cariceat的个人专页

男朋友覺得好耐冇食韓燒，就book咗呢一間諗住試吓。而且喺旺角近近地，行完街就去食。入到去餐廳，覺得好似去咗韓國食燒肉咁。坐低左之後，店員就俾咗餐牌我哋，睇吓有咩食～點完嘢食之後，食物好快就送上。食食下都有啲口渴，見到飲品櫃嘅選擇超級多，除咗有汽水，茶，蘆薈汁等等，連啤酒都有兩種選擇。仲有我最愛嘅忌廉溝鮮奶。啤酒我就比較喜歡黑啤，冇咁苦。因為呢度嘅食物份量唔多，所以可以每樣都叫來試吓，我哋叫咗唔同嘅肉類，豬牛雞都有。仲有串燒tim！最推介係烤牛肉，（光陽調味）好juicy! 調味很好！除咗燒肉之外，仲有好多熱食嘅選擇，我哋叫咗韓式炒粉絲，豆腐湯，韓式煎餅，酸辣面等等，選擇好多。我最欣賞呢個韓式炒粉絲，又唔會炒得太林，又有啲蔬菜食下，都幾健康。飲水囉除此之外，仲有海鮮，有生蠔，魷魚，帶子等等，一次過滿足晒幾個願望。咩餐同男朋友食到好飽好飽，好似乜都食勻晒 好滿足。…查看更多

Cheesecake Factory 係香港開咗咁耐，都一直未去試，因為排隊嘅時間實在太長，記得上次想去要等兩個半鐘，所以最後都放棄了。今次大約7:00 ，同朋友先去攞籌，就去咗尖沙咀附近行街，拎飛嘅時候店員都話要等三個鐘左右～之後我哋行完街，大約9點幾鐘去返餐廳度等，等左幾張枱就可以入了，所以最後都係等左兩個鐘多啲。想食嘅人真係要有心理準備要等好耐。我哋一行四人就叫左一個意大利粉，一個水牛成雞翼，同埋一個mac and cheese ball ball share~~主菜上之前係會有一籃麵包，不得不讚係個黑糖麵包真係好好食。意大利粉我哋揀咗達文西長通粉，裏面有雞肉蘑菇洋蔥等等配料，醬汁嘅味道幾特別，有少少酸酸地，又甜甜地，好有中式嘅感覺。芝士波波係一個炸波波球入面有芝士通心粉，芝士味好濃郁，都幾漏同幾heavy！水牛城雞翼一碟有成10隻咁多，店員本身問我地需唔需要分開上醬汁，我哋以為係講緊個藍芝士醬，點知佢幫我地將個buffalo wings sauce 分開咗上 lol 最後我哋都係要自己將佢Mix返埋😑😑食呢間餐廳嘅主角當然係芝士蛋糕，因為我哋都好飽所以就叫咗一件share，我哋揀咗牛奶焦糖芝士蛋糕。都幾甜下，冇咩特別。所以四個人一件就差唔多啦。下次都未必會再嚟幫襯，因為實在要排太耐了。而且食物都沒有什麼特別。…查看更多

今日同朋友去完尖沙咀，就諗住喺附近搵嘢食。大家都唔想食啲太heavy嘅嘢，所以我哋就搵左呢間日本野啦。餐廳喺佐敦，係需要上一層樓的，上到去有卡位，都幾闊落。見到好多嘢都好想食，所以我同有人就叫左幾樣野黎share。一見到廚師推介呢個蟹蓋，已經覺得好吸引。佢係配咗左一個壽司飯，仲有紫菜，配埋蟹肉同埋蟹膏食好正，又唔會太heavy。😍😍我哋仲叫咗一客火炙和牛壽司，個壽司真係好正，個牛係入口即溶，加埋啲聰好香口。食日本野當然唔少得刺身，我哋叫咗呢一個有帶子，三文魚，油甘魚😍帶子好鮮甜！😊三文魚嘅厚薄都切得剛剛好!見到呢啲咁香口嘅小食，又忍唔住叫咗一個炸魷魚鬚。配埋BB沙律醬，簡直係Perfect match。🥰魷魚鬚炸得好香脆！由於我哋好肚餓，仲叫咗一個海膽海鮮炒飯share。呢個炒飯真係超足料，有好多海鮮仲有菇,同埋三文魚子等等。仲有日本珍珠米炒出嚟嘅飯真係分開一粒粒，唔會黐埋一舊。很不錯。🤩飲品方面，我點了芒果活乳酸，朋友點了荔枝香桃梳打～～ 夏日炎炎，都幾refreshing!!🤗🤗總括來講，呢間餐廳嘅食物水準都幾高，而且上菜嘅速度都幾快。有機會會再來食。…查看更多

