sky456的个人专页

將軍澳坑口tkogateway內部大裝修後,吸引了很多新商戶進駐，其中在商場地下原有的街市及郵局部份，大裝修後改建成一個大型美食坊。由於我是日本壽司控，一看見這間日本壽司店開業便打算要來試一下。鮪世壽司！它的裝修很有日本傳統壽司小店的風格，店內座位不多，是板前，深夜食堂的那種風格。店面林林總總的清酒，要不是午飯時間我一定要喝兩杯。陳列出來的食才都看似很新鮮。我點了帆立貝壽司，清甜口感一流。飯量適中。 另劍魚腩壽司魚油十足 加上醬油一流。 再黎一客吞拿魚腩軍艦，保持水準，吞拿魚味濃，加上蔥花剛好清清油賺感。繼續特上海膽壽司... 好鮮好甜！ 正！食完魚生想再試一些火炙的。 鰻魚及鵝肝，鰻魚亦唔錯。 鵝肝賣相已一流，加上燒了一燒外脆內軟，放入口即溶，魔鬼的感覺... 👿👿好啦 食飽飽 呢度除左有熱綠茶供應，仲有一些傳統的日本飲料提供。點了一個波子汽水。 立即覺得自己好有日本感... 汽水上的圖案及字都有70-80年代的日本feel... 總結性價比高，將軍澳區中少見高水準壽司店！ 值得再黎！…查看更多

Goobne 咖哩烤雞好好食呀~ 今次已經第二次來呢一間中環韓式餐廳, 實在太懷念佢嘅烤雞. 上次是自己來試, 可惜一個人食唔得好多, 今次餐廳明顯比上次來嘅時候多左人, 下午兩點半後仍然有人入座, 生意不錯. 一坐低之後, 和友人即刻叫咗個新菜色 "Cheese in the City" 黎食, 入面有4種口味可以選擇, 都是無骨的. 分別係: Red is Sweet (甜辣脆雞), Black & White (黑椒烤雞), Red Blush 火山烤雞) 和 Bees Love Curry (蜜糖咖哩烤雞). 今次叫咗Bees Love Curry , 呢款平時比較少食到. 另外叫咗個韓式雞蛋卷, 配合返少少清淡口味的野食平衡翻. 另外仲叫咗一杯蕎麥茶同蜜糖濟州柑橘茶不消10分鐘, 烤雞就出現了, 咖哩的味道深入烤雞肉內, 伴著芝士的味道, 感覺新鮮和入味. 雞肉白滑又夠嫩, 無骨可以大口大口咁吃, 吃了很多後還是不夠喉, 而且不會覺得油膩和有罪惡感, 感覺健康. 至於飲品方面, 蕎麥茶是解膩佳品, 香氣濃而清, 配稍油的烤雞剛好唷而蜜糖濟州柑橘茶飲落有很香濃的蜜糖味, 甘甘地與甜品很匹配.…查看更多

今晚因為屋企人都去了旅行的緣故, 自己一個人在旺角 shopping 完後便來到油麻地尋找美食. 朋友說之前去過附近有間樓上土耳其餐廳, 覺得食物美味, 可以推薦去品嘗. 由於是已是八點多的時間, 剛好餐廳有位子不用等候. 坐下後侍應都很用心介紹餐廳的食物, 原來這裡的職員都是土耳其人, 因為個人頗為喜歡喝咖啡的關係, 我聽取了店主的提議試試這裡的熱沙土耳其咖啡. 隔了一會兒, 店主居然示意請我在旁觀看他是怎樣的煮土耳其咖啡, 我看見他的拿著器具在熱沙上面煮, 我估計熱沙大概都超過八九十度吧, 煮制了大約4-5分鐘, 煮到咖啡油開始出黎, 就好似差唔多得. 整個過程店主都很友善, 感覺好似是在指導我, 好細心. 他也有介紹說在土耳其當地, 透過煮咖啡時觀察咖啡粉的形狀也是可以用黎占卜用呢~ 當店主煮好咖啡後, 我拿上手, 那個份量似飲espresso, 未飲先聞下佢嘅香味, 唔太濃味, 飲到甘中帶甜味, 嗒落有細滑感, 細意慢慢品嚐都帶來新鮮感, 頗易入口.除了濃香的咖啡外, 我也點了扁豆湯和茄子薯仔小食來開一下胃. 我個人會覺得個湯口感幾豐富, 好多煮溶了的豆香飄出來. 而個茄子薯仔小食就賣相頗為特別, 千萬不要以為是一般的快餐店薯條, 其實入面加咗茄子食落口感好豐富.最後等了大概等了7-10分鐘後, 主菜香草蕃茄羊肉卷配麵都上桌了.分量十分足夠, 羊肉的質感也很新鮮, 而且伴碟的沙律菜都很爽口. 另外, 我覺得餐廳的環境很企理, 職員都很友善, 值得再來一遍~…查看更多

