月兒=)的个人专页

因為有朋友非常鐘意番茄,於是大家一齊黎呢間冰室試佢既常餐~不過我就覺得唔係真係咁特別,可能因為我住果邊都有餐廳有類似既菜式啦~只係味道非常普通既羅宋湯.....(?)我都有試到之前食評話好好味既西多士,味道普通啦,上枱果陣已經唔熱...d牛楠都好少,唔係難食既只係冇之前d食評講到咁正咁值得一試再試囉同行有朋友叫左一個餐肉公仔麵連凍飲足足要40蚊!講衰d其實個麵睇落仲衰過自己係屋企煮...不過常餐37蚊可以食到豬仔包+2隻蛋+通粉連飲品,係尖沙咀呢個租金昂貴既地方黎講可能算係好抵食既...不過講味道既話,真係唔值得特登去試而已...…查看更多

今日難得學校放假 於是就黎呢度玩貓貓地攤既位置有d奇怪.. 係係一座幾舊下既樓入面有d擔心去錯哈哈因為係星期五既關係.. 所以我地去到都係得2枱(包括埋我地)點左朱古力雪貓同 雪雪貓 仲有一個士多啤梨pancake之類既野朱古力雪貓我覺得好好味 但係朋友就話飲哂好漏雪雪貓(益力多味加少少煉奶) 好淡味 怪怪地味pancake睇落好好食 但係我冇試到最重要當然係玩貓貓啦!!!!!貓貓唔知係咪太早既關係 都係度訓教入面有10隻到既貓 我最中意就係黑色果隻(我叫佢做小黑咪)有一隻金色 朋友叫佢小金金 其實佢地叫咩名哈哈就如之前既食家所講 其實佢地都幾cool 不過貓貓就係cool cool 地架啦聽講有一次朋友去見到一大堆貓圍住一枱玩 希望我地黎多幾次 貓貓會記得我地一樣同我地咁熟啦不過其實d人話貓貓cool 我覺得店員仲cool 除左你主動搵佢問貓名 佢地真係自己做自己野 完全唔出聲不過服務冇咩問題.. 玩到大慨4,5點既時候 開始多人但係大部分都係掛住食野飲野唔睇貓貓 好奇怪門口可以捐錢幫下流浪貓 記得捐下啦如果你係為野食而黎 我就建議你地唔好太高要求啦..為貓貓而黎 應該會玩得開心d30幾蚊可以坐足2個鐘仲有貓貓任摸 真係好抵我地會黎多幾次架…查看更多

之前成日都落黎呢度食因為20幾蚊 照燒汁雞扒飯多汁又好味 真係好抵!但係今次再黎食 真係唔多掂..照燒汁雞扒飯 d雞扒同汁都少左好多...之前明明係超級多汁 多到可以撈哂所有飯食依家我叫埋佢加汁都係好勉強咁撈到一半..仲要佢俾汁我係倒落個wasabi兜度俾我 點食呀價錢冇變 但係冇得揀糖水 一定要味憎湯 個湯變到冇哂料依家個價錢黎講都唔係貴不過食過呢度既人 一比較之下 就知依家真係難食左好多…查看更多

同朋友慕名而來嘆炸芝士味道不錯 但係4舊真係幾滯 2個人share差唔多19蚊得4舊細細舊芝士+4條薯條..相比起10蚊薯條 唔係幾抵 如果平d仲好不過間唔中食下冇妨既 食得太多會爆瘡哈哈哈下一次試下其他炸野啦仲有個位置唔係幾好 隔離小巷好污漕好臭 影響食慾…查看更多

早前朋友話想試下放題~ 於是大家就係咁搵抵食既放題呢間算幾平 上網d評價又唔錯 所以就黎呢間啦地方有少少難搵.. 唔熟果頭我都要問問人先知係邊度不過都係用左幾分鐘姐 其實佢都幾方便 由尖咀a1出口行唔洗10mins就到入面都幾細下.. 我估400幾500呎到不過又冇話撞到人既.. 同朋友坐得close d囉頂多強烈推介炸物同牛肉! 真係好好味呢!!壽司就不過不失.. 有時d飯散散地果度既侍應雖然幾忙 不過都會同我地講下笑 好玩得!雖然漏左一次單 不過佢好快幫我地追返~ 唔該哂幾抵食 會有下次既!…查看更多

同朋友聚聚..夾夾埋埋等左差唔多2個鐘先入到去..其實出面唔多人等 但係d人一入就坐好奈不過都可以理解! 入面好靚! 同埋坐得好舒服! 個個都唔捨得咁快走salad bar 都幾好味! 尤其係沙律長通粉! 我夾左好多我自己叫左芝士雜菌焗長通粉(淨係記得係51號)都幾好味 不過食完沙律之後覺得好滯湯係羅宋湯 唔係唔好味 不過我本身係唔中意飲 可惜冇得揀叫coffee係會係你面前倒 同埋味道不錯埋單103蚊 .. 對於作為學生既我係有d貴不過間唔中黎一次享受下都唔錯既 …查看更多

約左班friend上黎聚一聚..所以預先打定電話訂位本黎想book vip房 但係唔夠10個 好彩冇book到 因為果日去根本就冇人咁濟不過講電話個女仔(應該就係個侍應?)幾體貼 叫我地遲半個鐘等佢冷氣開奈d先上黎 會冇咁熱呢度加分係網上面睇 個環境好似唔錯咁但係自己入去睇... 好似真係好唔同個場好細.. 不過都幾多野玩既.有wii啦 大富翁啦 uno啦 啤牌啦 麻雀啦 好多好多同埋佢有d好得意既蠟燭等等show出黎可惜我地唔係慶祝生日 用唔著野食都有幾多款既我自己叫左雙魚法包 係生菜+沙律醬+煙三文魚+法包都幾好味 不過個包有d燶.. 我個fd話覺得唔好食跟住我叫左雲呢拿牛奶沙冰 個樣超靚 讚!!!舊雪糕整到好似白玫瑰咁係d沙冰上面 真係好靚!!! 但係都幾淡下 .. 要加一 做會員加10蚊..建議黎既朋友做會員佢先.. 俾10蚊都好似俾加一我地因為計錢好煩 所以個個俾哂加一 果度成60蚊搵一個做會員好過其實都還可以既 野食就麻麻地 但係俾60蚊坐足4個鐘傾下計 算係咁啦P.S. 樓下有人話個女侍應好靚但係我(我係女仔)覺得佢一D都唔算靚女喎.. 個妝超級濃不過佢咁體貼我覺得佢都幾好既..…查看更多

今日係第一次來呢間食第一感覺係入面好多人同附近其餘幾間好唔同!我見對面食糖醋脆肉紅米飯咁香所以就同家姐一齊叫左唔好意思呀 差d唔記得影相所以食左幾啖幾好呀~ 有得選紅米同白米呢樣係我係第一次見到!我個餐係糖醋脆肉紅米飯,有碗湯,同一杯野飲飯好大.. 我已經唔算細食但係都食唔哂 XD我係第一次食糖醋脆肉,所以唔知道真正好好味既係點..但係我覺得呢間既糖醋脆肉幾好味肉唔算好肥, 略有"肥膏"d汁好好味!!!紅米飯飯量非常多.. 滿滿一碗之多!飯就唔算太硬唔算太軟, 中中間間啦!!個湯我唔知道叫咩名,有豬肉..好好味, 冇味精味, 有埋湯料食非常好飲!! (力推!!!)我叫左凍朱古力冰少足朱古力味又大杯!!埋單只要23+2=25蚊抵食又極好味!…查看更多