vic_man's Profile

觀塘呢幾年開左好多新嘅小店，搵食易過以前好多，以前我係觀塘返工真係食嚟食去都係個啲！雖然唔再係觀塘返工，但間唔中都會返去個頭食下啲特色cafe。上兩個星期平日放假，同朋友去左一間新開嘅小店，叫「犢食」。我覺得個名改得好好，一來犢-初生之犢，二來真係有牛食😂 大家都明，吉x家嘅牛肉飯已經唔再食，想搵好食嘅取替都唔易。菜牌嚟講，呢度嘅價錢都可以接受，始終呢頭都多左啲甲級商廈，人流多左，消費能力都高左，但當然係要食物都要有返咁上下性價比先得嘅環境嚟講呢，就以高bar檯為主，你當係佢特色啦，以環境舒適度嚟講，可以當快餐店咁睇嘅，始終都係啲輕食為主，唔係chill place.至於食物，我就點左一個犢食溫泉蛋牛肉丼，signature嘅野，加左去芝士魚餅。因為個日太晏食，我真係好肚餓😂😂賣相係好ok, 不過唔知係咪疫情關係，全部都係即棄碗盤同餐具。成個餐份量都唔少，牛肉同飯嘅比例合理，漬物係柚子蘿白，加埋一杯玄米茶。牛肉味道係唔錯，無煮到「鞋晒」，有牛味，牛肉汁伴飯都好香，唔太油膩，啲米都好好食，係日本米嚟。溫泉蛋就正常，煮得岩岩好。漬身整得好好食，令人幾開胃，balance到牛肉飯嘅輕微油膩感。唯一美中不足嘅係杯玄米茶，我略略覺得唔夠茶味，同埋我諗會有朋友好介意啲玄米一粒粒咁游係杯茶度，無用茶包/齋茶水處理。如果呢part 有改善，相信會更好～朋友就以瘋狂嗌小食為主，個人覺得以輕食嚟講，呢間都做得唔錯，只係客人未必只為小食而就咁上去食嘢。整體嚟講，我都好推介比觀塘返工嘅朋友，如果你係忙到連去堂食都冇時間嘅人，不妨可以買個外賣返office食🙃🙃🙃…Read More

放工係附近做gym前同另一半搵野輕食醫下肚，行過見呢間餐廳幾光猛就入去試....餐廳環境係唔錯，座位舒適，夠晒燈光，睇落都好乾淨。睇過openrice 好多食評都話呢間野唔錯，本身我都幾鍾意食東南亞菜，但呢間真係比左好大「驚喜」我。叫左一碗海南雞喇沙同馬拉盞炒椰菜苗海南雞都叫正常，凍就基本，但凍得嚟啲雞油都黐埋左🤔🤔🤔🤔但個喇沙先真係大件事.....真係淡而無味🤦‍♀️🤦‍♀️感覺似買湯包返黎，用水溝稀再加辣椒油，我完全食唔到應該有香料味，湯渣亦搵唔到香料嘅蹤影...而個椰菜苗似白烚椰菜苗，我嗌左少辣，但馬拉盞缺席，仲要似拖水之後落鑊炒兩炒，又濕又油，仲要唔夠熟.....每樣78蚊，老實講。。。衰過車仔麵，我食食下真係忍唔住要影相，補返上嚟打食評😢😢😢😢😢我識煮識食，出街食已經唔係咁腌尖，但呢間野我都真係頂唔順....…Read More

