xxslws的个人专页

最近終於試咗一間好高質嘅壽喜燒店，真係有驚喜呢度唔係傳統一大鍋自己煮，係由專業廚師哥哥係你面前親自幫你提火慢煮，感覺好似食緊壽喜燒Omakase咁每樣食材都係師父見你食完先慢慢上一樣，節奏啱啱好唔會趕住食咗咁多次，今次終於明白原來關東同關西壽喜燒都好唔同關東style係一鑊熟，所有料一次過落關西就係慢慢逐樣煮，食材可以保持最好味我就叫左個Supreme set 呢個 set不同之處就係刺身多左一款同A5牛西冷Order好後好快便上前菜水雲 酸酸甜甜，超開胃，一食就醒神磯煮鮑魚 肉質好腍，入口即化蟹膏豆腐 上邊既魚子好鮮 蟹膏香味濃郁刺身拼盤帶子非常新鮮 口質爽口 仲好鮮甜油甘魚肉質結實 魚香味濃牡丹蝦大大隻同鮮甜TORO 肥尾之後就係海膽和牛卷⁠和牛卷入面有蔥 減淡咗油膩感 食落好清新茶碗蒸上有鰻魚 口感滑溜同豐富係食緊以上既野中 廚師開始卷野菜準備之後既食材用的第一板係煎牛舌外脆內嫩 加上淡雪鹽同柚子醋 鮮味提升主角A5和牛出場 廚房會問我地想要5成或7成熟咁我地當然選擇左5成第一啖廚師建議我地原味咁食 入口即化 牛香四溢 第二啖點埋蛋食 口感更加嫩滑第三啖加埋飯一齊食 超滿足最後上埋 白蕪菇清湯同 ⁠紫蘇素麵 白蕪菇清湯清甜解膩紫蘇素麵 呢個非常有驚喜 素都係紫蘇味加埋柚子皮 成件事勁清新仲有解膩既效果呢到仲有個加分位可以無限追加釜飯同牛三角 CP值極高！我係⁠OpenRice訂枱仲有八折，抵食！整體嚟講 呢間壽喜燒店無論食材質素、師父手藝、服務同食法都好高分加埋細緻Omakase式體驗，絕對值得一試如果你都鍾意慢慢欣賞食物，好推介嚟感受下…查看更多

同朋友太耐無見，又諗起上年我哋喺日本居酒屋嘅情景所以朋友選擇了來到尖沙咀這一間居酒屋這裏的裝修格局 也很有日本的感覺我哋就先點左前菜蕃茄沙律⁠蕃茄爽脆，口感新鮮⁠醬汁酸甜帶微微辣勁，非常開胃刺身拼盤每款刺身均為厚切，口感更滿足⁠元貝刺身特別鮮甜，入口滑嫩食完前菜 我地就開始點串燒豬肉蒜心卷蒜心爽脆，層次豐富，與豬肉搭配絕佳 燒茄子 ⁠配上麵豉醬，味道甘香，茄子軟嫩入味豚肉串肉香濃郁，油脂分佈豐富只以鹽調味，已經非常美味豬小腸彈牙有嚼勁，油香十足。金聲豚肉即豬腩肉⁠豬腩部位，油脂豐富，肉質軟嫩。雞尾即雞Pat Pat ⁠雞尾部位，雞皮烤至香脆，油脂豐厚柔軟。豬肝入口細嫩，內裡帶點綿密。燒菠蘿表層焦脆，果肉多汁，清新解膩。而這裏的侍應很細心會不停過來睇我哋夠唔夠水 以及收走碟子最重要係 沒有限時坐多久都可以值得再來👍🏻…查看更多

