靖能量的个人专页

我已經好多年冇寫食評，但比左700蚊換黎既食物同服務質素，令到我不得不開返個account 寫篇食評！我地一行四人，一坐底我媽咪問有冇餐牌，戴住Pandora 手鏈既女待應話一張menu share 睇。我冇聽錯丫嘛？呢度真係conrad?!之後我地揀左個忌廉湯，非常差，冇味道。Crab cake ok 但已經冇半年前食咁新鮮了。最可怕既係呢碟牛柳，居然又嚡又硬！食物完全唔掂！我地一年大約會黎四次，會食Sunday brunch 會食dinner....我地一家人都決定左唔會再黎！total $2400 4個人，冇service 冇食物，點解要咁對自己？我誠懇地希望conrad 會好好反醒點樣對待客人點樣尊重自己既招牌。…查看更多

小王牛肉麵，遠近馳名，終於.....比我等到佢黎到港島區喇!!!!仲要係銅記!!!!!同朋友試左幾樣野，牛肉麵，今次食個樣唔多靚，不過味道一樣好....可能係我食過最好食既牛肉麵!呢個排骨其實我唔想嗌, 心諗點都唔會好食過香港既生炒排骨架喇~但係朋友話要試....唔通話唔好咩~點知呢度個台式黑醋骨食落比生炒排骨更惹味喎....呢個酒釀蝦真係無得頂.....酸酸甜甜咁真係令人食到好開胃!希望係港島區有多D 分店啦....最好係灣仔/香港仔…查看更多

復活節假黎到德福廣場行街，行過見到相當吸引的雪糕bar, 而且仲寫明係用北海道3.7 牛乳造既, 即刻入去試!左揀右揀，最後揀左隻白熊戰船!佢之所以係無敵，相信除左因為佢係"戰船"之外，可能係因為佢係menu內唯一有齊兩隻雪糕味既組合掛....3.7 牛乳原味軟雪糕:入口奶味極濃郁，雪糕無比滑溜，冇得輸。3.7 牛乳綠茶軟雪糕:綠茶味清新香濃，奶味仍然純滑濃郁，確係令人心醉。紅豆:平時好怕出街食紅豆，因為出親街食多數都係超硬唔起沙....但好驚喜呢度既紅豆竟然熟透而且起起沙!糖度適中真係好好味!水果配料: 士多啤梨、藍莓、香蕉都新鮮，非常唔錯的一個香蕉船呀!食完雪糕飲番杯玫瑰花茶, 大大壺都係三十幾蚊。 見到隔離枱個個都食流心蛋飯，個樣好似都幾靠得住，下次一定要黎試過先得!…查看更多

從前最愛赤丸的烏冬，當年係apm 經常食，但後來apm赤丸結業後就好少去其他分店了。當年記得湯烏冬/ 凍烏冬係10蚊一碗，天婦羅茄子5蚊兩件。可想而知有幾耐冇去過喇!今日係青衣偶遇，簡直有種撞到老朋友既感覺，一定要入去話當年啦!打開餐牌，湯烏冬已經24蚊一碗，天婦羅茄子15蚊兩件，證明時間真係過得好快好快!天氣有少少熱，就叫左個中華稻庭風凍烏冬!配菜正常屬好食既水準，蝦新鮮炸起，粉薄蝦爽，其他蟹柳腐皮都係交番黎, 冇咩特別，唔會出事既味道。最重要係個烏冬，以前係apm 真係見d日本人手打烏冬，一條條"猜"出黎，今日見唔到呢個畫面，不過d烏冬同以前一樣都係咁煙韌幼滑!!!!!!!!!!!非常令人感動的一個烏冬質感!以前的凍烏冬係配昆布汁，依家就配芝麻醬，兩樣都好味，味道非常配合凍烏冬!如果港島有赤丸的話，一定會係我飯堂...…查看更多

是日落大雨，隨便搵一間唔洗等位既食肆開餐,一坐底，我同友人隨即就揀左京醬麵,唔洗五分鐘，熱辣辣的京醬麵就捧到我面前麵條煙韌可口，肉醬味濃，青瓜絲中和肉醬的咸，非常唔錯! 可惜.....食完就變成"驚"醬麵了竟然變成左一碗油其實我都唔知d 油係邊度黎，個醬點解要落咁多油呢?百思不得其解，實在太可怕.....推介唔推介，還是留給你選擇好了…查看更多

是夜跟足法國人食Crepe，Order左一鹹一甜，鹹的點了La Bigoudene做主菜，甜的點了La Admiral's Cup作甜品。La Bigoudene屬最傳統既Crepe，有火腿、mushroom 、芝士同雞蛋。但食唔到蕎麥香味，事實上係好夠薄同埋有好多小孔，但真係做唔到正宗Crepe既乾爽香脆, mushroom 無味道的，火腿亦睇唔到係用上等貨，好像三花牌也不如呢....甜的正常邊位要脆口，但你看邊位都跟住碟下垂了，怎會脆口呢?啤梨開罐頭，cream 亦然, 不是自己打的......實在想不到值得吃下肚的原因。最後點了杯hot chocolate, 其實我好怕用朱古力漿開既hot chocolate, 甜到無曬朱古力味.....但嗜甜者不妨一試。總括而言，我自己唔太岩呢度既口味，應該唔會再幫襯了，但這裡服務是一流的!…查看更多

