peace_y的个人专页

招牌幾吸引人，位置比較偏僻，人流少。近上海618.透過open rice 外賣自取有九折。奶蓋金萱，茶味很淡，奶蓋有很強烈的假雲呢拿味，雀巢雪糕的那種平價味道，甚至蓋過僅有嘅茶味。封膜加飲管的設計也超級不合適奶蓋。返睇評論先知係台灣過江龍，感覺更失望。雖然價錢不貴，但都不推薦。…查看更多

重新啟用的中環街市是近日香港人打卡的熱點，路過入去行一圈，竟然俾我發現瑰麗酒店的前高級調酒師係度，當然要坐低重溫下佢d cocktail. menu好似file咁樣，有好多唔同國家的紅白酒，烈酒之類，另外都可以掃QR code自己落單，可以點到同層另外幾間如心集團餐廳的餐飲，都幾方便，不過就冇測試到可唔可以送埋過黎。wine y sour, 用左整Whiskey sour嘅方法，加入烏龍茶，無花果，最後加多一shot紅酒。比較dry, 入口順滑，紅酒味道有點太突出，蓋過了其他味道。pink me up用上了我最愛的Moscato，加上pink fruit。賣相，味道都好適合女仔。甜甜地有少少氣泡，飲嘅時候聞到新鮮嘅rosemary，好清新，不過太易入口，好易唔小心飲醉。下次會再去試下白蘭樹下的cocktail。…查看更多

想食快餐又唔想幫襯老麥？呢個係好好嘅代替。餐廳位於D2 place 二期一樓嘅角落，午餐時間人客都幾多，不過上餐速度快，枱都多，所以都唔洗等位，排隊買完野食就自己搵位，俾完錢，收銀會俾張號碼紙同座你，放係枱面，店員就會送餐，飲品就係收銀旁邊自己揀，有罐裝可樂，玻璃樽裝汔水，仲可以揀雀巢咖啡同自家制樽裝奶茶。豬柳强同老麥味道差不多，不過塊包就更鬆軟。巨無罅就用左真正嘅牛肉漢堡扒，好香牛肉味，不過比較細塊同乾身，最驚喜佢中層唔係夾包而係班戟，整體都好好味，但係成個包醬偏多，比較濕，好難成個拎起食，結果我要用刀叉食。薯條就係粗薯，夠脆又重薯仔味，食完薯條好飽。加多八蚊的椒鹽燒賣，有四粒，夠脆有魚味唔係一口粉，唔錯。汽水櫃旁邊有文宣同免費口罩。你識得揀啦！…查看更多

生日特登book傳說中好好味嘅牛扒，之前好多外國客都同我講，話黎香港一定要食佢。而抗疫政策下只能食lunch, 餐廳亦只有二種3 course lunchset 提供（$398+/$688+）。一坐低就見到個menu印左Happy birthday，本來係一個幾好嘅驚喜，不過佢寫左第二個人嘅名!!!!!!!!!!!!轉個頭有一位女同事主動講返俾錯menu，幫我換返岩，但咁就冇驚喜。餐包焗洋蔥包超級大，上枱有少少焗洋蔥香但食落冇洋蔥味亦冇麵粉香，牛油都係冇味，有d似植物牛油。龍蝦湯太重忌廉，龍蝦味感覺上弱左，龍蝦肉就俾得好豪氣，有半條龍蝦尾特色沙律centercuticeberg原個生菜切一角，配藍芝士，蕃茄碎同煙肉碎，唔中意食藍芝士嘅可以走or 叫佢on side。filetmignon with crabcake 招牌菜，牛柳係好食嘅，完全做到我要求嘅medium rare，肉質軟又有肉味，不過唔中意dry aged 牛扒嘅人可能會覺得怪。Crabcake勁多蟹肉，鮮甜，配少少烤檸檬汁好正，好過佢本身跟嘅mustard mayonnaise，芥辣太多落少少都會蓋過晒d蟹肉味。jumbo asparagus 賣相好差，變晒色，仲可以為會柴到起渣，食落口就正常嘅。sourcream mashedpotato超級大份，好好食，有薯粒。朋友的三文魚，成數做得幾好岩岩好熟，唔會鞋。幾開心佢有幫我影即影即有紀念相，又有Birthdaycake送俾我， 係lemon souffle ，蛋白打得幾硬淨，影完相搞一輪都冇點塌，味道就只有淡淡檸檬味，甜到喊嘅蛋白，好美式。甜品叫左招牌hot chocolate cake，朱古力味好濃，外層比較硬，整體比較甜。另外朱古力mousse 反而好好食，朱古力味濃得黎，質地好滑，又唔會過甜。最後其實都食得好飽，朱古力蛋糕食得兩啖就諗住打包，點知返到屋企發現變左牛扒整體黎講，食物如果主要食扒配sidedish係唔錯，但服務全部唔合格，冇主動介紹不但只，要搵個侍應幫手都要搵一輪。…查看更多

