claudia271318的个人专页

🔎Alice Pizza(沙田）沙田放工去咗新城市廣場😗見到呢間Alice Pizza排哂長龍！玻璃櫃入面十幾款Pizza勁吸引😋選擇困難症簡咗勁耐！✨ Truffle（松露款）：我心中今日MVP！松露香氣勁突出，搭新鮮蘑菇同融化到微焦嘅芝士，口感厚實又香滑，滿滿嘅幸福感，芝士控絕對要試🤤✨ Nutella Delight（開心果榛子醬款）：好少食甜款嘅Pizza！估唔到咁夾😋薄脆餅底烤到外脆內軟，榛子醬甜香夠濃，再灑滿我最愛嘅開心果碎，咬落脆卜卜又帶堅果香，甜而不膩，食完鹹款嚟返塊真係完美收尾😋✨ Salmon（煙三文魚款）：番茄底帶淡淡酸香，煙三文魚嘅鹹香同芝士融合得剛剛好，清新爽口，唔會有膩滯感，好適合鍾意清淡口味嘅朋友～…查看更多

同朋友一人叫咗一份套餐，西班牙豚肩肉套餐嘅柚子酸辣湯底開胃又夠晒惹味，豚肉紋理分明，落鍋一涮就入味；日本黑毛和牛A4肩脊肉套餐嘅壽喜燒湯底甜香濃郁，和牛入口即化嘅口感簡直無得頂👍 配菜拼盤新鮮到出汁，食完肉煮蔬菜，吸晒啲湯汁精華，最後再來一份時令甜品，呢餐真係超級满足呀～…查看更多

自從上次喺PMQ試完之後就愛上咗！超多燕麥奶嘅選擇！全港最多！！燕麥雪糕好香好軟滑，加埋咖啡好正！環境都好好～室內外都幾舒服～好啱過嚟工作做嘢，順便嘆吓咖啡🧏🏻‍♀️🧏🏻‍♀️…查看更多

環境寧靜又雅緻，座位間距啱啱好，好適合慢慢歎一頓日式料理。服務人員好有禮貌，出菜節奏恰到好處，整體用餐氣氛好輕鬆前菜茶碗蒸滑嫩到漏，蛋香四品料理有柚子醋配鮫鰈魚，清爽開胃，魚肉細緻。一碗涼拌赤貝、溫室青瓜、秋葵混合之後口感好豐富，味道清新。紫菜包燒帶子微焦香氣勁突出，帶子鮮甜到爆。目光魚以一夜干方式處理，鹹香好突出，肉質結實10貫壽司部分根本唔使點醬油，味道已經調得好啱。深海池魚配青檸汁，酸香提鮮。秋鮭來自北海道，係秋天季節最好嘅鮭魚，油脂分佈均勻，入口柔滑。甜蝦以蝦肉切粒同蝦膏炒香，再經昆布醃製，口感黏綿，蝦膏香濃到暈。備長炭銀雪魚碳香濃郁，刺身級銀雪魚身細小但肉質細膩。青魚棒壽司呈現關西風味，口感紮實。吞拿魚赤身用醬油醃製，味道濃郁；中拖羅油脂豐富，入口即化。池魚壽司配薑蔥醬，而鰈魚群邊加蔥花粒，味道層次好分明。海膽蟹籽飯鮮味突出吞拿魚蓉手卷加入黃蘿蔔，脆口清新麵豉湯溫和收尾，甜品甜度適中，為整餐劃上圓滿句號。生日仲有送蛋糕～…查看更多

試佢個招牌正宗全料東京撈麵，$109一份。落單之後店員會放上食法小牌，配料豐富到嘩然：燒香嘅豬肉、爽荀、生蛋黃、蔥花、紫菜碎樣樣有。食法仲好有層次：首先撈勻全部配料，試試原味，香濃惹味😋；食咗1/3之後落啲黑胡椒再撈，香氣昇華！再食2/3落少少秘製香醋，又係另一種風味！最後仲可以免費加白飯，撈埋剩低嘅醬汁食到乾乾淨淨🤭，每一啖都有唔同驚喜，推到爆！但位置會比較迫，坐得不太舒服整體味道都可以一試…查看更多

