ylchan5412的个人专页

今日去左試一路都想食既Amitie Kitchen😬位置好方便 厚福街H8 去到都好多人 book 左都等左一陣間 侍應姐姐態度幾好 幫人客量位體溫先入座 位同位之間都有膠板隔開 防疫有做足👍🏻首先上既係餐包set 有三款包 配牛油同果醬 呢個真係要讚 包係暖笠笠軟綿綿既 好有誠意☺️前菜我叫左加拿大海膽呑那魚他他牛油多士 份量surprisingly 大份😳😳😳 超級足料 味道好夾 好開胃主菜係好特別既黑松露蕃茄韓國年糕配慢煮雞肉 個汁好香好好味 係新鮮煮 加左蘑菇同紅椒 唔係罐頭蕃茄汁 年糕好彈牙 雞肉好嫩 兩種質唔同既食材有變化得黎更加突顯到個蕃茄汁既鮮味👍🏻最後係牛油果炸軟殼蟹burger 配蕃薯薯條 個自家制醬汁甜甜地有蘋果既香味 點蕃薯薯條好岀色 😬😬成個晚飯都好正 有心去諗食材既配搭 份量合理 而且好味又唔貴 hkd480 食到咁多野 我覺得有良心呀 會再幫襯❤️❤️❤️…查看更多

尖沙咀鮨一❌❌❌好多好評睇落正常 食落唔得🙄hkd348 十貫sushi set 十件得一兩件好食 刺身好普通 用料無特別末至於好難食 但真係唔係好食又唔係平服務直頭係差 等好耐 冇人理 接近無服務🥱🥱🥱應該無下次 😓😓😓 …查看更多

去咗試食一間係日本好出名嘅拉麵🍜Afuri😬我記得我喺日本食嘅時候排隊排咗一個鐘頭🤣呢間餐廳嘅主打但係柚子味拉麵係真係幾特別嘅 第二啲地方食唔到今次我揀咗柚子甘露沾麵而肥仔呢就揀咗辣味嘅柚子拉麵兩款麵嘅係完全唔同既沾麵嘅質地呢係粗身啲好彈牙嘅拉面嘅質地呢就係幼講新啲同埋硬啲味道方面呢我覺得我嗰個沾麵係冇得輸 佢個豚角煮真係好入味好好食脂肪分布係一流❤️❤️肥仔嗰個拉麵呢就酸酸辣辣有少少似榨菜嗰種酸辣 辣得黎係friendly 既👍🏻兩個主食都好唔錯😋😋另外我哋仲食咗一個小食軟殼蟹夾麵包 麵包真係好鬆軟好香建議餐前食 非常開胃間餐廳有酒精類飲品同非酒精類飲品 我哋試咗兩杯柚子酒唔錯呀味道偏淡同拉麵一樣都係柚子做底所以呢味道好夾😍成間野都幾好 希望可以有多啲日本嘢食開到過嚟香港啦🥳🥳🥳…查看更多

十分岀色黃店🌟🌟🌟Holly Brown at D2 place👍🏻大蝦帶子墨魚汁寬條面 面底好香好有咬口 煮得唔錯 配料洋蔥蘑菇都有水準 略嫌大蝦同帶子粉量偏少 燒春雞配薯條 好大隻雞完隻上 兩條人都食唔哂 雞肉係嫩既但未至於好嫩滑 雞皮好香但雞肉本身味道就稍稍單調 如果有醃到入味會更好 薯條沙律都很不錯 整得幾有心機❤️❤️飲品我地揀左凍朱古力同荔枝果茶朱古力奶味重又唔會太甜我好中意😍果茶荔枝味好岀 但飲到最後會太甜建議加水 总括黎講係幾好既😬😬原價hkd600 到我哋今日去有promotion, 折左300 幾蚊好抵食推介❤️❤️…查看更多

撐黃店 食牛角🐮好多分店好方便👍🏻👍🏻我已經食到有心得尖沙咀海港城request 窗口位景觀無得嘆😍皇室堡近維園 位置夠方便🤓午餐套餐十分抵 晚餐散叫都唔貴👌🏻hkd60 個拉麵 hkd50 碟香草雞 價錢算合理 有平有貴有和牛😝仲有coupon 送 設計用心 制作精美 好野黎🌟🌟🌟…查看更多

去咗3 次終於有一次係未賣哂日本紅到過黎香港既幸福pancake 🥞 真係真係好鬆軟😚😚甜而不膩 個牛油真係神來之筆🌟成件事簡單得黎岀色好好味呀❤️❤️❤️hkd80 only 少少貴啦 不過好味無計🤣 …查看更多

車仔麵界唔係第一都第二既元朗永年車仔麵😋😋中意食辣既朋友仔真係唔可以錯過我呢d 廢既😅剩係食到微辣 試左一啖中辣真係唔講得少好在叫左杯抹茶紅豆冰解辣一流😚好味又抵食 兩個餐都係百二蚊埋單 十分推介👍🏻👍🏻👍🏻…查看更多

