Madmadeat的个人专页

週末終於有時間好好歎個 brunch ☀️💃 成個星期忙到癲，今次決定去呢間墨西哥餐廳放鬆一下，一入去個Feel就好 Chill，陽光喺窗邊位灑落嚟，加上望住半山扶手電梯，整個 vibe 有啲似置身國外嘅感覺🌴。 🥑 Ceviche開頭嚟個清爽嘅 Ceviche係正確嘅選擇，調味好開胃。蝦肉新鮮，調味帶少少檸檬酸香，加上 creamy 牛油果醬，好 refreshing～🌮 Surf & Turf Tacos牛肉香濃、有肉汁，而蝦微甜且不失彈牙，兩樣配埋一齊食真係勁夾。Taco 皮烘得脆中帶軟，加埋番茄汁，令整體層次更豐富。🐥Chicken Fajitas上枱嗰刻吸引咗眾人目光，鐵板咭咭聲好吸引。雞肉嫩滑入味，配埋甜椒洋蔥炒得香氣撲鼻～自己包 tortilla 食超有趣，仲有三款醬汁可以轉換口味黎試下。🍸 Cocktails 小確幸由於係週末 brunch，輕輕鬆鬆點咗2杯酒慢慢歎～ Santa Monica sunset：果香味濃，好有夏日感覺，飲落輕盈唔膩。 顏色係紅橙漸層，好似日落咁。Roku：Gin 做 base，清新順滑，唔會太烈，配 brunch 啱啱好～ 📍Santa Monica Cantina (中環)🔎中環些利街9號地舖…查看更多

天氣開始轉凍，最想就係食返碗熱辣辣嘅麵暖下身。呢間位於銅鑼灣嘅韓式餐廳，其實我想試好耐，近排終於有時間排隊入去試下。佢呢一兩年真係expand得好快，香港唔同地區都見到呢個牌子，雖然分店多咗，但人氣依然旺盛，每次經過晚市時間都要等位，可見熱度未退。 講下餐廳環境先 ，裝修乾淨雅致，帶啲古典韓風感覺，用餐氣氛舒服放鬆。店員好多都係韓國人，講嘢有禮又親切，感覺更貼近地道韓式食堂風味。 🥘 豬脊骨辣湯麵 一上枱就香氣撲鼻，湯底係濃郁豬骨湯加上帶辣度嘅韓式醬料，辣得嚟唔嗆喉，啱啱好夠暖胃。豬脊骨炆得腍滑，肉味重，伴麵食特別滿足。麵身煙韌彈牙，浸耐啲都唔會爛，整體平衡得好好。 🐚 蜆湯麵 呢個相對清淡啲，湯底帶住蜆肉鮮甜味，好清香，唔油膩。啱晒唔想食太重口味嘅日子。 🥟 泡菜餃子 (2pcs) 餃子大大隻，皮薄餡靚，咬落爆汁，泡菜酸辣味同肉香混埋一齊，開胃又惹味，好滿足。 ⭐ 推薦指數：4.5 / 5…查看更多

收工去一點心買Dinner，照舊門口超多人，不過隊郁得幾快，大概5-10分鐘就有得攞外賣。職員好親切、有禮貌，叫餐、取餐都好順，感覺幾舒服。🦀 蟹皇蒸燒賣
呢個係個人飛佛！一咬落去蝦肉好彈牙，蟹皇香氣濃郁，味道好鮮。皮薄但唔爛，食落唔會太鹹，又帶點海鮮嘅鮮甜，質感好豐富。大大粒，好滿足。🥬 鮮蝦菜苗餃
皮透到見到入面啲蝦。食落爽口清新。蝦新鮮、冇腥味，整體好滑、但唔會好油，出色。🍗 懷舊雞包仔
幾少見嘅款式，外層軟綿綿，帶點甜香。入面雞肉餡滑、唔乾，好有以前茶樓嘅懷舊感。🐷 蜜汁叉燒包
蜜味叉燒餡料十足。餡甜中帶咸，肉質嫩滑，汁多但唔膩。包皮超軟，唔會黏牙，不錯🍢 四寶滑雞扎
材料幾足，有大大件雞肉、魚肚、冬菇、火腿。蒸完之後仲保持到滑身感，每啖都有層次感。🦑 咖喱魷魚
咖喱香濃中帶微辣，係港式嗰種口味。魷魚彈牙唔韌，而已好入味。🍚 菜乾鹹骨粥
粥底綿滑，菜乾味滲晒入去，好香。鹹骨炆得好唔柴，暖笠笠好有家常味。鳳爪排骨飯
鳳爪軟腍入味，排骨肉結實又唔肥，而且中意佢豉油另上，整體不錯。…查看更多

