feedskibee的个人专页

一入到去見啲裝飾都唔錯 同朋友傾計吓都幾啱feelCafe走簡約悠閒風 唔會太花巧 可以放鬆咁食吓嘢蜜糖雞翼 $37蜜糖芥末雞翼 $37雞翼好有驚喜因為一咬開就係咁出煙！應該係即叫即整。個皮都幾脆。香草烤春雞配薯菜 $148燒春雞都好熱 大部分雞肉都好嫩 配埋個bbq汁就更加惹味 BBQ汁燒豬肋骨配薯菜 $148豬肋骨好淋好夠味 配菜嘅焗薯外脆內軟又夠味炒椰菜苗 $49炒椰菜苗略鹹好大陣蒜味紅白藍膠袋 $55酸酸甜甜幾開胃朱古力誘惑$59入面仲有朱古力粉同cream 充滿濃濃嘅朱古力味臨走先見到原來有咁多board game 下次再嚟玩！…查看更多

夜晚去咗大角咀 見到門口餐牌啲豬手香腸好吸引！即入！仲有個套餐 有豬手香腸nachos 揀埋啤酒都得！都係300幾蚊 除開兩個人幾抵食另外有生蠔同happy hour飲品價惠！主餐牌價錢標明晒喺門口 睇清清楚楚唔怕入去再左揀右揀啦不過熱氣唔想食nachos 於是無叫到餐散叫可以flexible啲！細細間唔多位但入面裝修都唔錯 有好多德國嘢裝飾店員服務又幾好 反而鍾意呢種小店feel德國脆豬手一嚟必點豬手！另有德國白豬手 不過都係忍唔住試吓個脆豬有幾脆好大份 點埋醬好正！停唔到口最鍾意食啲脆皮墨西哥芝士薄餅份量唔錯 芝士再多啲就再好啲😛不過個醬抵讚 好食德國香腸拼盤淨係識最長卷起嘅紐倫堡腸其他就唔知叫咩名 不過款款都煎到個皮脆脆地 好夠味！另外配酸洋蔥同薯角 同埋有茄汁芥末點薯角好高質 新鮮炸起好好食 夠厚身又脆皮Das Bier 招牌啤酒味道ok 清清地 下次可以試埋其他有咩分別！…查看更多

同朋友兩個人6:00就去到食完全唔使等位 不過食到中間餐廳開始full晏少少食應該要book位好啲🤔餐廳嘅裝修同餐廳名好夾，一入到去就見到好多同Pizza有關嘅Poster餐包 洋蔥蘑菇湯餐包塊皮好煙韌入面好鬆軟，都幾掛湯，配埋橄欖油同醋都幾好食湯蘑菇味都幾夠，點個包都好食:)巴馬火腿芝士薯條巴馬火腿炸到好脆 薯條唔算太脆 係比較粗身有咬口淋少少西班牙黑毛豬扒豬扒好淋，一啲都唔韌，蘋果蓉好fresh，蕃薯條好甜好好食！豬扒厚身好抵食！:)蟹肉大蝦pizza蝦都幾彈牙個汁都好食12吋好大差啲食唔晒！鋪滿蝦肉蟹肉！朱奶有童年係屋企沖朱古力飲嘅味道好飲唔似一般紙包飲品咁死甜😆Vanilla牛奶好甜 vanilla味都幾香🥳仲有其他蛋糕可以做甜品！…查看更多

