Little Remy的个人专页

好耐無食過特別嘢，所以有機會就揾d新野試下其實呢個炸牛扒都開左一排，係電視都見過幾次佢特別在炸完個牛扒，仲可以自己係個鐵板度燒下再食，真係有得玩又有得食牛扒有3個級可以揀，不過最平都要188，呢晚就食最平既安格斯牛。我覺得都係一般，雖然我明一分錢 一分貨，但係呢個安格斯的確有d普通還好係佢預備左6個調味俾你，有岩鹽，wasabi, 柚子胡椒，燒汁，蜜糖芥末，同柚子汁。我個人覺得岩鹽同wasabi，係最好味。圓碌碌個舊係龍蝦薯仔沙律，都幾好食，係少左d温泉蛋，你鍾意點食都得，在撈飯，就咁食，點牛扒，煎蛋都得，佢個鐵板唔黐底架。麵豉湯就有d太咸，咸到飲唔哂整體我覺得係gimmick多d，都唔差，但係又唔係好驚喜…查看更多

早兩日去左 Noodle LAH 食香矛雞喇沙，個湯同麵都ok我覺得個湯底都唔錯，麵都好有咬口敗就在d雞，無香矛味，仲要超重雪味，係重到唔想食失敗！星期日去唔多人，價錢都可以，但係千其唔好食雞…查看更多

今晚同朋友試下呢間中菜，都算幾抵食。3個人都係300幾找數，不過又唔好咁開心住～名館都算係個啲新派中菜，花款都幾多，味道都唔錯嘅，不過每碟嘅份量就唔算好多，兩三個人食就幾好嘅，可以試多幾樣，不過多啲人就麻麻啦呢餐就食咗 瑤柱冬菇肉鬆蒸飯，金銀蒜蒸娃娃菜，椒鹽魷魚鬚，咖喱手撕餅，黑椒蔥爆安格斯牛柳粒。最好食嘅係個蒸飯同手撕餅，蒸飯嘅份量係一人份，不過如果唔係食好多飯，兩三個人分嚟食都ok，入面唔係得白飯，有加咗啲類似小米嘅嘢，個蒸飯好夠汁，唔太鹹。咖喱手撕餅，就係得咖喱汁同啲餅，餅都有好多塊，完全啱晒鍾意撈汁嘅人，個咖喱汁仲要幾唔錯。魷魚鬚份量超多，就算兩三個人食，食完都會有啲漏，不過點埋咖哩汁又幾好食喎至於個牛柳粒，味道係幾好，好有鑊氣，不過牛柳粒就太少喇，成碟都好似係得10 多粒，燈籠椒得3片，其他全部都係蔥，真係蔥多過肉，唔抵食。講咁多，其實最嚇人嘅係呢度嘅衞生囉，竟然比我哋見到有小強，仲要我哋叫人消滅佢，講真出去食廚房有曱甴，唔可以話預咗，不過有又真係唔出其，但係無理由要俾客人見到囉我諗我都未必會再去幫襯…查看更多

星期五，我去揾食嘅時候就好激氣囉話說我去咗利東街個頭，咁諗住一個人食少少嘢頂下肚，陣間同人食飯，見到餃餃餃子，諗住都幾好啦雖然佢有最低消費（其實我好憎啲鋪頭有最低消費），不過都算，諗住食幾隻餃子，順便試下呢間過江龍。剛好過咗6點，最低消費50蚊，門口個牌係好似冇寫加一前。所以我就諗住叫一碟32蚊嘅餃子，加杯16蚊嘅嘢飲，加埋一剛好過50點知個店員就話，要50蚊係加一前，咁我問佢，我真係食唔到咁多，點算，反正差兩蚊，不如你照收我多兩蚊，我都唔介意俾，點知佢都話唔得，佢話一係轉外賣，吓！？間舖有一半都係空嘅，我比你收多我兩蚊，你仲要趕我出街食，算！我真係冇辦法再叫多啲，唯有走人講真如果出面係排晒長龍，我食唔夠50，得冇問題我走，但係家下你有一半都係空嘅，而我又肯比多啲，重要我一個人嚟，基本上食完就走，行過方便都得掛，難道你要我浪費食物…查看更多

