monxlwsxx的个人专页

嚟過幾次How To Live Well其他分店飲咖啡，今次同朋友放工之後喺銅鑼灣hysan分店食晚飯。餐廳內環境好舒服，好多位置，適合朋友聚會。木系裝修都令到人感到好放鬆。香脆炸雞窩夫•酸椰菜•蜜糖芥末醬 $148(配薯條及士多啤梨雜菜沙律)份量好多，炸雞好香脆，熱辣辣。窩夫中間夾住酸椰菜，可以中和炸雞嘅油脂SIX CHEESE pizza 9吋 $128好食，六款芝士加埋令到Pizza勁香濃，配埋蜂蜜，一齊食勁夾。仲有拉絲效果。Floating fantasy $68呢杯特色咖啡個cream foam好飲，咖啡配搭清新，好好飲。Passion Bloom $58有一大個新鮮熱情果，入口好清香。總括嚟講嘢食質素幾好，而且又坐得舒服，會再嚟。…查看更多

今日嚟到位於鰂魚涌秋嵐日本料理，係太古地鐵站岀沿電車路行5分鐘就到。網上見到牛舌關注組推介，一定要試吓。極味厚切牛舌定食 $158牛舌外面燒得焦香，份量好慷慨，肉質粉嫩彈牙juicy，但唔會過韌。配檸檬汁，及三款不同的醬料。定食仲有沙律，茶碗蒸及咖喱汁，同埋味噌湯。性價比高隱世小店，見餐牌除咗牛舌定食仲有其他刺身丼飯，日式定食可以揀，下次會再嚟。仲有晚飯時段過嚟非常多人，記得先訂位，可以係openrice或者inline到預先book位。…查看更多

前排去啟德雙子匯Sogo Thankful Week發現一間新開嘅韓式烏冬店，咁就即刻try try😎 見佢Menu主打冰鎮寬條烏冬同自家制冷烏冬，可惜可能新開張同太熱門所以售罄了🥲 🔸澆汁自家制冷烏冬 $88烏冬口感彈牙，配上店家招牌醬汁，都幾唔錯😌🔸天婦羅炸蝦配高湯自家制熱烏冬 $108湯底濃郁，香脆炸蝦加三款蔬菜天婦羅再搭配自家高湯手工烏冬，湯香料足👍🏻整體覺得都唔錯，份量都算多👍🏻可能啱啱開張，所以等候時間會相對較長。…查看更多

之前已經食過蘇山雞飯長沙灣店，經過太子先發現原來佢哋有分店，所以同朋友放工嚟食個晚飯。未到七點餐廳已經差唔多滿座，睇落幾受街坊歡迎。餐廳內有卡位茶餐廳格局，座位算舒適，職員都非常勤快。嗌咗menu上嘅推薦嘅走地雞飯🤤店舖採用QR code落單。🔸獅城芽菜走地雞飯$95 配雞雜冬瓜湯雞肉非常嫩滑，而且無骨，份量一人份嚟講都幾多，雞油飯勁香，差啲想添飯。雞雜冬瓜湯好大碗，入口鮮甜。🔸新加坡白胡椒排骨茶 $88湯底非常香濃嘅胡椒，排骨都煮到好腍，配上白飯一流。排骨茶仲有個小火爐加熱住，食到最後都暖笠笠。🔸參巴醬辣蝦醬通菜 $21呢個價錢份量真係好多，通菜炒得非常惹味，調味適中不會過鹹。🔸夜市沙嗲串燒（6枝） $54有點驚喜串燒非常熱辣辣，入口香脆，配上沙嗲汁，特別推薦雞肉串燒。🔸恐龍美祿$18食星馬菜配美祿一流，非常濃郁兩個人食到勁飽人均$150，性價比高。…查看更多

