豚兒的个人专页

和到現場買價錢一樣，唔使打電話手機下單，去到就攞得。仲可以自己慢慢諗點樣配搭最抵，先至落單。滷肉飯喺九龍城呢度附近的台灣飯店之中，我覺得最好食。台式花枝丸同炸雲吞極力推介，次次都要食…查看更多

最近質素變差，一向食開的清湯底…以前好濃好有味，而家變到好似水咁，好稀…啖而無味。最近這兩三次都係咁，係咪因為物價騰貴，又唔想加價，所以要溝稀d湯底？？？如果下次再試都係咁，可能唔會再幫趁。其他食物質素如鷄亦無變都仲係咁好食。…查看更多

拉麵款式好少，來來去去都只得叉燒一種，只係不同湯底選擇。濃蝦湯底好咸。叫左個鷄亦好似食緊麥當當咁無特別。鷄白湯還可以，但拉麵好硬…叉燒唔好食。咁嘅價錢同一wind堂和屯王好好多倍，一定唔會再食。…查看更多

我第三次來呢度食飯，之前係roadshow睇過介紹呢度的上海菜，雖然唔可以話好正宗，但啱香港人口味囉．．．我覺得最好味係個糖醋魚同東波肉，我唔係好鍾意食魚同肥豬肉，不過呢兩味菜都整得好食．．．仲有一個龍井蝦仁我極力推介．．．其他菜一般啦，不過呢度食ｄ唔太貴的菜都整得幾好架．．．貴的我就覺得麻麻。…查看更多

第一次來呢間餐廳，上次睇塘心風暴，見到常在心同得得地一齊食都覺得石在燒好特別，後來有個同事介紹過，更加想來試，終於就安排左同朋友來呢度食飯慶祝生日，卵打電話來訂枱，service已經好好，佢地仲可以幫我Home Make生日蛋糕，日日款式都有唔同，我就訂左Cream Cheese Cake,只係$140磅．．．叫左個二人餐$1098，有兩杯House White Wine（唔飲酒可以轉特飲），餐湯，兩個頭盤，主菜有安格斯牛扖，羊架，龍蝦同魚的石在燒，唔洗煩，又咩都可以試下，當然仲有飲品同甜品啦．．．ｄ食物好新鮮，又好味，自己帶住條圍裙一邊煮，一邊調味，仲可以一邊食，放心，有人示範，調味好簡單有埋sauce比埋你，自己可以隨意加salt或pepper．．．好有新意…查看更多

我唸我去咁多次Neway食K Buffet, 最差呢次了。雖然而家Neway唔收果盤，Nuts同加一，今日去唱Lunch Buffet每人只須$34，價錢就好平，如果D 野食有CEO咁高水準就非常低食啦．．．不過今日的Lunch Buffet....一D都唔值呢個價....加埋都無十款野食，仲要D食物無晒都無人加又無人理，要自己烚菜烚麵唔在講，D水唔”滾”個度弊呢，烚極都唔熟，叫人點食呀。…查看更多

桃園海鮮酒家旗下有間火鍋店係附近,叫老細火鍋, 我去阻兩次, 好好食, 好質素得來又唔太貴, 比係其他酒樓高級, 有海鮮食, 好新鮮.我兩次的經驗話大家知, 一定要食雪花肥牛, 墨魚滑, 蝦滑, 韓國粉絲, 特色全蛋麵, 魚翅頭, 鮮帶子串....正因為掛住食, 有些唔記得影低, 比你睇住先, 等我下次去再影過....是次7人共消費985…查看更多