難得入長洲一次，又係太平清樵齋戒期前，打算食個海鮮餐，一向都知長洲海鮮唔算特別出色，食開興樂都算幾正常，呢間真係好難食得好過份。門口阿姐又話有得送湯又送多一味咁，好熱情地拉你坐低之後機會上冇招呼，枱櫈都好唔乾淨，最後湯係冇出現嘅，基於太難食我都費事追。蒜蓉扇貝係味道最正常，扇貝每人兩隻，仲細大陸三蚊人仔一隻果d。油鹽水蜆，d蜆好明顯係一早烚定加湯滾返，蜆肉冇味，仲可以有沙，湯底有蒜頭，有頭菜，不過只有胡椒粉味，咸味都好弱，又油。豉椒炒蟶子又係同一個問題，烚定，又係冇味，好似食擦膠咁。白灼蝦，已經難食到冇影相，部分係霉嘅，冇膏唔甜。雖然唔算貴，但實在太難食，完全係浪費錢同食物，永遠blacklist 。…查看更多

最近心情唔好，冒住暴肥的風險啪返杯珍奶安慰下自己。第一次幫襯。本來見到openrice佢有個紫薯厚鮮奶優惠好似幾吸引，去到舖頭見到佢有手作珍珠，都係轉返去飲珍奶。因為病到死死下，叫左熱飲，少糖。拎上手唔算好熱，係岩飲嘅暖，顏色都比一般珍奶深色好多，似港式奶茶咁。個人比較偏愛重奶味，未飲之前有d驚會嚡口，點知佢茶味香濃之餘，都好滑。珍珠好彈牙，又唔會韌到好難咬，好難得熱飲珍珠都咁有咬口。收銀哥哥仔竟然係真台灣人，我叫完先發現佢一臉黑人問號，先聽到佢講國語，好有禮貌，唔知係咪生意唔好，佢好落力介紹舖頭優惠同分店。like fb or ig第二杯半價，都幾抵，仲有集點卡。…查看更多

下晝三點行完書展，餓餓地想搵下午茶食，想食拉麵又落左場，要六點先開，唔想食得太飽。openrice碌到呢間近近地嘅餃子店。下午茶餐包一杯熱飲/汽水$26 13隻小雲吞 可以揀鮮肉，香菇或者雜錦揀了鮮肉，肉餡大概有姆指頭咁大，純豬肉，有肉汁不過嚡少少，餃子皮好香麵粉味，湯底比較咸，加左少少芫茜，蔥花同紫菜。$30 10隻大雲吞 可以揀鮮肉，香菇同薺菜我揀了薺菜，大小比灣仔碼頭再大少少，薺菜都係有肉嘅，大概7成菜3成肉，比剩鮮肉好食好多，有薺菜香都有香草咁嘅香味。以灣仔區黎講，呢個味道同價錢好有驚喜，唔到話勁好食，不過都幾好，見到舖頭仲有其他涼拌小食都係廿蚊碟。下次可以再試。…查看更多

一直鐘情隱家的白伝沾麵，每個月起碼都要食一次先開心。一向價錢合理，食物品質穩定，又大碗。之前裝修冇得食，好唔開心，好驚佢係執笠。係其他餐廳食沾麵中左好多次伏，終於等到佢開返。新裝修改動左部分位置，以前的收銀機位置變了一張面壁長枱，汽水箱變了一張張正常的櫈。購買方法亦由人手落單變了用自動販賣機，下午時段只見一個樓面工作，負責出餐同執枱。價錢輕微加了一蚊。營業時間亦比以前長，取消了落場時間。食物方面，多了一款拉麵，由姐妹店移植過黎，下次可以一試。沾麵有少許唔同左，叉燒有少少柴，同薄左，溏心蛋亦過熟，蛋黃幾乎全熟，幸好味道依然很好。…查看更多