鍾意飲湯嘅，我朋友帶咗我哋呢一間 上湯好有儀式感既紫砂功夫燉湯（雪梨乾響螺湯）湯內除左有響螺 豬肉 雪梨乾 仲有一D菇入口好清甜仲要個底有個candle 燒住保暖，好加分!咕嚕鳳梨黑毛豬肉咕嚕肉外層做得香脆，肉質好腍，好食燒過既鳳梨又甜又JUICY，好搶手淮山雲耳炒百合除左以上幾樣野，內仲有蓮藕 西芹 素菜炒得好爽口味道岩岩好 呢到既裝潢簡潔光猛最要讚既係待應好有禮貌時不時會過黎睇下我地有咩需要呢到係帶長輩黎食飯既好地方…查看更多

好耐無係香港食omakase 喇！朋友今次搵到間1580 有25品既omakase 叫我去試心諗 呢個價錢咁多品好似好抵！上到去 order 完，就先上前菜沖繩水雲 上邊有蟹肉 師父建議撈埋一齊食酸酸地 一個開胃前菜北海道鮟鱇魚肝 底下配紫菜同酸汁 平衡返魚肝既汁煮磯粒貝真鯛魚海膽豆腐卷鯛魚入邊包住豆腐有清清嘅豆腐味，而豆腐嘅質感好細滑鯛魚肉質比較爽 呢個配搭幾特別之後開始上刺身北海道粒貝呢個非常好味肉質好爽口 師傅喺上面加咗少少嘅檸檬皮同Wasabi食落口有檸檬嘅清香同埋Wasabi嘅香食到佢本身嘅鮮味北寄貝上面配咗海苔醬師傅拍一拍個刺身，刺激令到佢肉質更加有彈性 好鮮甜龍蝦刺身中間蝦頭膏 上邊馬糞海膽最上邊係法國嘅魚子醬龍蝦肉爽口 味道清淡馬糞海膽鮮甜縞鰺 我都係第一次聽問師父之下原本係深海池魚的一種肉質比較結實好香魚同魚油味赤背蛋黃醋喺上面我都要信金木鯛 燒過 魚香味更重蟹膏豆腐 上邊有松葉蟹肉 + 德國魚子北海道海老上邊係蝦頭既膏個人覺得食落口好似有浸好香嘅咖啡味長崎縣小長井真蠔食落口先係一陣鮮甜，跟住後尾會慢慢滲出香濃海蠔味鰤魚醬油漬肉質比較腍 加埋柚子胡椒更香真羽太 （其實就係石班）呢個肉質好好‘in in’白見貝 原來即係象拔蚌上面配咗竹炭鹽 鮮甜爽口黑鯥個皮燒過 所更加香上面配咗洋蔥漬燒過嘅魚魚味更加重赤身醬油漬海膽 紫海膽 鮮甜下邊配上紫菜天婦羅 口感更豐富慢煮磯煮鮑 上邊係蟹膏好香蟹膏味金鯛立燒 （呢個我最鍾意）個底係紫菜+高湯煮成既湯底魚鱗係可以一齊食第一啖先食條魚 魚肉好香魚油味魚皮 好脆，好似食緊脆片咁第二啖我哋撈埋高湯煲個湯有清清嘅木魚同埋紫菜味 好清香松葉蟹肉壽司 配左酸醋啫喱トロ　肥美白海膽 底下魚乾 最後蛋布丁 木魚湯 同雪糕做ending…查看更多

呢到係我其中一間好鍾意既順德私房菜每一味都好有佢既特色今次又一大班人食飯，所以推薦佢地黎試試順德煎釀鯪魚呢一個真係好考廚師技巧 先將魚肉切哂出黎再剁成魚槳 加哂調味再釀返入條魚.. 再去煎魚皮略微脆口再加上彈牙既魚肉呢一味 真係我既最愛而每個人都鍾意飲唔同既湯 我就叫左螺頭魚骨湯呢個燉湯 湯底濃郁 仲有鮮味好飲！冰燒雞除雞肉 仲有青瓜 酸菜 炸左既香芋絲口感相當豐富呢到另一個出名既菜式 蝦多士 非常厚又彈牙最重要食落口都唔會覺得好油！梅子醬轆鴨 呢個需要提前預訂梅子醬酸酸甜甜 好入味 而鴨既肉質亦好腍另外，個醬撈埋飯 真係無得輸呢個又係大力推薦既一味最後鬼馬咕嚕肉 舊肉既肉質好腍 而個人覺得特別之處係加埋好脆口既油炸鬼落去 令到成個口感多左！…查看更多