有陣時就係咁，有好多嘢想食，但係到你諗食咩嘅時候，就諗唔起。The Salted Pig 就係其中一間我想過食，但係又會唔記得咗佢嘅漏網之魚。不過唔知係唔係期望過高，又好似唔係我想像之中咁其實係好食嘅，不過又唔係好好好好食咁囉我要咗一個snack platter 同佢哋嘅招牌suckling pigplatter 大部分嘅嘢都好食，特別係薯條，夠粗又香脆。scotted egg 又係正嘅，要整得好都唔易，因為烚完又要炸，重要保持到個溏心，真係唔容易。炸雞翼同炸骨就一般般，雞翼嘅炸皮有啲heavy，炸排骨就炸到好乾，可能我無送啤酒，如果同啤酒一切食應該會好味啲～suckling pig，啲肉好juicy好嫩，個皮非常之脆，但係又唔太硬，果然係招牌菜。不過唔知係唔係真係乳豬，所以啲肉有少少豬騷味，我唔知呢啲叫唔叫好，不過就未必係人人鍾意。呢度嘅份量都幾多架，2個人去食可能有啲多同叫唔到好多嘢，呢度都係適合4，5個人去多啲～…查看更多

琴晚去咗一間我好鍾意嘅餐廳 － Miso去係因為要告別將credit card，會少咗機會食，所以點都要食多次。呢度真係唔知食過幾多次，不過食幾多次都仲會好鍾意食，因為呢度有兩樣嘢真係好好好好好食第一樣係 鐵板炒飯第二樣係 焗椰子布甸呢度嘅鐵板炒飯，無論係海膽炒飯，鵝肝炒飯，定係蒜片牛肉粒炒飯都係咁好食，基於我一晚真係無可能一次過食晒三個炒飯，所以就淨係食咗海膽炒飯同牛肉粒炒飯，然後就另外叫一件鐵板燒鵝肝～～～呢度嘅炒飯非常之高質素，飯係炒到粒粒分明，非常乾身，又唔油，真係好正～～～～雖然兩個炒飯睇落好似差唔多樣，但係佢哋嘅香味真係唔同，各有特色，海膽炒飯味道比較輕，唔會蓋過海膽味，至於牛肉炒飯味道就香濃好多，好香蒜味同黑椒味，真係好惹味。燒牛脷串－唔算特別好食，不過都好食嘅，但係一啲串燒屋可能會仲好食，我始終覺得呢度係燒得唔夠乾。鐵板燒銀雪魚，魚皮非常之香脆，魚非常之滑 同非常之juicy。不過個青豆蓉就無以前咁好食。呢度嘅甜品又係無得彈，今次經過慎重考慮之下，揀咗抹茶奶凍，同我嘅最愛焗椰子布甸。抹茶奶凍，好食，不過食完70%抹茶雪糕嘅我，我覺得抹茶味好似唔算好濃，不過都好有味，個紅豆cream好好味，如果多啲仲好椰子布甸，根本無得彈，我仲要好堅持咁食晒啲椰子肉，要食晒啲椰子肉係需要好強嘅意志係咁挖，真係需要唔少手力。布甸好creamy， 好香，加埋椰肉真係好好味，仲有紅豆雪糕啊～～～～諗起都想食即刻再食=P點解～～點解將credit card要收咁高年費…查看更多

最近睇咗一個電視節目 阿美利堅無肉飯堂 ，呢個節目主要係講素食，環保etc...所以就令到我對於素食產生咗啲好奇嘞。其實我都知而家嘅素食真係好多元化，令我最好奇當然係素肉，所以反正琴日係星期一，一於就嚟個green monday啦。我都係第一次去一間全素嘅餐廳，menu選擇都幾多，其實好多嘢都好想試。因為好想食素肉，所以都有特登揀嚟食。結果就揀咗 curry enchantment，spice entice，free the fish 同 mighty volcano。curry enchantment係炸意大利飯球 配咖哩醬。飯球有啲煙靭，而且香脆，配埋咖喱汁同日式酸薑，成件事味道好豐富。日式酸薑配咖喱呢個配搭好特別亦都好夾，令到成件事refresh咗好多，唔會覺得炸嘢加咖喱會好漏。咖喱好好味，而且好香，又唔辣，好食！spice entice 係印度咖哩素牛肉手抓餅 配雞心豆、薯仔及青豆 配鮮乳酪醬。其實印度嘢都幾好食，呢個嘅味道唔太濃，唔算好『印度』，應該所有人都會接受到，我就覺得好好食，最重要就係要記得加乳酪醬食，呢個乳酪醬，雖然好普通，但係完全係呢個菜嘅靈魂，冇咗佢味道會差好多。另一樣我覺得特別好嘅就係個手抓餅，係非常之酥脆，而且一啲都唔油，食完係唔會有罪惡感，真係冇諗過冇用豬油嘅酥餅都可以咁酥脆，咁flaky。至於我最想試嘅素肉，其實都幾好食，唔講其實又真係唔會覺自己係食緊素肉，都真係幾surprise.free the fish 係炸素魚柳、粟米餅 配忌廉燴白豆秋葵。呢個菜我覺得個粟米餅（polenta) 係好食過個魚柳嘅。魚柳個感覺比較似麥樂雞，加比較乾嘅魚塊，質感就係好似一件比較實同乾嘅fish finger，味道都ok。至於個polenta， 真係好好食，質感好似明太子，悠悠啲似比較實淨嘅scramble egg，加埋少少coconut cream，真係又香又軟棉棉，好正架。最後到甜品 mighty volcano 朱古力慕斯焗火焰雪山，甜品係幾正常嘅，唔算太甜，不過個朱古力莫絲就真係唔係幾似莫絲囉，硬到似雪糕多啲，不過都好食嘅。我第一次嘅素菜餐就係咁嘞，都幾好食，有機會都會再食～…查看更多