難得去愉景新城行街，有朋友介紹一間抵食居酒屋！餐廳有好多唔同菜式選擇，有刺身、壽司、卷物、鍋物、串燒、甜品等等，一次過滿足曬咩都想試嘅心情！長崎小長井生蠔 ($178/3隻）生蠔係海水味重而且好鮮。海鰻壽司 （$22/件）海鰻鮮嫩，幾好食。安格斯牛肉火鍋 （$106）火鍋份量好多，金菇、豆腐、娃娃菜、大蔥、冬菇、雞蛋，安格斯牛肉肉質好鮮嫩，湯底濃郁又帶甜味，配料都好新鮮。芝士吉列蝦反卷（$38/4件）反卷入面有啲軟芝士同一隻吉列蝦，上面有啲櫻花蝦，底下仲有啲沙律醬，味道幾夾！牛肉蒜片薄燒 ($96)薄燒牛肉肉味香濃，入面包住炸過嘅蒜片同蔥，令個口感豐富同香口。晚市嘅鍋物同埋刺身都有八折，兩個人飽住走都係大概$500，夜晚嚟講算幾抵食！Staff 啲服務態度好好，會介紹Menu嘅優惠菜式👍🏻而且餐廳座位闊落，坐得好舒服。餐廳性價比高，下次經過會再幫襯。…查看更多

呢間位於西營盤的一間主打台灣菜的街坊小店，雖然門面低調，但性價比幾高嘅台式餐廳👍一坐低就比Kong U嘅學生包圍，相信係佢哋嘅另一個飯堂。學生仲有學生套餐🔸台式牛肉麵 ($78)湯底濃郁但唔膩，牛肉軟嫩入味，麵條彈牙，配上自家製酸菜！重點肉同麵嘅份量都好多🔸台式烤香腸肉燥飯 ($52)非常之大份！個五花肉好入味👍👍🔸鹽酥雞 ($42)炸得啱啱好，外脆肉juicy跟餐加$12就有台式飲品，真係幾抵。烏龍奶茶有地道台式感覺，不錯！🍴小店位置有限，但服務貼心，是一間有溫度的家庭式台式餐廳🫶🏻…查看更多

今日喺旺角朗豪坊行街，經過見到呢間小點角落，裝修風格新穎，俾佢餐牌呢個鐵板餐吸引咗，天氣咁凍都想食返啲暖笠笠嘅嘢。鐵板餐仲包羅宋湯同埋熱飲，我同朋友分別嗌咗人氣牛脷雜扒鐵板餐同埋滋選肉眼扒鐵板餐，仲有得揀跟意粉、飯、或者薯菜。隔離仲見到好多一家大細一齊食，場面好溫馨。鐵板一上枱，我俾佢嘅份量嚇親，店家毫不吝嗇，雖然話一人餐，細食嘅朋友真係可以share😮性價比好高羅宋湯非常有驚喜，極為足料，而且蕃茄味好濃，比讚！人氣牛脷雜扒鐵板餐 $108牛脷煮得好腍，一啲騷味都冇，配上蒜草汁，十足港式舊茶餐廳嘅感覺。滋選肉眼扒鐵板餐 $88肉眼扒煮得剛剛好，一啲都唔韌🤤人均都係$100到，朗豪坊超抵又夠飽肚嘅選擇！…查看更多

成日一班老best去到旺角都諗唔到食咩，今次決定食下乜都唔使諗嘅放題😆餐廳超近地鐵站，由E1出口轉右即到！嗌咗佢哋最平嘅 *經典二重創新剌身江洋盛宴*套餐包咗78品，兩個鐘任食，用電話落單之餘仲有自助area😎刺身好新鮮，呢個價位幾有驚喜，三文魚、油甘魚、北寄貝等等，每款都肥美厚切，口感一流😍仲有御·泰之味冷鮑魚、劍魚腩、北海道角螺、柚子醋花海蜇🤩除咗刺身，仲有好多冷盤、壽司、燒物同煮物，特別推介佢哋嘅雪花牛鍋、蒜香卜卜蜆、燒有機菠蘿、御品鮑汁燴花膠、薄燒牛肉。最震撼係清酒、梅酒仼飲😮仲要馬來西亞榴連任食如果鐘意食榴連嘅朋友就唔好錯過！🔅甜品方面都唔差，有勁多款雪糕同自家制甜品，有Dreyer's同 häagen-dazs，完美Ending！真係食到好飽，下次有機會再戰。…查看更多