喺土瓜灣探佢朋友，就一齊食埋晚飯先返屋企。我同朋友都好鍾意食米線，但係出面嘅米線味精都比較多，朋友就話呢一間米線個湯底感覺上好似冇咁重味精。所以我哋就一齊去食啦。我哋大約六點幾鐘去到餐廳，冇乜人，得一台客食緊，我哋坐低左之後睇完餐牌，侍應就過嚟落單.但呢位侍應姐姐嘅態度都幾差，講嘢又好lur ，我哋一路落單佢一路行開，好似唔想做生意咁。我哋叫咗一個涼拌皮蛋同青瓜，佢問我地要咩汁，我哋唔知有得揀問佢有咩揀，佢講得超lurrrr完全聽唔到。問多一次佢就已經黑面😱😱另外我叫了一個魚腐米線，朋友叫了豬頸肉米線。整體來說，米線嘅湯底是不錯的，好像沒有其他米線那麼重口味，魚腐也跟出面的不同。這個青瓜皮蛋，我們選了馬勒醬汁，我們要了小辣也挺辣的，但是很惹味。…查看更多

天氣涼涼地，就好想食打邊爐啊雞煲之類的東西，今天跟有人約了一起去太子吃米走雞。上次在長沙灣吃過，感覺不錯。一坐下，店員就拿了配料讓我們調醬料。我們一行四人，點了一個芝士雞煲，我們點了小的因為怕吃不完。上次在長沙灣吃了的是麻辣雞煲，今次試芝士的，很適合吃不了辣的人。不過我更喜歡麻辣雞煲的重口味。雞煲內的雞肉依舊是大大嚿，而且啖啖肉。吃完雞煲之後我們就開始打邊爐了，可以選擇清湯或者芝士湯，我們選了清湯，因為怕只是湯會太漏。我們點了很多配料，例如打邊爐必點的響鈴， 肯定超大舊，吃一舊已經很夠，而且是新鮮炸好的。我們還點了牛柏葉，蝦滑等等，蝦滑很滑，有很多蝦肉，十分足料。打邊爐當然不少得牛肉，我們點了這個牛肉有少少脂肪，但不太肥，很不錯！還有我吃台式火鍋最喜歡的蜂巢豆腐，蜂巢豆腐吸了湯之後，味道很濃郁。當然也不少得要吃點蔬菜，我們點了金菇和菜苗。好像少一點罪惡感。整體來說，打邊爐的配料都很新鮮，而且每碟嘅份量都很大。很適合大夥兒來吃。…查看更多

每次想食台式火鍋，都會來養心殿，已經來過幾次了～今天即興跟朋友約了晚餐吃火鍋，見到旺角新開了一間，就book了😛坐下後先選湯底，我們選了養心鍋和麻辣鍋～麻辣鍋是每次來必吃的，養生鍋入面有雞肉豬肉和魚，還有天麻、當歸等等的藥材😛好像很養生感覺上沒有那麼罪惡😂配料方面，我們叫了雪花肥牛，也是打邊爐必備.我們還叫了黑松露蝦丸，這個上次吃完已經覺得很不錯，有濃郁的黑松露香味☺️今次還吃了麻辣牛肉餃~~ 配在麻辣鍋裏真的很惹味！🌶🌶由於我們只有兩個人吃，所以沒有叫很多，我們還叫了QQ份share， QQ粉配麻辣湯真的很正！但叫一個生菜吃🥗叫麻辣鍋還可以追加1分鴨血，質地很像啫喱，口感也不錯🥰飲品方面，我們叫了沖繩黑糖烏梅汁，用這個解辣挺好😂吃完火鍋，還有甜品榴槤雪糕，很好吃！…查看更多

