MakC9的个人专页

差不多兩個月冇嚟，今日路過金鐘，第一時間就想起佢哋嘅河粉😋份量依然足，河粉滑，牛肉好腍 👍🏻👍🏻唯一可惜係個湯底好淡，冇牛肉湯味，所以令到整個湯粉失色了。冇比較就冇傷害，正因為之前食過，所以知道今次湯底好差，好淡。 如果第一次嚟，就食呢個味道，相信未必會有回頭，希望老闆注意一下 🙏🏻🙏🏻🙏🏻🙏🏻雞肉扎肉煎蛋飯碗飯一上枱非常吸睛，餸滿滿的放在飯上面，有雞肉，扎肉片，蕃茄及青瓜片，太陽蛋，蔥油👍🏻👍🏻，而且覺得廚師好細心。 因為佢用生菜托起塊煎咗嘅雞扒，生菜將雞油接住，令D油唔會滲入白飯裏面，搞到油腍腍，亦可以隔咗D油滴落去下面啲醃蘿蔔絲👍🏻👍🏻但一邊食，又發現咗一個美中不足之地方。 喜歡食扎肉嘅朋友，都係會鍾意塊扎肉厚切，不過呢佢三片扎肉，比平日D三文治火腿，還要薄一半，咬落去冇口感，而且薄到食唔到扎肉嘅味道，坦言，失望，我寧願唔加落去好過 😞又有嘢要讚👍🏻👍🏻👍🏻叫咗支可樂，跟杯上，隻杯係雪凍❄️❄️❄️ 咗㗎，所以就算冇冰，可樂又凍又正 👍🏻👍🏻希望下次嚟食可以食到厚厚嘅扎肉片啦 🤭🤭真係唔明白，坦白講出問題，只係希望食店見到，知道了有所改善，保持水準。我絕對唔係蓄意詆毁佢哋，我就係唔想，佢哋在不知情之下，被客人離棄。…查看更多

天氣熱，最好食煲仔飯☀️☀️☀️連最人多嘅坤記都可以唔使排隊✌🏻5:30開門，5:45已經入座，可以坐定定，慢慢揀叫咩煲仔飯食 👍🏻埋單盛為$250，已經大滿足，煲仔飯天花板 😋😋😋…查看更多

由於 Mirror 關係，近期大熱嘅流浮山燒雞。星期二嘅下晝五點左右打電話去訂，講7:00pm攞，接電話個姐姐十分之好，話冇問題，多謝晒。心諗近期大熱嘅店舖，竟然可以唔使俾錢先，可以預訂來取真係有一流嘅服務 👍🏻👍🏻⋯⋯ 點知⋯⋯晚上七點左右到，原來係俾咗錢先至繼續開始排隊等燒雞出爐。之後大約等咗一個鐘左右，先至攞到隻燒雞返屋企食。等候期間，不少顧客都會問店員幾時有，但店員都答不出，只係見到師傅不停手燒。 約略見到燒雞係先炸，後入燒爐至熟，所有一定要時間夠，雞才可以俾客，唯有成群客喺門口等。當晚見到等候客人頗多，女店員有喺雪櫃攞支裝水比客人解渴，都算係咁啦。好簡單外賣袋，加一個兜，上面有隻雞，之前又話有手套，鉸剪但今次乜都冇 🤷🏻‍♀️雞肉嫩滑 😋😋😋😋之前有介紹話雞嘅品種係家鄉邊度，邊度，不過我唔記得。味道 😋😋😋入味，雞內籠仲有一條香草。雞內籠嘅雞骨有點偏鹹，但整體都係好味嘅。$198一隻燒雞貴唔貴？見仁見智。你喺大酒樓，五星酒店食已經唔係呢個價錢啦。但可以諗深一層，佢有點兒似超市熟食外賣嘅燒雞。 超市嘅燒雞係用雪雞，肉質同佢係唔同，但做法味有相似，所以試一次就夠啦。 而且所有燒雞，最緊要係新鮮燒起，熱辣咁食，雞皮脆，咁就一定得啦。本人聲明今次係自己用錢去消費，並沒有接受任何邀請或試食，並且不是打手。…查看更多