最近天氣開始轉涼，最啱就係約埋朋友去打邊爐啦～今次試咗元朗呢間大滾友火鍋～餐廳地方闊落，環境乾淨舒服，坐得唔迫，啱晒同朋友慢慢邊傾邊食🥰 佢哋嘅「玲瓏浮凸花膠雞湯鍋（半隻）」真係勁正。雞湯用三黃雞熬足六個鐘，聞落已經香氣四溢，湯頭濃郁但唔膩，飲完口腔仲留住雞味香。花膠厚滑又爽口，雞肉煮完好滑，而且份量好足，整體滋補暖胃 「大滾友牛肉拼盤（細）」：裡面包括有封門柳、本地手切牛頸脊、和牛牛展、牛粒、牛舌、花雕酒浸牛肉。每款都切得靚又厚，輕輕灼幾秒就嫩得出油香，個人最鍾意牛舌同封門柳，油脂分布靚得黎唔膩，花雕酒浸牛油亦很特別，食落帶淡淡酒香。 「手打鵝肝墨汁墨魚丸」都好出色，丸身彈牙，咬落中間有鵝肝，好特別，唔似坊間普通丸咁單一。 「脆炸芋頭魚」好有驚喜，用芋頭蓉整成魚形，炸到外脆內軟，放入湯滾兩秒掛湯食，香得嚟又有芋香～👍🏻 第一次食。另外啲蔬菜類同典型海鮮火鍋料質素都唔輸蝕，「冬瓜片」清甜爽口、「淮山」好爽脆、「日本廣島蠔」粒粒飽滿肥美、「白鱔片」滑溜冇腥味，全部新鮮高質。另外自家製竹蔗茅根，清熱解辣又解滯，一啖落肚感覺冰凍舒爽～最後記得食埋火焰豆腐花，豆味香濃，而且仲可以打埋卡。整體食材高質、服務好、係幾有誠意嘅火鍋店。…查看更多

最近天氣開始轉涼，最啱就係約埋朋友去打邊爐啦～今次試咗元朗呢間大滾友火鍋～餐廳地方闊落，環境乾淨舒服，坐得唔迫，啱晒同朋友慢慢邊傾邊食🥰 佢哋嘅「玲瓏浮凸花膠雞湯鍋（半隻）」真係勁正。雞湯用三黃雞熬足六個鐘，聞落已經香氣四溢，湯頭濃郁但唔膩，飲完口腔仲留住雞味香。花膠厚滑又爽口，雞肉煮完好滑，而且份量好足，整體滋補暖胃 「大滾友牛肉拼盤（細）」：裡面包括有封門柳、本地手切牛頸脊、和牛牛展、牛粒、牛舌、花雕酒浸牛肉。每款都切得靚又厚，輕輕灼幾秒就嫩得出油香，個人最鍾意牛舌同封門柳，油脂分布靚得黎唔膩，花雕酒浸牛油亦很特別，食落帶淡淡酒香。 「手打鵝肝墨汁墨魚丸」都好出色，丸身彈牙，咬落中間有鵝肝，好特別，唔似坊間普通丸咁單一。 「脆炸芋頭魚」好有驚喜，用芋頭蓉整成魚形，炸到外脆內軟，放入湯滾兩秒掛湯食，香得嚟又有芋香～👍🏻 第一次食。另外啲蔬菜類同典型海鮮火鍋料質素都唔輸蝕，「冬瓜片」清甜爽口、「淮山」好爽脆、「日本廣島蠔」粒粒飽滿肥美、「白鱔片」滑溜冇腥味，全部新鮮高質。另外自家製竹蔗茅根，清熱解辣又解滯，一啖落肚感覺冰凍舒爽～最後記得食埋火焰豆腐花，豆味香濃，而且仲可以打埋卡。整體食材高質、服務好、係幾有誠意嘅火鍋店。…查看更多

