chu_oliver36的个人专页

平時去澳門食葡國菜就多，今次去氹仔嗰邊見到呢間西班牙Fusion菜，主打海鮮都有興趣試吓。店名唐吉柯德，裝修雅致，下午茶時段去唔多人，坐得好舒服 南瓜奶油濃湯 28 飲落好鮮甜，creamy但唔會覺得膩，有粒粒南瓜蓉好足料葡式海鮮飯 220傳統嘅西班牙海鮮飯比較乾身，用葡式方法煮，個飯會更多汁濕潤。大蝦、青口、蜆肉鋪滿飯面，每一粒飯都沾滿鮮甜海鮮汁好濃郁，用鮮茄煮落湯呈橙色酸酸地更清新，亦好突出海鮮鮮味烤章魚 180用牛油蒜汁煮好香，再加少少橄欖好清新，章魚彈牙多汁好鮮甜…查看更多

啟德零售館呢間越泰菜服務好、地方闊落，下午茶包冷熱飲品，仲可以優惠價加配小食超抵食，另外有兩款夏日推介加錢先配飲品，更加豐儉由人，真係要多多支持！炭燒豬頸肉喇沙 $62個湯勁濃郁，少少微辣，但係唔搶蝦味鮮甜，豬頸肉份量勁多，燒得外脆內軟仲保留有粉同肉汁，摻摻係油面同米粉，口感層次好豐富河內雞絲撈檬 $66呢個正常發揮唔特登搵嘢讚😂 撈檬汁夠凍都唔錯！河內手切牛柳湯河 $72 （包飲品）個牛肉湯勁出色係可以飲嘅質素！手切牛柳半生熟，軟滑而有嚼勁，肉味濃郁。套餐免費包括凍馬來拉茶香滑好飲另外冇跟嘢飲個麵加咗$12配藍莓巨峰梳打特飲梳打好爽，有大大粒藍莓好清甜娘惹炸鮮奶 下午茶追加 $22有四件份量好足，外脆內軟鮮奶好軟滑，唔會太油又唔會太甜，出色！…查看更多

我哋好鍾意過澳門食葡國菜，兩個月冇嚟見到大三巴附近開咗間新嘅餐廳，叫葡頌苑感覺好似香港啲居屋名🤣 但質素係唔錯，價錢都好相宜，新裝修、服務又唔錯，下次都可以再嚟試吓其他嘢葡式風味辣醬烤雞配脆皮地瓜及沙律 烤雞個皮脆卜卜，入面包住澎湃嘅肉汁，半隻雞份量都算好多，配埋沙律菜同炸番薯條更加飽肚炙烤八爪魚及黑毛豬柳串係幾有特色嘅一道菜，烤八爪魚質地軟滑，一啲都唔韌，配埋黑毛豬柳一齊穿係多士上面，在樓上酸酸甜甜嘅沙律汁好開胃！黑毛豬又係好juicy，少少肥多多汁勁正！…查看更多

灣仔汕頭街有間專食手工意粉嘅小店，全日套餐$138有前菜+主菜+飲品，亦可以優惠價加配甜品海膽醬蟹肉扁麵 +$25 ，賣相果然如餐牌所述「宛如藝術品般精妙絕倫」，海膽嘅完美橙色佈滿成碟意粉，餐牌寫扁麵以為係普通linguini，原來係更闊身嘅闊條麵，煙靭有咬口亦掛上絲絲蟹肉好鮮甜，整體風味濃郁前菜可以揀湯或沙律，飲品免費包括奧地利樽裝果汁，亦可升級特飲，冷熱同價$20加$28叫咗份Tiramisu，面頭灑咗糖粉，比出面食開嘅甜，可能係意大利口味，咖啡濃郁，蛋糕濕潤有風味…查看更多

入開元朗探親戚，家人推介呢間元朗老店鹵家。餐廳由五星級老師傅主理。午市套餐抵食。我哋叫咗個黯然叉燒雙蛋飯（$65）及金牌燒鵝皇米線（$74）。套餐分別可以配湯或嘢飲。我哋其中一個跟餐湯，青木瓜雞腳湯清甜，冇味精。好似老媽子煲嘅湯，想encore多幾碗。個黯然叉燒雙蛋飯配咗燶邊蛋零舍黯然，叉燒肥瘦適中。蜜汁香味濃郁。金牌燒鵝皇米線個燒鵝肥而不膩，配上梅子醬，令人回味無窮。仲有嗰碟話梅涼瓜片，嘩，簡直為夏日帶來了清爽。平日午餐時段都比較多人，有一種排住隊返屋企食飯嘅感覺。…查看更多