睇到好多唔同嘅傳媒報道，又話係得獎拉麵，就特登去試。店舖位置係中環鏞記對面嘅一條樓梯，好容易唔小心就會miss左，壁畫幾靚。平日夜晚八點幾去到都仲要排隊，大概等左二十分鐘左右。座位分配都係坐到密密麻麻，枱同枱之間冇咩空間。叫左海體醬油拉麵，上菜同菜單張相唔一樣，叉燒分開左上。賣相麻麻，第一時間試湯，冇人地講嘅咁咸，反而係一種莫名其妙嘅甜，唔係鮮甜味，而似係加糖嘅甜，好奇怪，冇咩醬油味，好似一丁麻油味味精湯咁（一丁個湯好似仲好味dd）。拉麵係粗身嘅，幾彈牙，不過冇咩麵香。最嬲係塊叉燒，好似阿媽煲完湯d湯渣，柴到咬唔到。唐揚炸雞炸得幾好嘅，炸漿好薄，夠脆，雞肉滑，肉汁都仲係度，不過冇調味!!!!要自己落七味粉。咁樣嘅食物質素，冇服務仲要收加一，中環大把好野食，呢間絕對冇下次。不值一試。…查看更多

轉工之後都好少過港島區了，難得放假周圍遊蕩，就諗起呢間之前越南同事推薦過嘅餐廳。被安排坐最裡面嘅位置，靠牆嘅座位得半張櫈，比較唔舒服，放個袋都放唔穩。有d迫夾。朋友唔係好肚餓，所以二個人叫左三樣食物黎share。生牛肉粉一上菜就覺得好正，分開上嘅香草同芽菜，好新鮮好大碟，平時食牛河，d香草唔多唔少都會有少少爛，呢碟好完美，芽菜又肥嘟嘟，睇得出餐廳有揀過靚仔先出街，好抵讚。湯底好清，唔油膩，但係味道就唔算好香，同埋唔夠熱，生牛肉熟到，但芽菜就熟唔到了，已經留到尾先食，d芽菜仲係好生，生到有草青味，就好影響整體味道。牛肉又係抵讚，有成五，六大片，有牛肉味又腍滑，唔係普通美國肥牛。河粉正常冇特別。越式三文治餐牌有兩個選擇，一款豬，一款牛今次揀左豬，三文治個份量都幾大，大概有六，七吋長，斜切成兩份，法包好鬆脆，夾左豬腩片，肝醬，肉鬆，青瓜，酸蘿蔔，扎肉，沙律醬 ，另外調味都幾重黑椒。整體配搭係勁好食。米紙蝦卷一碟有四件，配沙律菜小插曲，未食放左一陣，個米紙卷突然自爆，係咪証明佢好足料，哈哈。蝦肉食落似係用新鮮蝦，好鮮甜，唔係平時果d急凍蝦肉。仲包左菜，薄荷葉同米粉，不過薄荷葉兩大塊包一件，我覺得太重手，好似食牙膏咁，切碎撈少少應該會好d。整體食物唔錯，埋單二百幾，價錢雖然比一般越南菜貴少少，但睇得出有心。值得一試，有下次。…查看更多

曾經食過尖沙咀分店niji bistro，印象唔錯，見呢間宣傳過係社企好似都唔錯就去試試。d2 place二期黎講價錢都算係幾經濟，六十幾蚊一個蛋包飯，裝修都靚，係日系cafe簡約明亮嘅風格，食物嘅window display 都好吸引。餐廳行類似快餐店模式，有人帶位，但係要自己去收銀落單俾錢，有人再送餐，水同調味料都係係一個角落自助拎嘅。員工嘅服務幾好，唔講冇人知佢地係聽障人士。重點係食物質素，作為一間主打蛋包飯嘅餐廳，佢地個蛋包飯只有賣相合格，味道完全唔合格。紅酒汁牛肉蛋包飯，牛肉好韌冇肉味，紅酒汁冇紅酒香，似普通肉汁，蛋皮太熟比較嚡，飯底有用茄汁調味，但食落好淡，無咸無味。最可怕裝飾果d豆苗，好多謝佢好豪氣俾左好多我，但係超草腥。另外，都叫左紅酒汁漢堡扒蛋包飯，漢堡扒味道不過不失，應該都係交貨，同出面咖喱飯食到果d差不多。食物質素真有待改善，真心好失望。…查看更多

