goforthebest的个人专页

今晚用外賣平台，係觀塘嗎哪餐廳點左兩份餐，餐點半個鐘送到，味道拍得住外面既西餐廳，非常滿意呀！餐廳位於觀塘翠屏道觀潮浸信會單層手打牛肉芝士漢堡配薯條 ($59) 漢堡包手打牛肉，非常出色， 牛肉煎得香之餘充滿肉汁，夾住蕃茄蔬菜十分清新。 薯條亦炸得乾身脆口， 就算放係外賣盒，都冇變淋。 而且仲有芝麻醬蔬菜沙律，食得健康又有營。鮮雜菌忌廉意粉 ($62)忌廉雜菌意粉，忌廉味濃厚，意粉滑嘟嘟，有好多雜菌，有時食得多肉，想食得健康又好味，絕對值得一試。…查看更多

星期日心血來潮突然想食腸粉😁 於是用外賣平台搵下附近邊度有腸粉食。原來觀塘有間好多人幫襯嘅腸粉鋪頭叫做「鳳鳴石磨腸粉」，喺觀塘廣場入面。第一次試食呢間名店，我叫左石磨牛肉腸粉同埋黑米豬潤腸粉。😋😋最開心嘅係可以加雞蛋、芝麻、炸蒜、麻油、芫茜同埋手工辣椒作配料添，真係唔係度度有架咋！🤩🤩🤩一打開盒嘅時候仲係熱辣辣。呢個口感同喺中式酒樓食到嘅腸粉好唔同，因為佢呢個質地比較滑身，再加上特製醬汁同配料，又香口又入味。😋😋😋 對於我黎講，食野會比較著重健唔健康，而佢呢個用黑米黎整，完全符合我嘅要求，食完唔會有罪惡感。😜👍🏻😋…查看更多

放工後去土瓜灣等friend食飯，見未夠鐘就周圍行下繼續等，同時四周圍睇下有冇咩好嘅小食醫下肚😊😊😋黎到一間叫華仔屋賣小食嘅鋪頭，見到店員密密手包住一大包一細包嘅外賣，心諗夜晚賣小食都咁好生意，一定有d正野 🤩🤩🤩於是走入去間店買左一串椒鹽炸燒賣($18)，再配一盒紙包蘋果綠茶($4)，盛惠$22蚊，算係幾抵！😋🍡望住佢個餐牌，見到款式都好多，好多都想試，價錢又相當合理，難怪咁多人幫襯啦！ 👍🏻😊😊等到喇，燒賣終於到，一打開袋燒賣已聞到好香嘅椒鹽味。食落口覺佢炸得好鬆脆，用心之作，平民小食非佢莫屬！ 😜😍😍…查看更多

今日去開屯門新墟，一直鍾意食燒肉既我，見有間燒肉小店「炻板燒」，一於去試試先。「炻板燒」係屯門新墟雅都花園商場地下，附近有巴倫約戲院，同凱都戲院，最啱睇戲前後時間去食番轉。午市套餐價錢好抵，今次$98就食到一人份燒肉餐連小食飲品，仲要lunch時間唔洗加一收費，正呀！事不疑遲，一於試試好唔好味先！今次點左兩份餐，一份係板燒牛小排($98)，另一份係板燒吉列牛($98)。店員首先會送上小食，麵鼓湯同飯，隨餐小食我地叫左唐揚炸雞同埋八爪魚丸。炸物小食熱辣辣，炸雞香脆內嫩，炸八爪魚丸亦做得出色，仲有飯素白飯！終於等到期待已久既燒肉啦嘩，兩碟牛肉送到面前，勁大份！肉既脂肪分佈大吸引啦！要讚下店家，每碟牛肉都有配上一片牛脂肪，係燒肉之前可以用黎抹係石板上，令燒肉時更加香口，同唔怕黏底，細心程度加分！板燒牛小排($98)， 牛嘅脂肪分佈均勻 ，用石板煎香後，外表香口，入面鎖住滿滿既肉汁，無得頂板燒吉列牛($98)， 吉列香脆加上石板煎封左牛肉既表層，兩重口感，讚！呢間小店一定要encore再encore呀！…查看更多

