小呆_tung的个人专页

見都有唔少人推介呢間日式小店，就黎食個午餐啦叫左個鯖魚午餐$55，包沙律麵豉湯但黎到條魚有啲細 同埋比較薄唔係好夠送飯 要細啖細啖咁食🥲食落都係普普通通，唔算燒得脆…附送嘅醬油亦唔算好夾😅飯就應該唔係全碗珍珠米喇…個餐附有沙律嘅芝麻醬都好少…可能其他餐如雞扒豬扒會好啲…？都可以比多次機會嘅🥲係店鋪環境幾舒服嘅，播住日文歌，以木系布置，枱與枱之間有隔開，同埋係黃店…查看更多

晚市禁堂食，就揀左呢間買黎去觀塘海濱食～Openrice見到外賣自取一人餐 $56，包5件無骨炸雞、韓式粉面、魚糕湯。我揀左「無骨黃飛紅炸雞」+ 弘大韓式意粉。個炸雞甜甜辣辣咁，少少脆咁，意粉係creamy少少辣咁，幾開胃朋友揀左芝士炸雞+炸醬麵，炸雞冇咩芝士感覺，反而有啲似蜜糖，唔知係咪比錯咗🤣 但係味道都OK。炸醬麵甜甜地，係拉麵質感魚糕湯就鹹咗少少，普普通通啦，入面有三片魚糕。見到店鋪入面果個應該係韓國廚師，作為外賣都唔太貴嘅韓國野都幾好👍🏻 有機會會再幫趁😋…查看更多

疫情前最後一次旅行就係去西班牙，今次特登搵香港嘅西班牙餐廳。搵到中環呢間Ole Spanish Restaurant，聽講係已經屹立香港多年嘅西班牙餐廳，果然質素真係好好👍🏻 不過要有心理準備，行去餐廳嘅位置需要行一段仔斜路🤣 餐廳嘅環境好有西班牙傅統風味🇪🇸我地兩人1:30pm黎食3 course set lunch ($268 per head)，再額外加咗個Tapas食物如下：➡️西班牙雜薈沙拉➡️傳統5小時牛肉黑毛豬火腿濃雞湯➡️塞哥維亞式烤乳豬➡️火焰燒西班牙乳羊扒➡️西班牙小油條伴巧克力醬➡️傳統西班牙焦糖布甸➡️烤西班牙八爪魚伴甜椒奧利汁 （Tapas, 另加$90）每樣嘢嘅份量都好大，連沙律湯都係，所以食完之後真係捧住個肚走😂 烤乳豬好香脆，羊架幾有碳燒味，兩者比較起黎，乳豬比較好食！而Tapas西班牙八爪魚每粒伴以薄薄嘅薯仔作底，成粒放入口，口感層次幾豐富❤️甜品方面，小油甜炸得好鬆脆，熱辣辣點朱古力醬，朱古力醬又唔會太甜。👍🏻另外，侍應好貼心，見我哋張枱好多碟都會幫我地rearrange碟嘅擺放，令我哋食得更方便，而且好nice！有機會會再黎，食lunch set會抵好多！推介❤️❤️❤️…查看更多

有一次見到裕民坊有間咁chill嘅泰菜，見今次天氣唔錯，就入嚟試吓。特登要求坐對窗外嘅位，一路食一路望住出面嘅花花草草，幾舒服☺️叫左：➡️熱香茅斑蘭茶➡️熱生薑木骨果茶➡️冬陰功海蝦意大利麵➡️東羅泰老滷豬手飯 ➡️泰館冬陰功湯➡️泰式酸辣柚子蝦沙律叫左一個沙律、一個湯、兩個飯麵、兩個茶。味道就普普通通啦，始終唔及一般嘅泰式餐廳。係冬陰功海蝦意大利麵比較特別，豬手都算淋，但冬陰功湯得個咸字。兩個茶浸咗好耐味道都係好淡。😵同埋可能因為對住窗，嘢食比較快凍，所以建議如果天氣太凍就坐返入黎🤣總括嚟講，如果真係想食好味嘅泰國嘢，就唔使黎呢度🥲 但如果想對住窗食嘢放鬆吓，打下卡，呢度都ok嘅🤣…查看更多