朋友介紹係灣仔有間食蠔既餐廳同價錢CP好高
好朋友生日 就選擇左黎呢到同佢試試黎到緊係要叫佢地既海鮮拼盤拼盤有美國蠔、北海道帶子 、紐西蘭青口 、日式磯煮鮑魚同法國黃金螺 除左美國蠔，我地仲叫左西菲納米比亞同法國蠔試一試
美國蠔 （先食） 味道較鹹啲海水味重 而肉法國口感味道好好，入口味道有點咸但之後變甜
而西菲納米比亞既味道係較清淡璣燒鮑魚 好香酒 肉質好腍而紐西蘭青口 法國螺 北海道帶子亦好鮮呢個拼盤逢星期一夜晚特價$99 ，非常抵食蟹肉牛油果醬黑魚子塔上枱已經覺得好精緻，個塔有三層最上層魚子，中層有蟹肉低層有牛油果配上淡cream估唔到撈埋一齊食·蟹肉味仲出仲好香濃蟹餅炸到好香脆
裡邊啖啖蟹，好正！蠔湯 湯係用蠔打出來既感覺 好白濃又有洋蔥 成個口感好豐富炭燒加拿大豬鞍
豬鞍燒到好香，無overcook 
食落口都Juicy…查看更多

生日, 多謝朋友簡左間咁精緻既餐廳同我慶生多謝朋友簡左間咁精緻嘅餐廳同我慶生當佢帶我去到呢一條街嘅時候，成個感覺已經好浪漫 入到去佢哋嘅裝修都好精緻！而佢哋喺枱上面嘅擺設 d色都襯得好好 （有個放Menu嘅，我完全覺得贏晒 無影到相）又係揀好嘢食之後 好快就上餐包有三款選擇 牛角包 香草包 同脆片我第一款就食咗芝士脆脆 入口暖暖地好香脆嘅芝士味牛角包 口感鬆化好香嘅牛油味 好好食連我平時麻麻哋 既香草包 呢度都焗得好好食忍唔住佢問我要唔要多少少我哋要咗 （真係好食🤤）先有一杯以蕃茄牛油果再加魚子醬既前菜有啲似蕃茄濃湯嘅感 味道比較清新但係上面嘅魚子比較濃味 兩者配埋一齊有兩個唔同層次嘅口感Tataki紫菜包住啲牛上邊有清新嘅果肉牛肉質咁鬆軟再配上果肉 食落口，我覺得感覺比較清新龍蝦湯呢個好推介！ 味道非常濃郁非常好飲黑松露意粉我嚟呢間餐廳最期待嘅其中一環！廚師會喺我哋面前燒好大嚿嘅芝士 之後再將意粉拎落去撈撈完後 會問我哋鍾唔鍾意食黑松露 如果鍾意嘅話佢會俾多啲我哋！而黑松露佢嘅味道唔係好濃 但係清清淡淡 好薄片有少少脆口意粉又好香嘅酒同埋好香濃既芝士味蜆肉意粉呢個我都覺得好出色！蜆肉好新鮮 仲有好香嘅蒜味澳洲嘅鱸魚外皮燒得脆脆肉質嫩滑 都幾鮮味個底度仲有塊意大利飯餅飯 又係好好食最後簡左栗子Tiramisu作成餐飯嘅尾聲味道唔太甜 質感細滑入邊有好多栗子一粒粒好有口感…查看更多