呢排就算平日放假，無論香港定返大陸周圍都好多人，所以我最鍾意去氹仔探朋友住返一晚輕鬆吓，去埋間裝修靚又夠安靜嘅餐廳食個晚飯就更加chill餐廳彩光一流，葡式裝修風格十足，過嚟食飯慢慢坐唔會太多人好舒服我叫咗個葡式海鮮湯飯，一上碟海鮮嘅份量多得誇張，鋪滿成個飯面，魷魚、青口、鮮蝦、蜆肉全部都好鮮甜，每一粒飯都吸滿海鮮湯好鹹先朋友點咗個里脊牛扒配自製薯泥，大大塊牛扒賣相好靚，不過我冇影相，切咗少少俾我試吓，肉質好腍好牛肉味，配上軟滑薯泥好出色…查看更多

今日放假去將軍澳探兩位長輩，一定要搵間大家都啱食又坐得舒服嘅餐廳，火鍋放題係唔錯選擇，睇咗幾間最後揀咗一鼎揀咗性價比最高、最多人揀嘅澳洲200日穀飼牛套餐，除咗牛肉仲有海鮮，連日式水冷麵都有，最正係台式手搖任飲，百香果三重奏同香水檸檬茶酸酸甜甜好清新，我哋幾個都有encore！穀飼牛脂肪含量唔算好多，但非常嫩滑，配埋個麻辣鴨血湯勁有台灣感覺。海鮮方面大推鮮蝦同大蜆，真係好鮮甜又夠多肉佢啲串串都幾特別，雖然都係常見嘅火鍋配料，但串起咗更有儀式感，油揚午餐肉口感好豐富…查看更多

去太古坊食客順便搵個朋友catch up一下，崇尚健康飲食嘅佢推介我食呢間樹屋，有少量堂食位置仲有對住東隧口嘅靚景！Tundra Burger 同經典burger配搭相近，grain patty比肉類更有口感，配上香甜南瓜同生菜令質地更濕潤Banyan係Sourdough Flatbread，落咗勁多醬汁，但食落係好Rich完全唔會覺得膩，tempeh係用發酵黃豆造成膏狀嘅食物，包入個手卷加埋炸茄子同濃郁醬汁好惹味！加$50做combo set有是日餐湯同飲品，是日椰菜花湯好香濃，對個人口味嚟講稍鹹少少，但用蔬菜打成有菜蓉口感Lemonade有原條香茅，檸檬又夠酸好清新，另外叫咗杯熱嘅香茅薑茶，清新暖胃…查看更多

喺明愛醫院附近新開咗間台式料理，全日免加一好抵食， 11點前有早餐， 11點後全日套餐包主食、前菜、小食、甜品、飲品超級豐富，每樣都細細碟可以試好多款，仲可以追加蔬菜或湯品我哋一行二人揀咗兩個套餐，前菜滷蛋同貓耳朵都係涼菜，正常發揮好開胃，小食雞米花係炸雞粒，外皮香脆肉質軟熟，另有台式香腸同炸花枝丸大大雞排滷肉飯 $88真係好大塊，分咗兩排條條都好多肉，炸皮好脆仲有少少味粉好香口，滷肉飯夠晒肥，多汁但唔會太鹹，送飯啱晒清燉牛肉麵 $72個湯好清甜冇味精，牛腱厚身肉質軟滑，牛筋有膠質，可以免費轉淮山麵，幼身比較爽口追加小食揀咗肉燥青菜 +$22 菜心好腍好甜，揀咗肉燥另上可以按口味調節，同埋紫菜豆腐湯 +$20 大大碗有一粒粒軟滑豆腐同鹹香紫菜，豐富蛋白質又暖胃凍香芋奶綠 +$9 有粒粒芋蓉，奶綠清香；熱水果烏龍菜 +$6 以鮮果粒加入濃香茶底，清甜醇厚好好飲最後仲有一小碟仙草芋圓，有花奶調味，少少哋唔會太飽，又有甜品食好滿足…查看更多

去開元朗探朋友，被呢間餐廳嘅裝修吸引。見有啲肚餓於是決定入去試吓佢哋個brunch。我哋一行二人分別叫做咗牛油果英式早餐（$118） 及香煎盲鰽魚柳配日式柚子汁（$118）。餐廳好有心思咁預備咗餐墊俾客人，瞬間提升儀式感。隨餐奉送田園沙律或是日餐湯。當日餐湯係蘑菇湯，都幾香。值得一提嘅係沙律嘅菠蘿好甜。餐包送到嚟嘅時候都好熱。英式早餐配上薯餅、沙律、烤大啡菇等。個香草豬肉腸好好食。而香煎盲鰽皮脆肉滑。個人幾鍾意佢個烤蒜。配上柚子醋汁好清新。嘢飲方面我哋另外叫咗檸檬柚子梳打（$22）及榛子咖啡（$22）。幾欣賞餐廳會用食用鮮花點綴，成件事Elevate咗。假日午餐時段餐廳都幾full，不過係值得等待嘅。…查看更多