大閘蟹季都差唔多完啦，見仲有得食，當然要捉緊機會，今婉就約咗朋友一齊去中環呢間餐廳enjoy一下。「燕皮扁肉湯」 湯底清清地，飲落有啲鮮甜味，暖胃又舒服，帶紫菜和小青蔥香氣，而扁肉就好有特色，燕皮都係肉做嘅。🦀 清蒸大閘蟹之後重頭戲登場清蒸大閘蟹！今次食公蟹，啲膏真係香濃滑口，肉都幾實淨，非常鮮甜，莆田啲蟹處理得好乾淨，蒸得啱啱好，仲有配埋熱薑茶同醋汁，啱晒中和寒氣～ 🍴 精美雙拼 + 興化炒米粉 雙拼幾有驚喜，一凍一熱：一邊係滷筍，一邊係紫菜蝦米，前者爽脆，後者酸甜開胃。至於興化炒米粉，就炒得乾身又有鑊氣，每啖都有回甘香，唔油膩，而且好多海鮮料，好豐富嘅口感。🐟 百秒花魚 + 金湯時蔬 百潢花魚肉質幾滑，魚香鮮甜濃郁；金湯時蔬用鹹蛋做湯底，金黃色嘅湯，加上皮蛋，令豆苗調味甚富特色，鹹鹹香香。最後上場嘅「紅棗燉雪燕」 亦很不錯。雪燕滑溜，紅棗味香甜而唔膩，食完成個人都暖晒。…查看更多

週末同朋友去咗富來休閒農莊，地方好大又乾淨，由早上10點開到夜晚10點，啱哂一班人去放鬆同玩足成日。氣氛好熱鬧～成個場都充滿笑聲，大人細路都玩得好開心🔥 燒烤任食3小時（包1包炭）呢度除咗有各類蔬菜（番薯、茄子、麵包都有），肉類選擇都夠多，雞翼真係must try，有兩種唔同調味，醃料味道唔會太重，燒完之後香氣十足～ 要落外脆內。我哋仲發現燒蕃茄超好食，好多汁🤤仲有燒燒賣都係推介之選。最重要係食物 refill 速度幾快，唔洗等，成程燒烤氣氛好熱鬧，大家遠離電子產品，邊燒邊傾真係好耐都無試過。🎣 釣蝦體驗：場內工作人員態度超好👍，見我哋雞手鴨腳，就主動教我哋點樣釣。最正係釣完啲蝦仲可以即刻攞去燒，好新鮮。見到亦都有人去釣魚，我哋由於時間唔夠，就留返下次先試。🧒 兒童遊樂區開放到6點，小朋友玩到唔捨得走，啲設施都幾安全又多選擇，完全放電好地方🚗 兒童電動車每節9分鐘，啲小朋友玩得開心到不得了😂 🐠 撈金魚原來比想像中難呀🤣🤣，雖然失敗咗幾次，不過好好玩～ 🕹️ 遊戲代幣夾公仔佢地d夾比出門公仔鋪緊！！而且唔貴，用咗10代幣夾到一個公仔，好開心。整體嚟講，富來休閒農莊真係放鬆同好玩兼備，員工服務態度又好，地方又乾淨，啱哂一家大細或者朋友聚會去玩一日～ 🌼…查看更多