今日係尖沙咀行街，買嘢買到好攰，好想食餐好嘅😆見到門口個menu鞍下 Kurashita Set $288/pp，睇落幾抵食。一入去就已經感受到餐廳嘅氣氛好舒服，餐廳安排我哋坐bar枱，好有日本燒肉店嘅感覺。套餐入面最令我印象深刻就係黑毛和牛極上牛舌芯，口感好有嚼勁，真係好好味。A5薩摩牛嘅赤身肉，肉質真係一流霜降肉入口即溶，想加追。店員都好親切，仲幫手燒肉，燒得好好食。鑄鐵焼A5挽肉配蘭王蛋好有亮點，肉汁多到撈埋飯食，好滿足！厚切白豚腩燒肉片亦都唔錯，脂肪同肉質嘅比例剛剛好，一燒就勁香。京畿道柚子嫩雞腿，雞肉嫩滑，味道清新。我仲加咗$99嗌兩人份蒜香A5和牛炊飯，好香麻油味，平時唔好食飯嘅我竟然食晒成碗飯。同埋加咗半放題，Suntory生啤飲品任飲，抹茶雪糕、厚切白豚腩、京畿道柚子嫩雞腿、辛口味噌牛腸任食，真係可以飲飽食醉🤤…查看更多

今日朋友係中環放工，soho附近有好多餐廳，今次嚟到呢間pizza店，位置稍微隱秘，但店內cozy 好適合一大班朋友聚會！😎🔸德國風情 Uncle Ping Gor ( German culture) $178德國肉腸，蜜糖芥末，車打芝士! 餅底薄而鬆軟，材料都幾多，而且個Pizza都幾大，食到好飽！😂🔸火山爐露絲瑪莉烤雞翼 BBQ Rosemary Chicken Wings with Honey Sauce $98雞肉好嫩滑，而且都算大隻，雞翼外皮燒到好香脆，再配埋蜜糖同rosemary，令咸甜中和，越食越開胃。🔸意式炸魷魚圈 Deep-fried Squid Rings $88Finger food，好適合同朋友吹住水share食，而且份量都好多！今次係inline訂位，之後見openrice都有得book位🫢…查看更多

今日放工同朋友去荔枝角行街，向長沙灣方向行，經過呢間泰國餐館，我哋俾佢文青嘅裝修風格吸引咗，仲有佢二人套餐價錢相宜，決定喺度食晚餐。餐廳環境舒適，適合一班朋友聚會，好cozy。最後決定點二人晚餐B ，我哋揀咗小食拼盤，馬拉盞通菜，泰式牛頸脊船粉，仲有兩杯飲品。🧡柚子沙律味道非常清新，好開胃，份量都幾多。估唔到仲有幾隻蝦，蝦肉鮮甜。🧡小食併盤有炸春卷、墨魚餅、魚餅同蝦餅，相信係即叫即整，上枱超熱超脆口，特別推薦蝦餅，啖啖肉同埋好彈牙。🧡必點！！泰式牛頸脊船粉呢道菜非常有驚喜，湯底濃郁食到泰國嘅味道。牛頸脊份量多，有牛肉嘅鮮味，麵質都爽口彈牙，非常掛湯。🧡馬拉盞通菜通菜份量好多，馬拉盞炒得好惹味。🧡龍眼冰口味清新，唔會死甜，唔錯。成餐飯埋單每人200幾，食到超飽好滿足，推薦。…查看更多

