3sis.foodie的个人专页

同朋友兩個人食飯，叫左碗牛根腩雲吞竹昇麵，雲吞有四粒同牛根腩份量都足，湯底鮮甜，竹昇麵都好煙靭，有咬口，但麵的份量偏少，胃口大啲嘅人可能唔夠飽。友人叫左溫泉蛋石鍋乾炒牛河，河粉好淋身，無咩鑊氣，而且牛肉得4-5塊左右，上面加左隻溫泉蛋令到個河粉再滑身啲，多左陣蛋味，但同時都令到碗麵更加膩，友人食唔曬就停左手。另外，佢成個餐都偏貴大概70-100蚊，一個主食配一邊野飲，要讚佢野飲種類好多，我叫左薑檸蜜，友人叫左南北杏雪耳糖水，但整體黎講都係有啲啲貴😮‍💨想食竹昇麵可以試試，但乾炒牛河就不了。 …查看更多

係大圍圍方搵左呢個叫倆伴嘅台灣菜食lunch，叫左份花鵰醉雞卷配台灣湯麵，花鵰醉雞卷有啲乾，食落去質感有啲柴柴地，接近雞胸口感？唔知係雪得太凍定點，花雕酒味道都唔濃，唔太好食。個湯麵加左啲台灣酸菜，令到成個湯都多左一陣酸味，但因為本身湯底唔濃，所以酸味仲強過咸味，麵條都比較淋身一啲，無咩口感。但餐飲杯桂圓紅棗茶幾好味👍餐廳服務都幾好，但食物質素有待改善🥲。…查看更多

同朋友行維園，搵到附近呢一間榮記粉麵，六點幾去到已經大排長龍。我叫咗碗車仔麵，得一種湯（佢會自己加腩汁俾你），湯底濃味得來唔會死咸。配料有豬頸肉、豬紅、蘿蔔、牛筋，蘿蔔超清甜冇渣，牛筋都炆到好淋同入味，豬頸肉普普通通，冇話好突出，豬紅麻麻哋，偏淋。最特別係佢嘅配菜係菠菜，唔係平時嘅生菜🥬，好吸湯好味！ 如果經過可以去試吓食😋…查看更多

喺車公廟站附近嘅一個街坊餐廳，天氣好凍，所以叫咗個一人羊腩煲，蝦醬通菜炒牛肉，同埋咕嚕肉，三個人share🤣✨一人羊腩煲羊腩炆得幾淋，份量唔算超多，不過一個人食嘅話都算足夠，入面會有腐竹、冬菇、馬蹄、筍同埋粟米，都幾入味，另外仲會附送生菜，整體嚟講，如果一個人想食羊腩煲，算係唔錯嘅選擇。✨蝦醬通菜炒牛肉外面食嘅菜真係特別好味，可能因為比較多油🫢，食通菜會好明顯食到好香嘅蝦醬同埋姜絲味👍🏼✨咕嚕肉正常發揮嘅咕嚕肉，不過不失。夜晚食飯時間好多人，侍應明顯不足，明明有空位，但係都未有人安排入座，淨係叫人喺出面排隊🫣呢一方面有改善空間…查看更多

叫左款抹茶同另一款茶味雪糕，忘記咗另一款茶味嘅味道，但茶味一啲都唔出，得啲甜味，有好多夏威夷果仁。而抹茶味嘅雪糕會食到紅豆味，不過佢係冇紅豆喺入邊😂😂原本以為茶味會好香濃，點知剩係得啲死甜味，有啲失望，CP值低😢😢…查看更多

同同事收工聚餐，平日7:00入去唔洗等位。職員服務態度幾好，上菜都好快，但食物質素就麻麻地。📌李白醉雞 普普通通，唔算入味，份量小🥲📌上海生煎包肉同肉汁都好小，個包皮較厚，個底都唔夠脆，有啲失望🥲🥲📌蘿蔔絲酥餅蘿蔔絲夠多，酥餅都好酥脆，依個算比較好食😂📌雪菜鹹肉炒年糕得啲鹹肉有味，炒年糕本身係無乜味。賣相同味道都普普📌風味沙拉排骨排骨好大條，炸得好鬆脆，加埋啲沙律醬，好配，十分好味👍🏻👍🏻📌特色皇朝小籠包（8色）、招牌小籠包湯汁唔多，皮都係較厚，放左一陣凍左簡直難以入口😂😂要襯熱食都仲可以，普通，無話好出色。📌上海炒飯粒粒分明，普通好食炒飯甜品係你寫左好評比佢就送比你食，一個好評一份甜品，完全唔洗錢📌香煎豆沙鍋餅好味，滿滿豆沙，皮薄餡多，值得一食📌桂花酒釀丸子啲糖水酸酸地，食左一啖就唔想食😓📌宮廷驢打滾豆香餡甜，入口軟糯，好味既傳統小食📌雷沙湯丸芝麻好濃郁，我本身麻麻地芝麻，但朋友話好香口，好食整體唔貴，食左好多野，因為佢送左好多😂但味道就普通，凍得好快，唔會再食。但可以坐好耐都無人趕走，吹水地方。…查看更多