一入去環境清新雅致，同朋友慢慢歎最啱🌿～🌟重點推介「一品酸菜白肉鍋」上枱已經酸香撲鼻，湯頭紅亮帶勁，酸菜切得爽脆無渣，吸盡湯底酸辣精華；白肉薄切得均勻，肥膏部分入口即溶，瘦肉軟腍唔鞋口，燙完食材仲會吸晒酸湯嘅層次感，超級開胃，連湯都想飲埋🤤！🥩食材超有誠意‼🔴優質手切牛肉半份：紋理清晰到見得人，落鍋涮幾秒就變色，入口鮮嫩多汁，牛肉香直頭爆燈，每啖都係品質保證🤤！🔴黑豚肉：肥瘦比例超絕，煮完軟嫩彈牙，油脂香同肉香交纏，食極都唔厭，簡直快樂源泉🐷！🔴北寄貝拼阿根廷紅蝦：新鮮度拉滿！北寄貝鮮甜脆口，紅蝦爽口彈牙，配少少芥辣，清新到好似食緊大海嘅氣息🦐～🔴自家餃子拼（雲吞/水餃/韭菜餃）：三種口味一次滿足！外皮薄到透光，內餡飽滿到爆汁，手工誠意一啖就食得出，正到拍爛手掌🥟！🍺Bar Pacific嘅熱情果/荔枝味Craft Beer果香清新，酒精濃度低🧏🏻‍♀️配火鍋解膩又過癮，女仔啱晒！兩個人食咗$1098，雖然唔算平但食材新鮮、味道出色，服務又貼心…查看更多

今日同朋友去咗間叫Funky Monkey嘅尼泊爾酒吧一入到去，竹製裝飾同埋色彩繽紛嘅燈飾成個feel好熱帶好有異國感，影相打卡好出片📸我哋叫咗Nachos同Funky PlatterNachos嘅醬料好足，芝士融得啱啱好食落好香口～Funky Platter有幾款小食炸物好酥脆，仲有啲帶點兒酸辣嘅醬汁幾開胃，同朋友share啱啱好😋飲品就揀咗Flaming Monkey同SnowfallFlaming Monkey仲有火焰表演添，好有氣氛🧏🏻‍♀️酒味都幾濃，鍾意飲酒嘅朋友可以試試〰️Snowfall顏值好高，仲插咗朵花🌹入口有淡淡果香，好清爽，好適合女仔🥂環境好chill，仲有投影機播緊片坐喺度傾計飲嘢好舒服🧏🏻‍♀️服務員態度都幾好，好有禮貌（幾靚仔😍如果大家想試下唔同國度嘅風味又或者搵個地方同朋友輕鬆下呢間酒吧都幾推薦㗎～…查看更多

相信我哋香港好多傳媒都介紹過㗎！佢哋嘅創辦人曾經喺米芝蓮三星意大利餐廳同置地文華酒店餅房部做過，手藝真係冇得彈～👏今次我試咗佢哋嘅伯爵茶流心月餅🥮真係一咬落去就驚艷到！🤩以紅茶為基底混合自家製嘅伯爵茶，茶香味好濃郁仲有流心嘅餡料，口感層次好豐富！茶香夾住流心嘅絲滑，真係食過返尋味～而且佢哋嘅蝴蝶酥、曲奇都好出名全部係香港自設工房新鮮製作仲唔加防腐劑添，食得好放心～😋依家仲有限量嘅月餅禮盒🎁無論自己食定送禮都好適合～位置都好易搵，喺尖沙咀加連威老道43號地下喺尖沙咀站B2出口行10分鐘左右就到～如果大家近期想搵好食嘅月餅或者特色餅食千祈唔好錯過呢間店呀～🥰…查看更多