見唔少人喺呢間打卡 又鍾意食意粉望相係唔錯嘅啲嘢食 但淨係得賣相有咩用呢座位唔多 嚟到店員安排坐梳化 但張枱未執嘅見無專門傳菜嘅侍應店員執好枱又要入返去幫手煮所以落單或者叫店員幫手要等好耐好耐...唯有寄望喺嘢食 但好失望！！！花茶都唔錯嘅 沖第二次都仲好香等咗好耐終於有湯飲吓....😕跟餐洋蔥湯 偏鹹 不過都足料嘅香草蘑菇貓耳朵意粉質地都ok 個汁都濃 好味 不過份量唔多兩個人太餓 好快share清咗呢碟 不過呢碟係飲完湯好耐先到....☹️☹️☹️蟹肉南瓜意大利飯呢個真係食到嬲 食完貓耳朵等咗好耐其實賣相好靚 影完相即刻試吓味...但一食 成碟內外都係凍嘅😠唔係微暖 係真係凍 即刻同店員講 又等咗陣先叫到佢店員拎返入去話幫我地整返熱等咗10分鐘左右 佢拎返俾我地但好明顯係就咁叮返 食過嘅形狀無變過個味道其實唔差 但啲飯硬到係未熟嘅程度再問問店員 佢話再煮都係一樣 因為佢地用正宗意大利米...............結果叫過另一碟意粉取代算...櫻花蝦蜆肉牛油炒意粉意粉好似安全啲 好多櫻花蝦 蜆肉都大粒但過多牛油 成碟意粉好油膩份量都唔多 由於等咗太耐所以就好快咁照清咗佢:(:(:(結果餐飯食咗個半鐘好失望 唔會再試了…查看更多

紅雞一向多人排隊 特別係放工放學時間小店賣嘅都係簡簡單單嘅班㦸同雞蛋仔等唔多特別味 但都有幾款係特別多人買芒果沙律班㦸外賣返去食 班㦸已經凍咗芒果凍凍地 好大舊好甜夾埋班㦸 原本一冷一熱係好啲芒果已經多汁 再加埋啲沙律醬 班㦸就唔會太乾 好食嘅！…查看更多

又一個週末上午 嚟飲茶食點心之前食過啲點心都唔錯 雖然款式少啲今日再試試！鮮蝦菜苗餃好大隻 上碟啱啱蒸好脹卜卜 好吸引入面料好多 蝦肉都好大舊菜苗都淋 個皮就都煙韌 好食！蝦餃蝦餃嘅蝦都唔差 一樣多都脹卜卜個皮同菜苗餃一樣煙韌 食多幾舊都唔厭！豉汁鳳爪上次好似無食呢個 個醬都幾濃好入味 鳳爪肉又唔會淋晒仲有得咬吓嘅口感👌🏼👌🏼🥺…查看更多

台灣餐廳香港越開越多呢個門面都幾靚 比較上貴價少少但食物質素唔差 款式都多呢個蠔仔餅就一般 只係一般煎蛋食咗蠔仔蠔仔份量又唔算多 唔太抵食反而個滷水拼盤有驚喜！好大份好多唔同嘅滷水食物 雞翼豆乾滷水蛋等等都滷得幾入味 正！肉燥撈麵 唔算太特別味道不過不失 但份量都ok嘅…查看更多

依家原來有好多分店之前都係食過一次 今次再試試其他嘢食！首先係好鍾意食嘅米紙卷有三款 牛油果蝦肉 雞肉 扎肉一份30幾但有4舊都算足料嘅都還可以點埋個汁酸酸甜甜好開胃 唔錯！豬扒撈檬 好招牌嘅越南嘢食份量都多 豬扒唔算硬 有少少乾撈埋啲配菜同汁幾好食！…查看更多

門面好靚嘅西餐小店🥰入面裝修都幾有feel餐牌會成日轉 有唔同食物可以試Set dinner包蒜蓉包同湯包無咩特別 是日湯係紫薯湯 又幾得意 無飲過牛舌忌廉雜菌意粉🥰好味牛舌幾淋 唔韌又好大塊 夠鹹 正！意粉汁都幾濃味 掛汁 食完成個有啲啲膩紐倫堡腸配薯菜 個腸仔味道唔錯！唔駛點醬都好夠味 薯菜就一般不過呢個set份量較少 男仔食嘅話應該唔夠飽了…查看更多