同朋友出石門做yoga，做之前就係石門搵野睇，睇openrice見到依間湯餃店，感覺食完會好暖，就揀左依間。我叫左個傳統四拼，每款有2粒，每粒都超大粒，同有好多餡，個人覺得椰菜豬肉餃係最好食！😈我又想食下米線，所以就再加多十蚊，米線唔會煮得太淋，都ok，不過就冇咩味。唯一有啲失望就係個湯😢，味道有啲淡，只係飲到啲蘿蔔味，唔係好飲得出佢係花膠雞湯🫣如果係想飲湯而食，就唔係好值得。…查看更多

今日喺尖沙咀同朋友行街行到攰，入咗間餅鋪食巴克斯芝士蛋糕。有好多唔同口味嘅巴斯克蛋糕揀，有開心果味、抹茶味、tiramisu 味，最尾揀咗個抹茶味試試。第一啖食落去好驚喜！蛋糕上面有一層好濃芝士味嘅忌廉，口感好順滑，又唔會太漏。忌廉連埋蛋糕一齊食，口感濕潤，又有一陣陣抹茶香味，同時又唔會蓋過芝士味。成個蛋糕唔會太甜，仲有巴斯克蛋糕獨有嘅焦香味，整體嚟講都好好食！成間店舖坐嘅位置唔多，得兩張枱，主要係賣唔同款式嘅蛋糕同烘焙產品。如果咁啱有位就所以好適合同朋友坐低靜靜地，嘆個靚蛋糕🍰😋…查看更多

今日放工同細妹一齊去大圍食晚餐，星期二8:00左右到達，唔使等位，可以直入餐廳✌🏽鋪頭唔大，但都算坐得舒服。店員見我有好多嘢拎住都主動拎個籃俾我放嘢👍🏻👍🏻📌聖巴東酸辣鳳爪 $58做前菜超級開胃，又夠香又夠辣，份量都多，下次黎會再叫！！📌青咖喱雞 $78+白飯$10+烤餅$15個咖喱好香椰奶味同香茅味，唔算辣，送飯一流🍚個雞就好淋，都有8舊左右，仲有小小配菜，份量足。📌冬陰功湯麵 （金邊粉） $68個擺盤用蝦切咗個心形❤️個湯底都係偏重椰香味，酸辣味就唔係咁出。魷魚同個蝦都彈牙，整體都OK。📌青檸梳打及荔枝梳打 $26/26飲品就普普通通，啊妹杯荔枝梳打第一次嚟嘅時候冇比到荔枝😂😂同職員講咗就補加返🫢…查看更多

午時邊爐放題😝叫左潮汕湯同冬陰功湯（鴛鴦鍋要加$50）兩種湯底都唔錯，但我們比較喜歡潮汕湯，裡面有大地魚、蝦米、鹹菜、豆卜和冬菇等湯料，幾鮮甜。豆卜吸收了魚湯的味道，非常入味。另外我們還選擇了罕見的冬陰功湯底，酸酸辣辣，非常開胃，特別適合搭配蔬菜享用！😈C餐的肉類選擇很多，有豬肉、牛肉、羊肉和雞肉！牛肉方面有美國安格斯牛肉、封門柳、手切牛脊肉、牛舌和牛板腱等等😬牛肉的質量普遍不錯，非常新鮮。朋友最鍾意食安格斯牛肉和封門柳，肉味香濃，油脂分布均勻！而我就覺得手切牛脊肉好唔錯，好滑好軟身，一定要試🤪除左肉，都仲有好多配料，基本上你諗到嘅，佢都有😋…查看更多

每次嚟食，都係食檳城福建蝦麵，真係冇得輸，佢個湯底好重蝦味，好適合我依啲重口味既人，麵入面仲有好多配料，有3隻蝦、魚皮頭、豆卜、少量通菜。麵我就揀左滲滲，咁就又可以食米粉又可以食油麵🤣🤣值得一試😜…查看更多