由於很久沒有找女朋友一起晚飯的關係, 今天晚上特地前去同事也讚好的燒魂一燒肉放題試試. 餐廳在尖沙嘴心臟地段, 十分容易前往.餐廳內在環境不錯, 簡潔企理的裝潢.無論是生品或是熟食, 食物的選擇有很多! 我把整本menu翻了一次, 大約有 10 多頁也是食得過的東西.以賣相和用料來說, 價錢十分合理. 體貼的是, 餐廳職員有為我們介紹什麼是最近的熱門食物, 以便節省我們的時間 XD和女朋友一邊喝荔枝紅茶, 一邊看了 menu 一會, 我們大概選了以下的東西:汁燒安格斯骰仔粒 - 牛骰仔粒肉質幼嫩, 沾上芥茉醬汁更惹味. 這個我們 order 了差不多三四次呢.. 哈哈黑毛飛霜空降和牛 - 黑毛霜降和牛牛味濃郁不會很腥，一邊燒的時候看到油香盡溢，一定要一開始便要 order 放入口試試飲勝啤酒雞中翼 - 燒好後皮很脆, 肉則很柔軟. 雞翼尖是我最愛之一, 這裡的很有咬口很脆, 讚.辛辣黑椒雞腿肉 - 雞肉入味滑嫩, 燒完後不會真的太辣, 肉質很有水準哈哈。戀人菠蘿 - 這個燒菠蘿味道不會太酸，反而略帶甜味，又Juice, 很清新。三文魚和吞拿魚刺身 - 都很新鮮, 入口有種爽甜的感覺, 每個部分都很有口感才犀飛利.甜蜜芝麻鮮奶卷 - 這個炸鮮奶卷，外皮同樣香脆，吃落口覺得奶質香滑，比起椰汁糕的質地更為軟熟，很有驚喜.金沙雞軟骨 - 雞軟骨的彈脆感比預期的強, 伴著汽水喝簡直人生一大快事 =)胡麻冷豆腐 - 吃日本菜, 豆腐是其中一個常見的項目, 日本人注重健康嘛, 吃豆腐就是健康之選. 這客胡麻冷豆腐, 質感爽滑, 胡麻醬很香濃.總的來說所有食物都很美味, 份量充足! 我們到了半夜回到家中還在愉快的回憶著這餐飯呀. =)後記: 侍應服務態度很好, 滿足的一餐!! 會再次光顧的一間餐廳.…查看更多

九龍灣真係多餐廳到自己都唔識揀, 晚飯時間又到, 今晚唔知食甚麼, 諗起新開左無耐的龍城冰室, 就和老婆去了食. 餐廳嚮淘大商場附近, 算係幾方便, 不過就成日滿座, 最好預鬆動D時間.一坐低我地就叫了小菜孖寶餐, 事關真係好抵食, $138 任選兩個送, 而且有成 40 樣送可以慢慢揀.於是乎我的就叫左西蘭花炒班片, 同埋沙嗲金菇肥牛煲.首先講講個西蘭花炒班片, 小弟多年很怕魚的腥味, 但是老婆話想食就無計啦. 碟野一上檯, 我對這碟菜的香味沒有抗拒之餘還帶點欣賞. 班片入口肉質是比較實也帶些爽口, 而且不失滑口的感覺，一般街上吃的都是偏散的班片, 但系呢度處理得唔錯，西蘭花亦炒得好翠綠，這道菜實在有驚喜呢！而個沙嗲金菇肥牛煲就系我很愛吃的，所以點了~ 整體來講沙嗲味夠濃，亦帶點花生香，我反而覺得佢可以煮得再"杰"D，金菇索晒沙嗲味用來送飯一流，而肥牛肥膏多也和曬大男人的口味至於粉絲和菜的份量都好多, 而且都幾入味. 果 d透明獻汁亦都可以用來撈飯, 真係超正!食完咁豐富既一餐, 下次一定會再去食下其他野. 另外, 我留意到現場d 座位都不會太擠擁. 員工都幾有禮貌下, 講好多唔該和謝謝之類的 XD.…查看更多