上個週末同屋企人去觀塘飲茶，揀咗呢間朋友推介嘅滬玥茗居。一入去環境幾舒服，裝修簡約得嚟有格調，燈光柔和、地方乾淨，坐得都幾寬敞，啱晒一家大細慢慢飲茶吹水。🥟 三鮮煎鍋貼 (3件) — $3底煎得金黃香脆，唔油膩，餡料夠實在。口感彈牙加少少韭菜香，一咬落去有湯汁滲出，幾滿足。🦀 鮮拆蟹粉小籠包 (4隻) — $58呢個真心推！皮薄唔穿、湯汁多又香，陣陣蟹粉味，入口滑溜，啲油香好平衡。夾啲薑絲加少少鎮江醋一齊食，啱啱好。🥠 千絲蘿蔔酥 (3件) — $36外皮炸到酥化到不得了，鬆化又唔油。入面嘅蘿蔔絲甜甜地、仲有啲水分，食落清爽。連嘴刁家姐都話呢個出色，三件真係唔夠分！🥢三色燒賣 (3隻) — $38賣相幾靚，色彩繽紛。蝦肉彈牙、蟹籽鹹香、味道整體唔錯，中間仲有淡淡菇菌香氣，同坊間平時嘅燒賣有啲唔同。💎 翡翠水晶蝦餃 (3隻) — $38蝦餃皮晶瑩通透、唔會黏。入面啲蝦仁大粒又結實，鮮味十足。🫖白茶流心芋球 外層炸得金黃酥脆，帶有淡淡白茶香，咬開時芋泥同蛋黃流心香滑濃郁，甜度適中，不膩口。芋頭與白茶的香氣層次相輔相成，餘韻都好清新。 🥢 臘味蘿蔔糕 蘿蔔絲分佈均勻，臘味香氣突出而不死鹹。煎後外層微焦，帶點鍋氣，搭配少許辣椒醬或XO醬會更惹味。滬玥茗居 (觀塘)觀塘駿業街44號銀八2樓…查看更多

天氣開始凍冰冰❄️，又係時候烚下烚下～ 今次約埋friend嚟食方叔叔，餐廳桌位好闊落，2個人黎都係4人size嘅座位，整體空氣好流通，食麻辣火鍋都唔覺得個人好熱，用餐環境幾舒服。🥢 今次食晚市二人套餐（$588）：🌶️ 湯底：揀咗麻辣湯+ 清甜蔬果鍋麻辣鍋香中帶麻，辣勁十足但唔嗆喉，花椒香味勁突出，蔬果鍋就超級清甜，有香菜提香，一辣一唔辣，平衡得剛剛好。而且食得出湯底無香精，食完唔會有口乾問題，尤其係蔬果鍋，甜味真係黎自湯底裡面嘅蘋果、粟米、紅棗等，好加分。🥩 肉類：- 🇺🇸 美國Prime特級牛胸腹：油花均勻，輕輕一涮，入口牛味濃郁。- 🐮 嫩嫩嫩牛肉：肉味同樣香濃、質感好滑，比美國Prime特級牛胸腹厚身d，口感不太一樣。- 🐏紐西蘭精品羊肉卷：肥瘦剛好，冇膻味，配麻辣湯係完美拍檔。 - 🐖 極品黑豚腩肉：脂香撲鼻，入口溶化，越食越香。 - 🐔 鮮切清遠雞：雞肉嫩滑，放喺蔬果湯煮出淡淡甜味，清新好味，仲帶點蔥油香。🍢 火鍋配料：- 鮮鴨血：同麻辣湯好夾，餐廳提醒唔好擺清甜個邊，質感好嫩口，好似食Jelly咁。- 鮮黃喉：爽脆彈牙，同樣同麻辣湯底好夾。- 小郡肝串串：香濃惹味，帶孜然香氣，質感軟嫩中仍保留彈牙- 手打魚籽鍛滑：啖啖魚香，咬落有魚籽，口感不錯。- 霞浦海帶苗：嫩爽清脆，放落白湯清爽解辣。 - 包漿豆腐：每次都要點，外實內嫩，豆香爆出嚟好治癒。 - 稻庭烏冬：滑溜且吸湯力滿分，好啱收尾。 - 紅糖冰粉（2份）：解辣一流，裡面仲有大量提子乾，香香甜甜，仲有果仁加添口感。～～～～方叔叔重慶老火鍋 (銅鑼灣)銅鑼灣渣甸街50號渣甸中心1樓…查看更多