臨近生日 朋友都會悉心咁樣諗吓同我去邊度食吓飯朋友就帶咗我嚟呢一間位於尖沙咀 嘅一間酒吧呢度成個感覺好chill入邊除咗有精美又好飲嘅Cocktail外 呢度嘅串燒都好好食我就叫咗杯geisha story有蘋果Melon檸檬味 杯嘅感覺好清甜好啱一啲唔係好飲濃烈嘅朋友們先黎個蟹肉蟹黃窩夫撻窩夫撻入邊有好香嘅蟹肉 同埋蟹籽 食落口好有口感海膽帆立貝海膽甜甜地 而帆立貝口感好爽 燒豬腩肉 呢個係我覺得好好食嘅其中一款好厚肉 但係唔會燒到過咗龍 皮好脆 啲肉好腍真係好食燒鱔又係我鍾意燒到皮脆 而魚嘅質地好結實好食！紫菜牛海膽手卷呢個又係好好食 個紫菜炸得好脆口入邊包住燒到好香嘅牛肉 牛肉質感好軟身上面再加埋甜甜嘅海成件事好match最後叫咗一個燒菠蘿做甜品燒菠蘿個外層唔會燒到好脆但係超級鮮甜 好食👍🏻.…查看更多

我鍾意食Omakasa原因除左會食到季節性既時令食材唔會知自己會有咩食，睇住師父幫我地準備個份期待
仲有可以同師父互動既氣氛
太耐無食，今次朋友簡左呢鮨 央泰
呢到既裝潢簡潔 感覺舒適
而有 幾款set 比我地選擇 我地就簡左 “ 皇 “

點好餐黎 好快送上前菜前菜三點 有金絲瓜/ 汁煮螺貝/ 香魚甘露煮店員叫我地順序由清到濃味
個人最鍾意汁煮螺貝 好入味 肉類又淋之後就到刺身兩點平政魚 肉質肥美 鏗魚兩食先食原味 味道較鮮
另一塊有火炙過 魚味突出沙錐魚壽司肉質結實 鮮味比較濃
深海池魚
油份豐富，肉質結實北海道軟煮八爪魚
配上wasabi及柚子胡椒八爪魚煮得好淋 醬油已經好入味鹿兒島車海老壽司蝦身爽口池魚壽司個人覺得池魚無深海池魚肉質咁結 但魚油較重，肉質都好肥美海膽有2款唔同既海膽北海道馬糞海膽另一款係白海膽馬糞顏色較橙色 比較鮮味D而白海膽顏色較淡 味道較清甜個人就鍾意馬糞沖繩拖羅壽司今次我地食既TORA係黎自沖繩
油脂豐富 入口溶左咁 又無筋 好好食火炙赤鯥壽魚皮炙燒過，魚油逼左出黎 成件事更加香目光魚一夜干皮脆口，而肉質又唔會overcook 都唔錯醬燒海鰻壽司海鰻配上特製嘅醬汁 肉質比較淋 玉子燒呢個好有驚喜 用蝦肉 鏗魚高湯做成雖然係玉子，但根本蛋糕咁 
赤味噌湯唔會太咸 味道鮮甜最後以一個清甜既白酒煮枇杷配檸檬啫喱作尾聲…查看更多