澳門必食正宗葡國菜，適合家庭聚會，我哋一行六人都好滿意服務同環境。特別推薦馬介休球、葡式風味辣醬烤雞、特製蟹肉釀蟹蓋，都係香港冇試過嘅味道釀蟹蓋好巨形，入面有調過味嘅蟹肉醬好鹹鮮，再鋪上新鮮蟹肉同蟹膏更香甜，伴碟嘅多士同沙律菜都好新鮮，可以中和蟹肉蟹膏油膩感馬介休球皮薄香脆，包住絲絲魚肉，質地軟滑入口即溶，送酒一流辣醬烤雞肉嫩多汁，雞皮香脆，配辣醬同手工地瓜條食到停唔到口！我哋一家人仲試咗好多款款式，係以上幾款最印象深刻，希望下次去澳門可以再食呢間🙌🏻…查看更多

20年老店真係唔容易，樓上鋪全靠九龍城街坊鼎力支持，加上食材新鮮座位舒適，同屋企人過嚟食都好滿意！海底椰青雞 $148湯底清甜，有鮮嫩雞件、豬骨、海底椰同紅棗，清甜足料手切肉眼邊肥牛 大 $488 肉眼唔會太肥，但肉嫩多汁，有少少軟筋有肉鮮味三寶丸 $110 我哋四個人，三款丸一人一粒啱啱好，牛肉、豬肉、墨魚各有特色，手打丸好彈牙大邊爐四式餃 $92 可以試晒四款自家製餃子，隻魚皮餃好鮮甜，魚皮又彈牙，幾特別特式魚蓉麵 $48 整蛋糕嗰啲唧花袋裝住，新鮮唧出嚟好順滑，食落係彈牙鯪魚肉，飽肚又有特色…查看更多

我屋企人話好肚餓，所以我提議咗去食雞煲放題。之前經過呢一間餐廳已經想試，今日終於有機會啦。晚上7:00之前離座有優惠，成人只需$188位，任飲任食兩小時。見到隔籬枱嘅麻辣雞煲色香味俱全，原本都想點嚟試吓，但由於屋企人唔想食辣，所以我哋點咗一個椰子雞煲湯底，隨窩附送半隻雞切件。店員同事奉上一個漏斗，教我哋水滾之後落雞件，反轉漏斗計時，果然有講究。雞件滑溜，椰子湯底新鮮清甜，據說是用三個新鮮椰子組成的湯底。內裏還有新鮮椰子肉。純天然，好健康，好味道。自選區食物非常豐富。肉類方面，有肥牛，豚肉，雞件。海鮮方面，有蝦，蜆，蟶子，魷魚仔，蠔，等等。蔬菜的選擇也很多。整體食物材料新鮮。另外還有自助調味料區，飲品區以及非常吸引的雪糕區。推介紅豆雪糕有很香的紅豆味和紅豆粒，不會大太甜。就算很飽，也吃下了兩個雪糕球。由於性價比十足，已經約了好朋友於下個月再返來大吃一餐。…查看更多

最近朋友推介呢間喺土瓜灣嘅茶餐廳，一入到去已經見到唔少街坊支持，平時都幾鍾意影相嘅我，發覺佢哋嘅菜式賣相吸引，擺盤有心思風味辣子雞：呢款菜式啱晒食得辣嘅人，辣得相當過癮，雞肉細細粒，某啲係帶骨嘅，先炸後炒非常惹味沙嗲金菇肥牛煲：送飯嘅首選，金菇、粉絲、燈籠椒等非常足料，牛肉香濃易入口椒鹽白飯魚：呢款係我嘅最愛，椒鹽嘅調味啱啱好，唔會太鹹，但又夠味，白飯魚非常完整，唔會好似某啲舖頭咁樣炒爛晒，仲食到魚嘅香味另外喺呢度仲飲到超巨大檸檬茶 我同朋友都忍唔住打卡，超鍾意檸檬茶嘅可以喺度飲到夠…查看更多

前排跟住朋友係大圍食飯，見倒佢地主打泰國菜，但都有啲fusion 既野食☺️餐廳除左戶內仲有outdoor 位，lunch價錢都好抵食蔥油炭燒豬扒配白飯 豬扒好有驚喜🤣大大塊外皮有焦香，肉質鬆軟，加上蔥油好香好惹味，建議可以一口豬扒一口白飯，好好食🤤泰式燒雞扒飯配蔥油汁 如果唔想食白飯可轉沙律🥗雞扒燒至外皮香脆，肉質仲係好嫩滑，用左泰式醬汁甜甜地好開胃凍檸檬套餐轉凍飲，佢地仲有其他泰式特飲選擇見到就算平日既LUNCH 都有好多人食喎，咁又係， 食物質素好， 價錢又唔貴！ 值得支持。…查看更多