最近同朋友去咗牛大人打邊爐，揀咗日本黑毛和牛A4+放題，真係超滿足，返黎即刻同大家介紹下。一坐低就已經聞到隔離檯好香嘅鍋味，我哋就嗌咗鴛鴦鍋，兩款湯底都係期間限定嘅，一邊係「聰明魷魚沙茶鍋」、另一邊係「養生菇菌燉雞鍋」。沙茶鍋好香濃，仲可以加好多柴魚，雞鍋就滋潤啲，啱晒秋冬呢個天氣。餐廳背景仲放勁多啲2000年代歌～好有懷舊feel（雖然會暴露年齡，但90後嘅杰倫fans一定會心微笑 😂） 🥩 重點嘅日本黑毛和牛A4+油花真係靚到冇朋友✨，一口咬落去就係口內化開，好香好嫩！ 中意換換口味，可以試吓佢哋嘅 伊比利亞黑毛豬梅肉，肉香但又唔肥膩。仲有推介我好中意嘅鮑魚三吃，分別係美乃滋、柚子汁、同醉鮑魚，幾種風味一次過滿足，幾中意佢地咁用心prepare唔同味道，令到大家唔會食到悶。今次仲有食埋時令嘅江蘇太湖大閘蟹，蟹膏說不上驚人嘅澎湃，不過d膏頗為鮮甜，蟹肉都扎實，唔係嗰種鬆泡泡冇咩肉食嘅蟹，整體都很不錯。🍢 小食選擇都好多，而且有好多坊間好少嘅款式，最有驚喜係 蝦蝦霸霸脆多士，超脆口！ 仲有日本和牛橘梨伴豆腐，個酸香味平衡得啱啱好，清新得嚟又解膩。阿嬤豆乾魚蓉麵都好特別，麵底用咗香港老字號「永樂粉麵廠」，唔係頹野。其他好似墨汁手作腸、夜市撈脆薯、海苔鹽酥雞全部都幾有驚喜，邊打邊爐邊食小食，好chill。 飲品同甜品方面，芒檸蜜西米爽酸酸甜甜好refresh，同埋啲西米爽好有咬口，如果鍾意珍奶入面d珍珠的話，應該會好中意呢個。想微醺少少可以試杯港式檸檬茶18+（伏特加特調），清爽得嚟，酒勁唔會太濃，好容易入口。蜜桃愛玉冰則Q彈香甜，攞嚟做收結幾好🌟 仲玩咗童年小遊戲「東南西北」，玩完仲會送懷舊小禮物，好可愛呀！活動暫時做到 12月2號。…查看更多

有一段時間冇食印度嘢，最近又咖喱癮起。收工即刻衝去呢一間一直都好鍾意嘅印度菜餐廳。鍾意食印度嘢嘅話，呢間位於太子大廈嘅老店大家應該唔陌生，星期日嚟到都好爆滿，好彩我哋都算早到。餐廳裝修帶異域風情，柔和嘅燈光，加上寬闊嘅座位，整體都幾好坐。佢哋仲有室外嘅空間，不過最近天氣仲係熱，都係坐返室內先。叫咗一杯Gin and Tonic同一杯Masala Tea，兩杯都帶香料風味，前者清爽有特色，後者溫熱舒壓，而且係自己加糖嘅，可以控制甜度，唔似坊間嘅好多Masala Tea咁會太甜。Jumbo prawn肉質結實，口感爽彈，另外我地隻蝦其實明明已經好大隻，但係店員話今日蝦唔夠大隻，所以比多隻我地，真心好貼心同好注重細節。southern scallop都好唔錯，貝柱肥厚柔嫩，調味用以印式香料提香，幾fusion。achari paneer tikka好特別，係印式燒芝士，食落好似食燒豆腐，口感唔係滑溜感，但係反而更富咬口。叫咗兩款咖喱，分別係Dal Makhani同Truffle Butter Chicken，前者加入咗大量豆，例如黑扁豆同埋紅腰豆等等，令咖喱質感粉粉綿綿的，有d似薯蓉質感。後者就係店鋪嘅招牌菜式之一。奶油味香濃，質感幼滑，入口帶松露香氣，搭配最plain嘅naan就已經好好食，雞件份量亦比得足。中意清新d嘅話，可以搭配一個Arabic salad，裡面有好多番茄、洋蔥、橄欖同青瓜，同咖喱幾夾，一濃一清新。…查看更多

