caogina的个人专页

Had a drink there, the outdoor terrace is quite nice and relaxing overseeing the middle plaza.Favourite drink there is opium old fashioned, the classic drink with smoothen taste. The waitress is very considerate and voluntarily cancel the bill for a drink that I don’t like.…查看更多

本身想食嘅泰國野要等，經過這個新開就試下。順化湯檬很豐富有牛肉，豬手，扎肉，大大碗。d湯鮮甜，飲完也不口渴。上面嘅辣醬好惹味，不過第二次來比少左我。火車頭正常水準沙爹串燒拼盤佢將我地碟拼盤比左人地先，可能唔好意思，就比左我地勁大碟。有豬牛雞三款各二豬肉比較特別，好似係五花腩串成特別豐腴。牛肉雞肉比較普通d沙爹醬都ok…查看更多

趕時間來快食一餐。點左烏冬+牛腩+牛筋+豬紅，牛腩好味 林又入味；牛筋好有嚼口；豬紅切到細細舊 ，無渣得來又爽口。想食滷蛋但無曬lu整體好味，但係食完好口渴，應該好多味精。下次應該唔再試啦…查看更多

之前食過百樂潮州 覺得都幾好 經過見到一於試下點心選擇不多 但有小菜搭救生煎包上到來吱吱聲 好夠wok氣咁 底下幾脆 有d lone lone 地 包身軟熟 都幾好味蟲草花牛肉球上湯嘅牛肉球 重搭配埋蟲草花 清清地 幾特別鹵水墨魚+蛋鹵水味啱好 豆腐好嫩 鹵水鵝撈麵好好味 鹵水鵝絲 拌上好多調料好豐富 配上粗麵有嚼口下次再來…查看更多

經過見到新開，就入去試下。試了滷水三寶飯（雞翼，豬腩肉，滷蛋）雞翼好味，入味又緊實。豬腩肉都好入味，不過硬左d，霖d會好味d。滷蛋其實係溏心蛋，不過無咩味。飯可選肉燥飯，菜飯。肉燥飯幾好味。還有配豆漿同青瓜。…查看更多

今個禮拜大家都好忙，講試呢間講左一個禮拜，卒之可以今日去啦！客人不是很多，環境一改平時拉麵店擠逼之感，反而好寬敞企理。餐排上有圖，便於直觀挑選食物，見到飯、麺、煎餃同串燒，麺也有撈麵、拉麵之別，拉麵更分雞骨、豚骨湯底。選擇很多。我點左銅兵衛，雞骨湯底，有叉燒、溏心蛋、木耳、木魚絲、京蔥。十分豐富湯底：上來見到湯底好清，完全不同其他拉麵湯底那種渾濁厚重的油膩感，多飲幾啖都唔覺得罪惡。叉燒： 肥瘦均勻，外面一圈肥肉之內，裡面瘦肉也很多，唔食肥肉也不會浪費太多溏心蛋： 放入湯匙已經覺得震騰騰啦，一咬果然係吹彈即破，好入味，好流心麺底： 係幼麵，叫的硬麺浸住很快也軟了，麻麻地朋友叫左赤兵衛，有點辣醬，不算辣。豚骨湯底試過也比較清呢…查看更多

登龍街嘅拉麵開到成行成市，仿佛成了拉麵街。這間最近新開，一定要試下。打開餐牌，不只有傳統嘅叉燒拉麵，還有雞槌拉麵，但第一次來，都係來個叉燒拉麵嘅穩陣之選。我地三個都點左一摸一樣嘅炙燒豚肉拉麵。等左好耐好耐先上來。 湯底: 好油，d脂肪粒粒可見，鼓起勇氣試下，好濃郁嘅豬骨味，反而口感並不是很漏。有d肥肉融入湯裡。 麵底: 點左硬麵，麵很筋道，彈牙，是幼麵，正合我意，分量也食得飽 糖心蛋: 唔系好流心果隻，蛋黃有點兒偏熟。但很酒味很入味，好味 炙燒豚肉: 不得了啊！見到成舊五花腩好驚，也只敢揀瘦肉來食。但真係好好味，軟爛入味，好想來多舊啊！…查看更多