平時甚少到奧海城食飯，6月個陣見佢泊車優惠咁抵，天氣又開始熱，就決定試下去奧海城搵食。嗌咗兩個餸，加一碗冬陰功湯河粉，一共都係$300 ，價錢都算係化算。睇吓佢個餐牌，價錢同出邊嘅泰國餐廳相比都差唔多，其實佢嘅食物種類都幾多，不過頁數都唔少，所以我只係影咗一啲我有嗌嘅頁數出嚟俾大家睇吓。泰式鹽燒烏頭：呢條魚想出枱嘅時候真係超有驚喜，因為條魚嘅份量都唔細，加上真係睇得出佢係用鹽燒，所以等咗咁耐都覺得值得。拆開咗個魚皮之後，見到啲魚肉出咗魚油，然後夾開啲魚肉就發現條魚都幾新鮮，食落去有香料味，魚肉係「一疏疏」，完全冇「梅左」嘅口感。（識食魚嘅人應該會明我講咩😂😂）呢條魚我真係比90分！冬陰功海鮮湯河粉：整體來講呢一碗湯河粉值75分，湯底係唔錯嘅，唯一遜色少少嘅係啲配料。不過份量同味道去睇嘅話，性價比係唔差嘅。泰式炒椰菜苗：我去親泰國餐廳基本上食菜一定係要食椰菜苗，呢一間嘅椰菜苗都炒得唔錯，食得出有火喉，同鑊氣，可能我嗌左小辣，基本上冇乜啦，可能要叫返少少律師會更加惹味！總結來講，呢間泰國餐廳係可以encore嘅。不過要留意番餐廳因為係半露天，所以如果入邊坐滿左嘅話呢，就要坐喺出邊露天位啦。…Read More

雖然戲院仲未開返....係武漢肺炎爆得咁勁之前，都去左荔枝角D2睇左場戲.....個日咁岩放工晏左，食唔切正餐，本身打算食出名嘅台灣牛肉麵，唯有買啲小食打底。行過見到台站都有啲人氣，就決定買啲台灣野補償番😂😂😂平時搭車都會路迴佢，會比佢一個咁鮮明嘅門面吸引到，同埋平時都幾多人嚟買，雖然鋪頭頭細細、生意都應該唔錯。台式肉鬆蛋捲餅：好多餡！我覺得味道係唔錯，不過我略略覺得如果個皮係熱啲會好食好多。惹味紅油抄手：抄手餡料新鮮，紅油香而微辣，好好食！黑白花枝丸：非常彈牙，加埋調味粉，真係想一個人食晒6粒😂😂😂😂整體嚟講，呢間小食店值得encore，下次嚟想試下佢個魯肉飯🤩🤩…Read More

呢間每次行過都有好多人等，黃色經濟圈嘅威力真係唔可以睇小！嗰日咁岩放假，可以早啲食飯，於是就好早咁樣就去咗呢間餐廳度，博下可唔可以食到。由於我哋5:30鐘就去到，當時候冇乜人，好快就可以安排到入座。最抵食就係7:30前離座，每位198+1入到去睇枱面見到嘅就係呢一包濕紙巾有3種醬汁比你揀～野食好整齊，冇漏單，出菜快，完全冇需要催單。食串燒當然以肉為主😂😂😂😂擺落去就自己轉住燒，完全不費吹灰之力！呢度嗰啲汽水係任飲嘅，熱辣辣食住燒烤就係一流。最後要一讚嘅係員工嘅服務態度真係好好，非常之有禮貌！最後仲有一杯哈根大師雪糕做甜品！飽住咁出門口！…Read More

我們都是吃豬大的😂我忍唔住影左個侍應姨姨嘅身影。呢間野都係細佬食過中環個間介紹我去食，當初我以為炊豚店個名好日本feel😂點知發現間鋪入面，原來本土懷舊味重啲。最令我意外嘅係，我竟然見返細個係九龍表行見到個個Rolex鐘，超級驚喜！可能係星期六，呢間野都真係幾旺，坐無虛席。至於食物，佢落單好有車仔麵檔感覺～兩個人去食...因為lunch食得太晏又未好餓...所以就叫左以下野食～1. 蔥油豬扒飯 （少飯）+肉燥汁 ：蔥油加左芝麻油，唔似平時出去茶記食個隻又油又咸，呢個好香。配個炸豬扒係一流，撈飯一流。豬扒都juicy,不過，我個塊豬有一邊厚粉左，差左少少火喉。至於個肉燥汁，我幾鍾意佢嘅味道，有係台灣食嘅感覺，因為佢好足料，用五花腩炆煮出黎，但你要有心理準備，好食嘅野嘅邪惡嘅😂😂😂米飯，係有米香，但唔係日本米，我個人覺得係似中國米個種香（唔好諗係咪中國野有毒，我有長輩開糧油廠，識食中國米其實好好食）2. 話梅花雕豬手飯 （走飯😂）豬手炆得好入味夠稔，微微酸但食到有酒味，份量唔少，味道唔錯。3. 涼拌大豆芽：呢個有驚喜🤩🤩🤩酸得黎好開胃，豆芽都好新鮮！4. 熱蜂蜜柚子：正常蘋果汁：泰國野，100% natural, 加8蚊都抵飲！整體黎講，呢間係銅鑼灣黎講，性價比合理，可以on list再一戰！…Read More