一向都知天后好多嘢食，今日嚟到清風街火五越式牛肉粉專門店，因為係OpenRice見佢價錢相宜，一於嚟試一試。大概七點左右入座，好彩一早打嚟預約，因為已經全場坐滿客人。呢到環境光猛，坐得舒適。每張枱上面放置左佢哋秘製嘅醬汁，有越北是拉差醬，河內沙嗲XO醬同埋越式海鮮醬，好吸引。呢度用半自助形式，可以自己去斟水。我同朋友各點左一個粉麵，店員隨即每人派咗啲芽菜同香葉，而每張枱都有辣椒，適合唔同人嘅口味。手作扎肉米紙卷 4件 $32由於想食得健康啲，特登揀咗個清淡啲嘅米紙卷，扎肉好食，而且可以食多啲蔬菜，推介。意大利黑醋汁蒜蓉牛油雞翼（5件）$38呢個雞翼非常有驚喜，冇諗過外皮可以揸得咁香脆，牛油味同蒜蓉味加埋非常香口，入邊雞肉仍然保留嫩滑多汁，食唔停口。凍檸茶$16 荔枝紅茶 $19本身諗住聯點一個飲品，冇諗過荔枝紅茶竟然有果肉，入口淡淡荔枝香，唔會太甜之餘仲有大大粒果肉咬，下次會再飲。火五生牛肉粉 $42朋友食嘅生牛肉粉，呢個價錢冇諗過份量咁多，連生牛肉嘅份量都好多，湯底香濃，生牛肉嫩滑而且冇筋，再重口味啲嘅朋友可以自己加啲醬汁，好抵食。越式老火花膠雞湯河$56本身想食魚翅嗰款湯河，但係今日已經賣晒，所以嗌左花膠雞湯，估唔到都有四五舊花膠，認為足料而且花膠一啲都唔聲，有少少媽媽煲花膠湯嘅感覺，雞肉入口滑，而且大大嚿，呢個價錢真係唔知點樣做到，唔怪得知咁多人嚟食。同朋友兩個人亂嗌，每人都只係$100 ，非常抵食啊，而且坐得舒服，店員完全冇趕我哋走，絕對要再嚟！…查看更多

平時串燒就食得多但係估唔到有一間串燒店係主打食豬肉嘅。好彩一早book咗位，見到鋪面唔算太大，不過坐滿人。入咗之前每位客人都要預先量度體溫，咁就食得安心又放心，而且有酒精搓手液供應，幾貼心！被安排坐喺吧枱，面對住燒串燒嘅兩位師傅，好有日本居酒屋嘅感覺！燒鱈魚乾 $40呢個小食我見好多人都有介紹，諗住試一試，點知完全冇失望，果然好好味😋平時啲鱈魚乾可能好乾凍哂，不過剛剛燒好嘅呢就仲有熱度，而且少少🤏🏻juicy，送酒一流！山之井純米大吟釀 $588今晚想飲少少酒，店員就好細心問我哋想飲咩類型、咩口味嘅酒。最後佢介紹咗呢一款大吟釀！我同朋友都覺得幾清甜、易入口，送串燒好正，不經不覺就飲咗好多。店員好體貼咁俾咗呢個冰桶我哋，可以直接成支酒擺入去，連埋冰桶拎住倒，就可以保持到清酒仍然飲落口嘅時候都係冰凍嘅感覺。Moku moku 沙律$98食串燒之前仲點左呢個沙律，餐廳話得專門食牛當然沙律就用咗西班牙火腿，配埋蒟蒻，生果，洋蔥、羽衣甘藍等，連埋醬汁食超開胃。刺身盛（四款） $228油甘魚，油脂味重，充滿整個口腔。赤蝦大隻又新鮮、三文魚夠厚切。帶子同樣好大隻， 傍住檸檬味道鮮甜。煙燻豬腩 $128呢個豬腩仔不得了好有平時燒烤嘅感覺。食落口煙韌，又有煙燻嘅味道，加埋個芥末醬真係一流。西班牙黑豚肩肉串 $38肥瘦均勻，充滿油香，食落唔會過韌，易咬。豬肝串 $28第一次食燒嘅豬肝，平時絕對唔會食內臟，但係朋友叫咗，就冒險試一試。點知有幾易入口，點埋醬汁食都幾好味味。豬腰子 $28都幾出奇原來豬係有腰嘅，都係第一次食佢呢一個部位，好彩唔會過騷。雞翼串$32雞翼燒得好香油味同埋雞味。外皮有啲脆，食落雞肉非常嫩滑，大推！粟米$58粟米係另一驚喜之一，好多串燒店都有粟米，不過呢個粟米燒完真係好有粟一燒嘅感覺。啱啱擺上台已經覺得好香粟米味。…查看更多