大角咀嘅餐廳越開越多競爭越來越大係依區冇乜特別好快就俾人淘汰在餐廳特別之處就係現場唱歌可以上面書check 下有咩樂隊環境唔錯樓底高聽歌一流不過有樣嘢要留意當有人唱歌嘅時候就唔能夠落單所以最好一早叫野食頭盤叫做九龍城雞翼其實佢係鬼佬水牛城雞翼變奏版加埋辣椒醬就似九龍城風味嘅雞翼之後叫左個龍蒿大蝦意大利粉呢隻香草同海鮮特別夾個意粉唔太淋蝦都幾好食質素屬於中上另外叫咗個牛扒Prime grade 夠淋冇喳有肉汁味道唔錯不過價錢有少少貴如果200頭就超值總括而言 食物中上又有live band 可以一試…查看更多

話說好多時放飯都會落街去利源東街附近買外賣, 最近就發覺開左間叫頹飯的鋪子, 不過每次都係剛好有和同事有其他餐廳要食所以miss左, 今日一個人就立刻落黎試試.呢度午市主打4樣飯, 有午餐肉, 豬, 雞 同埋 牛肉飯; 最緊要係加$2可以有紅豆冰飲, 不過我自己因為不太喜歡lunch 太full所以唔叫lu..今次我叫左香煎去骨雞腿飯配茄汁和跟凍檸茶, 鋪子職員工作好爽手, 眼見我前面有大約4-5張order, 基本上頭尾我都係等左三分鐘就有得攞, 而且隔住個外賣袋都可以感覺得到飯盒的熱力, 唔錯唔錯!返到公司, 打開個飯, 立刻聞到好香既茄汁味, 而且飯都仲係有白煙的. 我用叉子把雞腿分開了可以入口的大小放入口, 雞肉很嫩滑而且也很夠厚, 雞皮煎得也恰到好處, 配埋旁邊的洋蔥片吃一流呀~另外, 佢個飯既大小都好合適我呢D肥佬既食量, 之於杯凍檸茶, 雖然無咩特別, 不過起碼唔會過甜, 好易入口. 我覺得食完之後下午好有 energy 完成埋公司的工作 wor~最後, 要讚讚頹飯的老闆和員工都很有禮貌, 希望中環可以多一兩間呢類小鋪可以選擇啦~…查看更多

無論咩天氣都會好想打邊爐。想試這間馬辣非常耐，任飲任食兩個鐘超抵，見今日平日少啲人，唔使排咁長龍，這晚跟家人特意前來試試看。店內以卡位為住，坐得舒適。自助飲品區係我其中一個飛佛，選擇很多，更有啤酒，汽水等等，還有我最愛的自冲花茶。湯底有多款任君選擇，包括台式麻辣鍋、胡椒豬肚鍋、西紅柿洋葱海皇鍋、馬拉沙爹鍋等。因為有小朋友一齊食，所以就放棄咗麻辣鍋，下次一定要試吓。點菜可以劃單選擇，上菜速度也頗快。其他食材非常多樣化，有不同類型的丸、餃、內臟、菜蔬、麵等等。醬料也選擇多，可自行添加。最推介係呢一個餃子，即場包㗎！當然，還有自助甜品區，無論是熱食或是雪糕等凍食的，都應有盡有。我最鍾意梗係雪糕la~…查看更多