一行六人係一個大雨晚上，喺佐敦食咗一餐美味嘅尼泊爾西餐 。Plain Caesar Salad 😋😋😋😋Romaine lettuce 爽口 ，新鮮，👍🏻👍🏻看似簡單，但唔係間間餐廳都可以有咁新鮮，連半片黃葉都冇嘅lettuce Hawaiian Plaza 😋😋朋友女兒嘅選擇，topping 有大量芝士，餅底亦十分香脆，味道okay 。由於我自己唔太識欣賞pizza，所以唔敢亂下評語 🙏🏻Baby Back Rib 😋😋😋😋😋味道好👍🏻，燒得啱啱好，有煙熏味道，肉質嫩滑。 on side 嘅薯角炸得鬆脆香口。旁邊嘅沙律有用橄欖油toss 過，並不是隨便一堆雜菜放在碟邊，有❤️Butter Chicken 😋😋😋Plain Naan 😋😋Butter chicken 份量少咗啲，咖喱味香口，但並不十分濃，小朋友也可以食。如果下次一定會試佢嘅咖喱雞或者咖喱羊，好期望 。平日通常食 garlic naan 或者butter naan, 今次喺尼泊爾餐廳，所以特登試一下 plain naan, 相比前兩者，呢個naan 感覺比較乾, 有少少似Pizza底，下次應該都會叫 garlic naan 😅 Momo’s Dumpling 😋😋😋😋😋樣貌同味道同中國餃子非常相似，食到有薑味，但唔係薑辣味，而且又食唔到薑粒🧐 其實裏面係咩餡料都唔太清楚，只可以肯定嘅係好食，非常好食，起碼同枱六個人都非常贊成👍🏻👍🏻👍🏻👍🏻👍🏻👍🏻Chicken Tikka Kebab 😋😋😋😋😋侍應小姐非常細心，幫我哋分開六件。新鮮熱辣，kebab 新鮮即整，裏面有生菜，雞肉粒，蕃茄粒。6個人飲咗9 杯嘢Mango Lassi 😋😋😋😋😋Virgin Colada 😋😋😋😋Vanilla milk shake 😋😋😋😋 總括：六個人，佢俾咗張長枱我哋，所以坐得十分舒服。環境雖然有點舊，但整體係乾淨嘅。食物美味，侍應親切有禮貌 👍🏻👍🏻回頭率 90%以上…查看更多

差不多五點才食個下午茶，既肚餓但又怕晏少少食唔落晚餐 🤔🤔所以叫咗碗- 雲吞水餃米粉，加杯 $3嘅凍檸茶少甜，盛惠 $43果然係九龍城老字號，雲吞及水餃，真係真材實料，每隻餃子裏面都有完整嘅一隻蝦肉，餃子紮實，味道👍🏻恰到好處 😋茶餐嘅一碗米粉，份量絕不欺場，但只得兩粒雲吞，一粒水餃😂😂，如果可以有兩隻水餃就更好啦 凍檸茶少甜十分標準，四片檸檬 👍🏻食物絕對冇得批評 👍🏻👍🏻唯獨是唔可以自己揀位，要跟姐姐安排入坐 😟如果你有四五個人都好D，姐姐會就就你。 如果得一個人，分分鐘有機會俾姐姐叫你起身搬枱，就就其他客人⋯⋯ …查看更多

今晚與家人走進彩虹邨，在金碧酒樓食咗一個懷舊晚宴。杏汁白肺湯蠔豉生菜包酥炸蟹鉗錦鹵雲吞豉汁蒸蟠龍鱔順德煎釀鯪魚金黃蒜香雞花雕蛋白蒸海蝦窩蛋免治牛肉飯揚州窩麵馬拉糕有杏汁味道 ⭐️⭐️⭐️蠔豉，沙葛，梅菜 切粒，手工菜而且蠔味濃，加上爽脆生菜，正👍🏻👍🏻👍🏻👍🏻⭐️⭐️⭐️⭐️炸錦鹵皮鬆脆，汁醬材料豐富，有魷魚，豬潤，鮮蝦，叉燒，肉片，青紅椒，甜酸味道較得恰到好處 ⭐️⭐️⭐️又係一個手工菜，鯪魚肉加入臘腸粒，釀入鯪魚皮，先煎後蒸 👍🏻👍🏻⭐️⭐️⭐️酥炸蟹鉗，蟹肉很少少少，只是跟住蟹鉗的少部分，其餘的全是由新鮮蝦肉打成的蝦球，但炸得恰到好處，係全晚嘅number one 好味 ⭐️⭐️⭐️⭐️⭐️金碧貞姐再三強調秘製醬汁 ⭐️⭐️⭐️蒜香味夠，炸得雞肉嫩滑 ⭐️⭐️⭐️⭐️花雕蛋白蒸蝦，就有點失望。🦐大隻，蝦蒸得過熟，有點老。同時間，蛋白亦蒸過火起眼圈，竟然成碟食剩一半 😔⭐️⭐️份量少，由於係窩蛋，將飯餸撈起之後，略嫌過濕，失望 ⭐️材料其實同錦鹵雲吞一樣，但窩內的豬膶比起錦鹵雲吞的差很多，而且冇有味道。但麵質非常好，放久了亦沒有發漲，或者糊口 ⭐️⭐️單尾每人一件馬拉糕，有椰奶味道及椰香味，入口非常鬆軟，濕潤而且軟滑 ，雖然已經好飽，但嗰個忍不住吃下整件 👍🏻👍🏻⭐️⭐️⭐️⭐️…查看更多

