒份量驚人，肉質鮮嫩，油香四溢，配上香脆粗薯條，絕對是肉食愛好者的首選。Morii不只是餐廳，更是一個讓人放鬆、享受與連結的空間。Happy Hour每日3-8pm，無論是想吃得飽、玩得盡興，或舉辦一場難忘聚會，都推薦給喜歡大份量美食及熱鬧氣氛的你！…查看更多