早兩日去咗食 craftsteak 既 Wednesday Streakout. 368蚊就可以有unlimited steak 同 side，唔算好平，不過都物有所值既，因為可以一次過食到幾種唔同既cut。牛肉既質素都ok。餐前有麵包同沙律，麵包熱辣辣，幾好食。沙律我就覺得個shrimp cocktail 好食d，個味道豐富d。至於主角牛扒，就有5種，buffet style 所以係自己出去攞既。所有既牛扒大概煮到Medium Rare，如果想食熟d係可以叫大廚再煎煎，不過要留意，因為牛扒係已經切開咗，所以再煎牛扒係會乾少少。我自己食完就覺得佢地既 Canadian tenderloin 同Hanger steak係最好食。加埋hot radish 同French mustard 真係好好味。其實係仲有3個唔同既牛扒汁，好味，不過我自己覺得食埋就有d漏。我自己都係鍾意簡單既調味。…查看更多

本來想排炸雞，可惜條龍真係長到不能形容，所以就走咗落下一層食呢間沖繩菜。估唔到又幾好食，第一次食呢仲兩層飯，上面蒸餸，下面有汁泡煎飯。一上枱等6分鐘就食得。拎開個蒸籠，將煲入面既飯餅加芝士撈開就食得嘞。呢個飯可以加芝士撈，芝士蕃茄飯加漢堡扒，又真係幾好味，少少辣，少少甜。唔鍾意蕃茄，仲可以揀壽喜燒飯，唔食飯，又可以揀烏冬，好多選擇最最最surprise 係埋咗單仲有雪糕俾你拎走食。焦糖海鹽雪糕加炸麵包條，真係好好味，甜既雪糕帶著絲絲既鹹味，好balance。最特別既係呢個甜品有晒沖繩既特産，好有風味…查看更多

尚點係一間我好鍾意嘅上海菜。最鐘意就係佢哋嘅嫩雞煨麵，因為個湯底真係好好味，睇落白晒晒，不過好有味道，一啲都唔heavy，就算我平時唔太鍾意咁麵湯都覺得好好飲！呢個麵仲有好多菜同雞肉，又唔油，健康之選。間唔時就會好想去食。另外佢哋嘅素鵝都好好食，炸得好酥脆，好食過好多連鎖店。呢度嘅炒年糕都唔錯架，年糕炒得煙靭，係油咗少少，最重要係唔太咸。鍋貼餃子嘅脆面，又薄又脆，餃子入面有好多湯汁，記得小心啲熱湯汁，真係新鮮整架！至於口水雞，唔係我鍾意食，不過都ok， 唔算辣，不過就油囉。另外一樣我好鍾意去尚點食嘅就係佢哋嘅炒飯，雖然今次無叫，不過佢哋嘅炒飯真係好好食，好乾爽，記得試下呀～…查看更多