咁岩經過呢頭，見到呢間小廚都好多人幫襯，所以就入嚟試一試。入面環境好整潔，牆壁上掛住一幅幅滿有歷史嘅圖畫，令人坐得很舒適。餐牌啲選擇多到好難選擇。雖然未到冬天但係都好想試一試呢度嗰個金菇沙嗲金菇肥牛煲～呢個簡直係賣飛佛, 去親大排檔都必定會叫~ 粉絲雖然好普通，但是它能吸收一起煮的汁料。今次這個沙爹汁，真是美味無窮。當中的粉絲吸收了沙爹牛肉和金菇的美味，非常惹味，非常回味。飯都食多幾碗呀!牛肉份量好足料，唔算太肥，啱曬我依d食得健康的人。因為一個人食，所以除咗叫咗呢個肥牛鍋同叫咗碗白飯送之外，仲叫咗一個盞炒通菜。份量都好多，真係飽到上心口。如果可以多啲人一齊嚟食，就可以試到更加多唔同嘅美食啦。下次約埋多d好朋友，一齊可以試吓佢個表哥十二道風味😋😋😋…查看更多

今日黎開將軍澳單車公園。同朋友入嚟踩單車。然後見到原來呢度開咗間牧羊少年，於是乎就入嚟試吓佢個Tea set, 都幾底喎$50左右已經有一個小食加嘢飲, 環境好靚好文藝feel, 而且對住窗邊對住窗邊可以睇到出面公園嘅風景, 仲有個池有人玩遙控船，都好舒服。 我哋三個人叫咗三份餐，一個叫咗蜜糖雞翼，一個叫咗黑椒牛柳粒，另外個朋友叫左午餐係芝士汁大蝦意粉。 雞翼都炸得好香脆， 認真製作，入面夠哂熟，唔錯， 最怕雞翼入面唔熟，呢間店合格！牛粒夠諗唔會硬， 黑椒加蜜糖個味道又好岩味喎， 香口！ 芝士意粉大蝦有幾隻好爽口而且果汁調校得好好，又唔會太肥，我哋三個人share呢幾份餐都已經好夠。 另外每個set都有嘢飲，我叫左一杯cappuccino, 奶味好夠同滑， 朋友叫咗杯特飲夏天的尾巴， 消暑一流。 佢杯是日特飲都幾好飲呀。 而且食完之後行出去室外可以喺池邊行下又或者行去單車館入面參觀下亦都係一個好好嘅活動。 總括呢覺得呢間牧羊少年好適合一班朋友或者三五知己黎食野傾計。 仲好多影相位。 情侶黎拍拖都好岩架。下次會再嚟！…查看更多

今次又同一大班朋友慶祝生日轉左而家坐得舒服個環境又靚仲睇埋維港整嘅烤鴨店講下今日嘅重點依隻烤鴨有咩咁特別依隻烤鴨可以三食第一隻就係淨係食烤鴨皮加紅莓醬第二食就係鴨肉加爆炸糖第三式就係好似正常咁可以用薄餅包住烤鴨食佢都有啲特別嘅例如紅莓醬加山楂條話咁樣食冇咁肥膩我奉勸大家第一食不要吃太多因為淨係食烤鴨皮會比較膩第二樣菜色值得推介嘅係椒麻澳洲牛肋條佢呢個牛肋條肉質真係唔錯好淋好入味但係又未至於骨肉分離嘅感覺個牛味真係世界級佢嘅味道唔好俾佢嚇親以為好辣好麻雖然個價錢同一隻烤鴨差唔多但係絕對值得一試如果你叫我推介我覺得牛肋條好食過烤鴨有一樣值得推介嘅竟然係一味叫XO醬炒烏冬佢用嘅烏冬係稻庭烏冬個XO醬同啲烏冬都幾夾依家餐廳值得推介不過如果要食就一定要訂位因為我見到都幾full下如果有朋友生日下次我都會再嚟依間餐廳再試吓其他嘢食…查看更多