最近嚟咗係旺角MOKO嘅入面一間餐廳。餐廳設計得幾有格調，橙色配搭白色嘅裝修，現代感滿滿，光線好柔和，氣氛輕鬆愜意，唔會好逼好有壓迫感，幾舒服。韓式豬手（半份）首先試咗個韓式豬手，半份嘅份量對兩個人嚟講啱啱好，唔會食得太飽。豬手本身肉質夠嫩，醬汁唔會過鹹，帶有少少甜味，同豬手嘅味道好襯。再加埋啲生菜同蒜片，好清新。韓式烤牛肉奶油闊條麵牛肉烤得啱啱好，唔會太乾或者過熟，肉質軟滑。奶油麵冇預期中咁重口味，反而係順滑清爽，奶油味唔會太過頭，食完唔會覺得膩。整體味道幾豐富，牛肉同麵搭得幾好，味道層次唔錯。雞蛋多過飯嘅蛋飯卷飯卷嘅蛋比飯多，雞蛋味濃，咬開嘅時候，蛋香滿溢。除咗蛋，仲有紅蘿蔔同青瓜等，都幾清新。開唔開心試咗先知嘅開心果蜜糖窩夫開心果嘅香味唔會太強烈，反而係一種淡淡嘅清新感，唔會太甜膩，窩夫外脆內軟，整體口感輕盈，而且非常iGable。飲完唔會手指指餅咖啡（凍）好似食流質嘅tiramisu咁，香濃滑溜，咖啡味道亦突出，不錯。帶點驚喜的香印提子奶蓋綠茶提子好香，食得出品質很好，而且好低甜，甜度幾乎完全黎自提子天然甜味，飲完都幾清新，唔會飲完覺得好heavy。PS：10月推廣活動：一匙即中$3000旅遊禮劵講下餐廳嘅10月推廣活動，有個「一匙即中」嘅活動。凡係消費滿HK$500，就可以攞到一條鎖匙，而消費滿HK$1,000就有兩條。活動現場設有個寶箱，打開寶箱就有機會中得HK$3,000嘅旅遊禮券，唔單止咁，仲有啲幸運者可以獲得全單免費優惠。寶箱以鎖封存，要用正確鎖匙先可以打開！活動設有 20 條鎖匙，只有 1 條為真鎖匙。參加者會有一張「鎖匙認證卡」，並有 30 秒時間觀察鎖匙外觀及鋸齒特徵，之後需於 20 條鎖匙中選擇一條鎖匙。呢個活動幾有趣，食飽飽仲可以試下自己有冇運氣贏獎。…查看更多

餐廳環境舒適又唔嘈，裝修簡潔中帶雅致，雖然好多人，但服務都仲好貼心，好熱鬧，氣氛好好。今次主要黎食佢哋嘅大閘蟹宴，套餐入面有三隻大閘蟹，份量十足，價錢喺銅鑼灣嚟講真係抵到爆！蟹膏肥美，入口即化，鮮甜非常，蟹肉飽滿，尤其係蟹腳位啲肉多得嚟又實淨，好正。其他野食都很不錯香芋糯米飯，軟硬適中，芋頭味濃郁，整體好香。大澳海山骨，鹹香鹹香的，帶點蝦醬味道，肉感軟嫩。鮮茄珍菌泡菜苗：調味夠開胃，幫助解膩，蔬菜味道清甜清甜的。油鹽水石斑件，魚肉嫩滑，味道清新，底下有南瓜搭配。宮廷蘿蔔：爽口開胃拍蒜青瓜，清脆帶蒜香，簡單醒胃，不錯。滋補燉湯：濃郁足料，飲落暖胃又舒服，裡面有我鍾意嘅雞腳。圓肉薑茶，甜甜暖暖，姜味好重，好適合解寒。沙薑豬手，膠質豐富，帶濃郁沙薑香，好有層次感。花雕酒：酒香馥郁，配蟹好夾，飲完成個人暖曬…查看更多