中午同朋友來了富臨飲茶，由於人很多都預咗要搭枱～我哋都冇乜所謂🙂叫了蝦餃,燒賣, 炸雲吞、一碟菜還有一個魚香茄子炆米🍆食物嘅質素麻麻地，但嚟到都係熱辣辣，所以都覺得還可以~~但因為我同友人都覺得茄子炆米冇乜味，所以就想叫員工幫我地攞辣椒醬🤔點知叫咗好多次不同嘅員工, 佢哋完全無視我哋😱有啲仲明明見到你舉手，但扮睇唔到行開😓😓可能佢哋真係好忙，但這樣的態度真的有點離譜...最後連同枱的其他客人，都說為什麼想叫辣椒醬都咁難😧😧不會再來…查看更多

咁啱喺荔枝角呢邊開完會，諗住搵個地方坐一坐。就op咗呢間，好文青風～而且平日冇乜人～得幾枱。靜靜地幾好。由於lunch食到好full～只係叫了咖啡😛我叫了Rose latte, 友人叫了hazelnut latte😊我個杯幾好，有甜甜的味道同玫瑰香味…查看更多

之前系IG見到人地d相好吸引，今日終於book咗黎食晚餐~~7點幾去到已經有好多人排隊! 好彩等一陣就有位🙂已經急不及待要叫野食啦！食台灣野一定要叫鹽酥雞😍有兩種醬～黑松露醬好香！我鐘意柚子醬多d！少少酸酸地好開胃🤤兩只醬都好match！個雞都炸得好松脆！仲叫咗個蒜香台灣腸😋上面系有一片片嘅炸蒜，仲有甜甜地既蜜糖。同友人食到停唔到口😋呢個四寶牛肉面有牛腩，牛肚，牛筋同牛𦟌⋯勁足料！面質系台灣拉麵，口感幾好👍🏻個湯底都幾濃郁！呢個鹵水雞翼都鹵得啱啱好，好有台灣嘅味道☺️野飲我就揀咗個芋泥牛乳冰～飲落真系淡淡芋泥🤗朋友叫咗呢個珍珠奶茶，外形好得意！見到d cocktail好特別😍mix咗唔同既茶，下次要試下🤩最後！系我期待已久的麻糬！🤤雖然好飽但都要食！😛我地揀咗花生味🥜個麻糬好煙韌，個口感好得意好好咬😋好完滿嘅一個晚餐🤤…查看更多

約了友人去尖沙咀tea,喺the one見到呢間西餐，就被佢個法式crepes吸引咗🍽雖然係tea，但其實我地都未食lunch～所以就叫個pasta share 先🍝我地揀咗蕃茄蟹肉扁意粉～入面有蒜同洋蔥，蕃茄汁好開胃🤩而且扁意粉質地煮得剛好！見到呢間餐廳好出名法式蕎麥薄餅，我地就叫咗個黎試下! 本身以為呢d薄餅會適合當甜品多d,點知食落十分有驚喜😍同朋友都覺得好好食！煙三文魚+菠菜☺️配埋香草醬，成件事勁match！呢個好啱鐘意輕食嘅當lunch～最後都係唔夠喉.要食埋dessert先！😋可麗餅好多選擇！我地揀咗玉桂蘋果+雲呢嗱雪糕+海鹽焦糖味😍個海鹽焦糖sauce好正😍😍一點都唔會漏/太甜。玉桂蘋果煮到好淋，好入味🤤食完呢個甜品，真係大滿足😋😋…查看更多

又係講咗好耐，終於去食嘅文記車仔麵！同男友特登揸車過黎食😛一去到見到出面好多人等緊～好彩大約15-20分鐘就有位。都唔算耐！我叫咗招牌麻辣魷魚、蘿蔔同埋陳皮魚蛋。😋😋揀咗腩汁同小辣～未將d辣醬撈落湯底、已經好夠辣！可能因為個魷魚@@陳皮魚蛋好彈牙！又夠入味～呢個男友叫的～仲叫了一份瑞士雞翼share..都唔錯！中和返個麵太辣😂野飲都幾大杯，跟餐只加$9-10都ok! 我呢杯係蜂蜜雪梨茶🍐🍐有少少太甜～…查看更多