對我黎講，黎到勝香園，必食的就只有檸檬蜜糖脆脆，師傅用多士爐焗麵包，稍燶的包面都會用刀幫你刮走，確保你唔會食到一吋燶的部份!再用牛油同蜜糖塗滿整個包，令每一吋包面都充滿牛油蜜糖，最後更會細心地分為四件，讓你輕鬆品嚐~檸檬蜜糖脆脆外皮非常鬆脆，內裏則是軟綿綿的麵包! 人間極品都只係賣緊 $11!另外叫左蕃茄午餐肉雞翼香腸麵 $31，午餐肉雞翼香腸麵屬正常茶餐廳水平，蕃茄湯底當然係勝香園靈魂，不過總係覺得勝香園既蕃茄湯底落左太多茄膏同茄汁，濃濃的茄味並唔係長時間熬製而係加左好多調味而已，特別係當你食通粉既時間，茄膏湯底更係一舊蕃茄都搵唔到，唔知道點解咁多人鐘意並非真材實材的茄膏湯底，可能係中環無其他地方有類似既食物吧!最後係爆檸 ，爆檸屬懶人之選，即係幫你篤埋既凍檸茶，味道好，茶味同糖水份量配較得宜，一般老字號街坊茶餐廳都能做到的品質，難唔到勝香園啦!…查看更多

基本上中環沒有泰國菜，但最近附近開了一間新的泰菜小店! 可惜....質素令人相當失望!泰式海南雞飯，雞的部位及份量還不錯，只是沒有味道。飯特級差, 你看看相片，也看到一舊舊的，那是又硬又毫無味道的雞油飯，還要是凍的，怎麼辦?!醬汁亦不合格，一點味道也沒有....冬蔭公海鮮湯河, 看外表不錯, 嚐一口.....天啊!!!!冬蔭公 - 點解會得微辣而且一點酸味都沒有架?????只有奶味....海鮮 - 蝦蝦蝦同埋蝦......就係4隻蝦, 蝦都好食, 彈牙又夠大隻.....但你極其量都只可以叫冬蔭公蝦湯河吧? 海鮮在那裡呢?河粉- 滑, 但份量少得可憐, 河粉應該成本不太貴吧? 45 蚊比多2啖我食可以嗎?白飯配白烚豬頸肉一樣，若正在吃減肥餐單的話是不錯的選擇，只是減肥也不會吃豬頸肉吧?其實我一向很支持小店，總愛用心製作食物的人，只可惜廖廖可數的lunch set 及十個座位，每次只需要serve十個客人，食物質素都如此強差人意，實在感到非常意外。我寫的第一個喊 …查看更多

星期日確係為左雞蛋仔入大澳, 2年半前食過一次, 非常令人懷念....一年之後係星期三閒日去過一次, 點知原來伯伯休星期三的!!!!當時真係非常非常失望!嘻嘻嘻...今次終於比我食到喇!!!今次食一d都唔脆....2年半前, 雞蛋仔一入袋...雖然係咁....但蛋漿既味道點都係好過普遍既雞蛋仔檔既...只係我要求比較高，或者係我對雞蛋仔特別情有獨鐘吧! 希望伯伯你身體健康, 有空時再入大澳仍能品嚐到你獨有炭燒雞蛋仔!…查看更多

黎到Hero, 睇食評都未見過有一碟意粉, 偏偏我黎親都只係食個意粉....以下為中環打工仔之平凡中顯不平凡推介!正宗的卡邦尼意粉，其實唔係用白汁煮，只係用雞蛋加芝士做成醬汁~呢度50蚊既卡邦尼意粉連野飲, 唔算好正宗，而且都幾肯定係有落忌廉同鮮奶..不過, 佢勝在齊曬正宗Carbonara既材料: 意大利粉、火腿片、芝士、溫泉蛋和黑椒，意粉軟硬適中，每一條意粉都比蛋漿包住，加上半溶而濃稠的芝士，確係滋味無窮!另外, 如果你唔鐘意Carbonara，仲有個tomato sauce 比你揀, $55 連野飲!順帶一提，呢度唔洗加一, 飲鮮奶都不另收費。而我選擇既hot milk 都非池中物，係打到起泡既熱鮮奶! 係凍冰冰既日子, 呢個價值飲住呢杯誠意打造既熱鮮奶, what more can you ask for? …查看更多

黎到鈴木咖啡室，大家一般都係食沙律、意粉同飲咖啡，而我每一次黎到鈴木，都只會食一樣野，就係超級無敵心太軟喇!在這裏吃心太軟，你先要等二十分鐘，有足夠時間讓你期待，靜靜的等待那最美好的時刻。甜品端上面前時，是一份驚喜! 巨型心太軟真會令你心花怒放啊!嚐一口的一刻，是一份回味無窮的浪漫... 這裏的心太軟與別不同，沒有冷冰冰的雪糕，卻有新鮮芒果漿和幾片菠蘿，巧妙地中和了心太軟的甜味!味道更突出! 相比起用貴價雪糕伴心太軟的餐廳，這裏的配搭更見心思。而且11cm直徑的心太軟，只售$54, 加埋一都係$60有找，去那裏找? 就如餐牌所言，真的不會讓你失望啊! 鈴木的心太軟由中學食到依家....很奇怪它經常比人遺忘，卻是我的誠意推介!題多話: 小女子第一次寫食評，還望多多支持!…查看更多