有個朋友介紹咗好多次由於好少出荔枝角！ 咁啱喺附近做嘢終於有個機會可以上去試一試味道真係幾唔錯 lunch 加唔同價錢可以配搭飲品或者餐湯特飲之類我哋就叫咗牛扒同埋日式吉列豬扒燉咖喱飯配咗個餐湯同埋咖啡咖啡ok! 個餐湯係洋蔥湯初頭朋友叫我加啲黑椒，我話唔使試咗先點知飲咗第一啖好有驚喜 個湯係超級濃郁嘅洋蔥味鹹到啱啱好 仲有好多洋蔥肉 對於一個鍾意食洋蔥嚟講嘅我！簡直覺得不得了 成個湯好有層次 （連朋友飲完之後都覺得好好飲）牛扒五成熟，處理得都唔唔錯，入口好腍有淡淡嘅牛香味日式吉列豬扒燉咖喱飯咖喱飯應該係珍珠米 吉列豬扒都炸得唔錯 外邊都脆 肉都幾腍身最後我哋仲嗌咗個檸檬cheese cake呢個我哋又覺得好正 食落口震震嘅檸檬 但係又唔會過分遮蓋咗芝士嘅味道 好食！呢度仲係pet friendly 可以帶小動物嚟食飯外邊仲有個露天地方 我見到有燒烤爐 我相信係可以包場整體嚟講呢到既食物 價錢唔太貴食物質素水準以 值得再返嚟試吓其他唔同嘅菜式…查看更多

喺日本食完個蟹之後 都係覺得爭少少返到嚟香港拉咗朋友陪我去食多餐蟹成日去銅鑼灣經過都好想試不過咁多年來都冇入過去 今次係個好機會一入到去就見到魚缸入邊一大堆蟹迎接我哋坐低睇餐牌見到佢有個set係同國泰嘅Asia Miles合作$20就有1分 一向儲開miles嘅我 見到咁多嘢食又咁抵就order咗呢一個setOrder 後好快就上沙律櫻花蝦沙律配柚子醋汁 清新嘅沙律配上香口嘅櫻花蝦 再加埋柚子汁酸酸地喺一個開胃嘅前菜前菜三點 有鰻魚青瓜漬海帶 ，呢個我覺得三本之中最平凡嘅一款 但係青瓜海帶，酸酸meimei 令人開胃嘅慢煮紅酒鵝肝 呢個我個人覺得有啲驚喜 平時如果出去食嘅鵝肝多數係煎 咁樣係香口 但係呢一個鵝肝係慢煮 感覺keep到浸鵝肝味 但係好似食緊牛油咁 質感好柔軟 焗田螺上邊有一沙律醬芝士 我最欣賞佢嘅長汁😂又肥又好食刺身四點有松葉蟹腳、吞拿魚、吞拿魚腩同油甘魚所有嘢都新鮮 但我覺得常溫左dddddd 如果有少少凍對我黎講更加好好食再上就係 武士蠔 體積比較細隻 但好厚身 鮮味會重啲譏燒鮑魚 好腍 鮑魚嘅鮮味都好重松葉蟹肉三文魚籽蒸蛋 都係一般嘅蒸蛋 唔會唔好食蒸北海道活毛蟹 肉質好鮮甜 仲要好多肉蟹蓋上邊有滿滿嘅蟹膏 我哋第一口就就咁食味道好濃郁 跟住第二個方法我哋就將佢撈埋落啲蟹肉度食 口感層次更豐富🫶🏻跟住再黎龍蝦尾野菜天婦羅 個人又係好鍾意首先佢炸到唔係好油 炸粉又唔會好厚佢嘅龍蝦肉好口，好有口感 除咗龍蝦好食之外，佢炸嘅蔬菜都好好食而鹿兒島A5薄燒露筍和牛卷呢個我都覺得好好食和牛冇燒過咗龍 好香牛味之餘個質地仲要好腍 露筍吸哂牛肉既汁 正！仲有松葉蟹肉煮飯/松葉蟹肉湯麵俾我哋選擇我就揀咗蟹肉麵 佢嘅外貌已經好精緻 唔係好大份啱好味道我就覺得還可以之後既鯛魚白湯呢個又係令人滿意嘅個湯煲到好濃好白 好有鮮味最後嘅甜點係綠茶布甸由於我麻麻哋綠茶 所以冇乜太大感覺🫶🏻另外好值得一讚呢度嘅服務好好好有禮貌 間唔時過嚟睇吓我哋有咩需要…查看更多