啱啱呢個weekend 就去咗又一城睇Tsum Disney Tsum Tsum。影完相就緊係要醫肚，所以就去咗Simply Life，因為夠早就唔使排隊。星期六嘅brunch 有好多選擇架，今次就食咗fish & chips同 Salmon & Scramble Egg Bagel 。呢個餐仲有湯或者沙律揀，同coffee or tea。我就揀咗磨菇湯，同ice tea 嘞。我幾鍾意呢度個ice tea，通常ice tea 都會係檸檬茶，但係呢度就用咗橙去代替檸檬，非常鍾意呢個配搭，因為飲ice tea我一定會走甜，用咗橙就算走甜，都仲會有橙嘅天然甜味，令到杯茶好好味，今次真係學到嘢～蘑菇湯，好足料，好多菇粒粒，菇味好濃郁，非常ok。Fish & chips， 都幾好架，非常之大份，兩大條差唔多手臂咁長嘅炸魚，好抵食！炸魚炸得好香脆乾身，無話油笠笠，炸皮唔算薄，不過都ok，入面仍然juicy，唔錯唔錯。佢哋嘅薯條好好食，又香又脆又乾身，好味！不過奇怪嘅係，呢個fish & chips 竟然冇跟tartar sauce，要問先至有，點解可以無跟，呢樣嘢都算係fish & chip嘅靈魂嚟架嘛～salmon bagel，我覺得相對好似無咁抵食，雖然睇落份量好似細啲，不過食完都好飽嘅。初初見到以為真係得個兩小片煙三文魚，但係其實仲有好多係啲蛋下面。個蛋炒得好靚，好滑，仲要有蛋汁，蛋汁加包係永遠都好食架！最鐘意就係啲三文魚同啲蛋撈埋一齊，食食下啲蛋，就有少少煙三文魚嘅鹹味爆出嚟，令到呢個滑滑嘅蛋嘅味又立體啲，總之就好食喇。cream cheese加燒番茄，又係另一個食bagel好配搭，令到呢一個bagel，變咗兩食。快樂嘅星期六就係咁簡單～…查看更多

London House嘅晚餐～終於都食咗啦想嚟食都係因為Gordon Ramsay 呢個名。呢度主要係食英國菜，所以無理由唔試Fish ＆ Chips，另外仲食咗 Truffle popcorn， Potted crab with seaweed toast 同埋 Beef burger 。兩個前菜都唔錯，Truffle popcorn 都幾得意，未見過用爆谷嚟做前菜，基本上係原味爆谷加咗松露粉係上面，望落去會覺得無乜咁特別，不過食落松露味好出，都幾surprise，一班人嚟食佢呢個都幾好，可以一路傾計一路食，又唔太heavy。Potted Crab with seaweed toast， 初初見到個醬，我以為都係只係一個醬，不過原來成杯都係蟹肉，味道非常好，個蟹肉蛋黃醬好creamy，但係又唔太漏，就算就咁食個醬都覺得好好食。至於個多士就一般般，我自己就覺得烘得有少少過咗龍，硬咗少少，或者啲多士薄少少會好啲。我至於主菜，我就覺得個Beef Burger 比較好食。個burger 好 juicy，咬落去啲汁會滴曬出離，麵包都好鬆軟，不過係底果塊包就索咗汁，所以有啲soggy。成個包我就最鐘意個jalapeno mayonnaise，因為佢有少少辣辣哋，所以食落好醒神，攞嚟點薯條都好好味。不過我呢次嘅薯條就麻麻地，比較腍，冇乜脆口嘅感覺，真係有啲失望。薯條嘅失望繼續落去，因為仲有個Fish & Chips。真係有啲可惜，啲著條唔脆，炸魚都係不過不失，我就覺得炸得黑咗少少，不過魚仍然嫩滑同juicy，炸皮厚薄適中，如果啲薯條係脆嘅就更好。成碟我最鐘意嘅就係個mushy peas，因為佢入面加咗basil，加多咗一個味道嘅層次，食落好refreshing。食完我覺得不過不失，價錢算係幾親民，不過質素都真係一般，雖然好有名氣，但係我覺得呢個質素呢個價錢，我食唔到佢有乜咁特別，係好食嘅，不過少咗我覺得佢應該要有嘅執著，我食唔到Gorden Ramsay嘅霸氣，亦都唔覺得呢度好有佢嘅風格不過呢度嘅staff就同佢一樣好有霸氣，一見你少咗人就問你可唔可以拎走張枱，就算我同佢講枱唔係我book嘅，我唔清楚我朋友叫咗幾多個人嚟我唔肯定人數，佢個樣已經唔係幾客氣。 我哋一班人嚟食，就梗係食下傾下，坐低嘅時候，佢又無講低話有限時，我哋個甜品未食完，佢已經收咗，雖然我哋係停咗手，但係我哋個甜品係大家share嘅，係唔係好應該問下我哋食完未呢？問都唔問人哋係唔係食完就收人嘢趕客，我唔覺得呢個係一間有國際名聲嘅餐廳應有嘅服務態度。仲有佢最尾話已經有客係樓下等緊，但係我落到去嘅時候唔覺有人等緊位，其實當時樓上open area 係仲有位，我唔覺得佢好有必要要趕人走。我真係對佢嘅服務好失望…查看更多