同朋友慶祝生日，見到網上有人推薦呢間牛魔燒烤店，網上食評又唔錯就決定試吓，一食發現中伏。✨梅酒蕃茄呢度小菜算比較好食，蕃茄清甜開胃，下面有一啲梅酒味嘅果凍，口味清新做前菜唔錯。✨芝士吉列雞髀肉卷味道普通，吉列雞比較乾身，冇咩肉汁，飯都好乾，上面嘅芝士幾香，但整體黎個成個飯卷都係乾乾地✨和牛他他呢度拌左蛋黃、松露醬同蘋果絲，口感幾豐富，但本身生牛肉唔會好濃牛肉味，好依靠醬汁影響成就餸嘅味道。但松露味唔出，反而好大陣牛肉汁嘅味道（韓國牌子果個），有啲蓋過咗蛋黃同松露醬嘅味道。味道中規中矩✨牛舌拼盤本身想嚟食呢個燒肉係因為見到YouTube promotion 入面嘅牛舌好厚，份量好足。上菜牛舌份量仲係好足，但全部都比較薄身（同網上睇有落差） 燒肉時都要多啲技巧，如果唔係好容易熟得濟。✨牛板鍵好普通，油脂香味唔重，肉味都唔算好濃🥲✨豚肉 都係好普通🥲✨封門柳 味道最好，肉質比較軟。但肉上面有好多蒜蓉，而店舖嘅爐火好猛，基本上一放上去燒，反面蒜蓉就會燶+痴住個爐地，但肉又未熟，令到燒好嘅肉都會有就焦焦地嘅味道🥲🤖其他補充餐廳座位係到住廚師枱，但唔會有人幫你燒肉，純粹坐喺廚師枱前面，兩個人食都要打橫坐，唔係好舒服。店員亦都唔會主動同你介紹菜品/燒肉嘅烤法，對於一大舊嘅封門柳點燒比較好係唔會有指示，需要主動問店員，上菜速度快，食完又好快收走啲碗碟，唔係坐左好耐。因為想慶祝生日+睇完網上段推薦，抱咗好大期望先黎食呢間燒肉，但整體而言食物質素唔係好對得住個價錢，640蚊兩個人未計加一，想要飲品要另外加購。總結：差唔多價錢，我會果斷揀其他燒肉店/牛角放題。🥲…查看更多

經過見到幾多人食，就決定揀佢做我既晏就，佢個menu會有一系列既Brunch Set，包餐湯同主食。當日既餐湯係番茄羅勒湯，湯上灑有芝士和羅勒香料，飲落覺得都幾酸，覺得一般般，唔係個個人都接受到🫣主食叫左班尼迪克蛋配煙三文魚，切開左之後蛋黃汁會流出嚟，搭配上煙三文魚、牛油果、荷蘭醬汁和麵包，都幾特別，好適合做早午餐。另外，會有烤薯粒做配菜，依個係我覺得成餐最好食既😂😂真係烤得好唔錯…查看更多

至極雞白湯拉麵🍜第一次食雞熬嘅湯拉麵，味道好濃郁，濃雞味得黎又冇一般嘅豚骨湯底咁滯，可以飲好多啖。但雞肉就普通少少，質地似好嫩嘅雞胸肉，冇好多調味，有少少黑胡椒同檸檬味🤏，如果冇咁鍾意食濃味野嘅人就好適合試試👍麵底揀左捲曲面，煙靭有蛋味得黎，都幾吸湯汁。配料有混合蔥、糖心蛋、炸蓮藕片，味道都正常發揮。 如果想食拉麵，但想要個冇咁邪惡嘅選擇，可以一試。另外，朋友叫左碗檸檬雞白湯拉麵🍜，試咗一啖湯頭，覺得呢除咗有檸檬香味，仲多左陣檸檬皮嘅澀味，個人唔太鍾意，想試嘅人要留意啦。…查看更多

一入餐廳已經好有聖誕氣氛，成個餐廳嘅佈置都好用心👍🏻因為book咗枱嘅關係，餐廳都留咗最靚嘅圓形卡位俾我哋✌🏽📌香茅雞翼 鹹蛋黃味（半份） $78炸得好香脆，鹹蛋黃鋪喺雞翼上面，一齊入口時鹹蛋黃味會好出📌椰香蕃茄冬陰功炒意大利粉 $132一上枱已經聞到好香嘅冬陰功味，意粉偏硬身，味道食落去有少少辣，有啲蝦,菇,椒做配菜，配菜分量唔算好多，整體都ok📌人人都嗌的啖啖蟹肉擔擔飯 $158擔擔面變咗擔擔飯嘅感覺好新奇，成個飯係濕濕地，用意大利飯，整體唔算好重花生味，加左有好多蟹肉同蟹籽，口感好豐富。📌斑斕椰椰雪冰 $56飲落去似越南椰子咖啡，另外有舊斑斕味雪糕，好好飲。不過唔可以一次過倒晒啲咖啡落去，要一邊飲一邊加，唔係會好易倒瀉晒😂📌芒果糯米蛋糕 $82芒果糯米飯外面用奶凍包住，旁邊有啲芒果汁，味道唔會好漏，好食！如果朋友生日，可以請職員幫手加字！星期六下午去，一點坐到五點都冇人趕你走，可以慢慢吹水😬…查看更多