🔎Barcode(中環）返工返到癲，放工當然要同朋友搵間有vibe嘅bar鬆一鬆～中環呢間Barcode係甜品做靈感🍰朝早歎咖啡、夜晚歎特調，仲有甜品食真正係早C晚A天堂！☕ Star of Tonic⭐️⭐️⭐️⭐️⭐️呢杯絕對係隱藏冠軍🏆！以咖啡利口酒同espresso做基底，飲落卻一啲都唔苦澀，仲好清爽～入口有柚子清香加淡淡咖啡味，為咗呢杯專程打卡都值得👍🍸 Tommy Collins⭐️⭐️⭐️⭐️呢杯帶住龍舌蘭、迷迭香同Verjus嘅酸香，仲有The Botanist Gin嘅草本風味，fizzy又sour，同之前喺tell camellia飲8/9成似～好清爽～🍓 Strawberry Cheesecake⭐️⭐️⭐️⭐️⭐️呢杯靚到好似精致甜品一樣😍！上層奶油奶酪令整杯酒層次感十足，酒味好淡，酸酸甜甜，女孩子一定鍾意呢杯～🌰 Pistachio Gelato⭐️⭐️⭐️最期待但少失望！上層開心果cream綿密到似奶蓋，但下層酒味有啲怪，唔算太夾😣…查看更多

大大大大推‼️‼️好耐冇食過咁高質嘅cafe!! 果然社交平台搵食冇錯！一次過滿足晒我三個願望🧞‍♂️✅開心果✅QQ麵✅靚啡嗰杜拜朱古力牛角窩夫好正Q Q麵係每日限量供應（唔該唔好同我爭佢哋拉花仲好靚🤣係勁有心做嘅cafe🥺…查看更多

行完M+同香港故宮，喺西九文化區藝術公園地下搵到「旭宵食堂」，維港靚景相伴，歎住日料吹海風，呢種體驗真係絕絕子～🍣廚師發板壽司十貫件件都係師傅精心炮製！甜蝦膏脂滿溢、三文魚腩甘香油潤，左口魚燒得焦香入味，八爪魚同墨魚軟滑鮮甜，每一啖都係海洋嘅鮮味暴击～🥑香蔥拖羅牛油果他他呢個組合真係創意滿分！海苔脆身包裹住creamy牛油果同拖羅，再配埋黑醋汁，鮮香又開胃，完全啱晒港人口味～🐟汁燒原條鰻魚丼大大塊鰻魚鋪滿飯面，蒲燒醬甜鮮入味，鰻魚肉軟嫩到極，仲有酸黃蘿蔔解膩，飯粒吸晒醬汁，食到舔舔脷～🍳福岡明太子玉子燒玉子燒鬆軟綿密，夾住鹹香惹味嘅明太子，每一口都係濃郁蛋香同海鮮鮮味嘅完美融合，食過返尋味！🥩極上厚切牛舌心牛舌厚身軟熟又多汁，牛味濃郁到爆，咬落去啖啖肉香，絕對係牛舌控嘅福音！店舖環境寬敞乾淨，仲有戶外座位可以帶埋毛孩一齊歎，食完行下海濱長廊，呢種寫意時光真係太chill啦～…查看更多

🔎Bingo & Cook(銅鑼灣）$199「醬油蟹任食放題」！身為醬蟹控即刻約埋frd衝去銅鑼灣分店！之前有去過尖沙咀分店～呢度會比較大🧐一推門環境勁有韓國路邊攤feel🍜紅色枱凳+熱鬧氣氛，牆上仲有韓文海報~影相打卡超有代入感📸 酒鬼一定要$15嗌韓國米洒！好易入口🤣1小時雖然有少少趕，但食到原隻蟹+任refill+多款韓食，絕對回本！環境有韓國feel，服務都幾快手，記得book位先好去啊！…查看更多

