為食小蚊的个人专页

第一次來食，味道唔錯，但係佢啲餸大部分都係頭呀，尾呀咁，食得既可能得半碟，超唔抵食口水雞：不得不佩服師傅既刀工，可以將成條頸切到唔似頸咁上枱，已經佔左半碟，加埋雞patpat ，可以食既位置淨反一隻雞翼干煱黃骨魚：小小既一碟魚，竟然可以放4個魚頭落去，淨反幾舊魚肉可以食下味道再好都冇用，用啲咁既方法省成本，我情願你比啲正常肉我，而價錢收反貴啲…查看更多

早一個月前已想食，但勁多人排隊，今日星期一晚一放工即刻過來食，6:30已到，唔洗等位。餐廳四周都見到蛋黃哥，無論係紙、cushion、枱都有佢既足跡。奄列牛肉飯，送橙汁一杯 （$109）：賣相一流，蛋黃哥（蛋包飯）好hea咁訓左係咖哩汁上。咖哩配料有蘿蔔、薯仔、3舊牛肉，飯上鋪左好滑既炒蛋（加上蛋黃哥個樣），每啖飯連蛋食再加咖哩汁好夾，咖哩汁甜甜地辣辣地，好開胃。明太子海鮮烏冬（$99）：今次蛋黃哥化身成生雞蛋安祥咁訓係烏冬上。配菜有蝦、魷魚、蛋，明太子汁超讚，少少辣，好香，撈埋烏冬食一流！但係去呢啲餐廳食飯，同伴好緊要，好明顯今次同左隻牛去食。正常人都會盡量保留蛋黃哥個樣，最后先食佢塊面，但友人第一啖就吞左蛋黃哥，仲問我：同咖哩牛飯有咩分別？我只可講句，對牛食飯  …查看更多

6點就來到，已經有唔少客人係餐廳。我地入到去餐廳冇人理，諗住自己揾位，點知比個侍應喝住，跟住黑口黑面帶位，仲態度唔多好咁拋左句：個半鐘交枱。我地叫左「辛安東元組祖奶奶雞」半份（$148）少辣：有雞、薯仔、蘿蔔、青瓜、洋蔥、粉，雖然係少辣，但都要飲幾杯水解辣。而個汁都幾濃，配菜都好入味。個雞唔似平時林patpat既雞肉，好彈牙，但友人話有啲鞋，可能係老雞。汁太濃，食到味覺得有啲漏。食完覺得唔夠就再追加第二樣送，等等下侍應比張單我地埋。但係一來我地未叫埋單，二來又未夠個半鐘，我哋唯有同佢侍應講啲野未來齊，佢先幫我地追野食，可能漏單吧，又再等左廿分鐘先來。燒豬肋骨（$68）：有4條豬肋骨、配菜係生蘿蔔、生青瓜、生菜。豬肋骨外面燒到有啲焦糖同咸香味，但係燒到有啲燶。但係啲肉少左啲，咬2口就見骨。一路食啲肉一跟咬啲配菜，感覺青新啲。食物還可以，只係服務差左啲，同埋好多油煙味。…查看更多

星期五晚7點到，已經好多人等梗位，都等左半小時以上先可以入去。好多侍應都係越南人，感覺都幾地道，餐廳環境偏暗，有好relax既氣氛，仲有海境陪食。叫左河內牛爽腩粉 （$68）：牛肉湯超濃牛肉味好香甜，河粉索左啲湯都變得好有牛味，牛爽腩雖然係厚切，但係超級林，好香牛味。呢碗係友人叫的，我借來食左幾口都覺得咁簡單既河粉都整得好好味。而友人評價都係不斷讚，友人不嬲食湯面都唔飲湯，但今次竟然飲晒成碗湯，咁就知有幾好味。事后睇餐牌先知原來單點牛肉湯都要$28，難怪咁出色。河內魚餅撈檬 （$65）：魚餅都係好厚，雖然同平時中菜既魚餅味差不多，但佢都煎得好香。而檬粉就有青瓜絲、炸蒜頭片、蘿蔔絲、花生碎，食落好有口感，加左酸魚露后就好豐富，而個汁唔會太酸唔太咸，調得剛好。但比起牛肉粉就比下去。…查看更多

長期多人既餐廰，可能同之前拎過米芝蓮有關吧，所以盡量唔係食飯時間先來食，唔洗等咁耐位。小籠包係一貫地有質素，來到係必叫，皮薄煙ＵＮ又多汁，但剛上枱要慢慢食，否則好易熱親。口水雞連拉面，拉面可選唔同形狀，因為呢個算係冷盤，之前選過啲粗同厚身拉面，但始終唔夠幼面咁好食。已經叫左少辣，但係來到依然係好辣，要隔開啲辣油食，但整體味道唔錯。仲送左碗雞湯，好濃味，但偏咸。豆沙窩餅，個皮唔夠香脆，又唔係煙ＵＮ，豆沙料亦唔夠。…查看更多

很少到Delifrance 食午餐或晚餐，通常都係食早餐多，估唔到佢既晚餐選擇都唔少。叫左２個餐，包飲品+餐湯+蒜蓉包雜菜湯，少少辣辣地酸酸地，好開胃。蒜蓉包，薄薄的好脆，蒜蓉味好夠。黑松露雜菌ＰＩＺＺＡ，面頭的黑松露醬好香好好味，雖然ＰＩＺＺＡ冇肉只有雜菌，但都唔會單調，因為啲菌各有味道。皮底又薄又脆，整體讚！凡立貝雜菌意大利飯，呢個同上面的ＰＩＺＺＡ比就冇咁出色，個飯濕左啲，冇咁香口。雖然有幾隻大隻凡立貝，但係好似冇落調味咁，好淡，同埋食唔到鮮味。…查看更多