鮮芋鮮呢一間過江龍，基本上我每次路過都係排長龍，可能每次我都係夜晚先經過啦。有一晚咁啱上堂上到好夜，悶悶地就同同學提議不如去食個糖水先返屋企。嗰日雖然係weekday,但其實都係好多人，只係條龍冇排到出街再轉埋彎姐。幾個人唔知食乜嘢好，最緊要係搵到位坐低食，所以我哋兵分兩路一個人去買嘢，兩個人去等枱。好彩唔駛等咗幾耐，就有張枱走咗，夠我地三個人坐。我哋嗌左一個芋薯圓Q麻薯牛奶冰share食～我本身對奶嘅甜品嘢唔係太好嘅，因為怕佢哋用奶粉開奶，有一陣怪味。但呢個係非常之香滑，配埋冰，加埋芋圓、芋薯、好正呀！我地三個人食都食到好飽.....其實我覺得呢盤野可以四至五個人食都冇問題！我見好多人都係4-5個人share一盤，除返開share係幾抵架！…Read More

我好鍾意食牛肉鍋，出去食日本野而間餐廳有得叫嘅情況下，我都係會試食嗰間餐廳入邊嘅牛肉鍋。食咗咁多間，井上係我心目中係有一個不可取替嘅地位。雖然餐廳嘅入邊嘅環境唔係話非常之好，人多時少少迫，但整潔度都係足夠嘅。我覺得唯一不足嘅係，佢有時出菜的而且確係比較慢，有時甚至要追單先有得食。我諗唔同人有唔同口味，而我覺得呢一間嘅牛肉鍋取勝嘅地方，係佢嘅份量同價錢都係成正比。個餐上枱嘅時候係熱辣辣嘅，牛肉有好多，面頭仲有一隻生蛋，你可以按你自己想食三熟嘅程度去處理隻雞蛋。通常我就會整到佢半生熟，之後就撈白飯食。成個鍋入邊除咗牛肉之外，仲有好多菜，豆腐，冬菇。有一個重點就係我好鍾意食佢入邊啲粉絲，啲粉絲煮到入晒味，好爽口好好味！呢間野下晝食飯時間都比較爆滿，而價錢嚟講，一個鍋大概$60-$70全包，我覺得性價比都算係咁㗎啦！…Read More

早前頑固壽司係日本過江龍開到香港開個陣時，我已經心思思想食，試過連續兩日早放工，夜晚六點都未夠鋪頭出面已經排滿左，截埋龍......之後已經放棄左再去😂😂😂😂之後直到上個星期.......好姊妹話慶祝生日不如試下呢間，佢安排好晒，去到又唔洗等，正呀👍🏻🤣😎去到比左bar檯我地坐，經理話bar檯係Omakase嘅，但今日時間同人數okay,可以比我地坐，但我個日做完gym, 孭住個大背囊🎒，餐廳嘅staff好好，幫我暫託住係佢地個職員房，唔洗我坐得唔舒服。我地望住個menu, 同檯前幾個師父，完全唔知叫咩好😂😂😂 有staff行埋黎介紹，佢好重點介意餐廳嘅定位，並唔係走平民平版路線，再加上啲魚係每日4點新鮮到港。之後我地再諗諗，就分左幾次落單，因為實在好難揀！最後分別係特上壽司拼盤12貫、針魚、鮟鱇魚肝、吞拿魚、炙燒鯛魚，同最後encore中拖羅～特上壽司拼盤12貫：個人覺得中拖羅好食過大拖羅，玉子係好有驚喜，好似食緊蛋糕咁，侍應好努咁介紹佢嘅材料同做法，有淮山等等，工序好繁複。三文魚子唔腥、有鮮味帆立貝都有鮮味鯛魚比想像中好食，清甜海膽就稍為覺得爭少少鮟鱇魚肝： 我諗緊我係咪食唔真🤨，又或者我唔識欣賞，口感唔太岩我針魚：從來未食過，味道係比較清淡，魚上面加左玫瑰花碎，好fresh!炙燒金目鯛：好香魚味吞拿魚：正常、無筋Encore嘅炙燒中拖羅：魚油好香，不過都未做到入口即溶。整體黎講，服務態度滿分，食物睇得出有心機去做好，唯一不足嘅係，我覺得杯茶相對遜色，可能我比較鍾意有茶香嘅茶，無咁淡味嘅。有興趣嘅朋友，可以一戰。 如果唔想夜晚食，可以試下食lunch set, 比夜晚抵好多，不過啲魚就係賣前一晚嘅，但聽聞都係性價比ok架！…Read More