呢度係麵包舖加飲品店，主打街坊平價生意，麵包，蛋糕長期買一送一，飲品亦俾大部分飲品店都平，今次試嘅係黑糖臟臟茶，其實係平時飲嘅黑糖珍珠鮮奶，係門口買完要拎張單俾入面水吧。呢度同好多地方一樣都係冇得揀甜度同冰度， 特別在於呢度加左蜂蜜奶蓋，係黑糖味中帶少少蜜糖香，可能我等d冰熔晒先飲，覺得糖度岩岩好，好驚喜係珍珠好煙韌，口感勁正😍。沖泡嘅鮮奶係明治全脂奶，都幾高質，不過好奇怪，佢宣傳品、海報隔離係放緊北海道3.6牛乳嘅盒，臟臟呢就唔知去左邊，可能係舖頭有臟臟包賣，所以改個咁嘅名。$22我覺得係屋企附近超值之選。…查看更多

網上見到好多人吹捧呢間飲品店，經過就買黎試下，旺角咁多飲品店，呢間裝修幾靚，但係做外賣，飲品質素先係重點。天氣轉涼對沙冰類嘅一系列芝士奶蓋冇興趣，叫了一杯水果茶，去台灣旅行時，飲過“一芳”的水果茶驚為天人，一直希望係香港搵到類似。夜晚九點幾，買的人唔算多，但都需要等十分鐘多d呢杯水果茶水果分量好多，裝滿成個杯，有橙，蘋果，青檸，百香果，仲有好大塊西瓜，但成杯都好淡冇味，只有茶澀味，冇茶香味。店員貼心送埋叉用黎食水果，但水果都一樣係冇味嘅，感覺似係浸左好耐嘅detox水，仲係翻用渣果種，$42，真係非常唔值得。…查看更多

香香雞終於開到深水埗，炸雞粒香脆少炸粉，仲有肉汁。店員推薦加五蚊有飲品，加左杯水果冰茶，味道就係香精糖漿溝水。收銀店員好有禮貌，好細心介紹食物，對每位客人都清楚講明等候時間，相當令人驚喜…查看更多

作為一個經常去台灣食真。牛肉麵嘅人一直都好希望有人帶到真正台味黎香港，可惜冇一間做到，香港只能俾三倍價錢食一半質素嘅台灣料理。環境：樓上舖樓底矮，冇坐滿客都好嘈，加埋音樂嘈到好唔舒服，地方唔大，三份一嘅客枱係窗台自閉位，冇椅背嘅高腳櫈，完全係想你食完快d走食物：夜晚九點先到，我預左好多野冇，點知係冇晒麵咁有趣，一場黎到點都試下牛肉啦，轉左紅燒牛肉米粉($75)，好大碗，好多米粉，牛肉份量非常多，有八，九大塊，係牛肉，超多蔥花。湯底味道正常但唔似紅燒，比較淡。牛肉味道真係好失望，好似白烚咁，完全唔覺得有調味，咁多舊肉，得兩舊係炆淋左，其他d筋都好難咬開，我唔知呢個係佢呢間餐廳嘅風格，定係舊肉未ready？我覺得係浪費左舊牛肉嘅。另外點了滷豆乾($36)，黎嘅唔係豆乾，係硬豆腐，食落仲有d好似壞左嘅酸味，旁邊放左蒜蓉，但係好粗糙，太大粒，食落好辣服務：水都冇一滴俾客飲，埋單行到收銀，四個staff冇一個人理我，明明收銀有兩位女職員企左係度，最後係一個counter 外嘅staff走埋黎收，咁都學人收加一服務？服務去左邊？正評不可信，伏已中，明星效應，完。…查看更多