一入餐廳已經望到落地玻璃晒風景嘅，原來行到尾仲有outdoor 係向着海景，餐廳環境真係唔錯，仲悉心裝飾，有美式餐廳既感覺。 望下佢個set Menu都好多選擇，可以就咁食沙律吧或者可以加main course,價錢都係executive lunch 嘅價錢啊喺銅鑼灣來講求其搵間西餐廳食個lunch都百幾蚊啦！有咁嘅景再加咁多嘢食我覺得真係OK喎！我同同事兩個人坐咗喺梳化位，一路傾下今日返工嘅嘢之後去攞下野食都。what a great Friday lunch. 好彩我地有一個半鐘半午膳慢慢食呢度既野。salad bar 款式都樣樣有d. 海鮮類，水果，沙律菜，熱凍既pasta 都有唔同款嘅火腿，甜品方面主要就係唔同味道既pudding. 亦有蘋果批。朋友叫埋龍蝦湯，好足料，龍蝦味好濃！正！ 我就叫左一個main course係慢煮三文魚，三文魚腩好林好肥美呀！ 真係入口即溶。 因為慢煮嘅關係，好有食魚生既感覺但係又係熟既，唔怪得係呢度既signature dish! 最後我點左買咗一杯凍嘅朱古力咖啡，咖啡奶好滑，而家既天氣都可以消一消微暑，下次一定要再黎食呀！…查看更多

依間雪糕店每次行過都好想試，但係成日都好多人，所以冇時間黎。今日同朋友終於可以約平日出嚟hi個T。就上咗嚟朗豪坊間Icremia 度食嘢. 我哋見到個日本蜜瓜芭菲deluxe, 即刻就食呢個啦! 因為其實你去超市買真.日本蜜瓜都要百幾二百蚊啦~ 呢度有人開埋俾你仲有個咁好味嘅雪糕喎！ 兩個人share都係＄100乍！唔算貴呀～ 地方環境都幾好，個位置都對住落地玻璃，可以望出面個景！侍應服務好好呀！ 雖然買嘅時候要喺counter買，但係買完攞咗個牌就可以坐係自己搵個位低等佢攞過嚟啦！餐具都好靚有自己自家品牌嘅鐵匙羹！ 餐具同餐盤同杯全部都好靚，好有high tea 感✨✨同朋友一路傾計不下不下個蜜瓜同埋雪糕咁就一個悠然既下午啦～食完係朗豪坊行街睇戲~ 滿足的假期😌😌 見隔離枱有人食緊個朱古力軟雪糕仲有金萡係上面，好吸引呀！但係其實呢個蜜瓜deluxe 芭菲食完已經非常飽啦！兩個人share都好夠啊！所以留返下次等我嚟試吓朱古力雪糕先！😋😋 …查看更多

繼上次喺潮福食蒸氣鍋之後今次再試任食打邊爐雖然依度係酒樓啲服務都唔錯嘅、加湯都加得快今次繼續有乳鴿同海鮮灬個乳鴿幾好食，啲蝦都幾新鮮其實一直對任食火鍋都冇乜期望不過食完今次有對任食火鍋改觀今次最激讚嘅係佢啲牛丸以一個唔食牛丸嘅人來講今次食咗差唔多一打牛丸真係不敢相信啲牛丸仲好食過啲肥牛食得出佢啲牛丸真係新鮮打，用心去做，有淡淡的果皮香啲牛丸又真係用平時d滑牛黎打真係唔講得少，直頭想打包返屋企如果下次再嚟我都一定會淨係食牛丸…查看更多

今日黎開天后食日本野地鐵站出口就到非常方便個格局似居酒屋但係都有唔少嘢食拉麵串燒小食乜都有今次主打拉麵加串燒再加埋杯Suntory 生啤拉麵叫咗個蟹捧拉麵條蟹腳好大條同粗淨係睇個様都已經加分個麵唔算好多但係個味道唔錯湯底都算濃可以一試另外仲買咗啲串燒秋葵上面加左啲木魚絲調味都幾好跟住仲叫咗個雞肉串個雞肉串有隻生雞蛋加埋一齊蛋黃食落有蛋香同滑我仲叫串帶子串燒同菠蘿帶子都okay最後叫咗杯啤酒成個感覺完滿哂…查看更多