今日行到落太子搵野食，見到間叫喜相逢既食店。 外面睇落去似酒吧晚市頂多做下西餐。望下餐牌就發現係食餃既地方。入面既格局的確係比較似酒吧，唯一令我吸引既地方係竟然有餃子食。坐低就發現燈光比較昏暗同有啲閃閃下，不過無阻我搵食既興趣！😂😂😂😂我地初頭唔知每樣野既份量大少，所以只係叫左8隻餃子🥟白菜豬肉餃同西洋菜豬肉餃，再加幾款小食我地叫既湯底係微辣，我自己就覺得唔係太辣，可以再辣啲😂餃子皮薄，食落感覺非常新鮮。一啖湯一啖餃子冇得頂👍🏻👍🏻👍🏻👍🏻小食之中，不得不介紹水晶皮蛋，佢不旦皮蛋味十足而且仲有辣醬喺面，一啖放入口味道層出不窮，值得一試！另外一個推介麻辣水晶粉皮，今次叫咗個小辣。入口唔覺得佢係好辣，但食多兩啖辣味慢慢浸出黎食得辣嘅朋友不妨嘗試下呢一間可以叫辣啲👍🏻👍🏻👍🏻👍🏻…Read More

作為一隻屯門牛，新墟應該無乜人唔識但原來屯門都有石燒牛，仲要係黃店。入面吊飾佈置已經係一張張訴求卡。我兩個人叫左日本和牛同牛小排，再送封門柳咁就可以試哂三種牛。 兩個人食2百幾一個人性價比極高。另外加左隻溏心蛋💕牛既質素並非最頂級，但絕對唔係cheap野！服務員介紹完點樣燒之後，我地就開始自己動手玩😂我個人比較鍾意食juicy啲，5成就夠。由於個火比較細，所以都好易控制牛既生熟。每種牛燒完都有不同既口感同味道，我個人認為醬汁都可以慳返。不過如果有海鹽，我覺得會比醬汁調味更好👍🏻至於溏心蛋，係正常嘅，一定唔及牛出色😆碗白飯有紫菜脆脆，米就食得出係日本米！餐飲仲叫左一杯勁大杯嘅檸檬茶！總括黎講，如果你真係好肚餓咁就唔好試，又或者你肯定自己無耐性都唔好試，又或者你趕時間都千祈要三思，因為燒一舊再食一啖飯時間會比較耐，我呢餐飯都要食左個幾鐘，然後好滿足好開心咁走💜😂…Read More

九點幾鐘先食飯，落到新都會本身想食Outback Aussie Grill, 點知男朋友見到呢間野排隊食天婦羅，又心思思想試吓，咁跟住咪陪佢排下隊囉。估唔到咁夜都仲有人排隊，排左差唔多成半個鐘，拎起餐牌，發現成間野得幾個餐可以揀。因為男朋友唔食菇類，就叫左兩個餐，一個係江戶前天丼，一個係上天丼。上到枱，熱辣辣，但可能因為已經夜，我覺得啲天婦羅炸得比較深色，因為啲油不斷翻炸。佢喺枱面有個牌你點樣識佢個飯，咁咪跟着指示去食。不過我唔係好聞到胡麻香味😂😂😂😂穴子我覺得係做得唔錯嘅，係幾大條。不過其他，例如蝦，帶子，我就覺得普普通通。連埋個飯食，好飽好膩，我食個飯食咗一半就已經食唔落，可能我地兩個唔係太慣淨係炸嘢配飯食。個茶飲落係幾香幾好味嘅，不過都不敵天婦羅嘅油膩🤦‍♀️🤦‍♀️🤦‍♀️整體來講，呢間野我食一次就夠。又或者，一個餐兩個人可以兩個人食嘅話，又或者有其他野可以食，相對黎講應該會好少少.....…Read More

