blue_umininn1的个人专页

一入到店舖入面，發現好多裝飾都是貓貓, 愛貓人士一定好開心選擇困難症嘅人士應該好開心，因為只有三款拉麵，今次我同朋友揀咗黑蒜雞白湯拉麵及辣味噌雞白湯拉麵。見到佢每煮一碗麵都好仔細將湯底打到起泡，再燒一下雞胸肉同雞叉燒，可能慢煮關係，所以雞胸肉好亂滑，而湯底偏向清淡，但加咗辣味噌又有進一步嘅香味。我哋每人都加咗隻糖心蛋，做得非常之出色。而麵底方面可以選擇幼啲嘅白面同埋粗啲嘅黃面。最後我哋叫咗碟餃子非常之足料，好好味。…

我真係好鍾意食拉麵，所以成日去試不同嘅拉麵，特別係超濃蝦湯嘅拉麵，絕對會吸引到我幫襯。今次嚟到旺角嘅呢一間餐廳，店面細細，但充滿着日本拉麵小館嘅裝修，好像身處日本去食一碗地地道道舒舒服服嘅拉麵。今次我哋叫咗兩碗唔同嘅拉面！味自慢灸燒豚肉蝦湯拉麵及招牌三色拉麵。兩碗拉麵都係用非常之濃嘅蝦湯做湯底，入口極度濃厚，好像跳咗落海一樣，非常濃郁嘅蝦海鮮鮮甜味。另外A4 和牛入口即溶非常好味。另外亦都叫一碟餃子，煎得非常之香口，非常滿足。…

每一次黎Dozy 都可以好relax 咁 chill 一下，逃離現實社會嘅工作壓力，望望個環境飲一杯舒舒服服嘅咖啡, 有時工作太辛苦，就係需要呢一種小確幸。叉夠電，繼續向前行。…

每一次想打邊爐都會諗起海底撈，佢個蕃茄湯好飲就每次都會飲幾碗，另外牛肉都切得好薄，六兩六就食得。另外一直以來海底撈服務都非常之好，就算香港的服務都係遠比其他餐廳好，一直會繼續支持…

本身好鍾意食泰國嘢，而近幾年無論中國大陸同埋香港都多咗好多餐廳可以食泰式船麵，今次嚟到尖沙咀呢間小店體驗一下短暫嘅泰國風情一日到店舖店員都好貼身問你想冷氣涼啲定坐得舒服啲，另外亦都不厭其煩送上冰水，服務態度真係好好好罕有喺香港有咁好服務嘅餐廳店員首先揀選邊有得揀湯底，冬陰功同埋清湯，當然係揀黑黑地色嘅船湯啦，我同寶寶就叫咗一個雞髀肉同埋一個肥牛。雞髀肉船湯湯河 + 美國頂級肥牛船湯湯河好濃味嘅湯底，真係越飲越開胃，呢個湯底真係好正，依啲料都好多，食到最尾都仲有好多雞脾肉🤣除咗個To Ming之外，我哋亦都叫咗雞翼同油菜，加埋兩杯超高質嘅龍眼冰為呢一個夏天降一降暑，短暫去咗一次泰國…

主打平價嘅餃子，佢冇華麗嘅包裝，但係好平民好窄實，每一隻餃子都好足料肥騰騰咁，入口好多肉汁，我叫咗個雙拼粟米同埋韭菜餃子，兩種餃子都好香口連埋蔬菜帶嚟嘅果香，超級好味。一定會再嚟幫襯…

超級抵飲，呢一間茶飲，雖然嚟到香港都係貴咗少少，但都平過其他好多，我好啱而家夏天平平哋隨時都想飲嘢，又唔想每次都要20 $30食咗大半餐飯嘅價錢。呢杯青梅檸檬茶酸酸美味咁好開胃…

真係窮人恩物，$10 9 件麥樂雞，個個朋友都要買，我自己都買咗兩份。所以差唔多等一個鐘，人來人往人山人海，希望香港啲餐廳都做多啲呢啲優惠吸引人流，又回饋下香港市民⋯ …

每次黎到，都好鍾意食呢個鐵板扒餐，可以揀2 款扒，仲有飯 / 意粉，另外仲包大大碗湯，蒜蓉包，仲可以揀湯水，每次都係叫冰凍綠豆沙嘅。次次都一定食哂哂，唔駛加一都係$72，超值呀…

成日去食早餐，好鍾意佢嘅蕃茄湯底，好多蕃茄酸味味，今次叫左手撕雞，比較清淡。到我好啱夏天食同事唔知係咪新來，比錯隔離嗰碗我，好彩佢回收之後都係倒咗佢。整體都唔錯…