去日本中左拉麵毒，返到來周圍搵拉麵食，不過真心覺得香港拉麵貴好多好多好多，本身係平民食品（日本人嘅雲吞麺）過江龍就身價百倍，隨時逼近百蚊大關。令本蛇費解嘅係好多拉麵店重要收加一，但係就咁將碗麵係櫃檯摞來你面前，需要多少服務呢？（有d甚至煮麵果個直接係櫃檯上遞俾你）又要鬧又要食，不正是很多人嘅心態嗎？神虎截止今日，係本蛇係香港食過最好食嘅拉麵！神虎拉麵+溏心蛋飲啖湯先，湯底很濃郁，感覺到豚骨溶化在內嘅味道。叉燒肥瘦均勻，不o鞋，本身有淡淡嘅咸味，屬上乘之作。溏心蛋正啊，淡淡酒味，蛋心流動，好味啊！赤虎拉麵試左小小，唔係好辣喔，湯底也很好！…查看更多

譚公誕過來睇舞龍舞獅，烈日之下，就快溶化。高潮過去，趕快匿入餐廳醫肚+避暑openrice見到呢間評價不錯，又在附近，快速撞入來。因為餐廳在大街上，巡遊繼續，仍然聽到鑼鼓聲聲。點完餐，等緊，突然聽到鑼鼓聲加大了，原來有獅子入左來啊，見佢入來舞左一陣，跟住係是頭婆面前好乖咁拜，跟住就走左啦，咦，唔見利是嘅，可能唔知幾時已經俾左啦。開心左一陣，上菜啦！摩羅雞飯好多年無食過啦，以前中學成日食，但後來好少見到餐廳有。賣相不錯，黃色嘅炒飯，疊上雞扒，淋上汁，再蓋一個太陽蛋。先撥開雞扒同汁，戳穿嬌嫩欲滴嘅蛋黃，洶湧而出嘅蛋汁用來撈飯最正。雞扒邊緣脆口，但可惜中間無咩味，可能醃得唔夠，而且又雪味。下面重有一舊煙肉，搭救雞扒嘅味道不足。個汁應該係墨西哥汁，咸甜雜陳，都幾夾。個炒飯應該落左黃薑粉，加上提子同炒。炒飯唔會太油膩，淡淡嘅甜味也不會和墨西哥汁衝突。焗豬扒飯終極邪惡之選，但真係太誘人。比大字頭過d好味，有heart得多。舊豬扒大過我塊面啊（我塊面已經好大噶啦），茄汁上面有芝士，焗至少少燶，係最好嘅狀態。豬扒香脆，雖然很大舊，但入曬味，而且食唔出雪味，不會o鞋口，而且沒有炸粉漿住嘴嘅感覺。下次我要點呢個！（係米真係夠膽啊？咁我都係考慮下線）…查看更多

去完旅行返來，約係度交手信俾朋友。餐廳在動漫基地上面，行一條好斜好斜（唔係邪）嘅樓梯上來，見到裝修好雅緻、幽靜，環境不錯，而且生意也很好，已經坐滿了。本蛇是牛魔王，中意牛肉嘅菜式，見到set lunch有串燒牛柳（可配飯，薯菜，白飯），又是朋友極力推介，即刻點左。好快就上來啦，串燒牛柳即係巨型牛肉串，肉質介乎嫩與韌之間，嫩得來有嚼勁，韌得來有肉汁，取得平衡。牛肉配上黑椒汁，是豉油西餐嘅經典搭配。可惜汁唔夠，撈唔到個意粉，搞到淡茂茂，建議可以俾多d汁或者將意粉加入調味。點薯菜，蘸番茄醬食惹味d，不過就太熱氣啦。set lunch 有羅宋湯，main course， 咖啡or茶，百零蚊，咁嘅質素和環境，都幾划算。…查看更多

是日前往探望朋友的初生嬰兒，途中經過Regal後門，見到附近幾個途人入去呢間拉麵，望下都幾full，應該不錯，回來就一於試下。炎炎夏日，掛住沾麺彈牙的口感，就來個沾麺吧！等了好一陣子才上，比一般沾麺店要慢。湯底：拉麵精華在於湯底，試啖先，咦，比較單薄，不夠濃厚。麵底：麵條不夠凍，體現不出冷熱交融的爽脆彈牙嘅快感。而且分量很小，我都無食飽，回家食左個橙先能入睡。還是三田好，有大中細同價，包食飽。叉燒：是唯一亮點，肉質比較緊緻，看出來這只豬平時有做開運動。溏心蛋：淡而無味，只是一只沒完全煮熟的白蛋，很失望。優點：桌上有電磁爐可以加熱湯底，沾麺湯變凍時候可以加熱。但問題是沾麺麺底不夠凍，好似也不會令湯變凍吧。桌上還有辣味醃菜，很開胃。…查看更多

