呷哺呷哺天氣凍凍當然要叫打邊爐啦，但係始終覺得一人一鍋比較衛生，所以就嚟咗呢間人氣都幾高嘅餐廳。呢到乾淨企理，店員都好有禮貌，更加係半自助形式，面類，小食，芋圓全部都係自己拎。今日要左羊肉套餐包咗養生菌菇鍋，樂活蔬菜盤，自助刨冰同料理，湯底就梗係要配昆布柴魚啦！另外就叫多咗個日本和牛套餐，有日本和牛，養生菌菇鍋，蔬菜盤，湯底就要咗蕃茄鍋。特別要介紹就係個鴨血，超好味！整體嚟講，我覺得呢度啲湯底都算好清甜，小食嘅種類更加有好多，醬汁區都好豐富，肉類都好新鮮，蔬菜嘅份量都好足夠，所以嚟食打邊爐都可以食得好健康。嘢飲就要咗熱檸檬茶同埋經典凍嘅珍珠奶茶,兩都幾好飲，唔會話太甜。…查看更多
呷哺呷哺 (荃灣廣場)
2025-11-07
以上食評乃用戶個人意見 , 並不代表OpenRice之觀點。
讚好
等候時間
1 分鐘 (堂食)
人均消費
$150 (下午茶)