本身真係好鍾意食自助餐，見到佢做優惠，每人除返開都係三百幾蚊真係大癲，你入到場有好多唔同海鮮，包括蟹腳同麵包蟹，好新鮮海水味好重，非常之鮮甜。除此之外，仲有好多刺身。今次去做咗西班牙嘅美食，有乳豬，西班牙炒飯等等，全部都非常之特色，好ok。重點係紅白酒任飲，仲要係唔使加錢，真係好黐線。最後仲要食好多唔同味道嘅雪糕，我有我最鍾意嘅雪巴。整體來講，呢個價錢真係冇得輸，朋友亦食得好開心，下次都一定再次光顧。…

來到火鍋隨意門，去了一個比較有民族嘅佈置門口。入到去花多眼亂嘅menu, 最後叫咗個椰漿雞煲，個湯極度鮮甜，飲多幾碗都可以。🫶手切牛頸脊上枱已經見到啲肉好靚，買相亦都非常之可以打卡，一放入口即刻覺得呢碟牛嘅質素好高，非常之有肉味，入口亦都唔使點咬就已經可以吞到，非常高水準👏🤓蟹黃豚肉餃呢個又係非常高質嘅新嘗試，個餃子入面蟹黃同豚肉嘅比例好好，大家冇互相搶大家，推介！另外我哋仲叫咗豬頸肉蟹柳魚腐同埋芫荽，非常大滿足嘅一餐❤️店員亦都非常之有禮貌，我哋不停要求佢加添冰塊同冰水俾我哋，佢哋多好樂意去服務，非常滿意的一餐❤️❤️…

一入到餐廳，已經被裝修吸引，好似穿越左一樣，每一張卡枱上邊都寫住每一個皇宮嘅名字，裝修非常之特別。門口金黃色嘅龍椅亦都非常之吸睛。一坐低服務員的服務非常之好，有簡單介紹不同湯底的分別，最後掙扎咗少少時間最後決定試佢嘅椰子雞煲。一上菜已經覺得非常之吸睛，面頭係杞子及一大堆椰子，飲一啖入口滿滿嘅椰青味，非常之鮮甜。雞肉亦非常之鮮嫩，而入面亦都有幾隻番薯蜆，非常新鮮:)艾莎公主牛肉寶盒一上枱仙氣滿溢，寶盒承載着牛嘅唔同部位，亦都係我第一次食牛黃喉，爽爽嘅感覺好有趣，已全部牛肉都非常有肉味，大推伊比利亞橡果豬唔知係咪食咗橡果長大嘅豬係特別鮮嫩，肉質好好味香香宮煮響鈴拼盤第一次食有鹹蛋黃嘅響鈴，浸咗椰子湯之後非常入味呢個食唔停蟹籽手打蝦丸非常彈牙好有口感黑松露午餐肉午餐肉就食得多有黑松露味嘅大大提升咗肉味同口感非常滿意的一餐，好似走咗一次時光旅程，返到古代去食宮廷火鍋咁，滿足嘅一餐，聽日又要努力工作…

以前好似係傳統印尼餐廳？ 執咗笠之後好似個仔開咗呢一間新式嘅印尼餐廳。價錢好似比之前老字號嗰間平啲啲，應該都係吸引年輕嘅朋友，但係就冇咗以前我最鍾意食嘅印尼全餐，叫一個餐有10幾樣嘢食每樣少少咁好開心⋯而家搬咗去山林道口，都幾方便，主打快餐式嘅印尼餐廳，我覺得都OK嘅，因為而家都冇乜咁多印尼餐廳嘅選擇了…

我最近去咗「至尊重慶雞煲」，試咗佢哋嘅重慶雞煲，真係一個唔錯嘅選擇！我哋揀咗BB辣，辣味適中，但對於唔太食辣嘅朋友來講，可能會覺得有啲辣。雞煲嘅味道香濃入味，肉質滑嫩，確實值得一讚。而且，雞煲可以任食，我哋總共叫咗三次，真係食到滿足。除此之外，仲有其他打邊爐嘅配料，例如蟹柳、牛肉、午餐肉等，搭配雞煲食法非常不錯，令餐點更加多樣化。餐廳提供啤酒無限量暢飲，對於聚會來講真係一大亮點，而啫喱雪糕嘅自助選擇，令甜品更加豐富。不過，出菜就有啲慢，等候時間令我哋有少少失去耐性。建議可以優化下上菜速度，特別是高峰時間。總體來講，「至尊重慶雞煲」提供咗一個充滿享受嘅用餐體驗，仲有任食嘅優惠，值得一試！希望下次再來訪時，可以更加順暢。…