鍾情慢煮食物，於是今個星期五相約友人，試試位於上環與西營盤之間一道小巷入面，一間不太顯眼，如果不刻意找，很有機會錯過的慢煮餐廳 — 我愛慢煮。餐廳是以半自助形式運作的，坐低睇完餐牌之後，可以到收銀處跟店員落order同付款，然後就可以慢慢坐低等店員為你端上食物。唔好以為買慢煮食物就要等好耐先有得食，此餐廳的上菜速度快得驚人，而且每款食物都很惹味。西冷牛扒小 $138我同朋友分享切開後每人可以有四到五舊，望落以為好熟，但一咬落去發覺非常多肉汁，而且好易咬，一啲都唔韌。慢煮嘅方法能夠鎖住肉汁，佢哋做到！扒上面加咗黑椒同香草🌿好香，送啤酒一流。法式豬鞍架 $138我好鍾意試慢煮餐廳的豬鞍，佢哋用上咗同埋西冷相類似嘅調味料。同樣地，豬鞍都好juicy，易切、易咀嚼，同朋友分享剛剛好。牛油卡真蝦仁串 $36非常好嘅佐酒小食，大推！每串有三粒蝦，蝦嘅香味配上香草更加突出。感覺燒得啱啱好，做到外脆，咬落後不會過於太熟。紅酒梨配雪糕 $38梨被紅酒染上微紅色，咬落去有淡淡紅酒味🍷，好香！雪糕雖然食唔出係咩味，不過都好滑。以呢個價錢來講覺得好抵！推介以下兩款好易入口嘅比利時🇧🇪啤酒🍻比利時香桃水果啤 $42比利時琥珀啤酒 $42…查看更多

自少就是雞翼的粉絲，但這家餐廳倒是第一次吃。我被餐牌上的雞翼口味震驚了🤯沒想到原來雞翼也可以主煮成麼多口味，甜酸苦辣不在話下還有濕的、乾的。單在餐牌上選擇已經花了一段時間，幸好枱紙印有不同口味的雞翼相片，能讓食客預先知道不同雞翼口味的模樣，唔怕揀錯！巴馬臣芝士蒜蓉味 ($69/6隻)乾身雞翼種類，海量的巴馬臣芝士條，鋪在雞翼上！極重芝士味。蒜蓉味也突出，雞翼雖然是乾身的，但肉質嫩滑不嚡身。加上蔥粒更加提升鮮味。新加坡辣蟹味 ($69/6隻)濕身雞翼種類，不算太辣，雞翼上鋪滿炒了的、切碎的蒜粒。食落口味道真的有星加坡東南亞風味！餐廳細心地每台擺了一個小鐵桶，讓你把雞骨倒內乾淨衛生。烤蒜龍蒿大啡菇 ($75)餐廳在用蒜上非常慷慨，大啡菇上同樣鋪滿堅多的蒜粒也有蘑菇粒。剛煮熟，切開後非常Juice，好軟熟，，菇的鮮味很突出。雞翼啡菇配啤酒一流。下次一定會試埋他們的雞煲！…查看更多