HaPPyKRisZen的个人专页

本身唔熟嚟區, 喺附近上2日training 見到早餐有雪菜米環境企理就入去, 茶記咖啡竟牛奶另上, 雪米清清地唔會口渴, 芝士拉絲炒旦, 自己細食所以走了多士。整個餐好高質, 食完精神及心情都好D😄 第二日又再去, 如果喺我公司附近一定常幫襯 😋😋…查看更多

復活假期同朋友 early dinner，６點幾到，只有兩三枱客，未坐低已被嚇呆，我們被安排到還未完全清理的桌，阿姐竟然把拿來的筷子放在未抹的枱上，再抹枱... 算吧！自己再洗... 食物一般中式齋舖咁啦，不過不失，但主菜都未食完，就送糖水，當時還未滿半場，就 feel 到被催促快 d 食完快 d 走...明白依家香港地生意難做，但喺食客面前都不顧衛生，唔係旺場都趕客咁款，叫人怎再光顧... 希望老闆有心做就改善一下！…查看更多

前身嘅"和喜"真係難食到冇朋友，所以喜馬開業前班街坊都冇乜期望，仲話同大X樂平手要去還神😂 終於開業喇！早餐嘅雪菜火鴨絲米好吃，米粉軟滑比樂富間瑞士好得多，味道亦唔錯！菠蘿油焗得熱辣辣好好味😋 奶茶正正常常好感動！(以前和喜嘅奶茶真係喝不下，仲有洗潔精味...) 午市吃過肉絲炒麵亦唔錯！剛開業落單出餐有些混亂，人手亦不足，但看得出老闆有心做，一定會繼續幫襯，希望越做越好！…查看更多

天馬苑 Breadplus 因業主不續租而結業，一班街坊依依不捨，幸好老闆久下先生加盟九龍城 Breadyard，總算不太遠，讓我們繼續有無添加麵包食 Breadyard 麵包款式更多，很喜歡這款法式黑麥包 (Rye Bread)，濃濃的麥香，咩都唔搽淨食就已經好正！一吃就愛上了！ 好驚喜多咗好多咸麵包，還有芝士撻 其實久下先生的牛角包也超好味，愛它不油膩，好味又健康，唔知幾時再出現呢？P.S. 上年聖誕，久下先生的英國聖誕包及德國聖誕蛋糕令我愛死了！ 今年應該繼續有得食啦！…查看更多

上次寫 Gladys 嘅食評被認為是打手？！一笑置之罷 😅 講返同 Gladys 結緣是一次台灣朋友來港，做定功課問問身邊為食朋友去邊樹 afternoon tea 好，為食朋友就介紹 Gladys，說老闆好有 heart，又剛巧喺我 office 果區，自此每月總會嚟一兩次，也算不上常客啦😂講返正題，今次星期六嚟，唔駛 lunch time之後趕返工，11點幾到 Gladys，可能係 weekend 嘅氣氛，店員和客人們都好像比平日輕鬆，一坐低咖啡師哥哥立刻話等等吓.. 一陣拎 menu 俾你，待客有禮！ 今日任性地叫咗 All day deluxe breakfast， 要証實下份量係咪傳聞中咁少先 😁。 等食期間看著咖啡師哥哥沖咖啡個樣好鬼 enjoy 咁！能夠做到自己喜歡嘅工作真好！😇 Cafe Latte 先到，喝着很小確幸喔！嚟個 moment 可以暫時忘記自己身處 HK 呢 🤣 早餐份量無需多講，自己睇相吧！ 香草腸有１條，一食就知好貨色，平時 City Super 見到貴貴地唔捨得買 😅 但真係好味！煙肉有２塊同樣是好貨，有些厚度，煎得好香！如果有得揀會想要２條腸1塊煙肉，因為煙肉比較重味，覺得１塊已夠😋 洋蔥炒菇出色，酸種麵包唔知係咪自家製呢？整麵包真係唔容易，試過做法包搓到手軟，朋友話養麵包種更好似湊仔咁，好搞笑！ 所以講究麵包嘅，會覺得嚟個 breakfast 好有誠意 👍見到蛋糕櫃 d 蛋糕好吸引，但一個人吃不下啦，下次應該帶埋朋友嚟😋😋 P.S. 吃飽後自己拿了半杯清水坐多一陣，有２個客入來剛巧沒有２人枱，正當我心想不如走啦，老闆好自然地叫她們坐 bar 枱，沒有因為我已用餐完畢要等我張枱，無俾壓力想坐多一會嘅客人！…查看更多

耐不耐都會一個人來 Glady 食 lunch，舒緩一下工作壓力。 店主和店員唔係超熱情，但我覺得佢地正正常常，埋單會多謝顧客，有基本禮貌。 至於咖啡，我非常喜歡，雖然我唔係識飲咖啡嘅人，次次都飲 Mocha or Latte，但都飲得出同出邊好唔同，有獨特咖啡香，好有個性，最重要係唔死甜 (我估係無加糖)，尤其 Mocha，純粹咖啡和朱古力味而沒有多餘的甜味，正是我想要的，喺香港我只飲過三間可以這樣。 而凍嘅唔會加冰，亦是超讚，溫度剛好 (因我本身不飲凍飲，但超熱超渴時不飲熱，要求走冰好麻煩人)。食物方面，好耐之前食過一次 all day breakfast，雖然那次食得好趕，記憶中食材係唔錯，煙肉唔係快餐店茶記貨色，分量對我來說剛好。 我亦好相信人地收得嚟個價，唔會離譜，九龍城咁多識食之人，如果咁差都生存唔到啦！我比較常叫 pasta，因為又係覺得出邊食唔到 自己腸胃差，好怕食完滯半天的感覺，食過 carbonara 都唔會滯 平時唔好羅絲粉，有次店員推介試咗，真係好好味 食飽無負擔！看到之前的負評，就想寫一寫，還一個公道... 百貨應百客，畢竟每人需求不同，有人喜歡抵食夾大件，就好像我有朋友永遠認為麥記和KFC最好食 不過，有一點想店主見諒的是，打工仔 lunch time 時間有限，有時等了20分鐘沒辦法不催促，又試過我叫嘅 pasta 俾咗遲過我來嘅客 知道你地唔想人催 ... 我都想唔駛做慢慢 hea 所以我都是間中有機會早了離開公司才敢來，否則應該會嚟多D。…查看更多

嚟間茶記真係好唔掂，但因為是屋苑唯一一間茶記，而嚟個屋苑多長者，附近又有學校，或者想懶就焗住幫襯... 食物質素和衛生都認真麻麻，最難頂係身為一間茶記，杯奶茶真係超難飲，最後一次幫襯早餐，放棄奶茶飲好立克，唔明點解好立克嚟 d 沖劑飲品都可以咁難飲，仲有洗潔精味，兩啖已放棄 收銀果位平時無甚禮貌，決定不再幫襯。 無奈在沒有競爭對手下依然爆場 …查看更多

愛吃素，但香港地要隨時隨地好方便咁吃到有質素的素食是難，不像外地和台灣，葷食店裡的素食也有水準。第一次來華園是吃有肉的馬蹄餃子，皮不太厚正合胃口。 第二次去實在不想吃肉，但其實我頗不喜歡其他店那種素三絲的餃子，總是重味精蔬菜又不新鮮... 但真的很想吃素就叫了，結果有驚喜，不是我平時吃開那種，裡面有深綠色的菜，有類似沙葛的東西和粟米，吃得出新鮮。過幾天再和家人去，今次吃素菜雲吞和紅油蒜泥粉皮。個人認為餃子比雲吞好吃！ …查看更多