旺角新廣南純粹經過 有人介紹話好得所以試下🤔舊式香港茶記 不過不失咖啡好濃 不過我比較喜愛重奶味既咖啡所以不是很對味🙈西多唔錯 好正蛋香 冇花生醬夾心 不過我就係唔中意花生醬 所以啱啱好👍🏻希望 呢d 小店可以一直經營落去查過和你Eat 應該係非黃非藍🤨我之後會盡量多食黃店 如果我唔小心食左藍店 真係唔好意思👉🏻👈🏻如果你咁啱知道 請你話返俾我知 大家一齊努力啦💪🏻💪🏻💪🏻❤️❤️❤️…查看更多

好耐冇update 終於返來了❤️😂介紹一間係中環唔屬於美心集團嘅點心 喜相逢🙆🏻‍♀️佢喺萬邦行位置好方便喺正中環正中心價錢唔算貴二百幾蚊食到好飽😂我覺得佢啲說雪山包做得相當出色 以前呢就係杏汁雪山包好出名 而家就轉咗做叉燒雪山包 都唔錯👍🏻 另外我最愛就係佢個豉油雞真係好入味 雞肉又嫩又滑 不過今次就冇叫到 叉燒我都推介㗎 半肥瘦啱啱好 個炒飯就麻麻哋了🤭 有時好耐冇食點心真係會掛住 蝦餃好好味雖然40幾蚊一籠我可以買到好多叮叮點心但係呢個真係好食好多好多倍🤤🤤 希望佢唔好執啦我真係唔想去美心飲茶🙈🙈…查看更多

今日去左V walk 囍越What The Pho食到一半見到有一條條好似咀蟲咁既野 🤢🤢🤢侍應話問左廚房係奶渣 🤨🤨🤨大家覺得係奶渣嗎❓❓❓我點睇都覺得係咀蟲... 🤮🤮🤮作為一個負責任既foodie 我寫左email 俾佢公司 希望佢哋真係會查証下係咀蟲定奶渣啦 🙃🙃🙃大佬我成日食 好驚驚🙈🙈🙈 …查看更多

試左外賣大坑岀名既黃店Second Draft🤣 Fusion 菜 好特別😆😆 腐乳Carbonara 真係第一次食 半生熟蛋煮得啱啱好 捞落個意粉到又香又滑🤤🤤🤤 西多士入面係流心架 好驚喜🥰🥰牛肉三文治有水準 牛肉足料又嫩滑👍🏻👍🏻我會再幫襯呀 not bad ❤️❤️…查看更多

呢期好忙 更新慢左🙈🙈介紹一間一直想去都未去既餐廳❤️紅左好耐架啦 以前成日都冇位 最近終於去咗食🤤搖搖海鮮袋 尖沙咀The Captain’s House餐廳環境舒適闊落🙆🏻‍♀️侍應好有禮貌招呼週到😊海鮮袋hkd398 可以揀三款海鮮 我揀左青口 蝦 同帶子有三款汁 我揀左牛油檸檬汁 好味既 入面仲有薯仔腸仔粟米 兩個人食都夠食既 個汁好開胃 自己戴手套點海鮮汁食 係幾好玩既體驗黎既 好似漁人碼頭食海鮮咁 海鮮味道質地大小都合格👌🏻 建議好朋友/ 情侶去 大家一齊用手點汁食如何唔熟都幾老尷🤣價錢唔係好抵 咁但係成個package 體驗良好😆😆值得一提係酒相對唔貴 hkd58 一杯sparkling wine 送海鮮味道有加分👍🏻👍🏻我係推薦既❤️…查看更多

好似好耐冇寫食評🤣呢排真係好忙🙈🙈成日都講啲好食嘅嘢 不如講吓啲唔好食嘅嘢🤭🤭呢一間啦係前排好鍾意食嘅大戶屋佢個銀雪魚同埋佢個炸豬扒都好好食但係呢個牛肉壽喜燒真心中伏🙃🙃個湯底好鹹 鹹得來又唔覺得佢特別好味 牛肉唔夠滑絕對唔係入口即溶嗰隻 咁當然啦百幾二百蚊唔會expect佢係和牛咁嘅質素 但係好老實呢一個比起我之前喺尖沙咀食另外一間70幾蚊嘅 70幾蚊嗰個仲好食 😖😖所以係唔抵食 不推薦啊🙅🏻‍♀️🙅🏻‍♀️🙅🏻‍♀️…查看更多

介紹吓香港本土特色嘢食❤️冇錯又係元朗啊呢排成日都去元朗🙆🏻‍♀️坐落喺又新街有一間好出名嘅花生糖 其奧花生糖 🥜 舖頭已經係由第二代接手啦 間唔時會見到佢喺舖頭門口炒花生糖 親力親為💪🏻💪🏻 真係香港本地野 除咗花生糖之外都仲有好多賀年小食 其實我新年都會去幫襯 花生糖同埋啲小食都好香口好好食 如果唔係怕熱氣真係會想成日都食😋😋呢啲香港嘅特色小店真係買少見少😢😢 希望我哋可以幫襯多啲☺️☺️等佢可以繼續存活落去啦🙆🏻‍♀️🙆🏻‍♀️🙆🏻‍♀️…查看更多

元朗名物❤️❤️燒賣皇后🌟豬肉加魚肉嘅燒賣確實同我哋平時喺七仔食既燒賣味道唔同 口感紮實好多👍🏻👍🏻佢同酒樓嗰隻呢又有啲唔同 🤔🤔 因為酒樓主要材料係蝦 如果去開元朗不妨試一試 係幾有驚喜嘅🙆🏻‍♀️…查看更多