情人節晚上，男朋友帶咗我去尖沙咀厚福街呢間火鍋店打邊爐🥰我地book了 7點， 去到已經坐滿哂人了～店員先俾我地調好配料同醬汁🙂我地一心諗住來試下個9宮格麻辣火鍋！🤩只需要諗食咩就得啦🤗個鍋黎啦！呢個鍋既特色係佢會有隻熊仔～鵰得好靚好精緻☺️☺️但係都要將佢浸落鍋度😂😂炸魚皮。唔係太脆！有d硬得濟🥺黑牛柏葉配麻辣鍋又幾正喎！牛肉我地叫咗兩種～肥牛同安格斯牛！兩種都好食。但我就鐘意肥牛多d肉質淋d軟d☺️唯一叫錯咗嘅係生菜。。食麻辣鍋真係唔可以食菜😂吸哂d油D丸都幾好，冇咩特別～個鍋我地叫左小辣都辣都癲咗😂要係咁叫野飲解辣🥺建議唔食得辣嘅就唔好試啦🙂…查看更多

去呢間食set lunch. 同友人都覺得幾好食～Lunch hour 都幾多人、要排一陣隊先入到去。Menu選擇都幾多，睇到花多眼亂😛我揀左壽司定食配牛肉細烏冬，佢揀咗壽司十貫。前菜有沙律同蒸蛋， 個蒸蛋好滑👍🏻沙律菜都幾fresh.掛住食唔記得影😂友人唔食三文魚子，可以叫師傅轉另一款。轉咩師傅話事：P 轉咗我鐘意嘅芥末八爪魚🐙牛肉烏冬幾好味🥰d烏冬唔會太淋熟蝦壽司麻麻地，太硬了。好似咬唔爛🤭其他就正正常常無咩特別…查看更多

同朋友慕名而來，聽講呢度既沙嗲牛肉係好出名！ 我地大約6點就到，仲未有好多人。叫咗個沙嗲湯底打邊爐，係一個好濃郁好’杰"嘅湯底~仲叫咗頂級牛肉!($298)同其他配料.墨魚丸、響鈴，水魷，水餃等等：）個湯底可能因為杰、要多d時間先滾@@呢個湯底唔太適合食響鈴，因係太濃了😂味道係ok嘅，適合重口味人士😂😂急不及待試下個牛肉！食完同友人都好失望～因爲個牛肉好硬，好似咬唔爛咁🤢 可能肥牛會好食d其他配料都ok，牛栢葉幾好食！值得一讚係支裝可樂好夠冰凍！🥰忍唔住要encore !…查看更多

呢d涼涼地嘅天氣真係特別想打邊爐🤤今日同朋友就去咗荃灣呢間，大約7點已經排哂長龍～勁多人！等咗陣就可以入坐啦。店員仲幫我地order埋湯底。湯底選擇有好多，好多種都好吸引！但我地最後揀咗藥膳湯，好養生咁🤪有兩個醬料station, 好新鮮👍🏻坐低咗就用手機開始落單，好方便😂scan qr code就得！仲可以揀半份，啱哂我呢d想每樣都食下嘅人😛首先叫咗個鴨血同咖哩魚蛋豬皮，食住等d火鍋配料。 之後就開始打邊爐啦～配料有好多選擇，連花膠都有！ 重係大大舊唔會煮熔咗消失咗😂😂我地叫咗好多配料，不得不提呢個蟹棒，勁長勁大條🤤好正仲有呢d打邊爐必叫嘅芋絲，峰巢豆腐，鮮淮山😻鮮淮山打邊爐好正呀，浸淋d好好食！仲好有益添。見到黑松露抗拒唔到，呢個松露墨魚滑聞落已經好香，仲好彈牙😌全部菜都分好哂係雪櫃自己拎。飲品既選擇都好多下！是日海鮮係硯🤩芝士獅子狗幾好味食咗個零鐘已經勁飽～ 兩個小時內埋單有95折架！兩個人食咗300幾蚊，好抵呀🤩…查看更多