前星期諗住去藍田壽司郎，點知去到先見到暫停walk in🥲 唯有轉場去將軍澳magic touch，第一次食呢間，由於係下午茶，所以都有下午茶特價食品。$14中拖羅好麻麻，壽司郎嘅好好多$18三件嘅三文魚普通，同爭鮮一樣質素$36三隻椒鹽鮑魚幾好味，可以一試$34 六件嘅香蔥吞拿魚茸反卷最有驚喜，吞拿魚茸份量好多，而且好滑，呢度必食😋最後兩個人食左$280～ 食滿$100有得抽獎，但經過兩次後，我哋都係唔知個抽獎點玩😅 …查看更多

第一次嘅Omakase就貢獻左比 「花晨月夕」～Lunch有幾個set，我地揀左「15貫壽司+手卷+前菜甜品」嘅omekase moon麵豉湯、沙律、茶碗蒸1. 真鯛2. 帶子3. 伊佐木4. 石垣鯛 - 質感有啲似魷魚，但食到有啲油脂感，幾特別5. 赤貝 - 少少腥6. 深海池魚 （柚皮）7. 金線鯛 - 師傅用火槍微微灼過，幾香8. 甜蝦他他（配紫蘇）9. 三文魚子 - 用特製醬油醃過，而且粒粒飽滿，好味！10. 鯖魚 - 唔錯11. 鰤魚（柚子胡椒）- 幾厚身，跟胡椒烘焙好配合12. 吞拿魚赤身14. 銀鱈魚（黑松露）15. 拖羅16. 海膽 - 好鮮甜，而且份量都幾多吞拿魚蓉手卷海鹽雪糕個人比較鍾意石垣鯛、三文魚子、鯖魚、鰤魚(有柚子胡椒調味)、拖羅、海膽有幾款鯛魚，不過唔係好食得出有咩分別好可惜企我哋前面嘅師傅係負責整送入房嘅壽司，所以唔係好睇到整我哋枱壽司嘅過程，同埋都比較少講野，如果可以講吓每一款係有咩特別就好喇但整體黎講都係唔錯嘅體驗！如果book枱記得要要求坐吧枱…查看更多

難得放假，一個人係藍田行街買左個曲奇脆脆班戟有得揀雪糕，不過老闆娘話最多人揀都係cookie & cream味老闆好nice，仲好貼心比左兩張紙巾驚溶。淨係個賣相，睇到都好幸福食落曲奇味好濃！又唔會太甜…查看更多

今次係第一次黎,大約1點黎到,可能係星期五既關係,現場已有唔少既客人,有好多都係西裝友,好彩我地唔洗等就立即有位我點左60分鐘放題既美國進口牛肉套餐($62),湯底係番茄濃湯店員好快就就送來牛肉+湯底番茄濃湯果然好有番茄味!!牛肉色澤好好,睇落都好新鮮,大約每人5-6片,味道好鮮甜,亦唔韌,好好味!!!外面有幾款配料同埋菜,同埋飲品,軟雪糕~配料有丸,年糕,海帶福袋...etc丸方面,墨魚丸好彈牙亦好有墨魚味!!其他丸都OK,例如芋頭,三文魚子...另外,特別推介鰻魚汁炒飯!!雖然係甜左少少,但好有鰻魚味!!最後,甜品係軟雪糕,有幾款配料比你加既~不過雪糕就較甜由於三人同行一人免費,加一後,每人埋單都只係大約$45,每人都食到好飽,抵!!!總括而言係幾滿意既,因為食物質素非常唔錯,選擇都幾多,醬汁,飲品都有幾幾款,飲品唔只係汽水,仲有三款果汁!服務方面,我認為冇乜問題各種火鍋配料都加得好快,店員會係10分鐘前叫你埋單既,但唔會一夠鐘即刻趕你走…查看更多

我地係半價既時候去既,要早兩星期book,果然係半價既威力 一去到就緊係叫刺身先啦等左唔係好耐就黎,有冰鎮,而且全部幾厚,仲好新鮮!係玻璃蝦冇咩味.白肉拖羅幾肥美!! 但係,熟食就麻麻喇!炒牛肉粒味道怪怪,而且唔熱!!炸蠔,炸雞軟骨都好多粉但天婦羅又唔錯喎!尤其係蝦,幾大條,又小粉!!GOOD!甜品方面,推薦炸朱古力香蕉!幾特別,又唔太甜 服務方面,漏單情況唔嚴重,而且食物黎得幾快,侍應收碟幾快,冇黑臉,讚!整體而言,以半價黎講係好好既,不過就唔會想以原價去再食喇,因為熟食真係麻麻…查看更多