裝修吸引嘅西餐廳！午餐set lunch有優惠好吸引約咗朋友食lunch 叫咗個pizza同甜品share招牌pizza之一 有辣肉腸 芝士 番茄 焗得幾脆 芝士都好香 有拉絲🥰🥰好大份 兩個女仔食埋甜品差啲食唔晒其實主要係為咗呢個甜嘅pizza先去the point🤪有幾款唔同嘅配搭 叫咗見人介紹嘅梨味🤔🤔食落幾重肉桂味 上面有雲尼拿雪糕同杏仁甜嘅pizza感覺無想像咁好食咁特別不過又未至於唔好食…查看更多

紅磡冰室一向出名 最多人食應該就係常餐另外午餐精選都唔差 份量好多早餐都唔差 主要係因為個炒蛋好正！叫常餐其中一個原因係為咗個炒蛋🥰好滑好重蛋味！蒜蓉包都好正！好夠味 熱辣辣好香！撈公有得揀瑞士雞翼同豬扒雞翼味道好夠 隻隻脹卜卜好多肉出前一丁預先撈好瑞士汁 好好味🥰🥰之前食過豬扒 大過塊面 都好抵食！…查看更多

尾張屋同三河屋嘅評價好壞參半但我又一路都覺得幾好食喎🥰小店裝修 但都幾多款式嘢食魚生飯 茶漬飯 仲有其他日式丼同小食今次試咗滑蛋豬扒飯賣相都唔錯 都幾多餸滑蛋望落同食落都滑！豬扒炸得幾脆 又唔算好乾好硬但又未至於食落覺得juicy整體都唔錯🥰🥰🥰繼續係我嘅平價食堂…查看更多

出面裝修已經好有日本小店feel座位唔多得12個 lunchtime去要等一陣餐牌有十多款烏冬底揀有熱有凍嘅冷烏冬兩個人叫咗兩個烏冬 加一個小食做套餐share月見烏冬都幾多客人選擇 有隻生蛋同熱湯烏冬一齊食湯底係鰹魚片煲嘅 唔算太特別小食係關東煮 味道都唔錯有好淋嘅蘿蔔 溏心蛋 魔芋 同菜福袋淨一個醬油烏冬 原本想試三文魚籽烏冬 不過嗰日無🤥不過其實個汁底一樣係醬油凍烏冬質地煙韌好多！咬極都未咬完咁好滿足 好好食個醬油味都唔錯🥰…查看更多

韓國小食小店！雖然價錢比幾年前已經上調啲但有啲食物質素仲維持到！今次買咗個紫菜包飯外賣份量keep到 餡料都算足 有腸仔黃蘿蔔青瓜紅蘿蔔牛蒡肚餓食嚟充一充飢都幾方便不過份量又未多到會飽😂味道還可以就得啦 $28當小食都唔錯！…查看更多

已經成為咗飯堂 一個月至少食一次！因為啲卷物太好食 夠特別 好鍾意！兩個人食就可以試多幾樣嘢share呢間喺樓上 人流少 靜靜地咁享受太正了地中海沙律 份量都唔算少嘅有海藻 生菜 玉子 蝦 魷魚 三文魚籽撈埋都幾好食 但又唔算好特別吉列海老 抵食！$25有三隻都唔細隻 好多肉 炸到好脆 點埋沙律醬啱啱好！牛柳粒都係抵食！都幾大碟 以為會得幾粒上枱係啱啱煎好 好淋！一啲都唔韌好juicy 啖啖都係汁 所以要趁熱食！凍咗就韌咗少少重點！今次試咗極·紅龍 同蝦兵蟹將兩款都正 極·紅龍係最貴嘅卷物但質素又值$150喎🤪上面塊吞拿魚好厚 味道唔似平價嗰啲咁無味入面嘅吉列虎蝦同芝士都好夾而蝦兵蟹將原來係咖哩味！好特別 但又幾夾係其中一款焗壽司 蟹柳夾埋醬份量好夠好好味🥰🥰🥰…查看更多