慕名而來食佢嘅招牌肉餅飯，可能自己冇留意，原來個肉餅並唔係蒸，而係半煎炸。坦言有點失望，因為坊間靚嘅蒸肉餅飯實在唔多，但如果喜歡煎炸食物應該會鍾意多啲。肉餅口感偏硬，以為有蝦油，原來冇嘅，其實係肉餅內有幾粒蝦肉 😅😅，咁是否着數左呢？沙嗲牛肉蘭王蛋炒飯，真係覺得有點浪費。沙嗲牛肉味道濃，加上炒底已經非常之香口。蘭王蛋係日本靚蛋，食佢正因為佢嘅靚蛋味，靚蛋加白飯，已經非常吸引。 不過現在係加咗濃味嘅沙嗲牛，真係唔知點講好😵‍💫😵‍💫濃味嘅沙嗲影響咗啲蛋味，啲靚蛋黃又溝淡咗的沙嗲味 ⋯⋯ 個炒飯有沙嗲汁已經有點濕，篤穿個蛋黃後，個飯就更加濕上加濕 🙈🙈。個人唔識欣賞，或者下次可以試吓佢其他食物，但呢兩款就一定唔會再食啦。…查看更多

下午三點仍未食午飯，見到好多人坐喺百芳食緊嘢，相信應該唔錯，立即試吓。佢哋嘅menu 冇分午餐，下午茶或者晚餐，如果以下午茶來講價錢一般，並不便宜，但當食午餐可以接受，而且喺太古城。簡單一句，速度快，取單到攞食物大約等5至8分鐘左右。賣相同廣告相差唔多，冇驚亦冇喜。飯同豬手熱度好似唔夠，夏天要小心。滷水味偏淡，豬手切得細件，方便進食及吐骨。比較特別係嗰烏龍茶，點解係甜嘅？整體可以接受，見到好多學生前來購買飲品。相信佢哋喺太古城，應該好受歡迎。…查看更多

落咗車行入赤柱大街，已經有七八個人在排隊，當時仍未夠12點。人不斷來，又有啲人唔再等走咗，如是者過咗大半個鐘終於可以入坐。未叫嘢已經聽到冇晒沙嗲牛肉，冇哂豬扒⋯⋯唯有叫碗餐蛋公仔麵，腸仔紅腸公仔麵，啡走，茶走，招牌西多士⋯⋯承惠 $112。價錢合理👍🏻👍🏻飲品先上，跟住來啲個餐蛋麵餐蛋麵已經食咗一半，阿姐行埋嚟話冇晒紅腸，又要轉⋯⋯最後變咗火腿腸仔公仔麵，味道冇驚喜，又冇意外⋯⋯純粹假期午餐不過不失。期間不斷有人追西多士⋯⋯姐姐話要等，要等⋯⋯有人投訴，姐姐就會話下個俾你，俾你先🤣🤣 ⋯⋯原來外賣用紙碟上加膠袋，再俾埋膠义👍🏻👍🏻幾窩心⋯⋯廚房師傅好似得一個，公仔麵又係佢煮，三文治，多士，西多士又係佢整，茶水都係佢出⋯⋯所以叫咩都要等等⋯⋯等見到佢一次過出四，五碗公仔麵，轉頭又出七八份西多士，再出三，四杯咖啡☕️奶茶⋯⋯師傅辛苦哂 🙏🏼🙏🏼當聞到煎蛋香味嘅時候，西多士就上枱啦。西多士上面有牛油，其實唔駛牛油都已經食到成口油⋯⋯麵包中間有少少咖吔所以甜甜哋，根本不用落糖漿。新鮮整起一定好食，呢啲係偶然一次嘅假期午餐，比D藉口自己，罪惡感減少咗🤣🤣🤣🤣啡走，茶走都唔甜，坦白D講，冇茶味，啡就好少少但都係偏淡，都可能因為太好生意出現嘅問題⋯⋯可以理解嘅😑泗益人山人海，但後面檔車仔麵，牛腩麵就門庭冷落⋯⋯ 唔駛等，下次有機會可能會去試吓。…查看更多