朋友推介你尖沙咀呢一間酸菜魚，正好要去海港城買嘢，shopping完之後就過嚟大快朵頤餐廳環境，以Tiffany Blue加白色為主調，現代時尚感所滿滿，座位寬闊好坐。佢哋嘅餐牌選擇都幾多，仲可以雙拼酸菜魚同其他菜式，涼菜選擇亦多，不過我哋最後就揀咗，佢幫你配搭好晒嘅滋味共享套餐。比起單叫，都平接近成百，幾抵食。滋味共享套餐，裏面有姚姚酸菜魚二人份、北京烤鴨、川味鴨架，同埋是日涼菜，我地再另外追加咗紫米豆漿一坐低冇耐，涼菜率先上檯。係日涼菜係涼拌土豆絲，爽口冰凍、辣得開胃，食完即刻令味蕾準備好迎接重頭戲。 姚姚酸菜魚一登場就香味撲鼻，魚片嫩滑，酸菜酸而不嗆，湯底微帶麻辣，好入味但又唔會蓋過魚香。酸味同辣味平衡得好好，後悔無追加薯粉。北京烤鴨皮脆肉香，鴨肉油脂滑潤但唔膩，包埋薄餅啲蔥絲、小黃瓜、紫蘿蔔同甜麵醬，一啖咬落層次豐富，好有滿足感。 跟住上嘅川味鴨架香辣惹味，啲辣油香滲到骨內，越咬越上癮。 紫米豆漿就豆香濃郁，甜度啱啱好，飲完成個人都暖笠笠。 ～～～姚姚酸菜魚 尖沙咀廣東道3-27號海港城港威商場2樓2307號舖…查看更多

以橙色加米白色為主調，呢間福建菜館同我印象中嘅福建菜完全唔同。有點現代感又帶少少休閒風。服務員手腳快但唔急，禮貌貼心。青醬焗鰻魚：做緊鰻魚節，好多特色鰻魚菜式，一眼睇中呢個好fusion嘅配搭，好想試下。鰻魚表面有輕輕焦香，外脆內嫩，好高質。青醬調味嘅鰻魚，入口唔會太油膩，反而帶點清新感。日本清酒（壺）：尾韻甘甜，好容易入口，套餐可以優惠價追加，抵飲。山蘇拌綉球菌：口感好爽脆。整體調味清新舒服，好少見嘅菜，好特別。酸菜魚配飯：魚片薄而滑，酸菜汁微辣酸香，拌飯時更顯得惹味，裡面仲有好多薯粉，加埋熱辣辣嘅白飯，食完好飽足。九轉小腸：小腸口感好有彈性，鹵水醬汁香濃而不太過，好有驚喜蟲草花淮山燉雞湯：蟲草花嘅淡淡藥材香配淮山嘅粉糯，雞肉燉得軟爛得嚟仍帶質感。濃郁低鹽，好健康。廈門沙茶麵套餐：沙茶醬帶濃香花生味，麵條有彈性，配料亦好豐富，豆卜索曬汁尤其惹味。黑蒜粒竹笙燉雞湯：同蟲草花淮山燉雞湯相比，黑蒜湯底令味道多一層甜蒜焦香，竹笙則很爽滑，湯頭清而不薄、滋而不膩。白切羊肉：羊肉冇羶味，切片厚度適中，肉質有彈性。皮帶少少Q勁，配備嘅辣醬令味道更有個性，不錯。清酒花蛤：花蛤新鮮大大隻，清酒香配合蛤蜊鮮味，食落去有鮮甜與酒香交融，不錯椰奶銀耳燉桃膠：椰奶香冇搶走銀耳同桃膠嘅香甜。銀耳滑、桃膠彈，低甜養生，療癒感滿滿。朱古力蛋糕：朱古力味道濃郁但唔苦澀，柔軟滑溜，海綿層亦濕潤。4口 (中環)中環金融街8號國際金融中心商場2樓2012號舖…查看更多