呢排做gym要食多啲protein🥩於是周圍搵有冇好食嘅牛牛😗朋友推介咗呢間荃灣嘅Day 22 Steak冇令我失望啊🤩首先講個主菜「鵝肝配安格斯封門柳（12安士）」，個鵝肝煎到外層微脆，裏面綿密得嚟仲好香滑，一咬落去仲有油脂香爆出嚟～安格斯封門柳熟度啱啱好，肉質好嫩，仲好juicy添，每一口都好滿足😋！二人餐仲有包炸薯條，外脆內軟，仲熱辣辣，食落好過癮🍟炒意粉都唔錯，鑊氣夠，味道調得岩岩好～最鍾意飲酥皮湯嘅我！個酥皮好鬆脆，蘑菇湯好濃郁，仲有陣陣香味，暖笠笠咁飲落肚好舒服🥣花蜜雞翼都好出色，雞翼好入味，蜜汁甜甜地，好惹味～飲品方面，巨大杯裝嘅可樂同熱花蜜水都幾解膩，啱曬食完咁多肉之後飲🥤人均二百幾，有咁多好食嘅嘢，性價比真係好高！鍾意食扒嘅朋友一定要試下，我已經係諗緊幾時再去第二次啦～…查看更多

🔎 WM Cafe & Bar(荃灣）最近喺荃灣發現一間好有feel嘅西餐廳WM Cafe & Bar☕️，無論係拍拖約會定朋友聚會都好適合！首先環境真係好加分💯 室內燈光柔和，裝修有格調，講佢浪漫都唔為過～仲有戶外區，夜晚坐喺度吹住風好chill🌙 最正係佢有免費Live Music🎵，聽住現場彈唱食飯，好浪漫！服務方面要大讚👍 侍應好主動幫手換碟，細節位好到位，食到中途完全唔使擔心碟邋遢🧏🏻‍♀️【🦞龍蝦汁海鮮意大利飯配龍蝦半隻】龍蝦好大隻新鮮，肉質彈牙，個飯吸收晒龍蝦汁嘅精華，好滿足😋【🍕波士頓龍蝦薄餅】薄餅底好脆，芝士香濃，正～【🥗巴馬火腿凱撒沙律】沙律菜好新鮮，巴馬火腿鹹香入味，仲有脆卜卜嘅麵包粒！人均大概$200+，有咁嘅環境、食物同服務，性價比算唔錯啦～如果想搵一間可以hea下、聽下歌、食好西嘅餐廳，呢間WM Cafe & Bar絕對值得試試！…查看更多

今日去咗沙田石門呢間高質人氣小店歎麻辣雞煲火鍋首先呢個招牌麻辣雞煲，雞肉炆到入味又嫩口，麻辣香氣勁突出，仲有洋蔥、香葉等配料襯托，越食越過癮，開煲嘅時候已經聞到陣陣香味，忍唔住即刻動筷😋仲有個十優狀元拼盤，黑松露墨魚丸、蝦丸、墨魚丸、𦅜魚丸個個都好有誠意！尤其黑松露墨魚丸，咬落啖啖黑松露香，蝦丸仲有魚子點綴，鮮味滿分✨頂級黑豚豬腩片肥瘦均勻，涮一涮就熟，入口即溶，油脂香同麻辣湯底融合得絕配；安格斯牛亦都好嫩，牛味濃郁，愛牛人士必點🐂珊瑚蚌好新鮮，爽脆彈牙，放喺麻辣湯底度輕輕灼一下，鮮甜帶點麻辣，口感層次好豐富；麻辣鴨血嫩滑入味，麻辣味滲透晒入去，食完仲想再叫一份🥘配菜方面蓮藕片爽脆、娃娃菜吸晒湯底精華，都好出色！飲品藍蝶雪梨好清新，解辣一流，顏色仲好靚，打卡必點💙呢間店真係無得彈，食材新鮮，味道正宗，環境都幾舒服，鍾意麻辣火鍋嘅朋友一定要試！…查看更多