第一次黎茶木食,估唔到咁出名,去到個層去到好多人排緊排左30分鐘,終於到我地喇我就叫左 牛扒肉燥便當,好好味啊!!牛扒幾有牛味,但完全唔韌!!GOOD!!肉燥加埋D肉汁,唔太鹹,但又幾野味但不足就係太細喇個便當!!!完全唔夠喉!!我一個月女仔食都唔係好夠飽...我地仲叫左個 草莓香草蜜糖磚塊賣相幾靚,但三個人分食個時有D麻煩xd味道都唔錯,cream量適中雖然貴左少少(以台式食物黎講),但呢間會再去!!…查看更多

初時見個午餐包沙律,前菜,甜品,飲品都幾抵就試下啦咁我就叫左個魚生飯($62),我媽就叫左鹽燒鯖魚($49)沙律,前菜個D都OK,魚生飯黎到個賣相都唔錯點知愈食愈覺出事...魚生好唔新鮮,尤其係吞拿魚,又梅又苦希靈魚都係,好唔新鮮!食到有D反胃既感覺!結果我真係食唔落啦平時既我係好少會食唔曬D野,但今次真係...至於我媽既鹽燒鯖魚,好腥!! 仲要係幾細條,唔抵!…查看更多

叫左一個卡邦尼意粉...一個可以話係好簡單既意粉(?)個醤個質地唔錯,唔會太乾又唔會太水喎! 不過就唔夠蛋黃味...!!磨菇,煙肉,洋蔥都幾足夠價錢方面,真你幾抵,一個set lunch ,有湯,有飲料,有一個意粉/飯都係$32-38~仲唔洗加一個忌廉湯又幾好味tim !但飲品個味就啖左D~…查看更多

因為book左位,所唔去到唔洗等就入得嚕:-)刺身叫左兩輪刺身,第1次都有冰墊住,但第2次就只有好求其地用碗裝住比我地 ~_~!!!味道方面, 三文魚 赤貝 甜蝦 雕魚 都唔錯希靈魚 吞拿魚 就唔係好得!!希靈魚勁勁勁腥 吞拿魚好梅壽司都OK! 係飯有D散! 花之戀幾好味!!!係有D細舊(不過細舊都有細舊好喎!一口就食曬 熟食唔錯既有 炸蝦天婦羅 ~~~ 好長好條,但又唔太多粉喎!! 真係咁長既蝦! 讚!其他熟食就冇咩特別...得好少款...基本上叫左第一輪都冇咩好叫...仲有叫左個北海道牛乳煱 都幾有牛乳味~但D肉真係好肥肥肥....食到好濟._.!飲品叫了巨峰提子,柚子蜜味道偏淡個巨峰提子,, 仲要係90% 係水咁濟!!! -x-"服務又唔係好差丫~~ 收碟收得幾快!同埋送食物黎都有講係咩黎既~ 黑面都冇咩~ 價錢真係幾平,如果係7:30埋單仲要減20!!姐係$120整體普普通通啦! 講真,真係幾平既...但真係冇咩款~味道亦普通到不能再普通, 冇乜驚喜 (姐係食完之後唔會有某一樣野真係令你留下深印象~!試過一次就好了~ …查看更多

整體黎講到算唔錯!有D野食都幾好味,食物種類多,午市放題幾抵!第1次食日本放題,嘗試左午市放題,大約12點幾去到,由於係閒日,所以唔多客人...先叫左飲品+前菜,叫左"冰紅茶",竟然係罐裝既"康師傅"!-.-　前菜叫左螺肉+中華沙律,全場最差差差真係呢兩樣!!!螺肉- 好多水~中華沙律-有酸縮味...之後就開始叫其他野...三文魚剌身幾好,幾新鮮,脂肪分佈平均,但其他種類既剌身就唔太新鮮喇... 熟食方面,,大部分都唔錯~芝士西蘭花- 有好多芝士係面,好味鐵板牛舌-好香! 好有"牛"味,正!　清酒煮蜆-冇乜酒味,但都OK牛油焗金菇,炸薯角,牛油燒粟米 亦都唔錯既服務態度方面, 有時落單果時係有某D員工黑面咁囉,其他都冇乜野,不過我地食緊途中都見到有一個客人係度嘈話員工既態度唔太好...漏單既情況亦間有出現,平均上菜時間大約15 mins啦　總括而言,大家都食得好飽, 今次既放題感覺良好,加一後$129 .8既價錢都係抵既~…查看更多