我終於食到梳乎厘班戟啦～雖然 Ufufu Cafe Hong Kong - うふふカフェ香港 係主打食芭菲，不過都有得食梳乎厘班戟啊！我好彩未夠6點就去到，所以都仲有位唔洗等，不過始終係新嘢，雖然未夠6點，但係都坐咗大半，過咗6點都差唔多滿座，所以一係6點前去，一係就要預咗等位啦。因為嚟呢度就係為咗食甜品，所以淨係食咗個厚切煙肉卡邦尼意粉，味道唔錯，醬汁雖然好杰身，但係唔會漏，幾creamy。意粉嘅texture比一般煙靭， 好有咬口，同一般意粉好唔同。其實呢度仲有好多鹹食，真係要去多幾次先食到。到主角啦～我好想食嘅梳乎厘班戟，我叫咗綠茶小倉梳乎厘班戟，班戟差唔多成兩吋厚，真係幾厚架，非常之鬆軟，質感有啲似好light果種海綿蛋糕，綠茶雪糕就甜咗少少，雖然佢都有糖漿俾埋你，不過雪糕咁點，所以都唔駛用糖漿。豆沙餡都甜，不過都幾紅豆。旁邊小丸子好煙靭，但係仍然軟熟，令成個班戟多一種口感。成件事真係幾好食，唔怪之得咁多人去日本要排隊食。另一個主角就係芭菲嘞！呢度嘅芭菲選擇真係多得好緊要＠＠ 都唔好講話試晒佢哋，我諗淨係齊幾大款，我諗都要嚟幾次。呢個芭菲係比利時朱古力栗蓉芭菲。朱古力質素唔錯，杯入面一面有朱古力芭菲，另一面係栗蓉芭菲，兩邊都好好食，唔太甜，質感好幼滑，而且好綿密，感覺比mousses 綿實，我好鍾意呢種texture。栗蓉都幾香，平時我都唔係特別好栗蓉，不過呢度嘅真係幾好食。不過就係奇怪，點解個底要有兩粒西瓜？真係好想快啲再去食過～～～…查看更多