一個人嘆早餐最好就係去茶記，前排經過翠華，見好多人食早餐，而價錢亦唔貴，就入左去食。雖然鋪頭都幾多人，但店員見我自己一個，都冇安排人撘枱。香滑奶茶，一向都有質素。滑蛋及牛油脆豬，牛油太少，問店員再要多Ｄ，過左陣就比左舊牛油我自己查沙爹牛肉面，本想轉通粉，但原來唔可以隨便改餐既內容。如果可以彈性啲就好了。…查看更多

餐廰是曾經拎過米芝連既隠閉上海舊式小店，當晚是平日放工後去，沒太多人，不用等位就可以直入。２個人叫左個餐，包括湯Ｘ１，菜Ｘ２，包２個飯及２杯八寶茶。我哋叫左酸辣湯，我對呢款湯興趣不大，但友人非常中意，為左就佢冇法啦。友人話而家整得好味既酸辣湯餐廰已冇乜邊間，而呢間就係其中一間好味的。奶油津白：啲奶油多到好似唔洗錢，唔知係咪舊式上海鋪都係咁做法，其實味道係唔錯的，但係個菜炒燶左啲，啖啖都係燶味，真係要扣分。同埋菜既份量比較少。口水雞：份量有小半隻雞，既然比樓上碟菜仲大份（唔通菜比肉貴）？雞肉嫩滑不會太肥，加上花生粒同少少辣既汁，好惹味。八寶茶：接近飯後先上，店員話會消滯，甜甜地好足料，沖左好幾轉都好有味。…查看更多

2點鐘下午茶餐：鴨米餐 (HK$27)，唔洗加錢就可以叫紅豆冰，真係好抵。但係可能因為下午茶餐平啲，所以比既鴨多骨少肉，湯底淡淡地但唔會太寡，食完冇口喝，米粉唔會太林。…查看更多

狗仔粉最近拎左米芝連，但係今次冇食狗仔粉，而係揀左火鴨翅。外賣只有一個size，一律賣$28，雖然唔係好平，但食落真係好足料，湯底好濃好有鴨味，有少少辣辣地，好惹味開胃。入面啲木耳好爽口，而米粉就好煙ＵＮ好有咬口，里面仲有鴨絲但一啲都唔Un。…查看更多

點心既賣相好精緻，味道整體唔錯，但係炸物就不合格。小雞包：好的色既得意雞包仔，外型好靚，但係ＳＩＺＥ細左啲，同埋入面啲雞肉涵就都唔多，外型比內涵高分石頭魚餃：個皮厚同硬左啲，個涵都干左啲，味道亦淡左啲海鮮煎餅：都幾足料，煎得幾香燒肉：賣相好靚，燒得幾好，但肥左啲雖然點心賣相好好，但係價錢貴左啲…查看更多

叫左半條麻辣烤魚，條魚唔鞋唔多骨，多麻少辣，可能因為叫多麻，唔係好食到其他調味，味道比較單一。最初食唔係好辣，因為一直烤住，所以越烤越辣，明明小辣都變大辣。另外亦叫左全份配菜放入烤魚度一齊食，入面有啲菇、芽菜同超多野菜，但係啲野菜ＵＮ到咬唔到，　所以呢碟唔抵。同店員講要水，叫左幾次先比杯熱水，而其他人叫飲料就即有，服務態度認真麻麻。…查看更多

早前用8達通比錢就可以買2球送2球，咁抵就梗係要食啦！（心水清既人會發現原來佢同時加左價，不過都仲係抵）4球里面一定要有一球係藍莓，藍莓味道有啲假，如果下次要比錢買，一定唔會再叫呢個味，咁佢指定就冇法啦。仲有叫左夏威夷果仁，用運尼拿做底加入粒粒夏威夷果仁，雖然唔係我至愛，但友人次次必叫。綠茶：超好味，不太甜，有濃濃綠茶味曲奇：運尼拿雪糕底加曲奇蛋糕，好有口感，味道唔會單一…查看更多

第二次來食晚餐因為係工廠區，夜晚食飯得小貓幾隻。第一次來食，質素都正常。估唔到事隔半個月再來就中伏！魚片啦沙米線： 店員冇問我地，就直接煮左做米粉，我地拎既時候先同我地講。因為我地唔想浪費就無奈接受。其實個湯底味道都算正常，但係其中一塊魚片係酸的，日式魚旦口感勁怪，配菜西蘭花有怪味。真係冇法食完全碗，投降！雞肉石頭飯：呢個飯係正常的，雖然雞肉好少，但冇怪味就當贏。但係加錢果個柚子蜜就淡如水。本身位置已經偏遠，仲要質素咁唔穩定。睇怕都幾難做得住。…查看更多

成餐飯好似冇冷氣咁。乳豬：個皮好un，比較細隻。焗蝦球依面：啲汁好多，但伊面冇味，蝦球大隻，但個炸皮同蝦分開晒。龍𧄌：個皮有鱗，有啲腥。雞絲翅：入面有啲好un既料，好似豬皮。個味都ok。雞：唯一好味既菜，雞皮夠脆，啲肉不老。…查看更多