呢間鋪頭出咗名係Coffee and All day breakfast其實都係無心插柳咁樣嚟咗食晏。老友出開來九龍，佢仲話孭住個大提琴，想搵到個地方可以傾吓計之餘，又有啲空間可以放得落佢啲行裝。最後我打咗電話去鋪頭book檯，順便問下佢可唔可以安排一個可以放得落個大提琴嘅位俾我哋兩個。去到之後，發現佢真係俾咗一個梳落啲嘅為我地，輕輕鬆鬆就可以安頓到。至於嘢食方面，就係All Day Breakfast，salad, Spaghetti個類， 佢個廚房比較細，但啲嘢都做得幾快。我同我老友各自叫咗一個早餐，一個American, 一個Monster, 個人覺得算係正正常常，冇咩特別，炒蛋都幾滑。跟餐我就叫咗杯咖啡，Flat White, 認真，我覺得咖啡係出色嘅，比起嘢食係真係出色好多😂😂😂朋友對食冇咩意見，所以佢冇評價😂😂如果你問我，下次我會試吓意粉，同埋咖啡真係必點之品！…Read More

天氣凍，又作病，晏晝個餐想食熱野，就想試下呢間粥檔。餐牌有粥品，有湯飯，價錢都算平民化。見佢有個套餐，碎牛粥加腸粉或蘿蔔糕都係30幾蚊，就試下。個粥底都算綿滑，有一大pat碎牛比你自己攪返開佢。牛肉味道正常，點都係碎濕濕架喇🤣🤣🤣🤣不過唔太咸，岩我口味，慣左食得口味清淡。腸粉就鋪頭自己整，食到有啲米香，不過唔夠滑，但個人覺得份量同質素都係唔錯嘅。因為午飯時間，人比較多，同台嘅都有人嗌粥，舊蘿蔔糕都幾大舊，坐我對面嗰個男仔都差啲食唔晒。坐我隔離嗰個女仔叫咗個湯飯， 40幾蚊，嗰隻碗同隻湯碗係冇分別嘅，啲材料好似唔駛錢咁，超級大碗，一個女仔邊會食得晒呀😂 所以我就覺得湯飯係幾抵食嘅初初以為佢啲蘿蔔糕係送過嚟嘅，點知我臨走俾錢嗰陣時，見到個師傅自己喺度整，咁我就覺得下次可以再嚟試吓🙂…Read More

上次黎食已經要講到年頭嘅2月農曆新年之前同屋企人黎食。本身今日想去尖沙咀試食頑固壽司，但6:30pm去到都quota滿左食唔到。同男友兩個人諗諗下想食pizza就再黎試下。我估唔到星期二都幾full, 我上次黎都冇咁多人，得返bar table，但我地決定等返正常檯，好彩等左十五分鐘就有人走。，用餐時間係90分鐘。因為得兩個人，食唔到幾多野，結果就叫左一個9寸pizza同半份炸雞。Pizza叫左韓式海陸。炸雞就叫左首爾醬油咖哩粉炸雞 。Pizza好足料，我幾鍾意個餅底，輕輕有綠茶味，同埋厚薄岩岩好，脆卜卜。我地冇走辣，有輕微辣，不過係岩岩好，個人認為走左辣個味道會偏甜。上面有蝦，有牛肉。蝦肉都爽口嘅，牛肉知啲位就比較出色，食落好juicy, 有牛味， cheese都做到拉絲效果。至於炸雞，一開始我食左個雞髀，得咖哩粉就覺得好普通啫....夾起左兩件之後發現個盤底有醬汁，點返黎食先發現係精髓所在😂😂😂😂 成件事生色不少😋😋😋兩個人食晒所有野，埋單連加一大概$300，以尖沙咀嘅地段同食物質素，我就覺得算係咁架喇。不過的確係一大班人食先可以食嗌多啲款，食多啲野。…Read More