天氣開始涼涼地，又到每年食煲仔飯嘅好時刻， 依家食煲仔飯已經變得好方便， 唔使周圍搵舖頭，去大快活已經有得食。今次去藍田匯景商場嘅大快活，幫襯晚市煲仔飯，香茜肉餅煲仔飯($47)，同埋加配油菜($7)。香茜肉餅煲仔飯($47)，晚市有送餐服務，服務員將熱辣辣既煲仔飯送到面前，將豉油沿煲蓋邊淋落煲仔，再焗一陣，香脆既飯焦就能人人都做到。 飯同肉餅好夾，成個煲仔飯食落唔會太咸，而且有芫茜香味，好正。加埋油菜就健康哂…查看更多

今晚用外賣平台，叫咗呢間喺公司觀塘工廈既「六両三.台灣食堂」， 落單後大概二十五分鐘就將餐點送到，都算快。今次叫咗排骨便當 ($68) 同埋阿宏蔥油拌麵 ($48)，另加一隻鹵蛋 ($10)。排骨便當 ($68)，排骨份量都算多，有幾款伴菜同半隻鹵蛋， 賣相可以，味道稍為清淡， 調味方面可以多少少變化。阿宏蔥油拌麵 ($48) 賣相ok，d麵唔會黐埋一舊舊，good 但同樣味道稍為清淡希望下次再試，可以食到出色既味道啦…查看更多

路經九龍灣淘大商場，總會想走去食下呢間「豆漿大王」，呢間「豆漿大王」既新蒲崗總店曾經連續3年獲得米芝蓮推介小食，淘大分店質素亦毫不輸蝕，一樣做得咁出色，令我想一食再食餐牌上既餐點價錢都唔算貴，性格比高，係大家都能夠負擔既平民美食。今次我揀左最鍾意食既粢飯 ($16)同酸辣湯 ($23)粢飯入面有榨菜，油炸鬼同肉鬆，外層薄薄既米飯包住香脆既油炸鬼，細心既店員仲會係落單既時候問洗唔洗切開，方便進食。酸辣湯酸同辣既比例調和得好配合， 酸辣湯入面有豆腐同豬皮，材料豐富美味！…查看更多

今次去東涌世茂喜來登酒店 (Sheraton Hong Kong Tung Chung Hotel - Marriott)既「嶼坊」食自助早餐。早上7點半去到，人唔算多，入座都好快。呢間酒店自助早餐款式種類都算好多，中式西式等食物都有。中式食物有雞粥、油炸鬼、燒賣，珍珠雞等。 西式方面質素亦很高，最令我喜出望外既係有煙三文魚，芝士，同埋有我最鍾意食既（佢個自家製肉腸，外層香脆，入面juicy有咬感，讚！）而且有多款新鮮果汁供應亦係做得出色之處。推介之選…查看更多

今日黎到東涌東薈城名店倉，個肚餓餓地 見到呢間「牛角次男坊」好熱鬧，一於入去試試先「牛角次男坊」位於名店倉7樓，裝修幾靚，座位都好舒服呢間餐廳主力賣燒肉丼飯餐點款式都有好多選擇， 呢間餐廳係先付款落單，然後店員會俾個牌仔，稍後店員就會將餐點拎到你面前。今次我揀咗燒牛舌丼($68)同埋牛角次男坊丼($86)， 餐點加8蚊會有埋味噌湯同飲品。兩款丼飯都好好味，分量好大，d燒肉同牛舌滿滿咁蓋住個丼飯，勁滿足呀！大家路經都可以一試！…查看更多

今次個晚餐，用外賣平台落單，買藍田壽司郎外賣自取黎食。用手機落完單個20分鐘左右，就可以到店自取啦。真係超方便，可以拎返屋企慢慢嘆住食。今次叫咗兩款食品，分別係壽司郎嚴選盛合一人前($90)，同埋炸雞軟骨配黃金脆薯($38)。呢個 壽司郎嚴選盛合一人前($90)，真係超正，一盒壽司有10件。入面有長鰭吞拿魚、油甘魚、厚切三文魚、魷魚、炙燒三文魚腩、北寄貝、熟蝦、赤蝦、玉子燒同埋鰻魚壽司各一件。超多款式炸物亦炸得十分香脆，自取時店員將炸物同壽司分袋盛載，細心程度加分…查看更多