琴晚特登走咗去大坑，食咗一餐好滿足嘅晚飯。其實 The Pudding Nouveau 嘅門口我都行過幾次架啦，不過唔係要排隊，就係未有甜品waffle食，所以次次都係過門而不入，今次終於可以入到去坐低食。今次都算係大滿足，咖啡，主菜，甜品，全部食晒。呢度嘅咖啡我覺得不過不失，好飲但係又唔算好出色，我飲嗰杯係Flat White，可以飲得到佢哋嘅奶嘅質素係幾好，幾香奶味，而且打奶泡嘅功夫都好好，奶泡非常綿密，真係冇好嘅奶同好嘅功夫係唔會有咁嘅效果。至於咖啡，味道帶少少酸，雖然我個人偏好甘苦多個酸，不過呢個酸又唔係好酸，基本上都唔會抗拒，不過咖啡就唔算特別香，雖然杯咖啡係加咗奶，但係都冇理由奶味強過咖啡香架嘛。另外個杯Latte， 我試咗少少，飲得出比Flat White多啲泡，又多啲奶味，咁就證明佢哋沖咖啡係有啲功夫架，不過其實 Flat white 同 latte 主要都係差面頭嘅泡泡。輪到主菜啦，呢晚就食咗 龍蝦焦糖燉蛋配龍蝦肉燒蘑菇 同 法式油浸鴨腿配窩夫班尼迪克蛋。龍蝦焦糖燉蛋配龍蝦肉燒蘑菇，整體嚟講都好味，不過又唔係好突出。以一個Savory Dish 嚟講個 Creme Brulee 就有啲過甜，主要係因為面頭個個焦糖，我都明白 Creme Brulee 嘅 Signature 就係面頭個塊脆焦糖，但係加埋落去就係甜過頭，如果可以換另一樣又脆又無咁甜嘅 element 放上面去代替直接用火槍燒糖，可能會更好，因為咁樣就可以減少啲砂糖直接掂到個蛋而影響到個燉蛋嘅味道。至於個燉蛋本身係用咗龍蝦汁去做，龍蝦味都好出，個texture 比較似蒸水蛋，如果可以creamy 少少，實少少，就更加似 Creme Brulee 嘞。由於個燉蛋比較甜，所以為咗要balance 反個味道，個龍蝦肉燒蘑菇就比較鹹同濃味，所以龍蝦本身嘅味就唔夠突出，如果就咁食呢個龍蝦肉，你會覺得鹹咗少少。所以最好嘅食法就係將龍蝦肉 同燉蛋 一齊放上多士度食。我好欣賞佢哋起晒啲龍蝦肉，再放返上去，咁食落就無咁 "lei hea" ，而且龍蝦肉嘅份量都唔少，真係放滿晒成隻龍蝦，好足料！另一個主菜 法式油浸鴨腿配窩夫班尼迪克蛋 ，就非常之好食，果然係佢哋一向嘅招牌菜！首先個 poached egg 煮得好好，仍然好 gooey，絕對係 egg benedict 嘅靈魂。 個油浸鴨脾非常之酥脆，最重要係一啲油膩嘅感覺都無，又夠味，又唔會太鹹，真係好好食。加埋佢哋嘅sauce，成件事都balance 得好好，佢哋嘅sauce 比一般嘅 hollandaise sauce 酸得 sharp 少少，就係因為咁食起上嚟會 give you a punch，再加埋啲 salad 同 balsamic vinaigrette，好refreshing，好立體。讚呀！當然仲唔少得就係個窩夫啦，我之前想嚟都係為咗食窩夫。窩夫好鬆軟，外面又有少少脆，但係又唔會𠝹口，真係好怕食到啲𠝹口嘅嘢。個窩夫嘅甜味好subtle，可以好好咁襯托個鴨髀，唔會喧賓奪主，下次再去真係要食下甜品嘅窩夫先～輪到甜品嘞，食咗佢哋嘅 Homemade Tiramisu 同 黑芝麻梳乎厘。Tiramisu 嘅質素好好，個mascarpone cheese cream 同 咖啡酒嘅味道好balance。Cheese Cream 好綿密，咖啡酒好香，成個tiramisu 又唔會太甜，再加埋啲脆脆地嘅蛋糕碎同朱古力碎，成個口感又多咗一個層次。係好食嘅！！！係個tiramisu 上面仲有一球雲尼拿雪糕，呢個雪糕都好味，不過就甜咗少少，我覺得如果轉做 creme fraiche 可能會好少少。個黑芝麻梳乎厘應該係今日嘅驚喜，因為我冇諗過係咁大個，直徑我估有差唔多 10cm 左右，見到咁大個已經好興奮。佢哋嘅梳乎厘手工好好，睇下佢升得咁高就知，而且個texture 又好，好light，功夫絕對到家！個度仲配咗一個黑芝麻anglaise 同黑芝麻雪糕。個黑芝麻anglaise 加埋個梳乎厘一齊食真係好正，芝麻味好出，好濃郁，而且唔會太甜。 個黑芝麻雪糕又好正，唔太甜不特止，黑芝麻味非常濃郁，呢三樣嘢加埋你會覺得好似去咗黑芝麻wonderland。鍾意黑芝麻嘅人，一定要嚟試！唔怪之得呢度成日都排隊啦，又的確係好食嘅，而且份量都好足夠，我覺得如果兩個人嚟食，兩個主菜加一個甜品都會好夠，或者鍾意食甜品嘅，食兩個甜品一個主菜都得！所以我呢晚食咗2個主菜，2個甜品，都真係非常之飽。佢哋啲甜品真係好大份好有誠意，令人好興奮呀～…查看更多

琴晚去睇林海峰之前，順個便去食番碗拈麵，反正就腳，同行既又未食過。今次就真係食特濃豚骨拈麵，不過因為忘記咗佢本身都有半隻半熟蛋，所以手多加左半熟蛋，就係咁我就食咗隻半半熟蛋～第二次再嚟，湯仍然好濃郁，不過就覺得鹹咗d，不過味道都濃，唔知點解就係覺得無上次咁好食。麵既質感似烏冬多d，但係無咁粗，都ok既半熟蛋，好正，好糖心，加埋d湯一齊食最好味。叉燒，係薄身既，脂肪唔太多，我覺得ok，太多脂肪我反而嘛嘛。整體感覺，真係無上次咁好食，好鹹，或者係因為我食過其他，印象好似人地好食d…查看更多