近日熱話，深水埗有間牛舌專門店，趁周六假期早啲來一試。12:20到達已經開咗門，裏面只有四張枱，都已經有人坐咗，好彩右邊係六人枱，所以可以搭枱坐。燒牛舌芯 $128 ，要套餐加$28有紅椰菜沙律，牛舌洋蔥湯，飯及汽水用鐵板上，保持熱度，牛舌好厚，直接燒熟，有洋蔥墊底，配燒汁，味道👍🏻紅椰菜爽口，沙律有西蘭花，椰菜，紅蘿蔔粒配日式芝麻醬，但醃前菜有點辣唔係咁啱胃口😅。安格斯牛板腱配牛舌尖 $98牛板腱有啲韌，肉質唔滑。牛舌尖先用煲熟再煎，所以如果唔點燒汁就沒有味道。洋蔥絲湯裏面都有一件牛舌肉今日試咗兩款牛舌，做法及水準都截然不同，如果下次有機會一定會試吓其他食物，才可以知道店舖嘅真實水準。食物未到之前，坐在身旁的一對長輩夫婦預備埋單，眼神打招呼後，大家開始談論牛舌呢款食物⋯⋯啊！原來大家都係日本仙台牛舌專門店嘅粉絲⋯⋯婆婆話香港好難搵到可以與仙台專門店質素相若嘅食牛舌店舖⋯⋯之後坐在伯伯後面的一名男士亦加入討論，果然香港真係有好多食神㗎 🤣🤣🤣🤣🤣…查看更多

今日上午第一輪與家人享受咗潮州午餐。到晚上就與表哥、表嫂來一個四人粵式中秋晚飯。大班樓聞名已久，總是未有機會品嘗，今晚表哥相約見面來個聚餐，當然求之不得啦👏🏻👏🏻👏🏻👏🏻👏🏻👏🏻👏🏻👏🏻茘芋鴨盒望落去好似飲茶嘅茘角，原來裏面係粒粒鴨肉，芋皮十分鬆脆，芋肉入口溶化，香滑👍🏻咸檸檬蒸蟶子蟶子新鮮，粉絲放面加上數條咸檸檬絲，食落唔係鹽、豉油嘅鹹味，而係鹹檸檬絲嘅咸及蟶子嘅鮮味，特別。炭火厚切叉燒差不多有成寸厚，肥瘦，甜味適中，冧得嚟仲有咬口，好彩每人一件，冇得爭嘢食🤣🤣雞油花雕蒸花蟹配陳村粉賣相吸引，上枱已經聞到花雕香味。咁大隻花蟹，蟹鉗肉結實，陳村粉吸收哂D花雕酒，食完一碗粉就好似飲咗花雕酒😵‍💫😵‍💫刴椒鹹菜蒸龍躉頭配鮮蝦餃子同花雕蒸蟹一樣，上枱已經好矚目。推開刴椒鹹菜見到半個魚頭，好大，好大，好大⋯⋯師傅控制蒸魚嘅時間十分準成，雖然好厚肉，全部都係緊緊熟冇 over ，肉質非常嫩滑。餃子入口麻香撲入喉嚨，麻、香、辣、鮮味同時間在口腔散發。厚厚嘅龍躉皮十分彈牙及黏口，由此證明用料上乘及非常新鮮👍🏻👍🏻👍🏻👍🏻😋😋😋😋樟木煙燻鵝雖然有點乾身，但鵝味道濃郁，煙熏香氣撲鼻。魚湯腐皮浸時菜腐皮滑，菜心份量唔多加上白果油炸鬼點綴蟹肉櫻花蝦糯米飯半籠蟹肉拌糯米飯，蟹肉甜，糯米飯除了有臘味味道，配上蟹肉及櫻花蝦增添鮮味。杏仁茶+杞子雪糕杏仁茶可以濃味多一點，但仍頗滑。杞子只是點綴，但雪糕食唔到杞子味道。…查看更多