樓上餐廳其實好值得發掘，灣仔呢間出名食牛扒，之前已經食過，今晚再encore環境昏暗有情調，同高級餐廳無誤，午餐同晚餐都有set menu，黎到扒房一定要食牛扒頭盤有凱撒沙律，簡簡單單作前菜是日餐湯係手打香草蕃茄湯，酸酸甜甜非常開胃仲有特製百里香牛油餐包主菜必點係平鐵牛扒，230g份量已經足夠，再配上任食薯條，薯條幼身夠脆，即叫即炸至於美國平鐵牛扒，從中間切開，5熟到是非常準確，內裡肉質嫩紅色，非常滋味烤雞配阿根廷青醬，非常欣賞旁邊自家製的醬汁，味道帶點辣但非常惹味，兩塊雞肉肉質好嫩，配上青醬是另一番風味…查看更多

其中一間我鍾意既天麩羅店🫶🏻佢嘅炸蛋 我覺得好出色 太耐冇食！咁啱又喺灣仔見到呢間 又咁啱差唔多放工時間即刻搵個朋友一齊食去到發現佢哋而家推緊牡蠣海老天丼個蠔除咗一啲腥味都冇 佢炸完之後唔會覺得佢好油仲要咬落去好Juicy 好好食！而呢間最signature既江戶前天丼亦都係我最愛 入邊有一條成隻手咁長嘅天穴（應該係鰻魚）炸完之後 肉質仍然保持到好滑 冇骨 超讚！我哋加咗一隻貴少少嘅蝦我覺得蝦味真係比較重啲 係好食嘅！最重要係佢個雞蛋 炸完之後入邊仲係流心正！店嘅裝修木系為主 簡約舒適仲要位於利東街 唔同節日都會有唔同嘅佈置所以你呢一度 一舉兩得 又可以食好嘢就可以喺出邊打卡😍…查看更多

雖然就嚟返泰國 都好想食泰國菜搵到裕民坊有一間開咗冇耐嘅東來泰館 朋友話幾好食所以去試吓餐廳嘅裝修格局好舒服 最欣賞係有一排窗邊嘅位置 可以見到出邊嘅環境 感覺上冇咁侷促.我哋兩個人嗌左二人餐點好菜之後就上咗冬陰功唔知道大家知唔知道冬陰功有分開清湯同埋加椰汁嘅湯底個人比較鍾意清湯 而東羅正好就係清湯湯底佢嘅湯底應該用咗大蝦殼或者頭去煲 好鮮蝦味最驚喜係有一隻大蝦喺入邊 而且仲要好爽口.個set入邊可以嗌兩個前菜，兩個煮食同兩杯嘢飲前菜方面，我哋叫咗黃金雞翼呢個好好食 好邪惡嘅蛋黃，再加上好脆嘅雞翼🫶🏻而生菜包，感覺上佢冇咁油膩 比較清一啲.主菜嘅燒雞 燒得好香口 而且好入味我同朋友最欣賞咖喱軟殼蟹咖喱椰汁味好重 軟殼蟹油炸到好脆口👍🏻👍🏻👍🏻.而且呢度價錢唔係好貴加上環境幾好唔錯…查看更多

馬仔四季火鍋 - #九龍城一間好想試好耐嘅沙嗲湯底火鍋店🫶🏻個沙嗲湯底好香濃 仲有陣陣花生香味… 煲左好耐都唔係好黐底.公仔麵，掛哂沙嗲湯底嘅精華不得了既！ 同埋我欣賞個湯底唔係好咸 又唔會越食越咸 唔錯！喺配料方面！（我掛住食嘢，唔記得影其他相）老實 牛我唔覺得有啲咩特別 $300（細份）另外，佢嘅配料仲可以雙併！價錢又唔係好貴我哋嗌咗豬潤，鯇魚腩，脆皮腸同埋炸魚皮..我自己就覺得炸魚皮一般，但其他配料都唔錯欣賞！.*口味個個不同…查看更多