平時都係自己整早餐食，weekend緊要出去嘆下。來到華星嘆個常餐先。店內以Levi's為主題，墻上貼住廣告，連d waiters 都著住牛仔褲同牛仔圍裙，座位隔斷上也用牛仔布做墻紙。幾潮！二話不說，點個常餐。當然選擇炒蛋，通粉和奶茶。炒蛋多士個炒蛋滑到呢，吹彈即破，好像是雞蛋流過，恰巧凝固在此，還有蛋汁流出，廚師炒蛋的功力，在家是難以複製的。加點胡椒粉，更吊出鮮味。火腿也新鮮不過咸。多士烘得香脆，加了大量牛油很豐腴，自己在家是絕對唔敢加咁多嘅，出來食嘅意義就在於放縱下自己，眼不見為淨，食d自己平時唔敢食嘅叉燒通粉望落白雪雪，唔好以為無味，湯底都好夠味。叉燒都有四五舊，甜甜地幾好食。這不是來此的主要目的，要求不高。奶茶好醇厚絲滑，唔鞋口，配搭多士，嘆一口，正！…查看更多

weekend經過，都系好多人，是日想起晚飯來試下。店內很cozy，可能到的比較早還無咩人。個整餅哥仔很可愛，重擺pose比我地影相，friendly一百分。打算同朋友一人一個咸galette，再share一個甜crepe做甜品。smoked salmon galette上面有只雞蛋，望落好吸引啊。蛋黃還是半熟，輕輕涂開，沾滿成個餅。煙三文魚給得很吝嗇，不過反而使得整個餅的鹹度剛好。擠上檸檬汁，中和三文魚的咸和雞蛋的膩，是清新之選。伴碟的沙律，勝在新鮮，用油醋汁簡單調味也很好。Parma ham galette與前者相反，parma ham 給得很慷慨，餅又是薄薄一層，所以使得整個餅太鹹啦，連配上番茄都無符，飲左好多水。我地本身重想食個crepe，但已經很飽，應該是我們的選擇太肉太漏，下次來藥改變點菜策略。…查看更多

星期六食個brunch就最o岩，餐廳係二樓，唔留意都好易行過。入來，成間嗡嗡聲，大家都在熱烈嘅傾計，果然係chat嘅好地方。位置安排很隨意，座位是大梳化，營造出親切，隨意嘅common room感覺，適合假期來hea一hea。餐牌主要係蛋，toast mix and match，選擇也很豐富，價錢也合理。講返食物 Egg Norwegian即系加smoked salmon嘅egg bennedict。其中一個個poached egg and salmon成個歪了，廚師準度需要提高。荷蘭醤酸酸的，可中和雞蛋的漏，但雞蛋蛋味不足，應該用更好貨色就好，下面嘅english muffin如果toast下會更好好。side dish的toast tomato也多汁鮮嫩，水果也新鮮，但冰的出奇，店家可考慮放一下再上台。 the flying panmost typical english breakfast。蛋炒的太老，沒什麼蛋汁。火腿，煙肉，漢堡扒都不過不失。總體不會失望…查看更多

以前住係九龍城嘅時候，呢間就係屋企附近，雖說不用排隊，但永遠都是滿座。全是傳統的中式甜品，不似其他甜品店極盡fusion之能事，有時想食相對light d嘅中式甜品就會來。中意呢度用料靚，豐富，但美中不足是太甜，所以一般食完d料都唔咁飲湯。 紅蓮燉雪蛤很補，紅棗大大粒，蓮子鬆化，雪蛤也無欺場，分量不少。是連盅燉，上台時才揭去層紙，覺得原汁原味。 蓮子綠豆沙綠豆很沙，裡面配上蓮子，百合，口感豐富。還有清心丸，係夏季清心下火之選。 蓮子綠豆薏米柿餅好似有個名加，但唔記得，所以，用枚舉法列出材料當名。呢味勝在用料非常豐富，各種材料搭配，而且各種材料各自都很出色，單一樣已經可以夠資格做一款好正嘅甜品，何況係咁多樣搭配一齊。…查看更多