可以同一家人齊齊整整，過節，享受美食真係最好開心。 屋企係廣東人，但今次可以品嚐潮州美食過節，好特別。呢度一樣有粵式點心，當然唔少得鵝片同埋最出名嘅手打魚蛋 👍🏻👍🏻 ，而且佢哋嘅功夫茶十分之好，入口甘甜 😋，點心太好味了，掛住食已經唔記得影相😅家人更一早預訂了潮州翅及八寶海參😋😋😋絕對係大滿足。潮州翅比粵式翅更濃味，啖啖都食到翅條，正👍🏼原本唔太喜歡食海參嘅我，見到海參上枱時都不禁⋯⋯嘩😳好大件，真係大件，真係好大件⋯⋯（重要嘅嘢要講三次 🤣🤣）經過侍應生切開之後，原來發現裏面仲有好多餡料⋯⋯ 瑤柱，蓮子，蝦仁，帶子，蟹肉，百合⋯⋯雖然濃味但不太鹹，剛剛好。總結，食物味道好好，但價錢比想像中略高。 但不重要最重要係全家人可以開開心心一起過節☺️ …查看更多

因為OT 所以晏左返到屋企，可以選擇晚飯嘅地方已經唔多。 好彩呢間仲未關門，咁就快快跑入去醫肚⋯⋯不愧為過江龍。紅燒牛肉麵，湯味濃，麵條有咬口、彈牙，牛肉滷得入味，軟腍及滑👍🏼雞湯雲吞，亦不遑多讓，同樣湯味濃，餡料平均，可以食到完隻蝦肉及嫩滑豬肉，令到味道豐富，比坊間其他一味大大粒蝦肉嘅雲吞好味好多 😋貪心叫多一個拼盤，流心蛋，滷水豆腐，份量足，全部KO 哂已經好飽，原來想飲珍珠奶茶都要放棄⋯⋯唯有下次再嚟啦…查看更多

在西貢搵間茶記唔難，但呢度好有速度，可以媲美佐敦嘅澳牛。食物質素正常，唯獨是例湯太重手，都係叫餐飲着數啲，而且性價比👍🏻👍🏻👍🏻👍🏻，絕對唔係開天殺價嘅食肆。佢門口仲有餐枱，好多原居民同佢心愛嘅寵物可以一齊食早餐、午餐😋如果天氣唔係太熱，坐喺出邊別有一番風味😚…查看更多

一位家住西貢嘅同事帶領嚟到嫦餐呢度食飯，同事事先聲明呢度好細，冇靚靚裝修，而且入座叫嘢後仲要等，呢度係賣住家菜，仲係西貢地道人嘅食堂⋯⋯我話冇問題，試吓好又一餐，唔好咪冇下餐囉🤣🤣第一次到，一行三人分別叫咗清蒸魚腩，魚卜涼瓜煎蛋炒銀針粉上枱時，蒸魚上面灑滿蔥薑👍🏼👍🏼👍🏼👍🏼好好味煎蛋，有燶邊係香口好食嗰隻，銀針粉炒得有鑊氣，而且材料十足。霎時間俾滿枱美食吸引咗，根本唔記得影相。跟住連續兩個星期都進行了二訪及三訪。好彩我嘅心水「腩卜」每次都俾我遇上最後一份😋。由於已經到咗放工時間，陸續有人前來外賣，但都失望而回，因為好多好嘢都已經賣晒⋯⋯老少平安，番茄煎紅衫魚，炒魚滑，黃花魚等等，呢啲都要記錄在案，下次有機會試一吓。老闆仲久唔久有楊枝甘露，紅豆沙，馬蹄露及夏枯草，雞骨草等出售，大家有冇機會碰到就要睇運氣同老闆有冇時間整啦⋯⋯…查看更多