今日行經北角既北角匯商場。食飯時間見到呢間餐廳坐滿好多食客，所以就有衝動入去試試佢嗰個lunch menu先因為一直鍾意食牛扒既關係，見到佢有menu有肉眼扒，梗係要試試啦。Lunch Set有starter, main course同dessert，我揀左頭盤秘製香辣雞翼，主菜點肉眼扒6安士($128+10% service charge)，同埋甜品係檸檬蛋糕。睇住維港view食牛扒真係好正呀 菜式都好美味，lunch既好選擇…查看更多

今日黎到北角港運城，心思思想飲番杯咖啡，見到有Pacific Coffee，就毫不猶疑入去飲番杯咖啡先今日叫左杯 熱朱古力咖啡 (Hot Mocha Coffee，Tall Size) ＋加忌廉＋加extra shot($37) 店員好細心咁問係咪用瓷杯，咖啡用瓷杯盛住，既保溫，而且賣相更加靚 咖啡沖調得十分到位，味道好飲。加埋忌廉細滑，無得頂呀！而且店舖環境十分舒服，恬靜既環境，加上杯熱咖啡，實在可以令精神放空一番。…查看更多

今日去新蒲崗mikiki商場行街， 見到呢間專賣牛扒既店「ミディアムレア ステーキ (Medium Rare Steak) 」。呢間舖喺淨一田超市嘅旁邊，落電梯LG層就望到。店鋪裝修十分吸睛，門口有牛牛既燈飾。 勁吸引人嚟食囉！呢間店舖既模式係先取位置，然後點餐。 首先同店員講自己喜歡肉品既種類，例如 肉眼、牛柳，西冷等... 然後同店員講需要既牛肉份量，店員會將牛肉放上磅上秤重計算費用肉既份量大家自訂，今次我點左肉眼扒300g ($168)，加埋$28蚊可以點套餐。套裝可揀3樣食物 我揀左可樂，羅宋湯同埋雪糕。店員準備好餐點後，就會透過咇咇機通知取餐嘩食得啦！300g既肉眼黎到面前肉眼扒用鐵板盛著，熱辣辣加上配上蒜泥香噴噴真係要俾個讚呢塊肉眼係近來食過最好味既牛扒，肉質柔軟，超多肉汁，加上肉既表面俾鐵板煎得帶焦香，無得頂呀！遲下一定會encore再encore！…查看更多

終於可以黎到Nuttea，試到黎自台灣茶飲店以堅果奶茶主打嘅堅果奶飲品同堅果奶蓋，仲有用唔同茶底配搭嘅水果系列飲品每次都想買黎試下，因為次次見到都好受歡迎，好開心今次終於可以飲到！其實堅果奶飲品喺香港黎講算係好特別，純素素食者都飲得，值得一試！今次試左佢signature嘅伯爵朱古力堅果奶蓋茶同埋粉紅莓好堅果奶蓋茶。兩個飲品拎上手已覺賣相好吸引，加埋輕鬆嘅環境配搭，營造住好舒服嘅感覺首先講下皇牌嘅伯爵朱古力堅果奶蓋茶，用細小嘅匙羹將朱古力奶蓋剷起黎一啖一啖食，口感豐富仲有好香嘅堅果味。朱古力唔會太甜，份量剛好，配上香濃清新嘅伯爵茶，食完會有飽足感跟住係粉紅莓好堅果奶蓋茶，飲落好清新又健康，簡直係女士們必點之選！🥰…查看更多

正諗緊晏晝食乜好，係外賣平台見到沙嗲王都有參與。一於試試呢間位於觀塘工業中心嘅沙嗲王外賣送餐服務啦。今次叫咗四樣嘢食分別係白咖哩香茅豬扒飯($72)，沙爹牛more王通菜($53)，蒜香牛油烤餅($17)同炸饅頭($24)。雖然係外賣送餐，要讚讚餐廳豬扒炸得非常鬆脆，伴上白咖哩汁，簡直perfect match。呢個牛more王通菜，沙嗲汁香濃，配上通菜好夾。蒜香牛油烤餅鬆脆香口炸饅頭炸得金黃色，外脆內軟…查看更多